ويش الذي مهما تكاثر سماياه (جديد)------------------اللغز حله يوسف الخليفه

[ابو ماجد 2]

بسم الله الرحمن الرحيم


السلام عليكم ورحمة الله وبركاته

أبسأل اللي ماجهلنا سواياه =فتلٍ ونقضٍ نيِّراتٍ فعوله
اليا قلط ذبح الغطاوي سجاياه=وليا فتل راع اللكاعه يهوله
ويش الذي مهما تكاثر سماياه=بس بالغلا الكل ماهم بحوله
رفيقنا جِلدٍ فريدٍ بحلياه=وغيره حشى لو هو ذهب مايطوله





تحيتي وتقديري لجميع الزملاء


ابو ماجد : منتديات مكشات

[فهد الهلالي]

صح السانك يازعيم
رمعه يابو ماجد
مايكون صبي
وصبي العين
تحيتي وتقديري

[ابو ماجد 2]

صح السانك يازعيم

رمعه يابو ماجد
مايكون صبي
وصبي العين

تحيتي وتقديري


صح بدنك يالغالي
من شفتك متصفح للغز ماصدقت على الله ينجي من اول مرماع
الرمعه مالك لوى
انتظر المرماع القادم
تحيتي لك وتقديري

[فهد الهلالي]

والله يابو ماجد كنت اتمنى ان يكون الحل غير صحيح
حتى مايحترق هاللغز الثمين
فقد تصورت بان الرمعه قاتله
تحياتي

[فهد الهلالي]

ابو ماجد
مايكون الدين الاسلامي والديانات الاخرى
او
العمر ياشامان
تحياتي

[ابوسعودد]

صح لسانك يابوماجد (( القران الكريم ))

[ابو ماجد 2]

والله يابو ماجد كنت اتمنى ان يكون الحل غير صحيح

حتى مايحترق هاللغز الثمين
فقد تصورت بان الرمعه قاتله

تحياتي


بارك الله فيك يالغلا والدعوى مزوح وحتى لو احترق احترقت الغاز افضل منه
رمعتك بالفعل حلوه ولكن فيه نقطه لم ينطبق وما احب اكشف اللغز يالغالي

[ابو ماجد 2]

ابو ماجد

مايكون الدين الاسلامي والديانات الاخرى
او
العمر ياشامان

تحياتي



مالك لوى يابو محمد
انتظر المرماع القادم

[ابو ماجد 2]

صح لسانك يابوماجد (( القران الكريم ))

مالك لوى يالغالي
والقرآن بالماضي من جلد ولكنه الآن ورق
انتظر مرماع قادم

[فهد الهلالي]

ابو ماجد
ماحك جلدك الاظفرك

[فهد الهلالي]

ابو ماجد
ماحك جلدك الاظفرك الذهب مايطوله

[بحار seas]

صح لسانك يبو ماجد ماهو ( الفكر )

[ابو ماجد 2]

ابو ماجد
ماحك جلدك الاظفرك

مالك لوى يابو محمد
انتظر مرماعك القادم
تحيتي لك

[ابو ماجد 2]

صح لسانك يبو ماجد ماهو ( الفكر )

هلا بك اخوي بحار وصح بدك
والرمعه مالك لوى
تحيتي لك وتقدري

[ابوسعودد]

(((( يمكن يكون الشباب )))))

[ابو ماجد 2]

(((( يمكن يكون الشباب )))))

هلا بك ابو سعودد
والشباب مالك لوى
تحيتي لك وتقديري

[ابو اسامه 2]

وعليكم السلام ورحمة الله وبركاته

هلا بك يا ابو ماجد

وصح لسانك

وش رايك طال عمرك بـــ

جلد الانسان

فهو غالي واغلى من الذهب

تحياتي لك

[ابو ماجد 2]

وعليكم السلام ورحمة الله وبركاته




هلا بك يا ابو ماجد


وصح لسانك


وش رايك طال عمرك بـــ


جلد الانسان


فهو غالي واغلى من الذهب


تحياتي لك


هلا بك ابو اسامه
صح بدنك وما بعد صدت الرمعه يالغالي
انتظرك في مرماع قادم

[ابو ماجد 2]

الاخوة الزملاء
وقت اقامة صلاة العصر قرب واستأذنكم ولنا لقاء قريب ان شاء الله
نستودعكم الله

[cooc]

يعطيك العافية ياابو ماجد
عندي رمعة
((الصميل))
وشكرا

[فهد الهلالي]

ابو ماجد رمعه
ديد الام او الديس
لو يصلح الف ديد من شكله حتى ولو انه من الذهب
مافيه مقارنه هو وديد حلوة اللبن
نحياتي

[دبوس ظلماخواف]

/

السلام عليكم ورحمة الله وبركاته :

الرمعه ....

الحياء او ماء الوجه


وصح لسانك على الابيات الجميله
/

[مسيرs]

وعليكم السلام ورحمة الله وبركاته

تسجيل حضور فقط.....إذا اللغز ماهو زاحف

الجلد الصناعي والجلد الطبيعي
أو جلد الذات؟
أو جلد ماهو جلدك جره على الشوك
ويش رايك بني جلدتك

[ابو ماجد 2]

يعطيك العافية ياابو ماجد
عندي رمعة
((الصميل))
وشكرا

مرحبا فيك يالغالي
والرمعه مالك لوى
تحيتي لك وتقديري

[ابو ماجد 2]

ابو ماجد رمعه

ديد الام او الديس
لو يصلح الف ديد من شكله حتى ولو انه من الذهب
مافيه مقارنه هو وديد حلوة اللبن

نحياتي


هلا بك يابو محمد
والرمعه مالك لوى
انتظر المرماع القادم

[ابو ماجد 2]

/

السلام عليكم ورحمة الله وبركاته :

الرمعه ....

الحياء او ماء الوجه


وصح لسانك على الابيات الجميله
/


وعليكم السلام ورحمة الله وبركاته
صح بدنك والاجمل هو التواصل مع الطيبين شرواك
الرمعه مالك لوى
تحيتي لك

[ابو ماجد 2]

وعليكم السلام ورحمة الله وبركاته

تسجيل حضور فقط.....إذا اللغز ماهو زاحف

الجلد الصناعي والجلد الطبيعي
أو جلد الذات؟
أو جلد ماهو جلدك جره على الشوك
ويش رايك بني جلدتك

هلا بمبدعنا الغالي
الرمعه مالك لوى
تحيتي لك وتقديري

[بحار seas]

صح لسانك يبو ماجد ونا اقول ( جلد التمساح ) حيث اني قريت خبر يقول بيعت اغلى شنطه نسائيه في العالم مصنوعه من جلد التمساح بيعت بـ 155000 الف درهم . :j

[مصطافي]

صح لسانك ياخوي
الرسول محمد (صلي الله عليــة وسلـــم)

[ابو ماجد 2]

صح لسانك يبو ماجد ونا اقول ( جلد التمساح ) حيث اني قريت خبر يقول بيعت اغلى شنطه نسائيه في العالم مصنوعه من جلد التمساح بيعت بـ 155000 الف درهم . :j


صح بدنك مالك لوى يالغالي
ولا تنسى فريد بحلياه يعني ماله ثاني

[ابو ماجد 2]

صح لسانك ياخوي
الرسول محمد (صلي الله عليــة وسلـــم)

صح بدنك
والحل مابعد صدته يالغلا
انتظر المرماع القادم

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
صح السانك اخوي بو ماجد
وشو تقولك بجلد الثعبان

[راع الأوله 1]

صح لسانك ابو ماجد
وش رايك بكرة القدم فهي مصنوعة من الجلد
او حذاء اللاعب وانتم بكرامة
او اللاعب نفسه

تحياتي

[بحار seas]

وش رايك يبو ماجد بكلمة ( اديم السماء ) ..والأديم هو الجلد .. قل تم ..

[كافور]

ابو ماجد


ماهو الدم

[يوسف الخليفة1]

بارك الله فيك أخي الفاضل أبو ماجد وما تقول في ( خاتم النبوة ) أو ( الحجر الأسود ) والشكر الجزيل

[ابو ماجد 2]

السلام عليكم ورحمة الله وبركاته
اسعد الله اوقاتكم بكل خير
صح السانك اخوي بو ماجد
وشو تقولك بجلد الثعبان

وعليكم لسلام ورحمة الله وبركاته
صح بدنك ومالك لوى
تحيتي لك وتقديري

[ابو ماجد 2]

صح لسانك ابو ماجد
وش رايك بكرة القدم فهي مصنوعة من الجلد
او حذاء اللاعب وانتم بكرامة
او اللاعب نفسه

تحياتي

صح بدنك
مالك لوى يالغالي هذا كلنا متفقين على غلاه

[ابو ماجد 2]

وش رايك يبو ماجد بكلمة ( اديم السماء ) ..والأديم هو الجلد .. قل تم ..


اديم السماء والله ماعندي فكره بالمقصود لذلك لااستطيع ان اوافقك او اقول مالك لوى
تحيتي لك وتقديري

[ابو ماجد 2]

ابو ماجد


ماهو الدم

هلا بك اخوي
والرمعه مالك لوى

[ابو ماجد 2]

بارك الله فيك أخي الفاضل أبو ماجد وما تقول في ( خاتم النبوة ) أو ( الحجر الأسود ) والشكر الجزيل



لله درك وصح لسانك ملايين
نعم خاتم النبوه عى كتف الرسول
صلى الله عليه وسلم
والسميين الخواتم المتداوله ومنها ماهو ذهب وفضه والماس .الخ
بيض الله وجهك يالغلا

[كافور]

ماهو تاج الصحة

[ابو ماجد 2]

ماهو تاج الصحة

حياك يالغالي
واللغز انحل من اخونا يوسف

[كافور]

صــــــــــــــــح لسانك يابوماجد

والله وارد مية بالمية

[ابو ماجد 2]

صــــــــــــــــح لسانك يابوماجد

والله وارد مية بالمية

صح بدنك يالغلا وتاييدك يسعدني