دفرنس الفورد بالربع فزعتكم

[عزيز قوم]

السلام عليكم ورحمة الله وبركاته أخوكم معه فورد قراند ماركيز موديل 2003 سعودي وقدر الله إن مسمار اللي يثبت عمود التوازن فوق الدفرنس ينكسر نصفه داخل الدفرنس والنصف الآخر مع عمود التوازن المهم إني وديتها ورشة وقاموا بتوضيب الدفرنس مع إنه ما يحتاج وسووا خرط للعكوس والدفرس وبعد ما استلمت السيارة اختلفت علي كثير مو زي أول قومتها ثقيله مرة وما تجيب السرعة المطلوبة إلا بالموت وتوازنها مرة أختلف رجعت لهم أكثر من مرة ولكن لم أجد منهم أي أهتمام أتمنى من الجميع إفادتي بحكم خبرتكم وتدلوني على ورشة دفرنسات محترمة في الرياض وهل للزيت الدفرنس علاقة في ذلك والله يجزاكم عن ألف خير

[تركي الرماي]

انشاالله مايقصرون معااك الاخوان

[عزيز قوم]

بارك الله فيك وأنا منتظر الأخوان فيهم الخير

[ابوفايز1000]

شف وانا اخوك الزيت ماله علاقه في الموضوع ابداً الورشه غيروا لك الدفرنس كامل او انهم غيروا الكرونه واكيد انهم حطوا لك كرونه اكبر من السابقه يعني عدد السنون الي في الكرونه الجديده اكثر من الكرونه السابقه وهذا يؤثر على قومه السياره وتصير ثقيله وكل ما كانت الكرونه اصغر اي عدد السنون اقل كلما كانت قومه السياره خفيفه وقويه ولاكن سرعتها القصوى تقل والعكس صحيح
اما بالنسبه لسرعه انت تقول ما تجيب السرعه المطلوبه الا بصعوبه اذا غيرت الكرونه يكون قراءه العداد حق السرع غير دقيق يعني تشوف الطبلون 140 وانت في الحقيقه تمشي 150 يعني الطبلون ينقص وتقدر تأكد من ذلك عن طريق القارمن حيث فيه مقياس سرعه دقيق

[عزيز قوم]

الله يعطيك العافية بس يا أخوي هم ما غيروا الكرونة قاموا بتوضيب الدفرنس كامل وخرطوا العكوس وبعد ذلك بدأت المشكلة

[ابوفايز1000]

الورش هذولا ما يخافون الله غشاشين اذا راح العميل من عندهم لعبوا في السياره لعب واذا هم زي ما تقول وضبوا الدفرنس اكيد انهم غيروا الكرونه واذا تبي تأكد اكثر رح الى ميكانيكي وخله يفتح غطى الكرونه اللي زي الطاسه خلف الدفرنس ويعد سنون الكرونه اذا عدد السنون اكثر من 40 معناه انه السبب منها لان السياره تصير ثقيله

ام اذا انت تقول ما غيروا الكرونه وانت متأكد من هذا الشيء وانت واثق منهم انا والله اقول لك هذا اللي اقدر افيدك فيه الله يوفقك

[عزيز قوم]

جزاك الله خير حقيقة يا أخوي السيارة جلست عندهم يومين وفكوا الدفرنس كامل وودوها المخرطة لأجل يطلقون المسمار المكسور منه وخرطوا معه العكوس وتم تركيبها لكني أخاف أنه عند التركيب اختلفت الوزنية أو من شي زي كذا وبعدين أحس الكفر الأيسر متقدم أكثر من الأيمن مرة كرهت السيارة منهم الله يغثهم بس أبيك تدلني على ورشة محترمة تفهم في الأمور وأكون لك وللجميع من الشاكرين

[ابوفايز1000]

والله يا أخوي بالنسبه لكلامك تقول انك تحس ان الكفر الايسر متقدم احب اطمنك ان ذلك لايمكن لان الدفرنس ليس له وزنيه خاصه الفوردات لانه مسمار مكان مسمار مافيه وزن الوزن للكرونه فقط داخل الدفرنس اذا لم تكن موزونه صح يطلع صوت ونه قوي في الدفرنس بشكل عام اذا الدفرنس مافيه ونه او تهريب زيت اوصوت رمان ما عندك مشكله
ام بالنسبه للورش والله يأخوي اني ما اعرف ورشه معينه واتمنى ان الاخوان اللي يتابعونا يفيدونك
الله يوفقك

[ابوفهيدان]

الدفرنس مايتوضب قل يترقع ترقيعه يعني مش حالك
الافضل لو انك رايح التشليح وجايب لك واحد نظيف
مستحيل الكراجات يسوون مثل ماتسوي الشركة بامريكا
انت مالك الا طريقتين ياتصبر ويمكن مع الوقت تنعم السنون ويضبط
او تبدله من التشليح

[هبس 911]

انا تبي تريح راسك اشترلك دفرنس كامل من التشليح وفك الي عندك لانه اذا فكوا الدفرنس وخاصه من جوا معاد يرجع زي اول ابداً واكيد ان الورشة مايفهمون في الدفرنسات شي وبعدين زيت الدفرنس ماينقرب ابد الااذا كان ناقص تزوده بس..
بالتوفيق.

[العنقري]

وده لورشه تشالنجر واشرح لهم الموضوع