اهل الباترول 2005عطوني حل للمشكلة ...

[راعي الصنف]

مساكم الله بالخيرجميعا ....
ياخوان غيرت البواجي للباترول سوبر سفاري 2005 ومن بعدها ولعت لمبة التانكي السبير بأستمرار ولا عاد يحول للتانكي الثاني يعني بس على الاساسي . وبعد الساعة طفت ما عاد تشتغل وش الحل .....
شيكنا على الفيوز كلها مظبوطة ونفصل البطارية وتطفا المبة حقت التانكي بس ترجع وتشتغل مرة ثانية ...
الي عندة معلومة يفيدنا اللة لا يهينه .....

[1988]

شف ياخوي يذكرون ورشة التركي بالخير رح لمه وشف وش يقولك الرجال مخه باترول ما شاء اللللللله

[أبونورة777]

شف ياخوي يذكرون ورشة التركي بالخير رح لمه وشف وش يقولك الرجال مخه باترول ما شاء اللللللله

تقصد اللي ببريدة ؟؟

اذا ماهي هي .. ياليت تدلنا عليه يالغالي لنستفيد ونفيد أصحاب الباترول من الأصدقاء ..

[1988]

لا....... ورشة ابو صالح التركي بالرياض بالصناعيه القديمه هذا رقم جواله 0504118191

[MF6]

حبيب قلبي..مشكلتك بالحساس اللي داخل التانكي..
ولو تروح للوكاله صلخوك..
لذلك..شف لك ورشه تشيك عليه..
وترى البواجي مالها دخل..بس صدفت انك غيرتها وولعت اللمبه...
تحياتي..

[تركي الرماي]

مااقصرو الاخوان

[راعي الصنف]

الله لا يهينكم ياشباب ....
بس الي يقول الحساس حق التانكي طيب ليش الساعة طفت !!!
على العموم نبي نروح للتركي ونعلمكم بالجديد .. والي عندة أضافة لايبخل علينا ..

[ابو فهد 2004]

انا عندي نفس المشكله ياريت لو تقولي وش الحل

[Abdulmalik]

نحن بالإنتظار إلى النتائج لأن المشكلة منتشرة بكثرة ولا لقينا لها حل .

[Abdulmjeed]

أخوي أنـا صارت معاي نفس المشكلة بس باترول 2009 سفاري
وجعته للوكاله حلو
سوا فورمات للكبيوتر
ورجعت زي ما كانت
انا اقترح انك تروح للوكاله وتقوله عن المشكلة ذي
تحياتي

[قرم العيال]

الله اعلم انه الأيسيه حقت عداد البنزين

[سوبر VTC]

جرب افصل البطارية
تاكد من فيش العوامه لا يكون متوسع ما يوصل مضبوط
لازم يشيك على الضفيره بالكامل

عندنا الكهربائي العثيم ببريده يصلح المشكله على الضمان
ب500ريال
المشكله عاده تكون بالمعالج اللي داخل الطبلون (ايسي)

مر على ورشة ابو صالح التركي بالصناعيه القديمه
احتمال تلقى عنده حل

موفق

[عزٍيزٍ]

آخوي راعي الصنف

انا صارت لي نفس مشكلتك ,, ومن خلال مشآكل الاخوان بالمنتدى

قآلو , آلحل ,, فصل البطاريه ,, عشان الكمبيوتر , يبرمج من جديد

وفصلت البطارريه , وانحلت المشكله

بس من تجارب الاخوان ,, يقولون آن المشكله ترجع بعد فتره ( كم شهر ) , ووقتها ماينفع فصل البطآريه ,,,

الله يعيين

[Abdulmalik]

فصلنا البطاريه اكثر من مره و لوقت اطول تطفى اللمبه لما تكبس زر التانكي الاضافي تولع من جديد .

ونا الظاهر اني بحوس بالموتر إلين القى حل .؟

[سوبر VTC]

فصلنا البطاريه اكثر من مره و لوقت اطول تطفى اللمبه لما تكبس زر التانكي الاضافي تولع من جديد .

ونا الظاهر اني بحوس بالموتر إلين القى حل .؟



الله ييسر امرك اخوي

تاكد من ظفيره التانكي الاحتياطي
بالخلف تحت الفرشة الارضية
لكن غالب المشكله و الله اعلم من الطبلون
ان حبيت رقم العثيم تكلمه و تستفسر تراه يفيدك
موفق

[1988]

كلمت ابوصالح التركي عن مشكلتك وقال مهب مشكله جب الموتر ونصلحه ان شاء الله

[ابومعيلي]

اخو بلا تركي بلا بطيخ طلع اصبع البطاريه السالب ولمسه الموجب وهوفي مكانه وسياره طافيه ودع لي

[راعي الصنف]

مساء الخير ياشباب ...
ماعليش تأخرت عليكم في الرد .. لاني ما قدرت اروح للصناعية .. وبالنسبة للي دق على التركي اقولة بيض الله وجهك وماقصرت ... والباقي كلهم الله لا يهينهم ماقصروا بالمشاركة معنا في حل المشكلة ...
وبالنسبة للي يقول شبك اصابع البطارية مع بعض هذا وانا اخوك مجرب بس حل مؤقت ...

[Abu Saad]

اخو بلا تركي بلا بطيخ طلع اصبع البطاريه السالب ولمسه الموجب وهوفي مكانه وسياره طافيه ودع لي

لا والله البطيخ راح وقته والتركي معك طول السنة :)
وعلى فكرة المشكلة هذي مايعرف لحلها الا 3 على مستوى السعودية وهم العثيم ببريده وفلب في الخبراء . وابوصالح التركي في الرياض.
الوكالة ماتعرف لها تعتمد على قاعدة ( اقشعها بطينتها) يغيرون الطبلون كامل2800 ريال (والله من الدجة يالحمراني ) :D
رحنا لبوصالح التركي وصلحها خلال نصف ساعة ولله الحمد.
والسيارة تمام التمام والحمد لله.

[ابو فهد 2004]

هل وجد للمشكله حل راعي الصنف هذا ما سنشاهده في الحلقة القادمة !!!!

[ابو فهد 2004]

??????????? للرفع

[ابومعيلي]

اخوي راعي الصنف تبي اتصلح سيارتك وتحفض فلوسك اتبع الخطوات الي قلتلك احصلت لي نفس المشكله ولي صاحب في الوكاله وصلح نفس الكلام الي قلتلك وزان الموتر بس لاحض قالي لوشخص غيرك ماخليناه يشوف وش سوينا الدعوا تجاره

[1988]

ياخوي ابو معيلي الطريقه اللي تقول تفريييييييييييييييييييييييييييغ الكهرباء الموجوده بالكمبيوتر الخاص بالمكينه فقط لاغيييييييييييييير المشكله اللي عند راعي الصنف هي عباره عن انقطاع بالتوصيل الخاص بالسوتش الموصل بين الطرمبه والاشاره الخارجه من الكمبيوتر الدعوى دائره الكترونيه مهب لعب الله يرضى عليك واللي يقول غير كذا بكيفه (((((( الكلام منقول عن المهندس :محمد التركي))))))

[ولد الصمان1]

اخوي ذي نفس مشكلت سيارتي جيب سفاري الحل غير اصابع البطاريه
ونتبه تراه ملتمس سؤه عند كهربائي لاتلمس السياره

[ابو فهد 2004]

وين اللي يقول اصابع البطاريه حلها بسيط واي واحد بتصيره مشكله يتجه للبطاريه
انا غيرت البطاريه بكبرها ولاطفت اللمبة ولا اشتغل التانكي
لعل راعي الصنف يجيب لنا الحل والله يجزاه خير

[Abdulmalik]

Abu Saadرد: اهل الباترول 2005عطوني حل للمشكلة ...
اقتباس:
المشاركة الأصلية كتبت بواسطة ابومعيلي http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=3317301#post3317301)
اخو بلا تركي بلا بطيخ طلع اصبع البطاريه السالب ولمسه الموجب وهوفي مكانه وسياره طافيه ودع لي

لا والله البطيخ راح وقته والتركي معك طول السنة :)
وعلى فكرة المشكلة هذي مايعرف لحلها الا 3 على مستوى السعودية وهم العثيم ببريده وفلب في الخبراء . وابوصالح التركي في الرياض.
الوكالة ماتعرف لها تعتمد على قاعدة ( اقشعها بطينتها) يغيرون الطبلون كامل2800 ريال (والله من الدجة يالحمراني ) :D
رحنا لبوصالح التركي وصلحها خلال نصف ساعة ولله الحمد.
والسيارة تمام التمام والحمد لله.

الله يحفظك لما صلحها اكيد عرفت وش علة الموتر ( اذا حاب تقول لنا الطريقه نسويها بيدينا ) ولا تبينا نروح لورشة التركي .
وعملية أفصل السالب ولمسه مع الموجب وتنحل ونا خوك ما نفع هالحل وما راح ينفع لأن المشكلة قائمه إلى الآن

اتمنى من أبو سعد يعطينى جواب

والله يرزق الجميع

[طخيمان]

الله يجزا أبو صالح خير عز الله انه أمين وفاهم لشغله ويدور المناسب للزبون حتى لو هو على حساب ورشته وشغله

[1988]

الشغله مهب بسيطه ياجماعه الشغله قياس كميات المكثفات والمقاومات الله يرضى عليكم
ويااخوان لكل مجتهد نصيب الرجال اجتهد ولقى المشكله تبون حل المشكله بارده مبرده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Abu Saad]

Abu Saadرد: اهل الباترول 2005عطوني حل للمشكلة ...
اقتباس:
المشاركة الأصلية كتبت بواسطة ابومعيلي http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=3317301#post3317301)
اخو بلا تركي بلا بطيخ طلع اصبع البطاريه السالب ولمسه الموجب وهوفي مكانه وسياره طافيه ودع لي

لا والله البطيخ راح وقته والتركي معك طول السنة :)
وعلى فكرة المشكلة هذي مايعرف لحلها الا 3 على مستوى السعودية وهم العثيم ببريده وفلب في الخبراء . وابوصالح التركي في الرياض.
الوكالة ماتعرف لها تعتمد على قاعدة ( اقشعها بطينتها) يغيرون الطبلون كامل2800 ريال (والله من الدجة يالحمراني ) :D
رحنا لبوصالح التركي وصلحها خلال نصف ساعة ولله الحمد.
والسيارة تمام التمام والحمد لله.

الله يحفظك لما صلحها اكيد عرفت وش علة الموتر ( اذا حاب تقول لنا الطريقه نسويها بيدينا ) ولا تبينا نروح لورشة التركي .
وعملية أفصل السالب ولمسه مع الموجب وتنحل ونا خوك ما نفع هالحل وما راح ينفع لأن المشكلة قائمه إلى الآن

اتمنى من أبو سعد يعطينى جواب

والله يرزق الجميع

هلا وغلا اخوي عبد الملك لوكنت اعرف ظنك بتردد في طرح الحل؟ ... لا والله :) .
رحت للورشه وماكنت عند السيارة اثناء التصليح.
لكن اشوف انه اشتغل في لوح العدادات (وش صلح فيه مدري) .
وعلى فكره جربت قبل اروح له فصل السالب ولمسه للموجب ( تفريغ الشحنه) ومانفع وجربت فصل الاصبع وتركه ربع ساعه ... ومانفع
وفي الاخير رحنا لبو صالح وحلها خلال نصف ساعه الى ساعه تقريبا.
وعموما جزاه الله خير انه فكنا من الحرامي الحمراني .
على فكره الحمراني الكشف 400 ريال ثم يقول غير العدادت بـ2800 المجموع 3200 ريال!!
وابوصالح صلحها بحول 500 ريال يالله من فضلك ..
يكفي اني عطيت فلوسي شاب سعودي فاهم شغله .
وليس بنقالي او احد العماله في الصناعية اللي لايخفاكم نصبهم واحتيالهم.
والسلام عليكم.

[Abdulmalik]

هلا وغلا اخوي عبد الملك لوكنت اعرف ظنك بتردد في طرح الحل؟ ... لا والله

بعيد عن الظن

ما كتبته فقط لمعرفة الخلل ومحاولة حلها بأيدينا , لا سمح الله يتعطل عليك في مكان نائي ومحتاج إلى التانكي الاضافي ( هل اذهب إلى الورش ) .

ابو سعد بيض الله وجهك وما قصرت .

[Abu Saad]

بعيد عن الظن

ما كتبته فقط لمعرفة الخلل ومحاولة حلها بأيدينا , لا سمح الله يتعطل عليك في مكان نائي ومحتاج إلى التانكي الاضافي ( هل اذهب إلى الورش ) .

ابو سعد بيض الله وجهك وما قصرت .

الله يسلمك ياعبدالملك ، في هالحالة (كحل مؤقت) فك طرمبة الصغير من تحت المرتبة الوسطى ، واشفط البنزين وصبه في الكبير ..
وبالتوفيق