المساعد الشخصي الرقمي

مشاهدة النسخة كاملة : دلوني يالنشاما وخاصه اهل حايل وش اسوي؟؟


بروق حايل
31/10/2009, 04:14 AM
حقيقة انا من اهل الجنوب وجيت لحايل لضروف الدراسة
اسمع عن برد حايل ولاشفته
بس من كثر ماحكولي عنه بديت ابرد من الحين

على العموم انا شفت مشار وشفت عقدة فيها اماكن حلوة للكشتات العائلية
ولاعلم لي بالباقي
ورحت لسنام اللي بحايل وشفت عنده اغراض ياكثرهن وتركته وخرجت خفت اني اخبص الدنيا
الموهيم
الحين ابي اكشت بالاولاد بالايام الجاية
وابيكم تنصحوني وش اشتري لعده المكشات من الالف الى الياء رجاء بدون روابط تروني اتعقد من الروابط ابي شرح تحريري
ثمن تدلوني على خيمة سنعه ورخيصه تنفع لثلاثه اشخاص
ثمن بعدها تعلموني باماكن الكشتات العائلية
علما ان موتري لومينا 2008:mad:
وبانتظاركم ياغالين
ابو عبدالرحمن الحائلي
31/10/2009, 10:18 AM
هلا بالغالي
فيه اماكن كثيرة بحايل
عقدة ومشار اقرب مكان لحايل
فيه نايلات والتفيهي وصحى وضلضل وجو
والله اماكن كثيرة كلها رائعه اما الامور الثانية ان شاء الله احد الاخوان يفيدك اكثر
الخيال2006
31/10/2009, 10:32 AM
فيه طال عمرك عقده وابو نمر سايل وكذلك عندك رمان سايلت شعبانه كلها خذ البزران وتوكل على الله
جبال اجاء
31/10/2009, 01:11 PM
حياك الله بحائل والله انك منت بلشان لأن حائل كلها شعبان واودية



اذا تبي مكان قريب لمدينة حائل انصحك بشعبان (عانقه) شمال حائل بعد قرية نقبين


على طريق حائل جبة وتبعد عن حائل 16 كم فقط


وفيه طال عمرك شعبان (قرية السفن) على نفس الطريق قبل محطة العردان على اليمين وتبعدعن حائل 25 كم


واذا تبي تبعد شوي عندك مدينة الروضة جنوب حائل 70 كم شعبانها سايلة واعتقد فيها ربيع السنة هذي انشاءالله


بس انصحك تستأجر (جيب)على حسب مدة التخييم اذا تبي الوناسة
ابودعسان
31/10/2009, 04:51 PM
اول شي من العزبه الجيييييب
والعزبه عندك سوق القشله خذ لك شنطه وبوجهك لسوق برزان نق المعاميل على كيفك واللي تحتاج
وبالنسبه للخيام فيه القاضي للخيام على الدائري الجنوبي بعد محطة الشعله تنزل على يمين تلقا عندهم اللي يناسبك
عاشق الفرعه
31/10/2009, 06:50 PM
يفيدونك أهل حايل إن شاء الله
SaLoOoM
31/10/2009, 10:30 PM
السلام عليكم أخوي بروق حايل

كيف الحال

والله أفادوك النشاما ولا أقدر أزود عن كلامهم شي

لاكن لو تروح لم القشله وتاخذ لك عزبه مثل ماقال أخوي

وتاخذلك معاميل تر كلها ماتجاوز الــ100 إلى150<<على حسب مشترياتك

وتطلع لم الشعاع بسوق الكويتيين وتاخذلك من 6 إلى10 فرشاة وتاخذلك خيمه عامودين او عامود وتستاجرلك موتر جيب أو هايلوكس دبل أو دتتسن أهم شي دفرنسين

وأطلع لاتخلي مكان ماتجيه
المهم ركز على موضوع الماء

ورح اطلع لم جو من عند الحفير تجيه

او عانقه أو مشار أو ضلضل

أما عقده نصيحه لاتخيمبه<<ماهي خليه من أهل الأرض وموحشه باليل

وهذ كل مابجعبتي تقبل ودي واحترامي

أخوك سالم
بروق حايل
31/10/2009, 10:39 PM
وينه سوق القشله؟؟
عتيق
31/10/2009, 11:09 PM
سوق القشله يالغالي

هو السوق المقابل لامارة حايل من جهة الغرب

سوق شعبي ستجد مبتغاك بكل يسر وبافضل الاسعار ان شاء الله
صقرحايل
01/11/2009, 01:29 AM
مرحبا اخوى
اخوى بروق حايل والله الاماكن كثيرهعندك مشار وعندك توارن وعندك عقده وعندك الرعيله وعندك وعندك وعندك وعندك بس اسيارة ماتساعد لاكن اذا بغيت تخيم الفتره الجايه عندك بعد< نقبين> با 2ك
مخيمات على اليسار قدام عانقه على كيفك وكل شى فيها من كهرب ومن خيام واغراض اطبخ والمغاسل وكل شى بس انت تجيب اكلك
ورخيصه يوميتها على300 الى 400
واذا بغيت شى انا باخدمتك راسلنى على الخاص وابشر باعزك وانا اخوك ما تبلش ان شاءالله وانت باحايل
وشكر لك