من ثلاث احروف اسمه يالنبيه(جديد)----------------اللغز حله ابو ماجد

[هيل]

السلام عليكم ورحمة الله وبركاته

من ثلاث احروف اسمه يالنبيه
......................ودايـماً خـده ادوس بالـوطـا
لحذ فة حـرف اخـرمن تاليه
......................يصبح الراحه في بذل وعطا
واذاقـلنا حرفه لول مانـبـيـه
..................بان دوره بين سرعه والبطا
مع تحيات (الهيل)
منتديات مكشات

[ابو ماجد 2]

صح لسانك يابو عبدالله

لغزكم من فكر للغطوه نبيه=ورمعتي ماظنها تاتي خطا
ذا كفروالكل بالممشى رجيه=ون حذفت احروف فالمعنى سطا
لو يروح الذيل كفٍ تلتقيه=لو يروح الراس للمشى خطى

[براااوي]

صح لسانك أخي هيل

ولسان أبو ماجد وأضنه ذبحه

[دبوس ظلماخواف]

الله اعلم قاتله .. شوتت بيليه
فارس الالغاز . جابه مابطا
/

الله لايضرك ..... ماشاء الله عليك

[ياعين ابوي]

ماشاء الله . ماشاء الله .. اذكروا الله ياأخوآن .

[براااوي]

لا إله الا الله

[حكم ساحة]

ياالربع مهوب ال(( كفر ))

[هيل]

ابوماجد 2
صح السانك ملايين والله ابيض وجهك
وفيت وكفيت

[هيل]

براااوي
الله ابيض وجهك على تاكيد الرمعه
ونتمنى الموااصله المستمره
الله يبارك فيك

[هيل]

دبوس ظلماخواف
رد وتاكيد لرمعه حلو
الله ابيض وجهك ماقصرة

[هيل]

اختنا المتجدده
عين ابوها الله ياجزاك خير
على التذكير بذكرالله
والله انك اتيتي مماهوافضل من الرمعه

[هيل]

حكم ساحه
صح السانك
ولاتحرمنامن المشاركات

[الفزعه ياأخوه]

صح لسانك والله صعب اللغز
عسى الله يعين وييسر

[حكم ساحة]

حكم ساحه
صح السانك
ولاتحرمنامن المشاركات

والله يا خوي ما طلع عندي حل أخونا ابو ماجد:confused:
وانا حليته من نفسي وقلت هو ((الكفر ))
وانتم تقولون صح لسانك يابوماجد وتذكرون الله عليه
وانا ودي أعرف وش حل ابو ماجد لوسمحتوا لأن اجابته ما تظهر عندي :no2:هل هي محذوفة عن قصد ولا كيف :(

[ابو ماجد 2]

والله يا خوي ما طلع عندي حل أخونا ابو ماجد:confused:





وانا حليته من نفسي وقلت هو ((الكفر ))
وانتم تقولون صح لسانك يابوماجد وتذكرون الله عليه
وانا ودي أعرف وش حل ابو ماجد لوسمحتوا لأن اجابته ما تظهر عندي :no2:هل هي محذوفة عن قصد ولا كيف :(



صح لسانك يالغالي على الرمعه
ويبدوا ان تنسيق قصيده مايظهر عندك ورمعتي التالي



لغزكـم من فـــــكر للغطوه نبــيه........ورمعتي ماظــــــــنها تاتي خطا
ذا كفروالـــــــكل بالممشى رجيه........ون حذفت احروف فالمعنى سطا
لو يروح الذيل كـــــــفٍ تلـــــتقيه........لو يروح الراس للممشــى خطى

[حكم ساحة]

مشكور يا أستاذنا الغالي أبو ماجــــــــــــــــــــــد 2 على اهتمامك وتوضيحك
وصح لسانك وصح بدنك