قدر الله علي وصدمت / / وطلع الايرباق..دلوني على مكان تصليحها

[السد الغزير]

يا أخوان انا قدر الله علي وطلع الايرباقين حق السواق وحق الراكب ..

وأبي بس أسكر الفتحتين المشقوقات اللي هي حقت الدركسون وحقت الراكب .

اللي يعرف محل يسكر الفتحات أو يضبطها لي يدلني عليه . وأرجو ألا تبخلوا علي بالرد .

[ابو تركي المطيري]

اولا الحمد لله على السلامه وخطاك السوء

تروح للتشاليح تحصل سيارات مقلوبه او مصدومه من الخلف تاخذ الايرباقات منهم حتى لو كان اللون مختلف فيه محلات يصبغون البلاستك ولكن لو وجدت نفس اللون فهو الافضل

لكن لوسكرتهم بدون ماتبدلهم من التشليح راح يبان انك مسكرهم

[السد الغزير]

لاهنت لاهنت ولاعدمناك يابوتركي

والله يسلمك - لكن انا معاد ابي الايرباقات لان طلعتها توجع الرقبة (طبعا بدون حزام)

وهل يبان انها مسكرة يعني واضحة مرة ؟ ؟ والتشاليح ومريت عليها ؟ لكن بخصوص التسكير بدون الاكياس وين المحلات المعنية ؟

[ابو تركي المطيري]

الايرباق لو ركبته من التشليح مايطلع لانك تحتاج لكبسوله تجي عند الصدام وتحتاج للوكاله لتشغيله مره ثانيه واطفاء لمبة الايرباق


نعم تبين انها مسكره بوضوح

[موادع الشرقيه]

عندنا في الدمام محلات الفيابر في الصناعية
يخيطونها لك ويظبطونها ويرجع الديكور زي ماكان

[ملوكي]

فيه بالرياض عدة محلات في كل صناعية يوجد اثنين او ثلاثة

وبعض السيارت مايصير واضح انه مصلح مثل الفورد

[الربع الغالي]

أخوي السد الغزير إذا أنت فالرياض عندك بين طريق العروبة وبين اليورمارشيه
طريق فيه محل فيبرات يضبطه لك إن شاء الله

[السد الغزير]

موادع الشرقية : بيض الله وجهك لكنك في الشرقية والمشوار علي بعييييد

مــلـــوكـــــي : أشكرك على أنك علمتني بس أنت مادليتني على شي معين . لكن أقول تسلم وماقصرت


الربع الغالي : تعال بمسكك ؟؟ يوم تقول محلات الفيابر هل هي تعيد الاكياس ولا بس تسكر الشق ؟ لاني انا مابي اعيد الاكياس محلها . ولك مني خالص شكري وتقديري

[تركي الرماي]

مااقصرو الاخوان

[فهد آلرقآص]

ياخوي الغالي روح الي الوكالة السياره ترا حسلك من جميع الورش صحيح ان سعر غالي بس حاجه مضمونه وتركيب احسن من الورش
mubarak

[الربع الغالي]

أخوي يدخل الأكياس محلها ويسكرها وعلى حسب طلبك تبي تشيلها أو تخليها بس تراها ماتشتغل مرة ثانية إلا إذا صلحتها من عند الوكالة تشتغل
وبالتوفيق يالغالي

[شاهين999]

يالطيب في الصناعية الرياض فيه محلات تضبطها كأنها شد بلد وكأن ما جاها صدمة بس طبعا الارباق ما عاده بشتغل مرة ثانية عند محلات( الفيبر )

أنا صدمت وطلع علي قبل 7 سنوات وضبطوه واللحين أكيد شغلهم أحسن

[MSAHMM]

الحمدلله على السلامه :)

[Ss7]

الله يحقق لك مرادك بأكمل وجه

[السد الغزير]

الله يعطيكم العافية على الردود الحلوة من ناس حلوين . (ضب مسلوخ . الربع الغالي . شاهين999 . و اس اس7)

والله يسلمك ياMSAHMM (http://www.mekshat.com/vb/member.php?u=62627)

[مراسل وراط]

برت بلاس في الصناعية متميزين في ايرجاع الايرباق

[السد الغزير]

أشكر جميع من تعاون معي في إرشادي إلى محلات إرجاع الفيبر .

وبحمد الله تم إصلاح العطل بنجاح .

[saad288]

يااخواني انا عندي نفس المشكله
المشكله الديكور انكسر الراكب مدري كيف اقدر اصلحه ولا

[~EmPeRor~]

الحمدالله على سلامتك وماترى باس

[~EmPeRor~]

يااخواني انا عندي نفس المشكله
المشكله الديكور انكسر الراكب مدري كيف اقدر اصلحه ولا


محلات الفيبر يزبطونه لك

وفية محل تنجيد في السلي يقال له الغاشم يرزعه لك وكالة ولا يبين شي < اذا تبي وصفة راسني على الخاص