هل تريد التخلص من آلآم الظهر بعد الرجوع من رحلاتك البرية ...؟

[درباس فرناس]

يعاني الكثير من الكشاتة أنهم بعد الانبساط وسعة الصدر في الطلعات وعند رجوعهم للمنزل
تبدأ مشاكل تنزيل الاغراض من السيارة وخصوصا الاشياء الثقيلة من عزبة أو دبة غاز خصوصا في الرحلات الطويلة ......
وهنا بدأت الافكار في حل يساعد على الراحة وعدم اتعاب الظهر والعمود الفقري
وبعد التأمل رأيت أن افضل حل هو تعليق ونش كهربائي في سقف مدخل كراج السيارة في البيت ويكون مزود بخطاف لتنزيل وسحب الاغراض من السيارة ثم تنزيلها على العربة المتحركة المعروفة ونقلها بعد ذلك الى الملحق ....
وهناك حل آخر لمن يضع شبك شنطة على مؤخرة السيارة وهي أن يقوم بتفصيل كفرات توضع اسفل الشبك ويضع مكان في اعلى الشبك لكي يدخل الخطاف ويقوم بتنزيل الشبك على الارض بكامله عن طريق الونش بعد فك البراغي ثم تقوم بعد ذلك بدفع الشبك بكامله الى الملحق أو مكان حفظ العزبة ...
وأنا لم اطبق شئ من ذلك لأني ابحث عن المكان الذي يباع به الونش الكهربائي
اتمنى من يعرف المكان أن يرشدنا ويعرفنا بافضل ونش كهربائي واسعارها ..
كما نتمنى أن تثروا اهذا الموضوع بالاقتراحات لأن ظهورنا لم تعد تتحمل كثر الشيل والحط
شيبنا يا الله حسن الختام ....

[كرملا]

فكرة ممتازة ماشاء الله تبارك الله عليك
وما عندي أي معلومة أقدر افيدك لكن الاخوان فيهم بركه

[Ra3i.mekshat]

أشكرك اخوي على هذا التفكير الهادف ;)
لكن اعتقد ان تنزيل العفش من السيارة امرً بسيطا مهما كان حتى ان كان العفش ثقيل جبلك عربيه ام اربع كفرات وافتك من الونش وتركيبه :j

طبعا هذا اقتراحي وكل يبدع باقتراحاته :D .


تقبل مروري ..
أخوك : فتى الخوالد .

[ERIC7]

فكرة الونش شلها من بالك تماما لعدة اسباب
منها ان الونش الكهربائي بيكون مكلف ماعندي خلفية عن سعرة بالضبط لاكن اليدوي اذكر قد شريت واحد صغير وكان فوق الثلاث ميه ريال والكلام هذا مبطي
السبب الاهم انا استخدم الونش بشكل شبه يومي ابي انبهك على نقطة مهمة ان الونش يبي يشيل الاغراض على فوق بس يعني لازم تكون الاغراض في ونيت اما غيره مافيه مشكله بس يابتكسر قزازه او بتخلع باب الشنطة
الا اذا عندك حوش وسيع ممكن انك تخلي الموتر بعيد عن الونش وتسحب على جنب وفي هذي الحاله في الغالب اللي تشيله بيطيح على الارض بقوه ويسبب مشاكل اكبر
رئيي الشخصي انك اذا جيت ترجع من كشته ماترجع الا ومعك واحد من اهلك او ربعك وتخليه يعاونك في تنزيل الاغراض بس احرص انه يكون انشط منك وترى الفولتارين ولزقات ابواسد طيبة

[الكايف 1]

السلام عليكم ورحمة الله وبركاته :
هلا بالأخ /درباس فرناس
حياك الله والاعضاء الكرام
طالما ان الموضوع ذو شجون عن آلام الظهر وما أدراك ما الظهر
بانسبه للونش اتوقع ان فيه صعوبه على الكثير من الاخوه من نوع السيار أو البيت والتكاليف والتصميم
بالنسبه لي كنت اتعب من السفريات الطويله او الكشتات التي فيها تحميل اغراض ثقيله أوصاني احد الاقارب الاعزاء على قلبي بالتالي
آكل مقدار ملعقه صغيره من الرشاد غير مطحون قبل السفريات الطويله بنصف ساعه
في الكشتات مقدار ملعقه صغيره رشاد وحلب على الريق مع ماء او عصير او حليب أثنا الرحله فقط
عدم حمل الاعراض الثقيله والظهر مائل للاسفل بل النزول بالارجل عن طريق الركب
تجزئة الاغراض والتردد بتنزيل العفش افضل من اصابة الظهر
وهذي طريقتي ولله الحمد ناجحه معي
آسف على الاطاله
والله يحفظنا ويحفظكم ويجعلنا واياكم سالمين

[نفود الطوقي]

تفكير جميل

لكن أرى أن معرفة الشخص بطريق الشيل الصحيحة ، وعدم شيل الأشياء الثقيلة لوحده
تجعله بعيدا عن آلام الظهر
وكما قيل :
الوقاية خير من العلاج

هذا رأيي
وتقبل مروري

[سيف الظفير]

يارجال عين خير ترا الامور سهالات

[crozman]

الله يعين
بس فكره فصل لك عربيه تكون رفيعه على مستوى السياره اذا هي صالون
وتسحب الاغراض فوقها !!!

[مخاوى ابوه]

يا الربع تراكم شباب:d
وشو اللى ونش وما ونش
توكل على الله ونزل عفشك وابد ما جايك شي
واذا تعودنا على شغل الونوش والعجز محنا معينين خير
شدو حيلكم يا شباب:d

[بدراان]

هذي مجموعة اقتراحات اتمني تفيدك http://www.mekshat.com/vb/images/icons/icon10.gif
http://www.drillspot.com/pimages/2320/232091_300.jpg
http://www.telkman.co.uk/archive/images/crane.jpg



http://www.wikco.com/images/wall-mount1.jpg



http://www.jnforklift.com/Edit/UploadFile/200772994825145.jpg



http://keetsa.com/blog/wp-content/uploads/2007/06/forklift.JPG

وكانك تبي تطرررب عمررك خذ لك مثل هذي http://www.mekshat.com/vb/images/icons/icon10.gif

http://www.forklift-manufacturers.com/picture/gasoline-lpg-forklift/1-2t-gasoline-lpg-forklift.jpg

[الطرفاوي@]

يالربع ترى المساله سهله ولاتبي وجع راس لاتكشت احسن
ويش الفايده من الكشته اذا ماجاء بعده تعب وتحميل وتنزيل
بس لااحد يسمعكم وام العيال لاتكون بجنبك تراها تبي تزهد بك
الله يوفق الجميع يكشتون وينزلون ولايحتاجون لزقات ولا فقس

[السارحي]

مشكور اخوي جيت على الجرح

خصوصا اذا انت الشقردي وراعي العزبه عز الله بتاكل هوا بعد ما ترجع من الكشته سعيدا مسرورا وظهرك يوجعك :D

اقتراحي هو انك تجزئ الاغراض ولا تشيل الاغراض شيلة عاجز

اما الونش اشوف ماله داعي

[المجمار]

اخي درباس بن فرناس
السلام عليكم
اول ماتوصل للبيت دق الترويشه وحبتين بندول وتغط ونم وبعد صلاه الفجر نزل العفش على رواق دام اهل البيت يزينون القهوه والفطور وبعد الفطور رح للدوام تلقاك مروق وتقص للزملاء اخبار الرحله وتنزيل العفش على الطازج0
واذا معجبك اقتراحي اللي انا اسويه بعد كل رحله..................؟
عند اخوي بدرااان الحل المناسب طب وتخير
نصيحه للجميع...................
لاتشيل هم التنزيل من بدري ترى يصير اثقل مماتتوقع

[السنع كله]

((اقتراحي هو انك تجزئ الاغراض ولا تشيل الاغراض شيلة عاجز ))00صدقت اخي السارحي

[مسافر الجهمة]

شكرا على هالموضوع اللى حقيقه نعانى منه احيانا
بس وين نلقى هاألـــــــــــ آلآت اللى ذكرها الاخ بدران

[مراسل الخير]

فكرة حلوة وتسلم يمينك.

[ابويارا1001]

يعطيك العافية


لابد ورى كل كشته تعب وانا اعد تحميل العزية وتنزيلها من الكشته


وامر الله من سعه نزل الاغراض على راحتك


ولو فيها شي ثقيل جدا اخلي الكشاته يفزعون معي تنزيل الاغراض

وبعدها حببتين بندول واحلى دش والمخده


هذا رايي وتقبل مروري

[لاتكب البيالة]

السلام عليكم
اعتقد افضل شي للاغراض اللي هو دولاب يكون له كفرات تدفه لما شنطة السيارة وتنزل اغراضك
وصراحة الاغراض الكبيرة مهوب زينة مثل بدال جيك 80 لتر اخذ 2 40 40 احسن ولو 4 20 احسن بعد
الخيمة بدال وحدة 4*4 اخذ لي 2 3*3 ازين واوسع
العزبة بدال ما اخذ وحدة للطبخ والقهوة افصلهن ازين وهكذا تكتمل دورة الحياة ونحفظ ظهورنا

[ولد وايل]

وش هالعفش اذا بتشيل معك مستودع

اغارض اكل مختصره وفرشات والفرش نخليها مراكي

[فنجال شاهي]

والله انا من وجهة نظري المتواضعه

اشوف ان الونش شغلته شغله ومكلفه

والحل تشوف لك من عمال البلدية

عطه عشرة ريال ويظبطك

او التعاون بين الاهل لتنزيل الاغراض

ونتحمل الام شوي ما في مشكلة ان شاء الله

يد الله مع الجماعة

[رواق الكشته]

الرياضه زينه ...

اهم شي تخلي الاشياء اللي تفسد عند الباب والباقي ملحوق عليه ..

[سيف الظفير]

زيت زيتون وخل المرة تمرخ الظهر مررررخ

[السارحي]

زيت زيتون وخل المرة تمرخ الظهر مررررخ




ههههههههههههه

شكلك متعود

[قاصد الصمان]

فعلا وش هالعفش اللي يبي له ونش ينزله

كلها شنطة عزبة وفراش وانت ماشي ما يحتاج تصعب الامر

اقول عسى الله يرحمنا برحمته ويجيب السيل وتحلى المكاشيت

ونبي نحمل ونزل وما من تعب

[ابوصالح77]

هههههههههههههههه
مافيه شيء ثقيل غير
1- الثلاجة ( إذا كانت مليانة ) .
2- الخيمة .
أما الباقي فتساهيل مايمديك تنزلهن لأن الربع بيتصلون فيك يوعدونك بطلعة ثانية
من وجهة نظري المتواضعة :
خل عزبك وذفة ولاتنزلها من االسيارة أبداً
وبالتوفيق

[المريعي]

اقتراحي تخليهن بالسيارة لثاني يوم لين ترتاح

ولا ارسل الخدامة تنزلهن