المساعد الشخصي الرقمي

مشاهدة النسخة كاملة : ياهل التوانكي فزعتكم


آل زايد502
30/10/2009, 07:03 PM
ياشباب عندي تانكي وفيه صدا كيف يزول هذا الصدا تكفون؟؟؟؟:confused: :confused: :confused:
آل زايد502
30/10/2009, 07:52 PM
ارجو من المشرف نقل المووضوع الى مكانه المناسب
ابولولو
30/10/2009, 10:16 PM
والله انه رايح يتعبك اخوى نصيحه دور غيره وفيه ماده يحطونه جوه زى الرايش جلفنه الله يذكرك الشهاده لاتنسكب البياله ههههههه اذكر مصنع بالصناعيه الثانيه عندهم مر اى ورشه توانك واسئلهم عنه والى اختصر لك الموضوع هذى رقم صاحب ورشه المواهب ابوخالد دق عليه ويعلمك خبره بالتوانك 0504492550
لاتكب البيالة
30/10/2009, 10:19 PM
السلام عليكم
اذا ماتبيه يصدي يا انك ترشه بوية مع اساس او تجلفنه الظاهر الجلفنة هي اللي تسمى الدهان الكهربائي اللي درسناة بالعلوم انسانك تخبر لكن من اللي يجلفنه والله ما ادري
آل زايد502
30/10/2009, 10:44 PM
لا هنتم على مروركم الكريم والله يكثر من امثالكم يالوجيه الططيبه
ابو لولو يعني التانكي ماينفع ؟؟
a1Ruwais
31/10/2009, 12:01 PM
الله يرزقك.
راعي الطلعات
31/10/2009, 12:11 PM
الا الصداء ماله علاج للاسف

انصحك بأن صلح لك جديد لكن ابتعد عن الحديد الا اذا وضعة اللحام المنيوم حنا مسوين في احد التوانك كذا لكن طعم المويه سيئ شوي ومخلينه فقط للغسيل

او انك تقصه وتدهنه بالقار من داخل التانكي ثم تلحمه لحام المنيوم

بس كلها شغله طويله

بالتوفيق
آل زايد502
31/10/2009, 07:45 PM
مدلهم المزن
ويااك يرزقني يالذيب اشكرك على المرور
راعي الطلعات
لاهنت يالذيب وكثر الله من امثالك بس عندي سؤال طيب انا ابيه بس للغسيل هل ينفع ولا ماهوب زين؟؟؟؟
راعي الطلعات
01/11/2009, 02:44 AM
مدلهم المزن
ويااك يرزقني يالذيب اشكرك على المرور
راعي الطلعات
لاهنت يالذيب وكثر الله من امثالك بس عندي سؤال طيب انا ابيه بس للغسيل هل ينفع ولا ماهوب زين؟؟؟؟

العفو يالغالي

مادامك بتخليه للغسيل اكيد بينفع لكن للطبخ والشرب والشاي ما ينفع لائن الصدا يؤثر على صحة الانسان واهم شي الصحة

وان كانك تبي محل رخيص ويصلح لك التانكي راح ابحث فقط عن رقم الورشه ومكانه وارسله لك ان شاءالله
ترهيم
01/11/2009, 09:31 AM
السلام عليكم

اخى العزيز الصداء ماراح يطلع بسهوله اذا كان ظاهر فما بالك اذا كان من الداخل فكيف يمكن الوصول لصداء .

انصحك تغيره وتريح راسك .. اما الجلفنه مانصحك فيها . لثلاثة اسباب .

السبب الاول / السعر .. انا رايحلهم وطلبت منهم جلفنة صدام كانت الاسعار تتراوح مابين 400 ريال إلى 600 ريال .. والصدام بكبره تجاري قيمته 600 ريال .

السبب الثاني / لايوجد ضمان .. وهذي اكبر مشكله لاني سمعت ان المواد المنضفه واولها (( الفيري )) يقلب لون النيكل او الزنك ويخليه اسود .

السبب الثالث / التانكي مغلق لازم يصلحله فتحات لدخول السائل الساخن والخروج من الطرف الاخر .

انصحك تصلح تانكي بنفسك ارخصلك الالمنيوم سعر الصفيحه 180 ريال كوري اصلى .
سعر صفيحة الحديد 50 ريال .
سعر صفيحة الستيل 600 ريال
وسو التصميم بنفسك او تلقاه بالمنتدي وتروح لطعاجه وتطعجه السعر مابين 20 إلى 35 ريال .
بعد كذا تلحمه ..
ارخصلك من شرائه جاهز ..
رحال300
01/11/2009, 10:14 AM
http://www.up-00.com/h1files/y7Z59358.jpg
فصل زي هاذا المنيوم ب500 ريال مع ضمان 10 سنوات
ابولولو
01/11/2009, 01:08 PM
لا هنتم على مروركم الكريم والله يكثر من امثالكم يالوجيه الططيبه
ابو لولو يعني التانكي ماينفع ؟؟

ماينفع ماينفع العوض من الله خله غسيل او لصيد الضبان :D :D
نصيحه لاتقرب الحديد ابدا ابدا
خذ بطيخ ولا تاخذ حديد :p
ودور مستعمل المنيوم اواستيل تراى اسوى دعايه لان عندى تانكى ودى ابيعه المنيوم نظيف 75 لتر منسدح ولك خصم خاص علشان الحديد الى راح فيه :) يعنى عوض
وادي الريمة
01/11/2009, 01:43 PM
السلام عليكم ورحمة الله وبركاته
اعتقد ان مافيه الا طريقه وحده وهي مثل ماقال اخينا راعي الطلعات تقص منه شوي وتدهنه باللقار وثم تلحمه
بلحام حديد لان اللحام الالمنيوم مايلحم الحديد والعكس. او تفصلك جديد
وياشباب ترا سبب الصدا في تانكي الحديد طبعا هو
1)الماء الحلو المفلتر مثل المياه الصحيه وذلك لوجود مادة الكلور فيه
2)ترك التانكي لمده طويله بدون ماء يعني لازم الماء يكون موجود فيه باستمرار
3) عند تلحيم الجلب يسقط كميه من اللحام داخل التانكي وهذا هو ايضا يساعد على سرعة الصدا والافضل عند قص الصاج قبل تلحيمه يفتح فتحه باللحام ومن ثم تركب الجلب الكبيره والصغيره وتلحيمها
والافضل هوعند فتح فتحه للجلب يستحسن استخدام ريشة الدريل المنشاريه الدائريه التي تستعمل في ليات الري الكبيره
...............
وبالنسبه للذي يفصل تانكي المنيوم تحت السياره عند الاستبنه مثل الفيكس ار او الشاص او الهايلكس والدادسون وغيرها فانا لاانصحه بذلك لانه مايتحمل الضربات مثل الحصى والاشجار او غيرها لانه ينطعج او ينشق بسرعه لان الصاج خفيف ولا يتحمل الضربات. والافضل بداخل السياره.
.....................
وفيه معلوميه للتوانك الالمنيوم وهي لما ذهبت من قبل يومين الى محل السنيدي ومحل عروق الشمال في بريده
رايت بأن خياطة اللحام في التوانك عند عروق الشمال افضل بكثير من خياطة اللحام عند السنيدي للمعلوميه فقط
اتمنى بانني افتكم وتقبلو مروري
آل زايد502
01/11/2009, 08:41 PM
لا هنتو يالذيبان وكثر الله من امثالكم وجعله الله فميزان حسناتنكم