المساعد الشخصي الرقمي

مشاهدة النسخة كاملة : مشكله بالقير ..: جمس 2005 :.. [ فــديو : للتوضيح ]


فرفور بريده
26/10/2009, 11:22 PM
http://www.zshare.net/download/6748599088d594a4/ (http://www.zshare.net/download/6748599088d594a4/)


علما اني فحصت الموتر فحص شامل شامل

وقالوا القير والمكينه مافي احسن منهم زي العسل .. وجرب قياده السياره

وشاف البلاء اللي بالفديو الموضح .. وقال الكلتشات تعبانه ! ونمرات السياره بس نمره 1 هي الزينه لاصرت حاطه ع الدي والباقي مثل مانتوا شايفيين

وزيت القير يقول متى مغيره قلت قبل 3 شهور تقريبا < ويوم غيرته ذيك الحزه

اول ماطلعت ساعه بالكثير ساعتين لا وقفت مره ومشيت اسمع صوت مدري وينه بالظبط

ولا وصلت السرعه 30 اختفت او 20 او 25 بالحدود يعني

المهم قال شكله 3 سنين .. مادري هل الكلتشات ياكل زيت القير بسرعه ولا ايش ؟

واسلاك البواجي عندي تعبانه تتوقعون منها ؟

وبرضه حساسات الجمس سليمه مافيها شي وفحصوها كل شي سليم

وبرضه في صووت قرررررر بعض الاحيان يطلع

مادري وش الحل .. عطونا اي شي نجربه و تمشي تمام بأذن الله

بس يرحم والديكم لا احد يقول سلم نفسك ووضب

التوضيب اخر شي اسويه لاحسيت اني خلاااااااااااص مافي امل

فكرت بعد :no2:

وياليت تساعدوني ولاتشورون علي بآي شي

واي طرق عطوووونا اللي عندكم نحاول ماورانا شي

والله يجزاكم خير مقدما .. واعذورنا ع الاسلوب اللي مدري وشلون

بس وربي متضايق منها ساعدوني الله يفرج همكم
Magellan
27/10/2009, 02:06 AM
أخوي إفادة على السريع
للأسف عندي الصوت بجهازي خربان فما سمعت الطقة
لكن حبيت أطمنك قير موترك عال العال و100%
لكن المشكلة عندك في العدادات حق السرعه وحق الضغط فيه خلل
في الرياض يصلحون العداد الخربان بـ150 ريال
وهذي المشكلة شائعه بالجموس ولاتخاف مامنها مضره
وفي بريده أتوقع فيه كثير يصلحونها وأتوقع ورشة العثمان
سوبر VTC
27/10/2009, 02:36 AM
اخوي فرفور بريده

مر على ورشة العثمان بتشاليح بريده
ورشته بالزفلت اللي يفرق لمحلات السكراب و الخرده
وجهك جنوب
قبل التشاليح و المحطه
تجيك ورشته على اليمين كبرة او مظله خضراء
تحصل سليمان العثمان فنان و دكتور قيرات :good::good:
رجال ثقة و ذمه
و راح تدعيلي باذن الله :good:
انا عندي سيارات تماتيك جيب و جمس و كورولا
ما اتعامل الا معهم
ثقة و يجونه ناس من حائل

يجي بعدهم من ناحيه الشغل
ورشة خالد الشيبان
بطريق خضيراء

لكن اولا مر على ورشة العثمان

الله يوفقك
سوبر VTC
27/10/2009, 03:00 AM
انا لاحظت بالمقطع الثاني اللي هو مدته 2.26

كالتالي

عند الثانيه 14
ان الاربي ام (انبير الضغط او البنص) اسرع بشكل فجائي :no:
يعني داس فجاءة من 3 الى 3.5

عند الثانيه 28
اهتز الموتر + داس البنص ارتفع الضفط بشكل فجائي

عند الدقيقه 1.30
داس البنص من 3.5 الى 4
بشكل فجائي

عموما

احتمال المشكله من حساس الدعسه كهربائية
تاكد من جميع افياش المكينه
هل هي مكبوسة ام لا ؟؟؟
او تكون ما توصل او راخيه
+
جرب افصل البطارية و السويتش مفتوح
ربما اعاده برمجه

مر على ورشة خالد الشيبان يفحص لك كمبيوتر ب100ريال

همن مر على ورشة العثمان يفحص القير
يسوق الموتر و يناظر هل زيت القير نظيف ام لا
ربما سدد بخارطه القير من رايش الكلتشات
او ان الموتر محتمي القير سابقا او مكروف

موفق
ابو محمد1991
27/10/2009, 03:21 AM
والله مدري لاكن شغلة انه حرق الزيت بسرعه اشك والله اعلم ان القير مخبط شيك واتاكد
لان انا عندي جمس 2004 مع السواق جته حاله مايعشق ثاني علطول من الاول للثالث ويتاخر مايعشق قالو من الحساسات وشيكت وطلعت سليمه وقالو من الزيت وغيرته وبعد سبوع شيكت على الزيت مره ثانيه طلع محترق رحت به للوكاله قالو لي اننا لازم نفك القير والموتر وقتها كان ماشي 112 الف يعني طالع من الضمان قالو بس فك القير بيكلف 3900 غير القطع قلت لهم هاتوه واخذته لورشه جمب اتو ستار في الصناعيه القديمه قالولي القير مخبط وبيكلف شغل اليد والقطع 3650 ريال وزينوه وزبط ما عاد سوى شي ظبط
فرفور بريده
27/10/2009, 01:04 PM
الله يجزاكم خير

وبسوي كل اللي قلتو لي

وياسوبر فتك .. برضه فيه مشكله ثانيه نسيت اقوله ان الار بي ام لا وصلت تقريبا 110 السرعه

يرتفع وينزل من نفسه عن ان عن ان < تسذا .. يلعب

والحساسات يقول اللي فحص زينه ولا به شي ابد وكم مره افحصهن يقولون مابهن مشاكل

ولا ولعت لمبه المكينه

الا اللهم طلع لي اسلاك البواجي والبواجي و البكره حقت المكينه هذولي بس ( وتتوقع من اسلاك البواجي ؟؟؟؟ )

وانشاء الله القير مب مخبط لاني فحصته اكثر من مره يقولون سليم ومثل ماذكر حدى الاخوان

وامره العصر انشاء ورشه العثمان .. بس الصراحه مادليته زين

وينه عن تشليح العجلان اللي بالزاويه

اللي يطلع عليك اول ماتدخل التشليح عرفته ؟ اللي اذا خليته ع يمينك

الشارع سيدين
سوبر VTC
27/10/2009, 03:17 PM
ا

عن ان عن ان < تسذا .. يلعب




ههههههههههه :D:p

كلامك صحيح و لاحظته بنفس المقطع الثاني
ان الابنص يزود بشكل فجائي
العطل يختلف من موتر الى اخر
اتوقع فيه لخبطه من الحساس و بالتالي الكمبيوتر ياخذ معلومه خاطئة
و بالتالي يبدا الابنص يشكل و يلعب على كيفيه
او ان المشكله من الحساس او ارتخاء افياش المكينه
يحتمل ان الحساس اذا جته حرارة يلخبط
مر على العثيم يشيك على الكهرب و بعده مر على خالد الشيبان

جزاك الله خير

وصف الورشة
اطلع من السيدين حقت التشاليح اللي هو من عند المحطه
كانك تبي ترجع لبريده غرب
اول ما تمشي تقريبا كيلو
يجيك خط سايد واحد يدخل جنوب (محلات سكراب الحديد)
هالشارع يروح جنوب تقريبا مسافة 2كيلو
تجيك ورشته على اليسار واضحه جدا
مظله او كبره خضراء و عند سيارات جموس
ورشته قبل ورشة راعي المرهمات ابو وليد الصمعاني
عموما
لو تسال تشليح العجلان او تشليح الرقيبه
علموك عن مكانه

موفق
Magellan
27/10/2009, 03:58 PM
ياجماعه الموتر يمشي مافي بطنه
180 ماشاء الله ......
وتقول ياسوبر فيه مشكلة بالقير
أبفهم وشلون،،،،،،،
سوبر VTC
27/10/2009, 04:25 PM
ياجماعه الموتر يمشي مافي بطنه
180 ماشاء الله ......
وتقول ياسوبر فيه مشكلة بالقير
أبفهم وشلون،،،،،،،


يا خلفهم
اقرا ردي



انا لاحظت بالمقطع الثاني اللي هو مدته 2.26
كالتالي
عند الثانيه 14
ان الاربي ام (انبير الضغط او البنص) اسرع بشكل فجائي :no:
يعني داس فجاءة من 3 الى 3.5
عند الثانيه 28
اهتز الموتر + داس البنص ارتفع الضفط بشكل فجائي
عند الدقيقه 1.30
داس البنص من 3.5 الى 4
بشكل فجائي


انا قلت احتمال فيه مشكله بحساس الدعسه
او من الافياش
القير قلت خله يفحص له العثمان
و بعدين فيه حاجه
اللي هي (ريموت كنترول ترانسميشن)
اللي كمبيوتر التحكم بالقير
اذا كان حساس الدعسه خربان
يعطي معلومه خاطئة للكمبيوتر
الذي بدوره يعطي معلومه خاطئة لكمبيوتر القير
و بالتالي يرد القير نمره (ربما) => وجهة نظر
فرفور بريده
27/10/2009, 07:07 PM
الله يعطيكم العافيه

واليوم ماشي للتشليح بروح لورشه العثمان

واثر المشكله زادت

مير قبل ماهنا زينه يعشق ويحن والحين

لاوقفت مره ومشيت عشق النمره الاولى ولا جاء يعشق 2 خلاص علق وانس شي اسمه تعشيق

ياصل ضغط المكينه لـ 6 وهو وماعشق يعلق عننننننننننننننننننننننننننننننننننننن ياهو شفط نص البنزين ابن اللي مانب قايل توي معبي بعد وزلت همه

وياصل 180 مادري وشلون مع انه ماعشق الا مره وحده تمام ويوم عشق ثانيه بدى عننننننننننننننننننننننننننننن ياليل ياليل

يازين سيارات منول وخصاصه الددسن لاخربت افتح الكبوت وطلع ذا ونظفه وامسح الغبار وانفخه وشد ذا وتمشي معك 10 سنين قدام هع

ع العموم قلت ياولد ترايستار قريب مابه فايده ووديه

وترى القير سليم اللهم تغير النمرات بهن حنه وفضاوه

ورحت للشيبان الصبح فحص و نفس الكلام كلتشات وطنجره الله يعين وييسر ربما خيره ماندري

بس ابي اسألكم التوضيب لاوضب السياره ممكن ترجع المشكله ؟ يعني مثل مايقولون ماهنا زين الشي ع شد بلده !

والله يجزاكم خير يارب