مزيونه وعيونها حلوه

[ذابح السعلي]

يااهل الفزعة شريتلي سيارة مزيونه وعيونها حلوة جيب لكزس rxموديل 2004مستعمل ونظيفة بس فيه مشكلة عزمها بارد واذا مشيت سرعه معينه واستمريت عليها شوية تهدي من حالها من ال160 مثلا الى ال120 ودعستي نفسها ماتغيرت واذابغيت ازيد السرعة تكون مرة ثقيلة وتبدل غيار ثقيل وصعب ترجع للسرعةالسابقة وتعبتني نفسيا لاني حاط فيها دم قلبي الله لايوريكم مكروه في مواتركم..... انا وش اسوي وديتها الوكالة ماهم فاضيلي يقولون طبيعي( تكفون ارفعولي الموضوع رفع الله قدركم لاني قلقان وابغى راعي خبره يفيدني،،،،،،،،:(

[ابومعزي]

هلا بك اخوي انا اعتقد والله العالم ان مشكلتك من حساس الهوا اللي يجي بالقرب من فلتر الهوا حاول تاخذ حساس مستعمل من اي مكان وتفحص لانه غالي ولا يوجد الا في الوكالة وتشوف اذا كان هو السبب تشتريه من الوكاله الله يعينك

[ذابح السعلي]

مشكور يابو معزي هذي والله الشغلة اللي ماجت بالبال يمكن والله ليش لا ابكشف عليه بكره انشاالله واشوف والله يجزاك خير.،،،،

[سوبر VTC]

تاكد من طرمبه البنزين
اخبر احد الربع موتر عزمه ضعيف
لقى المشكله من لي الدفع حق الطرمبه منشق يهرب بنفس التانكي
تاكد من افياش المكينه حقت الحساسات
اكبسهن مضبوط
اذا فلتر الهواء متلطس نظفه
غالب المشكله انه و العلم عند الله
من الحساس اللي راكب على نفس اللهاة
ان بغيت ورشة ببريده

عموما تاكد من الحساسات اللي راكبه على اللهاة
احد الربع معه جيكسار م2002
الموتر يكتم
صارت المشكله من حساس اللهاة او المنظم (تي بي اس)
قيمته ب170ريال
طبعا هالحساس يدور و يتحرك مع دوران اللهاة
كل ما ضغطت على الدعسه
يدور الحساس و يرسل معلومه للكمبيوتر اللي بدوره
يخلي البخاخات تفتح و تبخ البنزين
عادة اذا كان الحساس خربان يعطي معلومه خاطئة للكمبيوتر

احيانا
تكون المشكله من منظم الهواء

تاكد من الافياش اللي راكبه على حساسات اللهاة
اذا كان الفيش سنونه متوسعه
ضيقه بمفك مدبب
و اكبسهن مره اخرى

تاكد من ضغط الطرمبه + الفلتر

افصل افياش البخاخات بالتسلسل
نفس الطريقة السابقة افصل و اشبك
اذا حصل اهتزاز فالامور تمام
اذا ما هتزت المكينه
فهناك انسداد بالبخاخ الخربان


موفق

[Turbo RB]

اخوي ما ازيد على هرج الشباب عطوك مجموعة من الحلول يمكن يكون واحد منها

بس بغيت اوصل لك نقطه بسيطه وكم شغله لازم تراعيها قبل ما تسوي شي

اول شي انتبه تفصل اي حساس سواء حساس الهواء او حساس الثروتل اذا ماكنو مدموجين في واحد
او حساس العادم ( يجي باخر الهدرز ) . والبطارية موصولة يعني لازم ما يكون فيه كهرباء بالموتر
نهائيا لانك لو فصلت الحساس وهو واصله كهرباء يمكن اقولك بعدها (( دور غيره )) روح عليك

ثاني شي القير اكيد انه اتوماتك والقير الاوتو يجي له قطعه نسميها منظم سرعات
ما ادري وش تسمونها انتم ؟؟؟؟ وبعد يجي له محلل سرعات
القطعتين هذي ياتجي مدمجه او متفرقه تختلف من صنعه لصنعه على حسب

في بعض الاحيان يصيبهم تلف يا لخبطه في البرمجه ياضعف في الكهرب يا خلل في الجهاز نفسه
فانصحك تمر محل راعي برمجه وسمعته طيبه وتخليه يكشف عليها اذا هي عطلانه او كهربتها تقل
او يبغالها اعادة برمجه

اذا هالقطع سليمه يمكن فيه لخبطه البرمجه للشيب الاساسي للسيارة وهذي تتطلب برمجه فقط

اما لو كل شي سليم في الاكترونيات الي ذكرتها على طول شيك على الحساسات بس لو فيه
حساس واحد عطلان او فيه خلال راح تظهر لك لمبة الشيك انجن او لمبة العادم

سؤال : الموتر سعودي والا استخدام امريكي ؟؟؟؟؟

تقبل مروري وتعليقي البسيط

والله يكتب لك ما فيه الخير