هل هو صحن الكلتش ؟

[سباريت خلا]

السلام عليكم :

عندي ياشباب فتك 2003 فيه صعوبة في التعشيق خاصة في الأول والريوس والباقي ممتاز . واحد من الإخوان قلي هذا بداية صحن الكلتش . واحد من الشباب قال طبيعي ........... أريد مشورتكم .
خاصة إني أول مرة أسوق جيب كان معي صغيرة مكسيما ( طلقة الله يحفظ راعيها )

سباريت خلا

[قصمنجي لايوصف]

انا جربت صني 2007 مستعمل نفس المشكلة

و شريت صني 2008 وكالة من يوم ما طلعتها من الوكالة نفس المشكلة لكن بالريوس فقط

اتمنى احد يفيدنا

[برق ميسان]

مره خذ علم :
1/ الجربكس ناقص زيته.
2/العمود يبغاله تشحيم.

[باثفندر]

طبيعي جدا ،،، من خبرة نياسين بجميع انواعها 240 ومكسيما وباثفندر وسفاري ، اقول حط القير بالثاني قبل ماتحطة بالأول أو الريوس بتلقاه يسلك معك على طول ، والكلتش اكيد مافيه مشكلة يمكن مع التشحيم تنحل .

[مودع الخلان]

السلام عليكم
الله الله عندك صحن الكلتش مصوف تعبان ولا بالعاده قير الباترول خفيف
وغير الدزكو والفحم الكلتش ونكانك تبي تصبر عليه اذا جيت اتعشق عشقه بثلاثه وبعدين يفتحن كل الرمان وعشق بالاول ولا الريوس زي المويه
ونكانك تبي اتغير الكلتش يبيله واحدن فاهمله
وهاذاي ورشه متخصصه للبواترل بالصناعيه القديمه ورشة الخطيب
وهاذا رقم الورشه 0504209258
لعلي افدتك واي استفسار لايردك الا الخاص
تتقبل تحياتي
التميمي مودع الخلان

[ابوفهيدان]

دايما الاول والريوس مرات مايلقمون علي طول
لازم تاخذ لك لفة علي الثاني والثالث وبعدين ترجع للاول او الريوس
او ادعس الكلش كذا دعسه ويلقم سهالة
والوضع طبيييييييعععععععيييييييييي

[صقر نجد99]

اخوي الغالي شف زيت القير احتمال يكون ناقص وشيك على فلتر القير