اذا تبي تشتري شي من التشاليح لا تستعجل

[zyarahmy]

هذه اول مشاركه لي بالمنتدى واتمنى تحوز على اعجابكم


انا عندي اكسنت 2005 خبطت مكينتها وفيها حراره يعني ما ينفع التوظيب

المهم واشيل السياره وعلى التشاليح واحصل مكينه ب2500 مع الرجيع ومع التركيب ضمان 7 ايام

والله واركبها
خذيت الموتر

واسوقه وما تمشي الا 155

وعلى طول الحراره ترتفع
وارجع له السالفه كيت وكيت وكيت قال ما عندي الا هذي المكينه قلت خلاص لا هنت الفلوس وخذ مكينتك

واحوص التشاليح حوص والى وحده ثانيه بنفس السعر والضمان <<<شكلهم متفقين <<<< ما يهم

والله ونفس المشكله
وارجعها واخذ فلوسي

وين وين وين وين وين


قلت بروح الكويت
واخذ المكينه واطلع على امغره في الكويت

صح اني تعبت الين حصلت المكينه
لكن يا شباب ولا يهونون الشياب

خذيت المكينه ب1040 ريال سعودي بدون تركيب وبدون الرجيع وضمان شهر واذا علمته انك جاي من السعوديه
يعطيك يومين حق المشوار والتركيب

وارجع السعوديه بالمكينتين وماشاء الله تبارك الله وكاله

ركبتها ب250 وقطع غيار 120 سيفون و قازقيت الغطا والزيت والماء
ولك الحسبه

واللي يبي اوصف له التشليح (يسمونه سكراب) يبشر

كل شي موجود عندهم ورخص


الجمارك ورهم الفواتير وخلاص تمشي

[HA22]

الله يعطيك العافيه اخوي

[zyarahmy]

الله يعافيك

[has-120]

التشاليح غشاشين

[شامخ ألهيلا]

ليتك وانا اخوك سالت التشاليح الي بداخل الصناعيه لان يجي عندهم مستورد ابرك من احاش التشاليح
وبخصوص الذهاب لتشاليح اول شي
تروح تسال عن القطعه في محلات قطع الغيار وتشوف سعرها
لان بعضهم مايدري ويروح التشليح ويشتريه باعلى من سعر الوكاله وهي مستعمله

[الاداري]

احسنت على الاقل الاستعمال الكويت خفيف مو مثل الى عندنا ما تقول الا تبي تخبط

[almlgof]

يا خوي الي عندنا مهو تشليح وكاله فيه قطعه قيمتها في اسوق 5 ريال
لقيته في اتشليح قلت له بكم قال 50 ريال يبو ترا في اسوق قيتها جديده 5 ريال قال تبي ولا خله
هم ما عندهم خلفيه عن اسعار القطع واذا سئلته عن اي قطعه خمن سعره من راسه وانت بكيفك تبي والا خلها هي مافرقت معه هو بيبيعها عليك ولا باعها حديد بالوزن

[zyarahmy]

بالنسبه للأسعار معقوله جدا جدا يعني انا اخذت من الكويت مكينه وقزوز وحامل الاكواب ومجمع البريك للأكسنت وخذيت لسياره اخوي الفورد صدام وفيبر وعصا اللي في الدركسون حقت المساحات والاشارات
وارقام الباب كلها ب170 دينار يعني 2210 ريال سعودي

وكلها اوكيييييييييه
ولا شي خربان

ومن ناحيه البضاعه يا شباب كلام كثير

اللي يزيد يقهرك ويفرحك في نفس الوقت انه سياراتهم صقعاتها خفيفه ما تستاهل تروح التشليح

وكل كل كل كل كل شي موجود وبأقل من السعر اللي انت تتوقعه


بعدين تشاليحهم مكتوب لى لوحهم مثلا تويوتا ونيسان والمحل اللي جنبه فورد ودوج يعني سيارتك شبح تدور لوحه عليها شعار مرسيدس ما تنزل كل تشليح وراح اليوم عليك

انا جديد في الموقع اي واحد يبي شي لا يرسل رساله يكتب رد عشان افيده

[zyarahmy]

يا خوي الي عندنا مهو تشليح وكاله فيه قطعه قيمتها في اسوق 5 ريال
لقيته في اتشليح قلت له بكم قال 50 ريال يبو ترا في اسوق قيتها جديده 5 ريال قال تبي ولا خله
هم ما عندهم خلفيه عن اسعار القطع واذا سئلته عن اي قطعه خمن سعره من راسه وانت بكيفك تبي والا خلها هي مافرقت معه هو بيبيعها عليك ولا باعها حديد بالوزن
عز الله انك صادق حصلت كلتش حق قير الاكسنت نظيف قلت له بكم قال ب500 قلت والله في الوكاله ب325 قال تبغاه والا خله

استغلال على كيف كيفك

[ماجد1234]

اي والله التشاليح يبي لهم انتباه

انا مره كان معي فورد ماركيز

ورحت سألت عن اليايات

لقيتها مفكوكه عند راعي التشليح

قلت بكم الاربع

قال لي بألف 1000 ريال

عاد كاسرته واوهمته اني بشتريها

لين وصل 800 ريال

قال هذا السعر مره عشانك

وتدرون كم قيمتها جديده

ب 280 ريال الاربع

وهو يبي 800 ريال

[نفود الطوقي]

يارجال
بعض محلات التشليح اللي بالرياض

بركبو قطع التقليد على السيارة على أنه أصلية
لابد من أن تكون حذر

[ابويارا1001]

اسعار التشاليح عندنا فلكيه

وقد تكون ضعف السعر بالوكاله

مثلا كنت ادور ياي لتريل بليزر لقيته بالتشليح ب800 وانا عارف سعر الطقم الخلفي جديد ب400

ومره كنت ادور قير مالبيو شفر لقيته بالتشليح عندنا ب 1800

وجبته من الكويت ب650

وصار فيه مشكله وكلمته راعي التشليح قال لي ـاكد من توصيلات الكهرب للقير واذا ما جاز لك رجهع وخذ فلوسك

واذا طلع فيه حساس صلحه وارسل لي احد ياخذ قيمة تصليحه

وقال تراهي ذمه

والحمد لله طلع عندي ماس القير ما هو مركب وضبطته.

وضبط القير

بس راعي التشليح احرجني بكلامه وصدق نيته

هذه تجربتي

وعذرا على الاطاله

[Ss7]

اعوذ بالله من الطمع والجشع والدنائه والخبث

[zyarahmy]

اسعار التشاليح عندنا فلكيه



وقد تكون ضعف السعر بالوكاله


مثلا كنت ادور ياي لتريل بليزر لقيته بالتشليح ب800 وانا عارف سعر الطقم الخلفي جديد ب400


ومره كنت ادور قير مالبيو شفر لقيته بالتشليح عندنا ب 1800


وجبته من الكويت ب650


وصار فيه مشكله وكلمته راعي التشليح قال لي ـاكد من توصيلات الكهرب للقير واذا ما جاز لك رجهع وخذ فلوسك


واذا طلع فيه حساس صلحه وارسل لي احد ياخذ قيمة تصليحه


وقال تراهي ذمه


والحمد لله طلع عندي ماس القير ما هو مركب وضبطته.


وضبط القير


بس راعي التشليح احرجني بكلامه وصدق نيته


هذه تجربتي



وعذرا على الاطاله



يوووووووووووووووووووووووووووووووووووووووه فرق 1150 ريال

يا شباب نقدم شكوى على اللي قاعد يصير<<<<<<<<<<<<<< (استريح والله ما عندك احد)

هذا من الرقابه


الله يعينا واحنا اللي ناكلها

[نـجم الـشمال]

اتمنى تذكر اسم محل التشليح اللي بالكويت لانه فعلا يستحق اللي يعامله وبعدين للفايده لي وللأخوان ولاتهون

[أبو براك]

بالنسبه للأسعار معقوله جدا جدا يعني انا اخذت من الكويت مكينه وقزوز وحامل الاكواب ومجمع البريك للأكسنت وخذيت لسياره اخوي الفورد صدام وفيبر وعصا اللي في الدركسون حقت المساحات والاشارات
وارقام الباب كلها ب170 دينار يعني 2210 ريال سعودي

وكلها اوكيييييييييه
ولا شي خربان

ومن ناحيه البضاعه يا شباب كلام كثير

اللي يزيد يقهرك ويفرحك في نفس الوقت انه سياراتهم صقعاتها خفيفه ما تستاهل تروح التشليح

وكل كل كل كل كل شي موجود وبأقل من السعر اللي انت تتوقعه


بعدين تشاليحهم مكتوب لى لوحهم مثلا تويوتا ونيسان والمحل اللي جنبه فورد ودوج يعني سيارتك شبح تدور لوحه عليها شعار مرسيدس ما تنزل كل تشليح وراح اليوم عليك

انا جديد في الموقع اي واحد يبي شي لا يرسل رساله يكتب رد عشان افيده


حياك الله اخي الكريم

والحمد لله على سلامتك

تعليق على ماهو مكتوب بالاحمر :

السبب لان اغلبية هذه السيارات دفع اصحابها رسوم تامين شامل

اضافه الى سعر السياره الاساسي في بداية شراءهم للسياره

او ان هذه السيارات لشركات البيع بنظام الاستئجار السنوي او التملك

المؤمنه بالكامل , ووقت الحادث او الاعطال لا سمح الله

تتكفل شركات التامين بقيمة السيارة

وتعوض المشتري بقيمة السياره او جزء كبير منه

وشركة التامين لها الحق بالتتصرف بالسيارة

[zyarahmy]

اتمنى تذكر اسم محل التشليح اللي بالكويت لانه فعلا يستحق اللي يعامله وبعدين للفايده لي وللأخوان ولاتهون

اسم المنطقه اللي فيها التشاليح اسمها امغره

وانت جاي من الخط اللي جايبك من السعوديه اسمه (الملك فهد) يجيك (الدائري السادس) اطلع يسار وامش تقريبا 30-35 كيلو يجيك كبري مكتوب (امغره) اطلع معه وعلى طول بتحصلها


للي ما قد راح الكويت اذا انت بتبات رح السالميه اسكن بعدين رح خلص امورك ولازم تدخل الكويت تصرف لأنهم ما ياخذون الريال السعودي

سعر الصرف

1دينار =12.92 يحسبونها 13