محتار والله
30/10/2009, 03:21 AM
من روائع الشاعر الكبير / الرثيع بن حسن الرثيع
مهداه مع التحيه والاجلال للشيخ / سعود ابن ماجد بن عبدالعزيز الدويش حفظه الله ورعاه
ياسعود يامشكاي بالعسر واللين = مال العرب عن شوخها وومراها
لافيه راس ٍ ماله امتون ويدين= رجل ٍ على العليا تسابق اخطاها
يابن الدويش اللي من الراس للعين = هـو مبتدى الكلمه وهـو منتهاها
زيزوم علوى لاغدى الحق حقين = مجمع امطير اليا تشظت عصاها
مقابس الفتنه اكعام المعادين = لاثارت الهيجا ودارت رحاها
يوم السنين اعجاف والناس صاحين = كم عقلة ٍ راجو على جال ماها
اليا اقبلو مثل السباع المجيعين = واليا انتحو دلو ٍ تصرم ارشاها
طيب ٍ تعج ابه المجالس لهلحين = مافيه دله ماتقفوا نماها
واليا غدى الصمان مثل البساتين = كن الدويش ابهيبته من وراها
فيصل ولد سلطان مخز الشياطين = زينة مطير بشوخها وعقداها
والبسط واحد لو مقامه ملايين = لانت ابمقام المسأله معتلاها
شيخ ٍ عليك امن الزعامه نياشين = تصوطها صوط الجمل وتعصاها
نجم ٍ تعلا فوق الاقصى والادنين = تحدته شمس الضحا واقتفاها
واصبح كما عدن اوروده محيمين = عوب ٍ محاحيله تجاوب اغناها
تنصاك بالشدات روس وكراعين = بعض الذيابه ماتحصل عشاها
تقفي عن القمرا وتصبح على البين = سحم الضواري والهبوب اتحداها
لاسكة ٍ عدله ولا مخرج ٍ زين = دنياً على الله سيلها ومغزاها
حتى الضعوف اللي تباكا على الضين = لاتنعرف بوجيهها من قفاها
عقب الوثاره تعترض بالصوالين= تضحك على روس العرب وتهجاها
اطيبهم اللي فاتحله دكاكين = واليا عطاله حاجة ٍ مانساها
روس ٍ عليها من سلفها تياجين = تغيرت مايندرا وش بلاها
والوقت ماغير ابعير الدياحين ؟ = اسمه على جسمه وهو ماتلاها
تفرق بناته عن بنات البعارين = والناس يعرف طيبها من رداها
لاباول الدنيا ولا بأخر الحين = في عز حكام ٍ يذري ذراها
جيتك من اقصايه وانا خاطري شين = باحت بسدي بيح الله خفاها
غديت مثل اللي يموح الجناحين = واليا قضبله صيدة ٍ ماكلاها
دون الحباري ماطمع بالكراوين = وهكا الوجيه اللي قليل ٍ حلاها
اقفو وانا قفيت والناس مقفين = كلن يموت وحاجته ماقضاها
مشكاي ابن ماجد زبون المخلين = كم كبد عطشان ٍ تقفا ضماها
والله هو المعطي بلا شك ومعين = عالم خفا روحي على مستواها
لامطوع ٍ واقراء تبارك وياسين = ولاكـاهـن ٍ شمس المعارف قراها
سيف ٍ من الفولاذ عقب السلاطين = تنسف عليه ام العباير غثاها
ولكم جل الاحترام والتقديرمحتاروالله
مهداه مع التحيه والاجلال للشيخ / سعود ابن ماجد بن عبدالعزيز الدويش حفظه الله ورعاه
ياسعود يامشكاي بالعسر واللين = مال العرب عن شوخها وومراها
لافيه راس ٍ ماله امتون ويدين= رجل ٍ على العليا تسابق اخطاها
يابن الدويش اللي من الراس للعين = هـو مبتدى الكلمه وهـو منتهاها
زيزوم علوى لاغدى الحق حقين = مجمع امطير اليا تشظت عصاها
مقابس الفتنه اكعام المعادين = لاثارت الهيجا ودارت رحاها
يوم السنين اعجاف والناس صاحين = كم عقلة ٍ راجو على جال ماها
اليا اقبلو مثل السباع المجيعين = واليا انتحو دلو ٍ تصرم ارشاها
طيب ٍ تعج ابه المجالس لهلحين = مافيه دله ماتقفوا نماها
واليا غدى الصمان مثل البساتين = كن الدويش ابهيبته من وراها
فيصل ولد سلطان مخز الشياطين = زينة مطير بشوخها وعقداها
والبسط واحد لو مقامه ملايين = لانت ابمقام المسأله معتلاها
شيخ ٍ عليك امن الزعامه نياشين = تصوطها صوط الجمل وتعصاها
نجم ٍ تعلا فوق الاقصى والادنين = تحدته شمس الضحا واقتفاها
واصبح كما عدن اوروده محيمين = عوب ٍ محاحيله تجاوب اغناها
تنصاك بالشدات روس وكراعين = بعض الذيابه ماتحصل عشاها
تقفي عن القمرا وتصبح على البين = سحم الضواري والهبوب اتحداها
لاسكة ٍ عدله ولا مخرج ٍ زين = دنياً على الله سيلها ومغزاها
حتى الضعوف اللي تباكا على الضين = لاتنعرف بوجيهها من قفاها
عقب الوثاره تعترض بالصوالين= تضحك على روس العرب وتهجاها
اطيبهم اللي فاتحله دكاكين = واليا عطاله حاجة ٍ مانساها
روس ٍ عليها من سلفها تياجين = تغيرت مايندرا وش بلاها
والوقت ماغير ابعير الدياحين ؟ = اسمه على جسمه وهو ماتلاها
تفرق بناته عن بنات البعارين = والناس يعرف طيبها من رداها
لاباول الدنيا ولا بأخر الحين = في عز حكام ٍ يذري ذراها
جيتك من اقصايه وانا خاطري شين = باحت بسدي بيح الله خفاها
غديت مثل اللي يموح الجناحين = واليا قضبله صيدة ٍ ماكلاها
دون الحباري ماطمع بالكراوين = وهكا الوجيه اللي قليل ٍ حلاها
اقفو وانا قفيت والناس مقفين = كلن يموت وحاجته ماقضاها
مشكاي ابن ماجد زبون المخلين = كم كبد عطشان ٍ تقفا ضماها
والله هو المعطي بلا شك ومعين = عالم خفا روحي على مستواها
لامطوع ٍ واقراء تبارك وياسين = ولاكـاهـن ٍ شمس المعارف قراها
سيف ٍ من الفولاذ عقب السلاطين = تنسف عليه ام العباير غثاها
ولكم جل الاحترام والتقديرمحتاروالله