المساعد الشخصي الرقمي

مشاهدة النسخة كاملة : موتري النيسان 94 فيه مشاكل .....


الهجاني
31/10/2009, 08:17 PM
السلام عليكم ورحمة الله وبركاته

اخواني الاعزاء انا سالفتي سالفه انا شريت نيسان قبل اربع سنوات السيارة كانت موديل 94 خليجي كاربريتر اتماتيك قلبت القير إلى عادي لكن بدال ما احط القير في الاول حطيته بالثاني وكأنه ما يبغى يمشي ويطلع صوت غغغغغغغغ
قلت انا يمكن التروس ووديته عند مكانيكي وقالي فحمات الكلتش ولا اعلم وين الصحيح .

الجانب الثاني الموتر عزمه ما هو طيب سويت تصفيه كاربريتر مانفع وش الحل وإذا جانا في المنطقة عجاج الموتر يكتم ويقطع ولا ادري وش الحل اتمنى ممن لهم الخبره يرشدوني في هذه الاعطال وخاصه اهل الدمام والخبر اهل النياسين
الجبيري1
31/10/2009, 08:57 PM
ان شاءالله امورك بسيطة
بدلك على كراج ممتاز جدا واغلب السيارات جيوب نيسان تويوتا فيه مكنيكي مجنون وفاهم شغله .
اسمه كـــــــــــراج الأنــــــــــصاري .
وهذا وصفه اكيد شركة ســـــــهــم معروفة اكبر ؟؟؟؟؟؟؟؟؟؟؟؟ بعدها يمين اول يسار وعلى طول يجيك T يسار 50متر تقريبا يسار .واي استفسار حاضرين
د ك م 586
31/10/2009, 09:35 PM
بالنسبة للباترول التماتيك اذا حولته الى قير عادي الافضل انك تغير كارونا الخاصة بالقير العادي
لان كرونا التماتيك تمد اما العادي حاشرة المكينه
والدليل اركب موتر قير عادي شد بلد بتشوف انه نشيط بس مايتجاوز بالاول 40 ك/س(تقريبا)
اما موترك بتلقاه بالقومه ثقيل بس يمد بجميع النمر يعني يمكن ياصل بالاول 70 ك/س
يعني الاول صار مثل النمره الثانيه
Turbo RB
01/11/2009, 01:18 AM
اخوي الكريم اقدر افيدك بشي واحد وهو بالنسبة للكربريتر

اذا كان التكتيم والتقطيع من الكربريتر فعندك حلول كثييير جدا جدا بس تختلف على حسب الكلفه

وراح اذكر لك بعضها :

بالنسبة للعزم تاكد من طرمبة البنزين والصفاية والهوزات ومداخل البنزين في الكربريتر
وتاكد من فلتر الهواء ونظافته وصلاحيته وهل يوصله تهويه جيده او لا

اذا الامور هذي سليمه وما عليها خلاف كذا ندخل في الكربريتر نفسه
تاكد من ابر الحقن ونظافتها وان ما فيها رواسب وكمان فتحت الثروتل الي تفتح وتسحب هوا تاكد
انو مع دعسة الابنص تفتح بالتدريج الين اخر مدى له وان مافيها تهنيق او تصليب

اذا الامور هذي كلها سليمه معناه ان الكربريتر وكفاءة الكربريتر في الحقن ضعيفه وهذي ترجع
لعدة امور الزمن والعمر اساسي فيها وغيرها مثل كثرة فك الكربريتر وتنظيفه وسهولة دخول الغبار
والشوائب . الية تغيير اصلاح الكربريتر بطريقة خاطئة .... الخ لان مثل هالامور بحر من الافتراضات

اذا الكربريتر ومعداته سليمه وهو بنفسه سليم ويقوم بعمله على اكمل وجه واذا كانت قطع سحب
البنزين وتوصيله سليمه فاشك انو ضعف العزم ماهو من الكربريتر

بالنسبة لقولك انه الموتر يقطع اذا فيه عجه فاقولك غير فلتر الكربريتر وتاكد من تقفيلة غطاه
وتاكد انه مايتسرب له غبار وان حد الغبار اذا دخل بالكثير الفلتر ويوقف لان دخول الغبار
الى داخل المكربن اكبر اسباب اعطال الكربريتر غير شوائب التانكي

الله يوفقك وييسر امورك اتمنى اني قدرت افيدك واتمنى ان تتوصل الى حل غير مكلف

تقبل تحياتي
الهجاني
01/11/2009, 02:13 PM
مشكورين وبيض الله وجيهكم على التوجيهات السديده