المساعد الشخصي الرقمي

مشاهدة النسخة كاملة : يا أهل الباترول لدي سؤال محيرني


مزهب الطراقي2
30/10/2009, 10:09 PM
السلام عليكم ورحمة الله وبركاته

مساكم - صبحكم - الله بالخير والعافية

عندي استفسار بسيط عن سرعة الباترول 4*4 s (( سلقة )) باب واحد م 99

بحيث ان الضغط على ثلاثة والعداد 140 وادعس شوي يصير الضغظ على ثلاثة ونص

والسرعة 150 هل هو طبيعي وفيه تناسق بين الضغط والسرعة

لان السيارات الاخري لما يكون الضغط على 3 تكون السرعة 120

ودمتم بحفظ الله ورعايته
سوبر VTC
30/10/2009, 10:41 PM
و عليكم السلام و رحمة الله

المعلومه اللي عندي
ان الضغط يختلف من موتر لاخر
بمعنى
الامريكي يختلف عن الياباني التويوتا
و التويوتا يختلف عن النيسان

و السبب
اختلاف تروس القير
شي يجي كبير و شي يجي صغير
اختلاف مقاس الكوارين من سيارة لاخرى
اختلاف عمود الكرنك + طول ذراع البستم
من موتر لاخر
..........الخ

الجمس مثلا م2001 مكينه 6000
الضغط 2.7 تقريبا على سرعه 140

الباترول الفتك م 2002 و طالع مكينته 4800
اذا خرب القير يركبون له قير جيب م97 و تحت
وش الفرق
الفتك شد بلد الضغط 3.5 على سرعه 140 تقريبا
اذا ركبت قير باترول 97 يكون الضغط 3 على سرعه 140
و السبب اختلاف التروس
لذلك ميزة قير الفتك اذا كنت على سرعه 140 مثلا
ودست بنزين طبعا قير عادي
يفز الموتر :good:
و السبب مكينه نشيطه + ترس الخامس اصغر
لكن عيبه اكثر صرفيه بنزين من قير الباترول م97
نسبيا

ان بغيت ورشة تفحص لك الموتر
بالرياض او بريده علمن

موفق
مزهب الطراقي2
06/11/2009, 06:44 AM
الله يجزاك خير يامشرفنا الغالي (سوبر)
كفيت ووفيت
حبذا اسم الورشة اللي ببريدة
وعذراً على التاخر بالرد لذهابي للبر
Abu Saad
06/11/2009, 10:37 AM
اخوي سوبر مساك الله بالخير :)
ضغط الفتك اللي تتحدث عنه هل هو قير عادي والا تماتيك؟
3.50 على 140 والموتر شد بلد اعتقد فيها لبس يمكن تقصد شيروكي ;)
لاني عندي تماتيك والتجربة كالتالي وعلى فكرة الموتر شد بلد:
140 الضغط 2.75 بالضبط.
150 الضغط 2.90
160 الضغط 3.10 واذا لمست الدعسه عشق وطلع الضغط 3.50
واذا عشق ثانية طبعا ينزل الضغط حسب السرعة ..
هذي تجربتي طبعا الخط مستوي مهوب دحديرة ولا طلعة .
والسلام عليكم .
د ك م 586
06/11/2009, 12:49 PM
اخوي سوبر مساك الله بالخير :)
ضغط الفتك اللي تتحدث عنه هل هو قير عادي والا تماتيك؟
3.50 على 140 والموتر شد بلد اعتقد فيها لبس يمكن تقصد شيروكي ;)
لاني عندي تماتيك والتجربة كالتالي وعلى فكرة الموتر شد بلد:
140 الضغط 2.75 بالضبط.
150 الضغط 2.90
160 الضغط 3.10 واذا لمست الدعسه عشق وطلع الضغط 3.50
واذا عشق ثانية طبعا ينزل الضغط حسب السرعة ..
هذي تجربتي طبعا الخط مستوي مهوب دحديرة ولا طلعة .
والسلام عليكم .
العايدي يختلف عن التماتيك
العايدي مثل ماقال الاخ سوبر فتك
والتماتيك مثل ماقلت بس بتعديل بسيط حسب تجربتي

2,6 ضغط تكون السرعة160
3,10 ضغط تكون السرعة 180