المساعد الشخصي الرقمي

مشاهدة النسخة كاملة : تكفون يانشاما . مشكله بونش لاندكروزر 2008


خيال النفود
30/10/2009, 08:33 PM
تكفون يانشاما اللي يعرف ورشه زينه حقت ونش سياره
انا موتري لاندكروزر 2008 فيه ونش
اتفجاءت البارح يوم جيت بسحب واحد من ربع لقيت الواير حق الونش مايطلع وعاض على القلص
والغريبه اني اذ ظغط الزر حقه تضعف البطاريه ونور يطفي الاشوي
والقلص حق راس الواير ماسك ولا راضي يتحرك ابد ابد
المشكله اني قبل فتره رايح للنفود وضرب وجه موتري طعس وانكسر غطاء الونش
والونش اناظر فيه ماتغير فيه شي
مادري يمكن الضربه هي السبب. مع انه مو واضح انه فيه ضربه
ولا ان البطاريه فيها شي مادري وش سالفته
المطلوب لو ماعليكم امر
وش تتوقعون السبب ؟؟
الشي الثاني احسن ورشه بالرياض تعرف للونش ؟؟؟؟
احسن نوع من البطاريات ؟؟؟ وافضل شركه ؟؟؟ وافضل مقاس ؟؟؟
ولكم مني دعوه صالحه من قلب

ولكم جزيل الشكر مقدما
النوفي 3535
30/10/2009, 09:27 PM
اخوي قاع الونش فية مشكلة
الونش عندك سليم والبطارية كويسه
على فكره ع الون الي قدام 11000 ريال عند ابو جميل
والله يعين
تحياتي
الدورية
30/10/2009, 11:09 PM
ولله يا خيال النفود انا اعرف ورشه متخصصه في المونوش في صناعية النسيم واسمه خالد يمكن يقدر يحل مشكلتكوهذا رقم جواله الموجود عندي0540489380 واتمنى اني افتك وافت غيرك
خيال النفود
31/10/2009, 05:49 AM
اخوي قاع الونش فية مشكلة
الونش عندك سليم والبطارية كويسه
على فكره ع الون الي قدام 11000 ريال عند ابو جميل
والله يعين
تحياتي

الله يسمع منك اخوي
والف شكر لك
خيال النفود
31/10/2009, 05:49 AM
ولله يا خيال النفود انا اعرف ورشه متخصصه في المونوش في صناعية النسيم واسمه خالد يمكن يقدر يحل مشكلتكوهذا رقم جواله الموجود عندي0540489380 واتمنى اني افتك وافت غيرك

الله يجزاك الجنه قل امين
بس ان شاءلله شغله زين ومضمون
ابو فهد 2004
31/10/2009, 01:30 PM
ان شاء الله يفيدوك الاعضاء
الوتر الحزين
31/10/2009, 01:38 PM
هلا اخوي

طيب الموتر هل هو تحت الضمان, اذاكان تحت الضمان وده لهم يشوفونه, والله يسهل الامر.

اما اذا كان ماعليه ضمان بيعينك الله وانا اخوك.

تحياتي
سوبر VTC
31/10/2009, 04:20 PM
حياك اخوي

هذي ردود للاعضاء




السلام عليكم يا الوهاج الي اعرفه عن صيانته من احد اقاربي ان فكة القلب في وكاله تويوتا اذا كان لاند كروزر بالف ريال وهم غالين لكن الصناعية القديمة فيها اصحاب ورش السطحات عندهم خبر اكيد لانهم كل يوم يتعاملون معها وانا شفت في ورشة اسمها الزايد يتعاملون مع الونشات من تصليح وتركيب على السطحات وهم على امتداد شارع الجمعية في اخرة من جهت البناشر الي قريبة من الشارع العام اما الواير بالطول والسماكة الي تبغى عند محل على امتداد شارع الريل اوعمر المختار اترك محلات الكفرات وراك ومحل الفانوس.... محل كبير..... على يمينك و سيد قدام وتعد اول اشارة بتجيك محطة بنزين بعد المحطة تلقاه يمينك اسمه جار الله او ضيف الله للوايرات والسلاسل والله يوفقك

http://www.mekshat.com/vb/images/misc/progress.gif

شف اخوي عليك بورشة الراجحي بالرياض على الدائري الجنوبي ووصفهم :- أمسك طريق الدائري الجنوبي متجه غرب تعدى كوبري حراج بن قاسم ثم أدخل مع الخدمة مع مخرج كوبري أل فريان ( بعد كوبري بن قاسم على طول ) خذ يو تيرن من تحت الكوبري راجع مع الدائري متجه شرق يجيك حوش محطة الصرف الصحي على يدك اليمين وأنت بالخدمة بعدها يجيك شيب ماء الورشة بجانب الشيب .
وشغلهم مضمون أصلاح وتركيب وارخص في سعر الاصلاح وافضلك من الوكالة التي من عوايدهم قيمة الاجور العالية لشغل اليد من غير قطع الغيار.

مع تحيات اخوك ابو عاذر
اول شيء اخوي تأكد ان الكهرباء واصل
هذا اولا
ثم تأكد ان السنن الي في الونش والي في سلك الريموت نظيفه
قد تكون احد هالحفر وصخه ولايوصل الكهرباء
واول ماتشبك الريموت ترا بتسمع مثل الطقه خفيفه في الونش
هذا معناه انه شغال
اذا سمعتها (شيك على الريموت الحاله فقط ) ترا منيب متأكد لكن مابيك تروح لفلان وعلان ويقولون خل الموتر عندنا ثم لين رجعت لهم قالوا صلحنا كذا وكذا وهو تسذب
اسمحلي عطيتك الحلول افحصها قبل لاتروح لاي ورشه
تقبل تحياتي ... والله اعلم
السلام عليكم
اخوي سعد
الونش وارن ب 3200ريال
التركيب واحد من الشباب مركبه لي(بنظام القوه) ولالحين ماحاسبته (ناوي اجحده:d )
السليماني يركبه ب 1000 بس مادري وش الطريقه
المميز اتصلت عليه قالو مانركبه
تحياتي




كل الي تشتكون منه هو احتراق الكلتشات وهذا شي طبيعي مع الاستعمال خصوصا اذا سحبت ثقيل وهو دائما يحدث معي
بوصف لكم ورشه بالرياض ودائما اصلح عندهم
الي يعرف صناعية العويضه بالرياض بحاول اوصف لكم
مع الدائري الشرقي مخرج 17باتجاه الغرب حتى تمر من تحت كوبري سكة القطار وتطلع فوق يجيك شارع علي ابن طالب لف يسار باتجاه الجنوب اول شارع سيدين يدخل يمين منور ومرصوف في الوسط ومليان تريلات قبل آلاخير يجيك سيدين يمين ادخل معه ثالث دكان صغير هو جزء من ورشه عباره عن فتحه وحده اسم صاحب المحل فيصل واذا ضعت سو زيي دور لك اقرب سطحه واتصل عليه على الجوال المكتوب على السطحه واسأله وين يصلح الونش وهو يدللك

http://www.mekshat.com/vb/images/misc/progress.gif


مواضيع للفائدة + ورش التركيب :good:

الونش وطرق الإستفادة منه (http://www.mekshat.com/vb/showthread.php?t=10124)


لمكشاااات:: حصرياً ولأول مره تركيب ونش 3.6 طن على فورد اكسبديشن 4×4 Xltوشغل على كيفك (http://www.mekshat.com/vb/showthread.php?t=107240)


تركيب ونش على جيب لكزس 2003 ... بالصور (http://www.mekshat.com/vb/showthread.php?t=234901)


تركيب الونش على البرادو بالصور (نظام اللاند) (http://www.mekshat.com/vb/showthread.php?t=118418)


موفق
خيال النفود
02/11/2009, 04:30 PM
حياك اخوي


هذي ردود للاعضاء









مواضيع للفائدة + ورش التركيب :good:





الونش وطرق الإستفادة منه (http://www.mekshat.com/vb/showthread.php?t=10124)





لمكشاااات:: حصرياً ولأول مره تركيب ونش 3.6 طن على فورد اكسبديشن 4×4 Xltوشغل على كيفك (http://www.mekshat.com/vb/showthread.php?t=107240)





تركيب ونش على جيب لكزس 2003 ... بالصور (http://www.mekshat.com/vb/showthread.php?t=234901)





تركيب الونش على البرادو بالصور (نظام اللاند) (http://www.mekshat.com/vb/showthread.php?t=118418)





موفق










الله يجزاك الجنه قل امين
ويرحم ويغفر للوالديك
ويرزقك ربي كل شي تتمناه
الف الف مليون شكر لك وبيض الله وجهك