الحكم ... يااهل مكشات

[أبو رداد]

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين



الاخوه الاعزاء ...

اثاري فراكم مابهين ... صدقوني ياخوان على بالي مكشات واهل مكشات وانا في المقناص ... مدري كيف تاليها ... يمكن اسوي كوخه فوق سطح البيت علشان اعرف علوم المكاشيت :D
المهم ... الله انعم علينا ورزقنا بطير حر .. واختلفت مع واحد من خوياي على ريشة الطير ... وقلت ترضى باهل مكشات حكم بيني وبينك .. قال نعم ...
وبالمناسبه الطير اول ماخليته على ايدي .. طرى على بالي واحد من خويانه في مكشات .. كان موصيني ايام الكيظ على طير ...
وهذي الصور علشان تحكمون ... ولو الصور ظلمت الطير .. بالحقيقه ريشة الطير اكشف .. والصور اخذتها اليوم الفجر والشمس ماظهرت بعدها .. وترى مافيه غير دقتين نسميها الثريا .. والباقيات مدري من وين جت ..
واذا احتجتوا صور اخرى فحاضرين .. الطير موجود والكاميرا موجوده ...
قياس الطير .. طول17 انج او قل بقليل .. وعرض الطير 17 انج او اكثر بقليل .. الوزن 1050 غرام ..

http://www.mekshat.com/pix/upload/images6/mk8675_tb11.gif

http://www.mekshat.com/pix/upload/images6/mk8675_t1.gif

http://www.mekshat.com/pix/upload/images6/mk8675_t2.gif

http://www.mekshat.com/pix/upload/images6/mk8675_t4.gif

http://www.mekshat.com/pix/upload/images6/mk8675_t3.gif

http://www.mekshat.com/pix/upload/images6/mk8675_t5.gif

http://www.mekshat.com/pix/upload/images6/mk8675_t6.gif

[ميراج]

السلام عليكم ورحمة الله وبركاته

مبروك الطير يابو رداد تستاهل الطيب وعقبال نادر الحرار الابيض الفارسى 18 فى 18

طيرك يابو رداد اللى اتضح لى من الصوره الثانيه ان لونه أحمر

و الصوره ما تعطيك اللون الحقيقى

تحياتى

[راعي مزيون]

السلام عليكم ورحمة الله وبركاته

أخوي الغالي ابورداد

تستاهل والله يوفقك بطرح المزيد من الطيور الطيبه والصيد الوفير

وبالنسبه للطير واضح من خلال الصور ان لونه أحمر

وشكراً

[العتيبي......]

بسم الله الرحمن الرحيم
السلام عليكم ورحمة الله وبركاته

من طول الغيبات جاب الغنايم هلا والله يابورداد وحمدالله على السلامه مبروك على الطير وعقبال ذاك الفرخ السنجاري انشاء الله.
اما بالنسبه لطير مشاء الله وجهه طيب وقطعه رقم واحد ولون ولا احلا, والطير باين لونه حمر.

على فكره يابورداد وانته اعرف مني النوعيه هاذي ماتبور ولاتخيب ان الله وفق.
الله يصيده الصيد ويقيده له بقيد انشاء الله

اخوك:العتيبي.

[عبدالله الحصيّن]

السلام عليكم ورحمة الله وبركاته
عدلت عاى بعض الصور وارجوا ان تكون مقاربه للواقع وحطيت بعد على كل صوره ( أبورداد ) لحفظ الحقوق

ملاحظة . واحد من الأعضاء طلب مني اعدل على الصور وهو عزيز عليك ..
http://www.mekshat.com/pix/upload/images6/mk6426_mk8675_tb11.jpg

http://www.mekshat.com/pix/upload/images6/mk6426_mk8675_t1.jpg

http://www.mekshat.com/pix/upload/images6/mk6426_mk8675_t4.jpg

http://www.mekshat.com/pix/upload/images6/mk6426_mk8675_t5.jpg

[سنافي]

السلام عليكم ورحمة الله وبركاته

مبروك .................مبروك
وتستاهل أكثر

الطير ( أحمر مغاتير )

بالنسبة للدقتين .... نسميها ( ودعة فارس ) وعموماً ريشة الطير ليست صافية بمعنى انه فيه دق ولكن خفيف
.... الله يبارك فيه

ابو رداد..
هل سيم الطير ؟
وهل هو معروض للبيع؟

ارجوا الإتصال بي لأن رقم تلفونك لم يعد موجود لدي ......

[أبو رداد]

بسم الله الرحمن الرحيم
السلام عليكم ورحمة الله وبركاته


مشرفنا الغالي ميراج ... مشكور على مرورك الكريم ... والله يسمع منك يالطيب .. والكلام صحيح الصور يصعب الحكم عليها ...


الاخ العزيز راعي مزيون ... مشكور على مرورك الكريم ... والله يسمع منك يالغالي ...


الاخ العزيزالعتيبي ... مشكور على مرورك الكريم ... وتسلم يالغالي ... وانشاء الله الي بعده يكون طيرك وتشوفه في مكشات ...


الاخ العزيز العازم ... مشكور على مرورك الكريم ... وتسلم يالغالي ... وتمون انت وخوينا ;) .... بس تراه ابتعد عن الحقيه اكثر ... وخصوصا في الصوره الثانيه ... لون الريش الي في صدر الطير ظهرت كانها غامقه او بنيه والحقيقه انها كاشفه ومائله للشقار ...


الاخ العزيز سنافي ... مشكور على مرورك الكريم ... والطير انباع يالغالي .. والله يهني اهله فيه... لكن اليوم عرض علي طير نفس الريشه وصافي الظهر والعمد وصدره اغمق وراسه من ظهره وحجمه اكبر ووزنه 1140 ... ولم نتفق على السعر ..
اما عن الهاتف فان شبكة النقال في العراق .. مغلقه بامرالمقا.... حتى اشعار اخر كما يقولون ...

[راعي وضاح]

السلام عليكم ورحمة الله وبركاته ألف مبروك تستاهل الخير ولا تنسانه بالصور

[أبو رداد]

بسم الله الرحمن الرحيم
السلام عليكم ورحمة الله وبركاته


الاخ العزيز راعي وضاح ... الله يبارك لك وتسلم يالغالي ... وابشر بصور كل جديد ...

[عراك]

السلام عليكم ومبارك علاكم الشهر



الاخ القدير ابو رداد مبرووك علاك الطير

والطير مع احترامي للاخوه اللذين ابدو رايهم


الطير في ناظري انه الشامي اللي عليه الاسم



ولاحظت ان مناكب الطير داخل ٍ فيها شعال



وكل له نظر يا اهل الفكر



تقبل تحيات اخووك عراك

[عبد العزيز العجاجي]

تستاهل ابورداد والله يوفقك ولاتنسانا بصور المقناص وياليت نشوف لك مشاركات في خيمة الرحلات والآثار
وتحية لشعب العراق العظيم

[البريكي]

يعطيك العافيه اخوي ايو رداد على هالصور الحلوه ولله يبارك للي شراه وانشالله يشوف فيه فعل يسره

وبالنسبه للطير على اعتقادي انه طير حمر شامي

[الشاقي]

الطير طيب ومملوح بارك الله فيه

[قــرنــاس]

السلام عليكم ورحمة الله وبركاته

الف مبرووووووووووك و تستااااهله

والظاهر انه حمر مغتر وانا ماني ادرى من الربع

لكن انشالله انه اللي قالو فيه

ابشر بفرخ مجسر عقب توحيش ---------- امير بيت الحرار ووحشها

طرح الشبك ماقلبوه الطواويش----------ولاقرنسوه اهل العشش في عششها

وحش وجاين من بعيد المناطيش-------- عوق الخريش اللي طياره خرشها

لي قام ياخذ من طرف ريشها ريش -------واليا قضا لعبه عليها لكشها

الله يجعله يبرد كبدك في المقناص

اخوك/ قرناس

[ابوساسا]

ماشاء الله ومبروك الطير يابو رداد والفال انشاء الله الطير المغـتـر الصافي انشاء الله .

الطير تام ولا فية كلام والله يبارك لكم فية . ولون الطير والله اعلم انة حمر مجاهيم .

والدقوق الي فية نسميها مثل ماقلت الثرياء والطير اذا قرنس والله اعلم يمكن يكون ارقط .

واذا كان السؤال الطير منين ماكرة اقول والله اعلم ان اكثر الطيور الي فيها دعوج مثل دعوج ها الفرخ ان مواكرها بتركيا وسوريا .

والبركة مرة ثانية

[عراك]

الاخ ابو ساسا


تعقيب على ماذكرت ان الطير حمر مجاهيم ؟؟؟؟؟

وشجاب هالشامي المغتر للمجاهيم ؟؟؟


وثانيا : تقول ان الطير به دعووج يااخي اذا ماكان عندك عرف بالطيور لا تفتي وتظلم الطير

واللي بالطير ماتسمى دعووج تسمى لواحظ ولا تعتبر دعووج والطير شامي مغتر طرح العراق وطرح العراق يفرق عن سوريا وتركيا بالف ماريه .... وعلى فكره عمر الشامي من خلقت الدنيا مايقرنس ارقط الا اذا كان الشوام عندكم ياهل بريده تقرنس رقطان هذا شي ثاني :)


تقبل التعقيب بصدر رحب

اخوك عراك

[ابوساسا]

QUOTE]الأصل كُتب بواسطة عراك
الاخ ابو ساسا


تعقيب على ماذكرت ان الطير حمر مجاهيم ؟؟؟؟؟

وشجاب هالشامي المغتر للمجاهيم ؟؟؟[/QUOTE]

حياك الله اخوي عراك ومشكور على التعـقـيب بارك الله فيك والاول الي قبلي وقبلك يقول ثـنـتـيـن مامدحن برجال العجلة (السرعة بأتخاذ القرار) والحمق (الغضب) والعجلة مذمومة وانا اخوك

اخوي عراك من وين جاءالغتار بها الطير هو في نحرة اوضهرة جزاك الله خير . فرق طال عمرك بين المغتر من الطيور وبين هالطير والمغتر طال عمرك بين من الطيور لا يختلف علية اثنين . وانا ما اقلل من الطير .
الطير طيب وراعيه اطيب ولا جاء طيب الطير الا من طيب راعية .
لاكن فية اطيب من هاالطير وفية ارداء منة .

QUOTE]الأصل كُتب بواسطة عراك
وثانيا : تقول ان الطير به دعووج يااخي اذا ماكان عندك عرف بالطيور لا تفتي وتظلم الطير[/QUOTE]

انا جزاك الله خيرانا ماني اعلم الناس بالطيور ولا قلت كذاء وانااتعلم مثلي مثل غيري والواحد ماخلق عالم . وانا ما ضلمت الطير وابو رداد جزالله عنا كل خير تخالف هو وخوية بلون الطير وهذاء الي خلاة يحط صور للطير بمكشات ويحكمهم بلون الطير وكل واحد جاب عرفة لا كن انت بتعقيب سابق لك ذكرت عن الطير انة شامي ولا قلت لون الطير والحين جاي تقول ان الطير مغتر . وقلت متون الطير شعل مع العلم ان الاخ ابورداد قال ان الصورة ماخذينها الفجر ولاهي واضحة لاكن مادري منوين جاء الشعال لمثل هالون . وانا قلت هالطير والله اعلم ان ماكرة بسوريا او تركياء وسوريا وتركيا معروفات الا اذا كان الشام عندك بلد ثاني .
وهذاء يتناقض مع ردك على جزاك الله خير ولاحض اخوي ان الطير مطروح من زمن والطير داهل يعني بأول طرح الطيور يعني من الطيور المبكرة ومعروف اول طرح الطيور كيف تكون الوانهن واقيامهن الا ماندر حتى عندنا بالحماد او الساحل اوغيرهن بالسعودية

QUOTE]الأصل كُتب بواسطة عراك
واللي بالطير ماتسمى دعووج تسمى لواحظ ولا تعتبر دعووج والطير شامي مغتر طرح العراق وطرح العراق يفرق عن سوريا وتركيا بالف ماريه ....[/QUOTE]

حنا نسميه دعوج وفرق طال عمرك بين الدعوج واللواحض .
واللواحض على قولك دق ريش خفيف تحت العين . وارجع لصورة الطير وهو معطيك نحر ووجهه وتشوف هن دعوج او لواحض جزاك الله خير
QUOTE]الأصل كُتب بواسطة عراك
وعلى فكره عمر الشامي من خلقت الدنيا مايقرنس ارقط الا اذا كان الشوام عندكم ياهل بريده تقرنس رقطان هذا شي ثاني :[/QUOTE]


انا طال عمرك من ارداء اهل بريدة عرف بالطيور واذا كان حاصلك موقف من اهل بريدة لا تعمهم وخصني انا جزاك الله خير. مع العلم ان الاخ ميراج وراعي مزيون والعتيبي قالو ان الطير حمر وانا مثلهم لاكن قلت حمر مجهم . ولا اشوفك عقبت عليهم جزاك الله خير .

وعندنا وعند غيرنا طرح الشام وتركياء وخاصة الي فية دق بضهرة مثل هالطير اذا قرنس تكثر دقوقة وهالدقوق حنا نسميها رقاط وانتم يمكن لكم اسم ثاني مادري والله ؟؟

[اعقاب]

الأصل كُتب بواسطة راعي مزيون
السلام عليكم ورحمة الله وبركاته

أخوي الغالي ابورداد

تستاهل والله يوفقك بطرح المزيد من الطيور الطيبه والصيد الوفير

وبالنسبه للطير واضح من خلال الصور ان لونه أحمر

وشكراً

[أبو رداد]

بسم الله الرحمن الرحيم

السلام عليكم ورحمة الله وبركاته


الاخوه الاعزاء ...

عراك

المرشد

البريكي

الشاقي

قرناس

ابو ساسا

اعقاب

مشكورين على مروركم الكريم ... والطير اشعل .. هذا مااكده اهل الخبره ... وانتم لكم عذركم لان الصور لايستطيع الصقار الحكم عليها ... تحياتي للجميع ... ورمضان كريم