المساعد الشخصي الرقمي

مشاهدة النسخة كاملة : ياخبراء الخيام وش الشور ؟؟؟


ملاح
03/10/2004, 01:34 AM
السلام عليكم ورحمة الله وبركاته
اخواني خبراء الخيام ابحث عن خيمة شراع صغيرة وعملية بحدود مقاس 2× 3 خفيفة الوزن وسهلة التركيب ويمكن تحميلها بالسيارة الصغيرة حتي لو تكون تفصيل ووين

وجزاكم الله الف خير
شايب الصمان
03/10/2004, 05:57 AM
السلام عليكم ورحمة الله وبركاته
اخي ملاح
اذا كنت تبحث عن الجوده ..... عليك بخيام القاضي جميع المقاسات ومحلاتهم :
1-الدمام. 2-الجبيل. 3-الرياض.
والله الموفق
الاحداثي
03/10/2004, 02:27 PM
أخوي العزيز ملاح فيه 2*3 و3*4 سفريات سريعة التركيب والصفط وشراعه تنزانى ( ما يخرش الميه ) ومواصير ألمنيوم خفيفة .... ولا تأخذ حيز في السيارة . اذا كنت من أهل الرياض فهي عند محل( توافق) وإذا كنت من القصيم فهي عند( المرباع) بعنيزه وحقيقة فهي رائعة ولا تفوتك.
الاحداثي
03/10/2004, 02:39 PM
أخوي ملاح : هناك خيام مقاس 2*3 و 3*3 و3* 4 مواصيرها المنيوم وشراعها تنزاني يعني ( ما يخرش الميه )" بإذن الله " سهلة التركيب والصفط وصغيرة الحجم لا تأخذ حيز في السيارة . إذا كنت من أهل الرياض فهي عند ( توافق) وإذا كنت من أهل القصيم فهي عند( المرباع ) بعنيزه والسعر تقريبا واحد ..

وتقبل تحايا أخيك

((((((((((((((((((((((((((((( الاحداثي ))))))))))))))))))))))))))))))
الجارمن
03/10/2004, 05:50 PM
السلام عليكم ورحمة الله وبركاته
ألاخ ملاح إليك هذا الرابط ففيها ما تريد من الخيام
http://mekshat.com/vb/showthread.php?threadid=23390
وابشرك تراه الخيمة اللي في الصورة تم خياطة لها بطانة
وهي موجودة كما قال زميلنا الاحداثي عند المرباع في عنيزة او عند توافق في الرياض
ملاح
03/10/2004, 10:10 PM
السلام عليكم ورحمة الله وبركاته
الف الف شكر الى كل الاخوان
الجارمن
الاحداثي
شايب الصمان
على التفاعل الطيب وجزاكم الله الف خير
مفتش الريضان
08/10/2004, 02:54 AM
أخوي ملاح
ولا يهون شايب الصمان أضم صوتي للأخ إحداثي عليك بخيمة نوافق أنا مجربها ومناسبة جداً.
ملاح
08/10/2004, 06:37 AM
السلام عليكم ورحمة الله وبركاته
اخي العزيز مفتش الريضان بارك الله فيك
جزاك الله الف خير وسوف اجرب خيام توافق عملاً بنصيحتكم ونصيحة الاخوان





بارك الله في جميع الاخوان على تجاوبهم الكبير مع موضوعي
مهراس
08/10/2004, 10:46 AM
السلام عليكم:
أود ان أشارك معاكم بنفس الموضوع وابدأ ببعض الأمثال تعبيرا لما حصل معي
1- الرخيص بخيس
2- اللي مايعرف للصقر يشويه(اقصد صناعة الخيمه)
والقصه انه في احد الأيام نويت على شراء خيمه أو مظله خفيفه للبر أو البحر وللطلعات الخفيفه وقلت يمكن ألقاها في شارع التحليه عند أهل الخيام والطرابيل( تقاطع التحليه مع المكرونه).
حصلت خيمه 3X2 مسوينها البنقاله أو الهنود في أحد المحلات وسعرها 250 ريال ومحشيه في كيس ومعاها 7 مواصيرحديد(اثنين خلف واثنين أمام واثنين بلكونه وواحد وسط) وقلت هذا المطلوب،
ومع أول طلعه للبحر جينا ننصب الخيمه تقول ابن امه يقرب مني، 7 مواصير كيف نحطها اذا حطينا واحد وجينا نشد الحبل مالت الخيمه واحنا نفرين ساعه حتى قدرنا نوقف الخيمه ولكن تشوف شكل الخيمه تضحك جنب مشدود وأخر مرتخي وعمود طالع وواحد مايل مع الشد، اعتقد ان خياطة الخيمه ماهي متساويه وموزونه والبطانه متهدله ومهى لاصقه في الخيمه يعني طلعة عذاب مع الحر الشديد ماغير نروح البحر كل شويه نتبرد.
والشاهد ياأخوان انا لما شفت الخيمه اللي مع الشباب في البر امتعست كثير وتمنيت انه يكون محل في جده عنده مثل هذي الأنواع، فعلا خيمه كاملة المواصفات، والنيه اني أروح الرياض ان شاء الله اشتريها.
الكشاح
10/10/2004, 11:27 AM
السلام عليكم ورحمة الله وبركاته

تشكر اخي ملاح على طرح الموضوع المهم

والسؤل الى الاخ الاحداثي..ممكن توفر رقم محلات توافق في الرياض

وان كان بالدمام او الهفوف يكون افضل...لو تكرمت

تقبلوا احترامي
أبو صياح
26/10/2004, 06:23 AM
موضوع تشكر عليه
ولكن لو سمحت وين تصير موقع محلات توافق في الرياض

تحياتي لك ....
الاحداثي
27/10/2004, 12:25 AM
رقم توافق في الرياض هو 4569301 والمسؤول الأستاذ أحمد العنزي.. وموقعهم طريق الملك فهد قرب مستشفي دله ..

وتقبل تحيات أخوك ..

((((((((((((((((((((((((((((( الاحداثي )))))))))))))))))))))))))))
الكشاح
27/10/2004, 01:15 AM
تسلم اخوي الاحداثي والله يعطيك العافيه

وما قصرت...واشكرك
عبد العزيز العجاجي
27/10/2004, 01:18 AM
مشكور على وصفك لمكان توافق ياالاحداثي
وجيه 11
06/11/2004, 10:26 AM
تسلم والله يالاحداثي :good:

اخوي الكشاح قبل تجي للرياض عطنا خبر :) ولو تخلي الجية في وقت المطر والخير كان تسوي خير
الكشاح
14/11/2004, 12:17 AM
وجيه 11....اشكرك على الدعوة الطيبه...وهذا من طيبك......

والدار دارنا وعساك عالقوة
ابويزيد
14/11/2004, 12:55 AM
بسم الله الرحمن الرحيم

الاخ ملاح كل عام وانت بخير

فيه خيمه اسمها البيرق من صناعة القاضي للخيام
سهله التركب خلال خس دقائق فقط يمكن تركيبها
ملاح
14/11/2004, 04:01 AM
السلام عليكم ورحمة الله وبركاتة
الف شكر اخي العزيز ابويزيد على تفاعلك الطيب
وكل عام وانت بخير والى جميع الاعضاء فى مكشات اعادة الله علينا وعليكم باليمن والبركات