مشكلة حيرت صاحبها وعجزت عنها الوكالة ( سفاري 2006 ) !!

[عاشق السيل]

حياكم الله يانشاما مكشات


واحد من ربعي معه سفاري 2006 طلعت له مشكلة في ضغط المكينة من شهر تقريباً

وهي إن الضغط غير مستقر وخاصة إذا كانت السيارة واقفة يبدأ يرتفع وينزل ثم تطفى المكينة !!!!

الرجال ماخلى ورشة إلا وراح لها حتى وكالة نيسان عجزوا عنها بعد الفحص بالكمبيوتر قالوا مافيها شي !!!

أصحاب الخبرة نبي فزعتكم الله لا يهينكم

دلونا على المشكلة أو اسم ورشة مختصة بهالسالفة

ولكم الدعاء وجزيل الشكر

[قرم العيال]

ما يبي له دكتور يالغالي

هذا حساس الهواء او ديلوك مع انه الديلوك احتمال ضعيف جدا

[الوسيطاء]

اخوي رح لورشه التركي الصناعيه القديمه وهو متخصص

[عاشق السيل]

ما يبي له دكتور يالغالي

هذا حساس الهواء او ديلوك مع انه الديلوك احتمال ضعيف جدا


بارك الله فيك أخوي قرم العيال ،، أبقوله يفحصها ويتأكد .....

[عاشق السيل]

اخوي رح لورشه التركي الصناعيه القديمه وهو متخصص

ياليت أخوي الوسيطاء تحدد مكان الورشة أو على الأقل اسم الشارع !!

ولك خالص الشكر والتقدير يالغالي ......

[إبراهيم222]

السلام عليكم
*غير فلتر البنزين
*إذا ما راحت أكيد أنه حساس الهواء إلاإذا كانت المشكله ما تطلع إلا إذا احترت السياره
فإنها الطرمبه وليس حساس الهواء

[shaheenshah]

- حساس الهواء (اذا عزم السيارة متغير)
- وجه الثلاجة يبي له تغيير يهرب الهواء (اذا عزم السيارة مثل اول ما تغير)

[الجبيري1]

السلام عليكم
اخي عاشق مساك الله بالخير وبالنسبة لموضوع خويك بسيط ان شاء الله وسع صدرك ولايسيرخاطرك الاطيب . :)
اذا بتقدر تنزل الشرقية فية كراج تخصصه جيوب خاصة نيـسان وتويوتا بس النيسان اغلب الموجود فيها مكينيكي عفريت يعطيك المشكلة بسرعة وبدون لف ودوران .
اذا تبون اي خدمات من مراسلكم في العاصمة الشرقية (الدمــــــــــــــــام)

[عاشق السيل]

السلام عليكم
*غير فلتر البنزين
*إذا ما راحت أكيد أنه حساس الهواء إلاإذا كانت المشكله ما تطلع إلا إذا احترت السياره
فإنها الطرمبه وليس حساس الهواء

وعليكم السلام ورحمة الله وبركاته ،،

معلومات قيمة وستكون في الحسبان بارك الله فيك وكثر الله من أمثالك أخوي .....

[عاشق السيل]

- حساس الهواء (اذا عزم السيارة متغير)
- وجه الثلاجة يبي له تغيير يهرب الهواء (اذا عزم السيارة مثل اول ما تغير)

وجه الثلاجة هذي اللي ماجت على البال لأن السيارة ماتغير عزمها !!!!

الله يجزاك الجنة ووالديك .....

[عاشق السيل]

السلام عليكم
اخي عاشق مساك الله بالخير وبالنسبة لموضوع خويك بسيط ان شاء الله وسع صدرك ولايسيرخاطرك الاطيب . :)
اذا بتقدر تنزل الشرقية فية كراج تخصصه جيوب خاصة نيـسان وتويوتا بس النيسان اغلب الموجود فيها مكينيكي عفريت يعطيك المشكلة بسرعة وبدون لف ودوران .
اذا تبون اي خدمات من مراسلكم في العاصمة الشرقية (الدمــــــــــــــــام)

وعليكم السلام ورحمة الله وبركاته ،،،

كفو يالذيب كفيت ووفيت وبيض الله وجهك ،، بشوف راعي الموتر إذا له روحة للدمام على طول أرسلك على الخاص بإذن الله تعالى ....

شاكر لك اهتمامك وفزعتك يالغالي ...

[khaled99]

اغلب الظن المشكلة كهرباء...
ياحساس الهواء...او ديلكو...
واحتمال ضعيف لكنه وارد تنسيم وجه الثلاجة

والله يسهل امركم

[MF6]

خله يشيك على حساس الهواء اللي يجي بعد الفلتر..
خله يفصله ويشبكه..
اذا مانفع خله يفصله ويفصل اصبع البطاريه لمدة نص ساعه..
ويجرب..
ورد لنا تكفى...

[تركي الرماي]

مااقصرو الاخوان

[عاشق السيل]

اغلب الظن المشكلة كهرباء...
ياحساس الهواء...او ديلكو...
واحتمال ضعيف لكنه وارد تنسيم وجه الثلاجة

والله يسهل امركم

بيض الله وجهك واحتمالاتك بالحسبان ووصلت صاحب السيارة ....

[عاشق السيل]

خله يشيك على حساس الهواء اللي يجي بعد الفلتر..
خله يفصله ويشبكه..
اذا مانفع خله يفصله ويفصل اصبع البطاريه لمدة نص ساعه..
ويجرب..
ورد لنا تكفى...

الرجال يبي يروح لورشة التركي وإذا ماطلع بشي يبي يسوي طريقتك بإذن الله ،،

الله يعافيك ويكثر من أمثالك وإذا انتهت المشكلة بيجك العلم برسالة خاصة يالنشمي !!!

[عاشق السيل]

مااقصرو الاخوان

يكفي مرورك يالغالي ......

[ترهيم]

غريبه ياخي اعراضه اعراض الحساس بس غريبه تقول راح للوكاله ولورش كثيره ماعرفو مشكلته معروفه النيسان الضغط غير مستقر حساس الهوى .

[هواوي صيد]

لا ناقة لي ولا جمل

ولكن اسعدني وبكل صراحة ما يقدمه

الأعضاء من معلومات والحرص منهم

على تقديم المساعدة

ومضة لأخي عاشق السيل:

أولا اسال الله ان يجد صاحبك حل لهذه المشكلة

ثانيا : آمل ان تضع الحل لهذا العطل في هذا الموضوع
أو يكون موضوع مستقل لعل هناك من عنده
نفس العطل وتعم الفائدة

تقبل مروري

وشكري للجميع

[راعي كيف]

السلام عليكم ورحمة الله وبركاته

اخوي الغالي هذي حصلت معي تدري وش صار اللي حق الهواء صار فيه تنسيم حطيت عليه تيب ( شطرطون ) وضبط اول ماشافه الكهربائي قال الحساس او اللي الهوز

وسلامي للجميع

[شاهي ربيع]

موفق ان شاء الله ، وتحصل اعراض المشكله


اذا لك جيه للقصيم
فيه ورشه اسمها الجربوع كل ابو السيارات اللي فيها نيسان
شاب سعودي متخصص فيهم

[سوبر VTC]

الموتر ما شاء الله جديد


لكن تاكد من وجه الثلاجه + الخرطوش

اذا كان عزم الموتر ضعيف تاكد من ضغط طرمبة البنزين
تاكد من افساش المكينه لا تكون راخيه
عندنا العثيم الكهربائي تخصص نيسان
يغير المنظم حق اللهاة قيمته جديد ب1700
لكن هو يركب حق مكسميما جديد ب300ريال يركب بالملي :good:
ان بغيت رقمه علمن

ورشة التركي ابو صالح بجنب مركز ترايستار بالصناعيه القديمه

موفق

[سوبر VTC]

هذا الحساس او المنظم يمين اللهاة




http://www.mekshat.com/vb/../pix/upload03/images118/mk548_6.jpg



http://www.mekshat.com/vb/../pix/upload02/images77/mk53291_hjphjp2.jpg

[عاشق السيل]

غريبه ياخي اعراضه اعراض الحساس بس غريبه تقول راح للوكاله ولورش كثيره ماعرفو مشكلته معروفه النيسان الضغط غير مستقر حساس الهوى .

والله هذا اللي صار وعلى كلامه !!

شاكر لك المشاركة يالغالي ....

[عاشق السيل]

لا ناقة لي ولا جمل

ولكن اسعدني وبكل صراحة ما يقدمه

الأعضاء من معلومات والحرص منهم

على تقديم المساعدة

ومضة لأخي عاشق السيل:

أولا اسال الله ان يجد صاحبك حل لهذه المشكلة

ثانيا : آمل ان تضع الحل لهذا العطل في هذا الموضوع
أو يكون موضوع مستقل لعل هناك من عنده
نفس العطل وتعم الفائدة

تقبل مروري

وشكري للجميع

الشهادة لله إنها أحلى وأروع مشاركة في الموضوع !!!

كيف مالك ناقة ولا جمل وأنت أبدعت وسطرت أجمل كلام عسى الله يجعله في ميزان حسناتك يالنشمي ،،

ومن ناحية رجال مكشات معروفين على مستوى كبير في عالم النت بشهامتهم وفزعتهم ليس بالكتابة فقط وتقديم المعلومة إلا حتى أنفسهم وأموالهم مقدمة لكل من احتاجها وهذا عن تجارب معهم ،، وليش لا وأنت وشرواك فيهم ؟؟!!!!

أما بالنسبة للمشكلة فعهد علي إني أطرح التفاصيل بنفس الموضوع بعد الانتهاء من تصليحها !!!!

شرفتني وأسعدتني بمرورك الأكثر من رائع يالغالي .....

[عاشق السيل]

السلام عليكم ورحمة الله وبركاته

اخوي الغالي هذي حصلت معي تدري وش صار اللي حق الهواء صار فيه تنسيم حطيت عليه تيب ( شطرطون ) وضبط اول ماشافه الكهربائي قال الحساس او اللي الهوز

وسلامي للجميع

وعليكم السلام ورحمة الله وبركاته ،،،

بيض الله وجهك أخوي وكلامك في الحسبان والحين أبلغ صاحب السيارة وأقوله يتأكد من اللي حق الهواء !!

شاكر لك ومقدر مشاركتك الرائعة يالغالي ....

[سليمان 10]

غير السيفون بأستمرار 000

[عاشق السيل]

موفق ان شاء الله ، وتحصل اعراض المشكله


اذا لك جيه للقصيم
فيه ورشه اسمها الجربوع كل ابو السيارات اللي فيها نيسان
شاب سعودي متخصص فيهم

الله يوفقك ويسدد خطاك على الخير ،،

أنا جياتي كثيرة للقصيم بس راعي السيارة مايعرف اتجاه القصيم وين !!!!!

وإن شاء الله نحلها بالرياض ولك خالص الشكر يالغالي ...

[عاشق السيل]

الموتر ما شاء الله جديد



لكن تاكد من وجه الثلاجه + الخرطوش


اذا كان عزم الموتر ضعيف تاكد من ضغط طرمبة البنزين
تاكد من افساش المكينه لا تكون راخيه
عندنا العثيم الكهربائي تخصص نيسان
يغير المنظم حق اللهاة قيمته جديد ب1700
لكن هو يركب حق مكسميما جديد ب300ريال يركب بالملي :good:
ان بغيت رقمه علمن


ورشة التركي ابو صالح بجنب مركز ترايستار بالصناعيه القديمه


موفق











هذا الحساس او المنظم يمين اللهاة








http://www.mekshat.com/vb/../pix/upload03/images118/mk548_6.jpg




http://www.mekshat.com/vb/../pix/upload02/images77/mk53291_hjphjp2.jpg








خلاص سوبر فتك شرفنا بمروره ومعلوماته اعتبر المشكلة انتهت !!!

ياهلا والله وغلا بالذيب المفقود ،، الله يبارك بمشكلة هالسيارة اللي خلتنا نشوف طلتك يالغالي ،،،

العزم الحمد لله ماتغير على كلام صاحب السيارة والنية لورشة التركي وإن شاء الله تنتهي المشكلة بعد مجهودك الرائع بتقديم الفائدة الله يبيض وجهك دنيا وآخرة .......

[عاشق السيل]

غير السيفون بأستمرار 000

:confused: :confused: :confused:

[صفق الهواء]

[quote=راعي كيف;3303944]السلام عليكم ورحمة الله وبركاته

اخوي الغالي هذي حصلت معي تدري وش صار اللي حق الهواء صار فيه تنسيم حطيت عليه تيب ( شطرطون ) وضبط اول ماشافه الكهربائي قال الحساس او اللي الهوز

كلامك صح

[عاشق السيل]

[quote=راعي كيف;3303944]السلام عليكم ورحمة الله وبركاته

اخوي الغالي هذي حصلت معي تدري وش صار اللي حق الهواء صار فيه تنسيم حطيت عليه تيب ( شطرطون ) وضبط اول ماشافه الكهربائي قال الحساس او اللي الهوز

كلامك صح

إضافة رائعة تشكر عليها يالغالي .....

[راعي شيشان]

يا مرحبا فيك اخوي

هذا الامر سهل باذن الله اذا هو مغير البطاريه العله من البطاريه

لان نظام السيارت الجديده برمجه اذا وقف السياره يروح وينزل بسرعه الضغط ويطفى السياره

وهذي احصلت معي وباذن الله راح يضحك يوم تقول بطاريه بس جرب وراح تشوف انها صحيحه

[ابرق نثيل]

والله انا ودي ادلو بدلوي بما ان مشاكل التقطيع والتفتفه كثيره واسبابها في الغالب عدم تبديل القطع الاستهلاكيه في وقتها المحدد بكتيب الصيانة الدورية .

مشكله فحص الكمبيوتر حق الوكاله وغيره على اي سياره في العالم كله مايبين منه الاعطال التالية /:

صفاية البنزين متسدده
فلتر الهواء وصخ
خرطوش الشوته مشقوق
البواجي غير مضبوط خلوصها
وزن الديلكو مأخر
دفع الطرمبه ضعيف
اتساخ اللهات (الثروتل)
هذي لها ادوات خاصه لفحصها

اول ماتروح للوكاله والسياره بها مشكله ،، يقولك لابد من التأسيس من جديد وتبديل كل القطع الاستهلاكية بحدود 2600 ريال وهم عارفين ان المشكله ماراح تنهي .

المرحله الثانيه :يتم اخبار صاحب السياره بان الفحوصات الكمبيوتريه تقول بان القطع المعمره مثل الثروت وطرمبة البنزين والكويلات تحتاج لتبديل
مع انها سليمه :j

ومرحله ثالثه : يوهمونك بان من الضروره تبديل كمبيوتر السياره ب 4500 :D
وهو يمكن محتاج برمجه بسيطه


وبعد هالمشوار تكتشف ان المشكله تقريباً

في السيارات النظيفه اما شق في الخرطوش او كتاوت محترق او فيش غير مشبوك او لي صغير ينسم :good:

اما في السيارات استخدام حشمه فالاحتمالات ماهي بعيده عن احد القطع الاستهلاكية المعروفه

اما السيارات المعفوله فيمكن من القطع المعمره

حبيت اوضحها كفكره عامه واتمنى يكون حل المشكله كما ورد في المداخلات

[عاشق السيل]

يا مرحبا فيك اخوي

هذا الامر سهل باذن الله اذا هو مغير البطاريه العله من البطاريه

لان نظام السيارت الجديده برمجه اذا وقف السياره يروح وينزل بسرعه الضغط ويطفى السياره

وهذي احصلت معي وباذن الله راح يضحك يوم تقول بطاريه بس جرب وراح تشوف انها صحيحه


وهذي معلومة جديدة !!!

بارك الله فيك اخوي وبسأل صاحب السيارة عن البطارية ،،،،

[عاشق السيل]

والله انا ودي ادلو بدلوي بما ان مشاكل التقطيع والتفتفه كثيره واسبابها في الغالب عدم تبديل القطع الاستهلاكيه في وقتها المحدد بكتيب الصيانة الدورية .

مشكله فحص الكمبيوتر حق الوكاله وغيره على اي سياره في العالم كله مايبين منه الاعطال التالية /:

صفاية البنزين متسدده
فلتر الهواء وصخ
خرطوش الشوته مشقوق
البواجي غير مضبوط خلوصها
وزن الديلكو مأخر
دفع الطرمبه ضعيف
اتساخ اللهات (الثروتل)
هذي لها ادوات خاصه لفحصها

اول ماتروح للوكاله والسياره بها مشكله ،، يقولك لابد من التأسيس من جديد وتبديل كل القطع الاستهلاكية بحدود 2600 ريال وهم عارفين ان المشكله ماراح تنهي .

المرحله الثانيه :يتم اخبار صاحب السياره بان الفحوصات الكمبيوتريه تقول بان القطع المعمره مثل الثروت وطرمبة البنزين والكويلات تحتاج لتبديل
مع انها سليمه :j

ومرحله ثالثه : يوهمونك بان من الضروره تبديل كمبيوتر السياره ب 4500 :D
وهو يمكن محتاج برمجه بسيطه


وبعد هالمشوار تكتشف ان المشكله تقريباً

في السيارات النظيفه اما شق في الخرطوش او كتاوت محترق او فيش غير مشبوك او لي صغير ينسم :good:

اما في السيارات استخدام حشمه فالاحتمالات ماهي بعيده عن احد القطع الاستهلاكية المعروفه

اما السيارات المعفوله فيمكن من القطع المعمره

حبيت اوضحها كفكره عامه واتمنى يكون حل المشكله كما ورد في المداخلات


أدليت بدلوك وأغرقتنا بمعلوماتك القيمة وكلها تم تسجيلها بورقة لأهميتها !!

يالله إنك تبيض وجهه وتكثر من أمثاله وتجزاه الجنة ووالديه ......

[سوبر VTC]

كلمت شخص متخصص بالنيسان
يقول اذا الموتر تماتيك
لازم يبرمج كمبيوتر
اظن
يقصد برمجه حساس اللهاة الدعسه

[عاشق السيل]

كلمت شخص متخصص بالنيسان
يقول اذا الموتر تماتيك
لازم يبرمج كمبيوتر
اظن
يقصد برمجه حساس اللهاة الدعسه







متابعة رائعة ومعلومة أروع من شخص عزيز وغالي !!

أسعدك الله وبيض وجهك دنيا وآخرة ......