وش رايكم تخلونها هالمره بحريه!

[عبيد المقاطي]

السلام عليكم ورحمة الله وبركاته

هذا واحدٍ ( بحار) يسمع بالقصيد والشعار ومطالعهم والمراقيب اللي يرقونها فتهيض وقال :



قال الذي في راس بانوش غنى=وايشير الابيات تشير جيمه
جيمة محبٍ طول ليله يونى=ونين زمرورٍ من اقصى صميمه
صميم جوفه محترق ماتهنى=اقبل على الجيمه وجتبه ظليمه
ظليمة اللي خيطهم ماتثنى=الموج راكد والسواعد سليمه



وش رايكم باهل البحر وقصيدهم!

[ريف النشاما]

شكرا لك ياعبيد على المشاركه

وأهل البحر علومهم طيبه بالحيل

والبحر يأسر الأنسان ويأخذ بلبابه لأنه جزء من الطبيعه التي خلقها الله

وأخوك من عشاق البحر وماحوى

ولا أسفهل إلا إذا جلست على الشاطئ لوحدي ماحولي الدواج

هناك يكون المزاج ميه على ميه

ننتظر نثر درر اهل البحر (المكشاتيه)

[عبيد المقاطي]

الاخ / ريف النشاما
السلام عليكم ورحمة الله وبركاته

اشكر لك مرورك وتعليقك جعلك بعد الي قال :

البحر مالله كتبلي فيه عيشه === جعل رزقي فوق مومية الحبالي