شيٍ حقيقي لاخرافات وهجوس ( جديد )------------------اللغز حله ابوسعودد

[ابو ماجد 2]

بسم الله الرحمن الرحيم


السلام عليكم ورحمة الله وبركاته

شيٍ حقيقي لاخرافات وهجوس=يعرفه اللي قبل يرمع يبوعي
أمرٍ ترادى واصبح الوضع ميئوس=لكن غدى هيِّن بفكر الفزوعي
شق الأمر لكن شفاته من الروس=مايستوي الا بموت الجموعي





تحيتي وتقديري لجميع الزملاء


ابو ماجد : منتديات مكشات

[dughiman]

صح لسانك يا الزعيم
وشرايك بقوله تعالى( وإذ قال موسى لقومه يا قوم إنكم ظلمتم أنفسكم باتخاذكم العجل فتوبوا إلى بارئكم فاقتلوا أنفسكم ذلكم خير لكم عند بارئكم فتاب عليكم إنه هو التواب الرحيم (http://mekshat.com/vb/#docu)( 54 ) ) .

[مسيرs]

وعليكم السلام ورحمة الله وبركاته

تسجيل حضور وتحريك فقط وفتح ثغرة للنشاما
ممكن له علاقة بالرده ومنع الزكاة وموقف الصحابة منه
أو نقول هي المشورة
أو هي ماوقع في قصة الطاعون ومقولة عمر المشهورة
المهم نبغى نشوف قبلة فارسك يافارس

[ابو ماجد 2]

صح لسانك يا الزعيم
وشرايك بقوله تعالى( وإذ قال موسى لقومه يا قوم إنكم ظلمتم أنفسكم باتخاذكم العجل فتوبوا إلى بارئكم فاقتلوا أنفسكم ذلكم خير لكم عند بارئكم فتاب عليكم إنه هو التواب الرحيم (http://mekshat.com/vb/#docu)( 54 ) ) .

صح بدنك اخوي دغيمان
والمرماع مالك لوى يالغالي

[ابو ماجد 2]

وعليكم السلام ورحمة الله وبركاته

تسجيل حضور وتحريك فقط وفتح ثغرة للنشاما
ممكن له علاقة بالرده ومنع الزكاة وموقف الصحابة منه
أو نقول هي المشورة
أو هي ماوقع في قصة الطاعون ومقولة عمر المشهورة
المهم نبغى نشوف قبلة فارسك يافارس

هلا بك اخوي مسير
وحضورك يشرفني يالغالي
والرمعه مالك لوى

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
صح السانك اخوي بوماجد
وشو قولك بمشورته سلمان الفارسي لرسول صلى الله عليه وسلم (بحفر الخندق)

[ابو ماجد 2]

السلام عليكم ورحمة الله وبركاته
اسعد الله اوقاتكم بكل خير
صح السانك اخوي بوماجد
وشو قولك بمشورته سلمان الفارسي لرسول صلى الله عليه وسلم (بحفر الخندق)

وعليكم السلام ورحمة الله وبركاته
ومرحبا فيك
والمرمع مالك لوى

[ياعين ابوي]

صح السآنك .. ممكن يكون السلآح النووي أو الكيمآوي ..

[براااوي]

صح لسانك يا أبو ماجد

وش رايك بالطفل اللي بقصة أصحاب الأخدود

[ابو ماجد 2]

صح السآنك .. ممكن يكون السلآح النووي أو الكيمآوي ..

صح بدنك
والسلاح النووي والكيماوي
مالك لوى

[مسيرs]

محاوله

قصة نعيم بن مسعود بغزوة الأحزاب
أو ماحدث في حديقة الموت أثناء مقاتلة مسليمة الكذاب

[ابو ماجد 2]

صح لسانك يا أبو ماجد

وش رايك بالطفل اللي بقصة أصحاب الأخدود

صح بدنك يالغلا
مالك لوى يالغالي
وماله علاقه بجميع قصص الانبياء ولا حتى الصحابه
تحيتي لك وتقديري

[ابو ماجد 2]

محاوله

قصة نعيم بن مسعود بغزوة الأحزاب
أو ماحدث في حديقة الموت أثناء مقاتلة مسليمة الكذاب

هلا بك اخوي مسير
والرمعه مالك لوى
وماله علاقه لا بالانبياء ولا بالصحابه
تحيتي لك

[ياعين ابوي]

ممكن يكون يخص الأرهاب والأحداث الي تصاحبه ..

[ابو ماجد 2]

ممكن يكون يخص الأرهاب والأحداث الي تصاحبه ..

هلا بك
ومالك لوى
تحيتي لك وتقديري

[هواي داورد]

ياطويل العمر وش رايك بالعين ( النظل و الحسد )

[ابو ماجد 2]

ياطويل العمر وش رايك بالعين ( النظل و الحسد )

مالك لوى يالغالي
ولكن اتجاهك ان الدعوى فيها عله طيب

[براااوي]

رمعات مدري شلون لكن أبي ارمع :)

غزو الكويت أو غزو العراق أو غزو أفغانستان

[ابو ماجد 2]

رمعات مدري شلون لكن أبي ارمع :)

غزو الكويت أو غزو العراق أو غزو أفغانستان

مالك لوى يالغالي وخلك مع توجه هواي داورد

[براااوي]

طيب أبو ماجد

علاج صلاح الدين الأيوبي لريتشارد قلب الأسد

وصلاح الدين مو صحابي :)

[هواي داورد]

وش رايك بالعادات والتقاليد

[ابو ماجد 2]

طيب أبو ماجد

علاج صلاح الدين الأيوبي لريتشارد قلب الأسد

وصلاح الدين مو صحابي :)

مالك لوى يالغالي
تحيتي لك وتقديري

[ابو ماجد 2]

وش رايك بالعادات والتقاليد

مالك لوى وخلك على وجهتك الاولى

[هواي داورد]

وش رايك بالديه أو تطبيق الحكم على القاتل

[ابو ماجد 2]

وش رايك بالديه أو تطبيق الحكم على القاتل

مالك لوى يالغالي

[ياعين ابوي]

شيٍ حقيقي لاخرافات وهجـوس

يعرفه اللي قبـل يرمـع يبوعـي

أمرٍ ترادى واصبح الوضع ميئوس

لكن غدى هيِّن بفكـر الفزوعـي

شق الأمر لكن شفاته من الروس

مايستوي الا بمـوت الجموعـي
طيب .. السحر ..

[هواي داورد]

أخره رمعه اخر رمعه

وش رايك بالغزو الفكري ....

وللمعلومية كل الرمعات راكبه على لغزك صح

[مسيرs]

طيب وسش رايك بالتطعيم وعادة يكون مكروب ضعيف يقوم الجسم بمقاومته والمناعة منه

[ابو ماجد 2]

شيٍ حقيقي لاخرافات وهجـوس


يعرفه اللي قبـل يرمـع يبوعـي

أمرٍ ترادى واصبح الوضع ميئوس

لكن غدى هيِّن بفكـر الفزوعـي

شق الأمر لكن شفاته من الروس

مايستوي الا بمـوت الجموعـي
طيب .. السحر ..



السحر الله يقلع مداه عنا وعنكم
مالك لوى

[ابو ماجد 2]

أخره رمعه اخر رمعه

وش رايك بالغزو الفكري ....

وللمعلومية كل الرمعات راكبه على لغزك صح

هلا بك يالغالي
اتمنى ان لاتكون الاخيره
والرمعات يالغالي مابعد وصل الحل
وين ( شفاته من الروس )
ووين مايستوي الا بموت الجموعي

[ابو ماجد 2]

طيب وسش رايك بالتطعيم وعادة يكون مكروب ضعيف يقوم الجسم بمقاومته والمناعة منه

مالك لوى يالغالي
انتظر المرماع القادم

[راع الأوله 1]

صح لسانك ابا ماجد
وش رايك بمرض انفلونزا الخنازير اعذانا الله واياكم منه
وقد توصل العلماء الروس إلى استخلاص اصول فيروس (a/h1n1) المسبب لهذا المرض

تحياتي

[برق القصيم]

صح لسانك زعيمنا


رميعه طال عمرك
يمكن الكي في الرأس ويستخدم لبعض العلل مثل الفتق او التنسيم بالجمجمه والصرع
والجموع اللي تموت يمكن قصدك الشعر اللي يختفي بمكان الكيّه

[إبرا]

تاريخ التسجيل: Nov 2006
المشاركات: 5,555
http://www.mekshat.com/vb/images/reputation/reputation_pos.gif

ماشاء الله تبارك الله رقم مميز لحبيب الكل فارس الألغاز
الله يعطيك طولة العمر وبإنتظار 6,666
للأسف ماعندي رمعة

[مخراز]

السلام عليكم ورحمة الله وبركاته

هذه رمعه وإنشاء الله إنها صح ماهو بسوق ألأسهم وأمر البيوع فيه هي ألأسهم وشكرا

[تنومه دياري]

ممكن يكون يوم القيامه

[ابوسعودد]

صح لسانك يابوماجد :
اتوقع كانوا قديما اذا اصاب احد جرح كانوا يخيطونه بروس القعر .

[عاشق السناف]

صح لسانك زعيمنا



رميعه طال عمرك
يمكن الكي في الرأس ويستخدم لبعض العلل مثل الفتق او التنسيم بالجمجمه والصرع

والجموع اللي تموت يمكن قصدك الشعر اللي يختفي بمكان الكيّه




صح لسانك ابو ماجد

ولا ازيد شي على برقنا

[براااوي]

صح لسانك زعيمنا



رميعه طال عمرك
يمكن الكي في الرأس ويستخدم لبعض العلل مثل الفتق او التنسيم بالجمجمه والصرع

والجموع اللي تموت يمكن قصدك الشعر اللي يختفي بمكان الكيّه



عز الله رمعة طيبة

بإنتظار أبو ماجد

[الدوسرية]

الله يكرمكم

الوعي الي يخرج من الجرح

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
اضم صوتي لصوته الأخوه
وقول ان شاء الله رمعه اخوي برق القصيم ( الكي أو الحجامه) هي الذبحة اللغز

[ابو ماجد 2]

صح لسانك ابا ماجد
وش رايك بمرض انفلونزا الخنازير اعذانا الله واياكم منه
وقد توصل العلماء الروس إلى استخلاص اصول فيروس (a/h1n1) المسبب لهذا المرض

تحياتي

هلا بك يالغالي
صح بدنك
والرمعه ماصابت طال عمرك
تحيتي لك وتقديري

[ابو ماجد 2]

صح لسانك زعيمنا




رميعه طال عمرك
يمكن الكي في الرأس ويستخدم لبعض العلل مثل الفتق او التنسيم بالجمجمه والصرع


والجموع اللي تموت يمكن قصدك الشعر اللي يختفي بمكان الكيّه


صح بدنك
والظاهر نبي نضطر كل فترة نضع لغز كايد من شان نفرح بتواجدك يالغلا
الرمعه خطيره ولكن مابعد صدت الحل واعتقد انه مامر عليك والا كان كد ذكيته الله يزيدك من فضله
تحيتي لك وتقديري

[ابو ماجد 2]

تاريخ التسجيل: Nov 2006
المشاركات: 5,555
http://www.mekshat.com/vb/images/reputation/reputation_pos.gif

ماشاء الله تبارك الله رقم مميز لحبيب الكل فارس الألغاز
الله يعطيك طولة العمر وبإنتظار 6,666
للأسف ماعندي رمعة

الله يرضى عليك ومرورك تشريف لي والله يديم المحبه والتواصل ويتجاوز كل الغالين هذا الرقم

[ابو ماجد 2]

السلام عليكم ورحمة الله وبركاته




هذه رمعه وإنشاء الله إنها صح ماهو بسوق ألأسهم وأمر البيوع فيه هي ألأسهم وشكرا



وعليكم السلام ورحمة الله وبركاته
مالك لوى يالغالي
حيتي لك وتقديري

[ابو ماجد 2]

ممكن يكون يوم القيامه


مالك لوى يالغالي
حيتي لك وتقديري

[براااوي]

عندي رمعتين يا أبو ماجد

الثعلبة أو السرطان

الله يبعدنا عنهن وجميع مسلم

[ابو ماجد 2]

صح لسانك يابوماجد :
اتوقع كانوا قديما اذا اصاب احد جرح كانوا يخيطونه بروس القعر .

ابو سعودد
لله درك يالغالي
وصح لسانك ملايين
والرمعه بشكل ادق
يقال ان خيل اصيله كانت لاتنجب وان احد الاطباء الشعبيين اكتشف وجود تشقق في عنق الرحم لايسمح ببقاء الحيوان المنوي فما كان منه الا ان احضر ( القعر) وهو كبار النمل وجعلها تعض الشق بعد ان يطبق طرفيه ثم يقوم بقطع جسمها عن الراس وهكذا لغاية ماانخاط الرحم
واللغز يالربع فكرته من ابو محمد ولكني لم انوه بالبدايه قلت في نفسي نشوف لعله يرمع والظاهر انه عرف الموضوع لذلك لم يرمع ولا رمعه
بيض الله وجهك يابو سعود

[ابو ماجد 2]

صح لسانك ابو ماجد

ولا ازيد شي على برقنا

حياك الله يالغالي انت وبرق القصيم ورمعته كانت قريبه والحل عند ابو سعود

[ابو ماجد 2]

عز الله رمعة طيبة

بإنتظار أبو ماجد

هلا بك والرمعه طيبه ولكن الحل عند ابو سعود

[ابو ماجد 2]

الله يكرمكم




الوعي الي يخرج من الجرح


مالك لوى اختي
تحيتي لك وتقديري

[ابو ماجد 2]

السلام عليكم ورحمة الله وبركاته
اسعد الله اوقاتكم بكل خير
اضم صوتي لصوته الأخوه
وقول ان شاء الله رمعه اخوي برق القصيم ( الكي أو الحجامه) هي الذبحة اللغز

وعليكم السلام ورحمة الله وبركاته
حياك الله
وبرق القصيم ماقصر والحل عند ابو سعودد

[ابو ماجد 2]

عندي رمعتين يا أبو ماجد

الثعلبة أو السرطان

الله يبعدنا عنهن وجميع مسلم

هلا بك اخوي
والحل عند ابو سعودد

[ابو ماجد 2]

الاخوة الزملاء لشرح اللغز


أمرٍ ترادى واصبح الوضع ميئوس.......لكن غدى هيِّن بفكر الفزوعي


امر ترادى وهو وضع الفرس الاصيله بعدم الانجاب ولكن بفكر الطبيب الشعبي اصبح الامر سهل
شق الأمر لكن شفاته من الروس.....مايستوي الا بموت الجموعي
شق الامر وهو شق الرحم وشفاؤه بروس القعر واكيد يترتب عليه موت جماعات من القعر لينخاط الرحم

[براااوي]

صح لسانك ولسان أبو سعود

اللغز وافي يا أبو ماجد 100 %

في لغز قديم على القعر يقول

مشيت أنا مابين شمر وعناز .... لا ما لقيت اللي يخيطون بالراس
لا حاشته إبرة ولا جاه مخراز .... وش لون بعض الجنس يركب على أجناس

[ابو ماجد 2]

صح لسانك ولسان أبو سعود

اللغز وافي يا أبو ماجد 100 %

في لغز قديم على القعر يقول

مشيت أنا مابين شمر وعناز .... لا ما لقيت اللي يخيطون بالراس
لا حاشته إبرة ولا جاه مخراز .... وش لون بعض الجنس يركب على أجناس
صح بدنك وصح لسانك على اللغز
بس ليتك مؤجله وعارضه ليتم الترميع عليه فاللغز قيم يالغلا

[ابوسعودد]

ابو سعودد




لله درك يالغالي
وصح لسانك ملايين
والرمعه بشكل ادق
يقال ان خيل اصيله كانت لاتنجب وان احد الاطباء الشعبيين اكتشف وجود تشقق في عنق الرحم لايسمح ببقاء الحيوان المنوي فما كان منه الا ان احضر ( القعر) وهو كبار النمل وجعلها تعض الشق بعد ان يطبق طرفيه ثم يقوم بقطع جسمها عن الراس وهكذا لغاية ماانخاط الرحم
واللغز يالربع فكرته من ابو محمد ولكني لم انوه بالبدايه قلت في نفسي نشوف لعله يرمع والظاهر انه عرف الموضوع لذلك لم يرمع ولا رمعه
بيض الله وجهك يابو سعود




صح لسانك يابوماجد وصح بدنك وانا صراحه لا اعلم بقصه الخيل وهي شي جديد على معرفتي
ولكن الحل اقتبسته من فلم شاهده قبل فتره واذكر ان واحد اصيب في الحرب وواحد من اصحابه شاف القعر حوله ثم بدء يحط القعر على الجرح ثم اذا عضت القعره قطع راسها لين كمل كل الجرح وسكره تماما وحط تقريبا مايقارب 50 قعره عشان يلحم الجرح
المهم اني وصلت الحل وصح لسانك مره ثانيه وصح لسان ابومحمد

[برق القصيم]

صح السنتكم
زعيمنا وابوسعود وبيض الله وجيهكم
عزالله لغز سمين وجزل ورمعه ذباحه
واكرر ماقلته سابقا ان مايميز الغاز ابوماجد
بالاضافه لتميزها انها تضيف لنا معلومه وتثري الثقافه

[ابو ماجد 2]

هلا بك ابو سعود والمهم باللغز هو الخياطه بروس القعر
والبعض يقول ان الخيول اذا مااصيبت بالحروب كانوا يخيطون جروحها بروس القعر
بارك الله فيك

[ابو ماجد 2]

صح السنتكم

زعيمنا وابوسعود وبيض الله وجيهكم
عزالله لغز سمين وجزل ورمعه ذباحه
واكرر ماقلته سابقا ان مايميز الغاز ابوماجد

بالاضافه لتميزها انها تضيف لنا معلومه وتثري الثقافه


بارك الله فيك يالغالي وكلامك محل فخر لي
ولا ننسى صاحب فكرة اللغز الشيخ مسكين