ستكر مكشات........ زيادة تفعيل فقط

[عروان]

السلام عليكم ورحمة الله وبركاته


طرا على بالي وانا أشاهد ستكر مكشات مرتز على قزازة موتري و أقول في نفسي.


الحين النصيحة اللي موجوده على الاستكر معروفة لي و أنا أن شاء الله من المطبقين لها و من محبي الببيئة النظيفة.

لكن الناس الثانية كيف نوصل لهم نصيحة مكشات العزيز. الاستكر ما راح يلف بالصمان و ينشر التوجية للكواشيت أو القوانيص.

ثم فكرت بطريقة أكثرا نفعاً من كون الاستكر على سياراتنا فقط. ولا يصل الهدف الى المستهدف "حلو ذي المستهدف :D شرايكم" ألا أذا مر أحد على السيارة ولمح الاستكر وقراه.

و طلعت بفكرة أرجو منكم أبداء رأيكم فيها. والفكره هذة تتطلب مساعدة الاعضاء كافة في تحقيق الهدف بشكل أوسع.

الفكرة تتمحور في أن نقوم بنشر الاستكر ماهو في الديرة وبين الاعضاء بل أكثر من هذ. نقوم بنشر الاستكر على زجاج واجهة بقالات أو مطاعم محطات البنزين المنتشرة قرب المناطق اللي يقصدها الكشاتة والقناصة. لأن أكيد الكشاتة بيروحون للبقال أو بيمرون على االمحطات وهم في طريقة.

و أيضاً لو طور الستكر الى بوستر يمكن أن نلصقة على طرمبات البنزين والديزل اللي في المحطات. حتى أذا وقت الكشاتة يعبون سياراتهم ديزل أو بنزين يكون الاستكر مرتز قدامهم و يوصل لهم الرسالة.

طبعاً هذ يتم بعد موافقة أصحاب المحطات بعد شرح الهدف السامي لهذا الاستكر.



رأي مطروح للمناقشة من أجل تفعل أكثر لاستكر مكشات.


أطيب تحية للجميع

[راعي كيف]

بارك الله فيك وايد فكرتك هذي وسوفى اكون ان شاء الله من الناشرين لذلك



اخوك المحب راعي كيف
ابو ناصر

[BASSAM]

اخوي عروان

السلام عليكم ورحمة الله وبركاته

انا معك بكل اللي قلته وخاصه ان الكشتات على الابواب. والله يجيب المطر قولو آمين.

ايضا ممكن يتوزع بالمدارس الابتدائيه والمتوسطه لانهم يحبون الاشياء هذي اكثر من غيرهم ويلصقونها على سيارات اهلهم، او اذا صار موضوع تعبير عن البيئه يستخدمونه ايضا وتكون دعوه للمحافظه على البيئه.
فالحركه هذي ممكن تنفذ عن طريق ابنائك او ابناء الاقارب بحيث ما يكون التوزيع غير رسمي بل رسمي عن طريق المعلم او خارج المدرسه في الحي.
وهذي دعوه للمعلمين من اعضاء مكشات لتنفيذ الفكره اذا رغبوا في مدارسهم طبعا بعد شرح مفهوم المحافظه على البيئه للطلاب في حصص الفراغ او غيرها.

والطرق كثيره

تحياتي BASSAM

[عروان]

مرحبا والله يا أبو ناصر

بارك الله في عساك على القوة.


صرنا الحين أثنين.

[عروان]

هلا والله يا بسام

شف ونا أخوك

طريق أبوحدرية الى النعيرة علي. أنت من النعيرية الى الحفر الله يعينك. وش قلت :D .


عشاك على القوة

بارك الله فيك

[خشم الحصان]

الاخ الغالي
عروان
السلام عليكم
مشكور ياخي الحبيب علي هذه الفكره الجميله وفعلآ يجب تفكير الناس قبل لا يجي المطر والكشتات ومنها انها دعايه للمنتدي الله يجزاك عنا كل خير يابعدهم وبعد لا تنسون بالدعاء للاخ الغالي صاحب الفكرة او الاستكر
حد السيف اللهم اغفر لنا و لاخ حد السيف
اخوك
خشم الحصان
.....................
اخيي شكلك وانت ترد علي الاخ بسام انك جوعان او انهم ينسبون العشاء اقر(عشاك على القوة)
:D :D :D

[راعي كيف]

لقد تم وضع ستكر مكشات على احد محلات الرحلات طبعاً بعد اخذ الإذن منهم وابدو تجاوبهم الله يجزاهم خير .
اجل من ابو حدرية الى الحفر ههههههههه ياعروان .



اخوكم المحب راعي كيف
ابو ناصر

[عروان]

هلابك يا بوجراح

لا تواخذنى على الاخطاء الاملاءية. يبالفيت أني أعرف أكتب بسرعة. :D


ما ننسى دور الاخ حد السيف في فكرة الاستكر. المجهود اللي بذلة ما ينسى.

الله يجزاه خير و يثيبة.


أطيب تحية لك

[عروان]

أبوناصر (راعي كيف)

هذا اللي من يمنا من شرق

أما اللي من يمكن الله يعينك أنتم عليه. و أنتم ما تقصرون.


أطيب تحية لك

[نقا هشال]

فكر حلوووه

الله يوفقك

ويجزاك خير

[ابو ايمن]

وعليكم السلام ورحمة الله وبركاته

رأي ممتاز وجدير بالاهتمام أخي عروان .

مناسب جدا ليقرأه الجميع . خاصة واجهة المحلات الخاصة بالرحلات

ومحطات البنزين ( والديزل ) علشان مايزعلون أهل الديزلات .

حلوة الديزلات .

المهم أن لكل منا مشاركة سواء بطريقة جماعية أو فردية .

أنا عن نفسي عندي كمية كبيرة أقوم بتوزيعها على الربع الكشاته من منطقة الدوادمــي

واللي يبي يراسلنـــي ومستعد لتوصيل طلبه مع اول فرصة .

وفي الأيام القادمة إن شاء الله ستكون رحلاتنا أكثر ومرورنا بالمحطات أكثر

وسأحاول التنسيق والاستئذان من أصحاب تلك المحلات بوضع الستكر على محله .

الشكر لك اخي عروان على اثارة الموضوع المفيد .

للجميع تحية وتقدير عطرة بقدوم الوسم والربيع إن شاء الله .

[أبو يوسف]

اقتراح مفيد وعملي
مشكور اخوي عروان
مع التحية

[عروان]

الأخوة :

نقا هشال
أبو أيمن
أبو هديل

شكراً لكم على تأييد الفكرة.


يبقى علينا العمل من أجل البيئة.



أطيب تحية لكم

[المري]

بيض الله وجهك اخوي عروان على هذه الفكرة

وماقصرت وعزالله انه فكرة زينه


أخي عروان ابدأ بتنفيذ هذه الفكرة ونحن معك باللي تبغى وسلامتك


اخوك / المري

[بن قطر]

يعطيك العافيه ماقصرت

[عروان]

أخوي \ المري

مرحبا بك مبطين عنك


الله يجزاك خير على الدعوة الطيبة.


أخوي المري أنا باذن الله راح أبدأ بتنفيذ الفكرة في الطرق والاماكن اللي أزورها.

ولكن أنا ما أقدر أزور كل الاماكن. لابد من مشاركة الجميع حتى يكون الانتشاء أوسع.


أطيب تحية لك

[الخيال]

بيض الله وجهك اخوي عروان على هذه الفكرة وماقصرت وعزالله انه فكرة حلوة


ولا ننسى صاحب الفكرة الأساسية ( حــــد السيف ) ويجزاكم كل خير

[شاص]

فكرة رائعة جداً ولعل الشخص يؤجر على هذا الفعل متى ما أخلص النية لأنه من محبة الخير للغير .. أنا معكم قلباً وقالباً لكني أحتاج إلى كمية من الستكر فكيف أحصل عليها؟؟

[عروان]

أخوي الخيال

أشكرك على الاطراء وتقبل تحياتي.


أخوي شاص

عساك على القوة أخوي أذا تبي كمية من أستكرات مكشات راجع الرابط التالي في موضح الاخ حد السيف أماكن توزيع الاستكرات:

أماكن توزيع أستكر مكشات (http://www.mekshat.com/vb/showthread.php?s=&threadid=21624)

سررت بمرورك الكريم على موضوعي, أخوك عروان