الكرونه

[صقرحايل]

مرحبا يا رجال
انا عندى الكرونه تطلع صوت مزعج مره
وكان عندى خراب با الرمانات واتروس داخل الكرونه وغيرتها وقال المهندس يبى يطلع صوت خفيف
لاكن اصوت كل ماله يزود شوركم يارجال
اغير الكرونه او ايش اسوى وبكم فلوس الكرونه الجديده والمستعمله وهل فيه كرونه تركب على البليزر 2005غير كرونته
وشكر لكم

[ابوناصر3]

وعليكم السلام ياخي المهندس الي تقول
يدري انة بيخرب ومع ذلك اشتغل فية ليش مانصحلك يا يغير الدفرنس او يغير القطع اتوقع انة ما ضبطة تشاليح الرياض رخيصة ركب دفرنس كامل افضل

[HAS5SAN]

الله يعينك يا صقر حايل ليتك مغيرها بالكامل
المهم
فيه زيت عيار ( 140 ) لزوجته مثل عسل السدر
هذا هو علاج كرونت موترك الآن

[بدوي جنوبي]

:no2::no2:
مو كل كرونه تحتاج زيت 140

اذا كانت الكرونه بها كلتشات لها زيت خاص

عموما
المفروض ترجع اللى صلح لك الدفرنس ويشوف وين المشكله
ويوزن الكرونه من جديد ،،، لا تخسر نقسك دفرنس كامل

والدفرنس اذا توضب ما يضبط مثل المصنع لابد من ظهور صوت
ولو كان خفيف ترا ما يضر

انا قبل فتره وضبت دفرنس
هذا رابط الموضوع :

°° °°☼ •• كارونة دفرنس توضيبها بالصور اكثر من 108 صورة ••☼ °° °° (http://www.mekshat.com/vb/showthread.php?t=229302)

وحالت انى اضبط الوزن لكن عجزت لان الامكانات غير متوفره وبتعرفها اكثر اذا قرأت ااموضوع ،،

نصيحتى لك ارجع للورشه وخله يرجع يضبط الوزنيه فقط
وان شاء الله ما تدفع ولا ريال ،،، لانه هو اللى وضب ويتحمل المسئوليه


بالتوفيق

[abo abd allh]

اخوي سمعت انه اذا كان فيه صوت في الكرونه حط فيها شوي من براده الخشب

[سوبر VTC]

الكارونة يحطون به
برادة او نشارة خشب
و بعضهم يحط اكرم الله النعمه قشر موز
و بعضهم يحط شحم
عشان تروح الفضاوة اللي بالكارونة
و بعضهم يحط زيت 140 + شحم

بعض شريطيه المعارض يغشون بالسيارة عند البيع
و يحطون شحم و يختفي الصوت

موفق

[has-120]

الله يعينك

[صقرحايل]

الله يوفقكم ما قصرتو
بس الى يعرف قيمة الكرونه با اتشليح او با الوكاله تكفون

[Magellan]

أخوي أنا معي مثل موترك
والحقيقة دفرنسه مو مثل غيره من الجموس والشفر
ما أتوقع يصلح له كارونة الجمس 1500 لأن الجمس تجي مربعه
وهو دائري
أقرب مال الدفرنس دفرنس كابرس صابونة دائري بس ماني متأكد
لازم نعرف البنيون والكرونه كم سنه داخل الدفرنس عشان نحكم عليه
أخبر واحد بالرياض يمدحه خويي يقول ضبط الكارونة بالمللي
إذا أنت من سكان الرياض دليتك

[Magellan]

...اضافة ....

بعد البحث بالنت في المواقع الأجنبية تبين أن نسبة البنيون للكرونه هي 3.42
يعني 12 سنه بنيون + 41 سنه كرونه= 41/12=3.42
وهذا الدفرنس متواجد بكثره في الجي ام يعني أتوقع يركب دفرنس الكابرس طبعا بدون العكوس فقط الكرة الدائرية
والله أعلم

[oxqatarxo]

كان عندي ميكانيكي مصريشاطر

كنت ابي ابيع سيارة الشركة الجمس السنوما ولكن في صوت في الكورونه
قام وقال لي احنا دايما انحط نشارة خشب في الدفرنس و يقصي على الصوت
وانبيع السيارة حلاوة

قلت له حرام عليك و هذا غش ... الله يهديه راح بلاده من زمان