ظاهرة غريبه في الجرو

[إبن عويشز]

السلام عليكم ورحمة الله وبركاته


الأخوة الأعضاء الكرام


عندي جرو مربيه من وقت كان عمره 14 يوم
وكان هادي جدا ولا منه ازعاج . الى ان وصل وعمره الان اكثر من 3 اشهر
منذ ان اصبح عمره شهرين بدأ في ظاهرة غريبه
وهي انه بمجرد يبدأ المؤذن بالأذان في المسجد القريب منا ، يبدأ الجرو بالعواء
يعوي مع المؤذن ويسكت اذا سكت المؤذن ، وهكذا الى ان ينتهي الاذان
أما وقت الاقامة والصلاة فلا يصدر اي صوت ، علماً أن المؤذن هو نفسه من يقيم الصلاة .
وللمعلومية فإن الجرو في نفس المكان منذ كان عمره 14 يوم الى الان


فهل لدى أي من كم خبر او علم عن سبب ذلك


تقبلوا تحياتي

[shaheenshah]

يمكن المؤذن اللي عندكم اذانه زين ، هههههه

انا اقول انتبه له شكلة ذكي ما شاء الله عليه وراح يتعلم بسرعه

[ابونبيل]

...! مدري!..
ْْْْْْْْْْْْْْْْْْْْْْ

[@قرناص@]

نعم كان عندي جرو وقت اذان المغرب ينبح ,,

اعتقد انها عاده في الجرو ,, والا تلقاه طفشاان ماحوله احد ,,

[الأكيدر]

نفس سلقه عندي هذا طال عمرك طبع في بعض السلقان يعون مع الاذان ...
وعلى فكره كثر الكلام عن الموضوع وكان فيه ناس تقول لاشاف الجن ومن هالكلام ...
والله يوفقك بجروك وياليت تجيب لنا صوره ومشكور ...

[333]

عادي يا الطيب هذي اغلب الجراوه وياليت صور للجرو تقبل مروري اخوك:333

[بندر خلف]

هاذا لانه اذا اذن المسجد الشياطين تطلع

والجرو يشووف الشياطين وينبح

لين ماينتهي الاذان


لو يرى الطفل الرضيع ماتراه الكلاب لا شااب شعر راسه

[صقر القصيم 16]

اخوي معروف ان الكلاب بجميع فصايله تشوف اللي مايشوفه البشر وانا اقول يشوف الجن والشياطين وكد سمعت عن هالكلام
تقبل مروري...

[إبن عويشز]

بارك الله فيكم جميعا ولا هنتوا يالنشامى
اشكر لكم مروركم وردودكم المفيده والشيقه ايضا
لكم تحياتي وتقديري

[إبن عويشز]

السلام عليكم ورحمة الله وبركاته
حسب طلب بعض الاخوة الكرام
هذه بعض صور الجرو بعد ان اتم 3 اشهر
ما شاء الله تبارك الله
اتمنى ان لا تبخلوا علي بأرائكم





http://www.mekshat.com/pix/upload02/images100/mk18091_sarham%20012.jpg
http://www.mekshat.com/pix/upload02/images100/mk18091_sarham%20007.jpg


http://www.mekshat.com/pix/upload02/images100/mk18091_sarham%20001.jpg

[الفزعه ياأخوه]

ماشاء الله تبارك الله والله مقاطعه طيبه ماشاء الله
والله يرزقك من صيده

[الرعد99]

انا كانت عندي سلقه قديم وكان لها نفس الطبع وهذي صورتها

http://www10.0zz0.com/2009/10/28/04/139121065.jpg (http://www.0zz0.com)

[الرعد99]

السلق طيب والله يبارك لك فيه

[رفيق الأمل]

ماشاء الله تبارك الله تاكل من صيده وهذا النباح مع الاذان عادي ياخوي مادامه جرو

[رفيق الأمل]

[quote=الرعد99;3325562]انا كانت عندي سلقه قديم وكان لها نفس الطبع وهذي صورتها






ماشاء الله عليها تاكل من صيدها يارعد والله مواصفاتها حلوة ولونها حلو

[الفهد الصبيحي]

والله ضاهر غريبه بس والله شهادة حق يا اخوي صاحب الجرو مشالله شكلك مهتم فيه شوف بنيت جسمه
الله يطعمك صيده
وشكراااااااااااان

[محمد الشلاحي]

هذا طبع مايصلح

[الصارم1]

وش ياكل ذا مفاطيح الله يصلحك

[دغيم الضلماوي]

اقول اخوي انا الي اعرفه مع كل اذان ينبح ويكثر نباحه مع صلاة المغرب والعشاء

[ابومالك500]

مشاء الله صحته زينة وهذا ينفع له في بناء جسمه وإذا فيه فيتامينات خاصة جيبها له راح تقوية لكن لازم مايجلس من دون حراك في الحركة بركة تخلية ينمو بسرعة .

و أظن ما ذكرت من طبعة هذا أمر طبيعي .

[a1Ruwais]

ماشاء الله.

[الأكيدر]

مشكور اخوي على الصور وماشاء الله عليه مربرب الاخ تتوفق به انشاء الله ...

[صياد تكريت]

انا السلوقي الي يعوي في الاذان ديحته وللحين ديحت 4 لان يعون في الاذان ويقولن ان سمعته يعوي قول اعوذ بالله من الشيطان

[ابومالك500]

هو فيه حديث معناه ان الحمار اذا نهق شاف شيطان و الديك يصيح اذا شاف الملائكة

اما عن الكلب فالكلب الاسود شيطان
أما النباح ما سمعت عنه شيء

[بوخليفه77]

هلابك اخوي
انا اعتقد انه عاااادي لان نفس الشي عندي يصير وكثير من الشباب نفي الشي يصير عندهم
الله يوفقك
تحياتي

[ابوسعودالسهلي]

وانا نفس الوقت بس يوم عمره تعدى السته اشهر خلال معاد ينبح مره كافيه
ماادري ليش

[فيصل الدشاش]

ماعندي اي معلوميـه

[روحي شماليه]

يااخوان هذي ماهي ظاهر غريبه ولاشيء يوم يأذن المأذن

الكلاب تشوف شيء مانشوفه يعني تشوف الشياطين لما تنحاش من صوت المؤذن

وكثير جدا من الكلاب الي تعوى وقت الاذان

اتمنى اني افدتك

[خواع]

انا كان عندي سلقه تعوي وقت الاذان علما انها في مكان ماينسمع الاذان بسهوله في اطراف البلد

[دنيا بلا معنى]

عادي يا شيخ لا تدقق بالحيل الله يهداك
والجرو ما شاء الله عليه

[قناص الخبر]

السلام عليكم
اخوي انا اعتقد انه هذا شي طبيعي وبقولك حاجه لاحظ على جميع السلق اللي عندك شفها تنبح بكثره يوم الجمعه الله يعزك لانها تشوف الجن بكثره
وسألت شيخ يقول لو يشوف الانسان مايشوفه الكلب لشاب شعر رأسه
يعني عادي
والجرو ماعليه حلو بس كأنه مليان وسمين ولا يتهيأ لي
تقبل مروري