المساعد الشخصي الرقمي

مشاهدة النسخة كاملة : طلب قصيده



المغتر2
31/10/2009, 10:40 PM
السلام عليكم ابي قصيده من شريط القنص
الشاعر
ضاوي بن عايض العصيمي
حداء
مهنا العتيبي
ابو سعود
والقيده
البر احبه وحب الي يحبونه من صغر سني وفيه النفس مولاعه
هوايتنفي صميم القلب مدفونه تجري مع الدم في مشيه ومرجاعه
ارجوووووووو الافاده
ومشكووووووووووووووورين

عارف الشمري
01/11/2009, 02:45 AM
انا مافهمة قصدك اخوي المغتر

اذا تبي قصيدة العصيمي هذي هي


لبر احبه واحب اللي يحبونه===من صغر سني وفيه النفس مولاعه
هواية في صميم القلب مدفونه===تجري مع الدم في مشيه ومرجاعه
خصٍ اليا الوسم مزنه مالت ردونه===واسقى الضوامي ونبت العشب في قاعه
وقام الشمالي يلاعب لين غصونه===يازين مع نفحة النسمه تمرياعه
اعشق زهوره ويسحر ناظري لونه===واشم عطره واقوم اعدد انواعه
نفل وبسباس وخزاماه وفنونه===وربله ونوار والحوذان واتباعه
والقحويان ويهق ياللي تعرفونه===وشرشر وحميّض وشقاراه واقشاعه
احب ازوره قبل لا البدو يرعونه===اروى النظر منه لامن زان مرباعه
واحب حرٍ يشاف الفيد بعيونه===ربحان من يشتريه وخاب من باعه
حرٍ ليا شافوا البرقا يهدونه===واليا طلع في سماها صابها راعه
لاشافها بامر رب العرش مضمونه===لاهوا على صيدته ماخانه ذراعه
وخوّة نشاما خوي الجنب يغلونه===على النقا جامعين الطيب والطاعه
الفرض لاحان في وقته يصلونه===وفي مغفرة خالق الاكوان طماعه
البال لاحل به ضيقه يسلونه===ووقت الله الله فزاعه وجزاعه
اليا بغوا درب مايمسون من دونه===اسباع ليل ونهار ونومهم ساعه
باسج معهم طرب والروح مرهونه===وتالى الزمان العمر مدري عن اوضاعه

جندب المالكي
01/11/2009, 03:42 AM
البر احبه واحب اللي يحبونه=من صغر سني وفيه النفس مولاعه
هواية في صميم القلب مدفونه=تجري مع الدم في مشيه ومرجاعه
خصٍ اليا الوسم مزنه مالت ردونه=واسقى الضوامي ونبت العشب في قاعه
وقام الشمالي يلاعب لين غصونه=يازين مع نفحة النسمه تمرياعه
اعشق زهوره ويسحر ناظري لونه=واشم عطره واقوم اعدد انواعه
نفل وبسباس وخزاماه وفنونه=وربله ونوار والحوذان واتباعه
والقحويان ويهق ياللي تعرفونه=وشرشر وحميّض وشقاراه واقشاعه
احب ازوره قبل لا البدو يرعونه=اروى النظر منه لامن زان مرباعه
واحب حرٍ يشاف الفيد بعيونه=ربحان من يشتريه وخاب من باعه
حرٍ ليا شافوا البرقا يهدونه=واليا طلع في سماها صابها راعه
لاشافها بامر رب العرش مضمونه=لاهوا على صيدته ماخانه ذراعه
وخوّة نشاما خوي الجنب يغلونه=على النقا جامعين الطيب والطاعه
الفرض لاحان في وقته يصلونه=وفي مغفرة خالق الاكوان طماعه
البال لاحل به ضيقه يسلونه=ووقت الله الله فزاعه وجزاعه
اليا بغوا درب مايمسون من دونه=اسباع ليل ونهار ونومهم ساعه
باسج معهم طرب والروح مرهونه=وتالى الزمان العمر مدري عن اوضاعه

المغتر2
01/11/2009, 04:19 PM
مشكوور ابو كدريه يالنشمي اي هذي و اخوي جندب المالكي حطها كامله
و مشكوور يا جندب المالكي وبيض الله وجهك يالنشمي