طرمبة البنزين باترول خرباانه ,, هل فيه بديل لها غير حقت الوكاله ؟

[D I K T O O R]

سلام عليكم ورحمه الله وبركاته

مساكم الله بالخير

اخواني عندي الباترول 2000 خربت طرمبة البنزين

لكن السؤال هل فيه طرمبه احسن من حقت الوكاله وتركب بدون ترهيم وخرابيط ؟؟

يعني هل فيه بديل لطرنبة الوكاله ؟؟ وكم السعر ؟


وشكراً

[AL JAWWAL]

اغلب مشاكل طرمبة الباترول في الكتاوت
انا ركبت كتاوت 65 امبير والحمد لله مرتاح
و سمعت ان طرمبة الجيب تركب عليه و كذلك طرمبة اليوكن
هذا اللي اعرفة

[بدوي جنوبي]

ينقل ل

خيمة أعطال السيارات وإصلاحها (http://www.mekshat.com/vb/forumdisplay.php?f=126)

[ابرق نثيل]

اكيد موترك 4500 ويمدحون طرمبة Vxr

[راعي الطلعات]

وعليكم السلام

مسيك بالنور

انا سمعت ونصحة من بعض الزملاء بتركيب طرمبة الفكتوريا والفكسار

لكن ان شاءالله الشباب بالمنتدى ما يقصرون بالمعلومات وما هو افضل واضمن للسياره

بالتوفيق

[ابوسعودد]

سبق اني ركبت طرمبه لسياره امريكيه لكن بالضبط مدري وشي ولكن قيمتها260 او 240 تقريبا

[إبراهيم222]

السلام عليكم
معي سوبر سفار غيرة طرمبته بحقت مرسدس أغلى لكن دفعها أقوى
سعرها 530 عند ورشة التركي في الرياض وشغله 100

[تركي الرماي]

مااقصرو الاخوان

[Nasser-ahah]

الظاهر والله أعلم إنك تقدر ترهم لها طرمبة كابريس لكن ما أدري بالضبط

[بليهان]

على ذمّة المهندس الشيبان ( ركب طرمبة Gmc أو فورد ) المهم أمريكي
أفضل من طرمبة شد البلد
من حيث السعر ارخص بكثييير ومن حيث الجودة لايعلى عليها مقارنة بالوكالة.
وسوف تلاحظ استهلاك البنزين أقل من أول.
وتنسى مشاكل التقطيع ومايترتب عليه
إسأل مجرب

[ابو فهد 2004]

طرمبة الوكالة افضل من الترهيم والدليل انها عشر سنوات تشتغل <-- رأي شخصي

[D I K T O O R]

الله يعطيكم العافيه

بيض الله وجيهكم

خلاص انا ركبت حقت الوكاله بـ 130 ريال

وشكراً لكم

[سوبر VTC]

و عليكم السلام و رحمة الله

طرمبه ب130 :no:
على كهرب ؟؟؟

عموما
طرمبه الباترول م2001 و تحت غبيه جدا و تسبب ضعف عزم و تخرب
عندنا العثيم يركب طرمبه فتك سعره تقريبا ب380 او 340
ناجحه :good:
و نفس قوة طرمبه الفكسار


موفق