الفزعة يا اخوان سيارتي تقطع

[العنابي 616]

السلام عليكم

يا جماعة عندي مشكلة بسيارتي لاندكروزر 95 كربريتر
المشكلة اني اذا شديت على الموتر شوي او كتمت الدعسة ووقفت تبدا تقطع السيارة واشوف عداد الضغط يلعب وتطلع مع الشكمان ريحة بنزين فما ادري وش المشكلة
وما تروح التقطيعة الا اذا طفيت السيارة و رجعت شغلتها

علما اني غيرت صفاية بنزين ووزنت الديلكو ( بعد ما وزنت الديلكو زادت المشكلة )
وجربت بنزين 95 ولا نفع ×

فاللي عنده خبرة او مرت عليه المشكلة يساعدني وجزاكم الله خير

[PATHFINDR]

السلام عليكم

اخوووي اول شي شيك على البواجي وعلى اسلاك البواجي

وعلى صفاية البنزين وعلى طرمبة البنزين هذا اهم شي

وبعدين بنزين موترك 95 غير الصفاية وصفر تنكي البنزين يعني خلهـ يفضى مررهـ

وعب 95 وامسك عليهـ خط وتبي تدعيلي بس قبل ماتشيك على اللي قلتهـ كلهـ

والله يكووون في عوونك ...

[العنابي 616]

ما قصرت يا اخوي و الله يجزاك كل خير

[نشمي2]

اخوي الدخان يطلع اسود ولا ابيض

[اتفاق الطائف]

اتوقع ان الديلكو لم يوزن بشكل سليم

[جد ريان]

تأكد من البنزين الي عبيته اخر مره لايكن مغشوش بديزل ترى هالعماله الي يشتغلون في محطات البنزين فيهم ناس ماتخاف الله

[العنابي 616]

اخوي نشمي بالنسبة للدخان ما فيه دخان لا ابيض ولا اسود

اخوي اتفاق الطائف الديلكو وازنه عند ورشة ممتازة يعني ما اتوقع انهم ما وزنوه صح

اخوي جد ريان البنزين اعبيه من محطه دايما اعبي منها فما اتوقع المشكلة من البنزين

على العموم ما قصرتوا يا اخوان اللي والله يجزاكم الخير

[العنقري]

اصلاح كلبلبتر

[ابن عكاش]

اتوقع الكلبليتر انتهى عمره فيمكن هو سبب المشكلة والله اعلم لأن الكلبليتر حسب علمي إذا انتهى ماعاد ينفع فيه اصلاح ولا غيره
الله يكون بعونك ويزن موترك

[العنابي 616]

الله يجزاكم خير يا اخوان والله العالم ان المشكلة من الكربريتر

[escape_man]

ان تقول ان المشكلة تظهر اذا دعست ثم وقفت فجأة

معناته ان التانكي وسخان ..

اعتقادي كل مايلزمك شغلتين :

تنظيف التانكي + تغيير الصفاية حقت البنزين

لانه بالوقوف المفاجئ يتحرك البنزين الي بالتانكي مع الاوساخ وتسد العوامة او الفلتر

من ناحية الكهرباء فمافي موترك شي