ابو عمر اللاحم
31/10/2009, 11:08 PM
جديده وارجو ان تنال رضاكم
مزن ن تزبر هالين يوم زبر
...............................جاوب حنينه يوم توضي ابروقه
جلست أخليه بالخلا واتعبر
...............................سبحان ربٍ كونه ثم يسوقه
يشبه اجبالٍ فوقه الثلج غبر
.................................إطبوقٍهٍ تخالف موضيات ٍ افتوقه
ولف السكون الكون والله اكبر
................................تشبه هماليله أحبال (ن) تعوقه
ونجد ن عليه اليوم شوقه تصبر
................................من حر شمس الققيض نشفت اعروقه
وراع الحلال اللي حلاله مع البر
................................خمط (ن) مراعيها إيباس (ن) إحلوقه
او بأمر الكريم المعطي الراحم البر
...............................ساق السحاب اللي صدوق(ن) حقوقه
ورويت افياض(ن) للمكاشيت تخبر
...............................وفي سدرها بانت براعم اورقه
والارض باذرها على الارض نوبر
...............................تطدرد خضاره بالعيون او تروقه
وزانت مداهيل الخلا آه يالبر
...............................القلب يمك زايد اليوم شوقه
يازينها مع كل جو او معبر
...............................كم خبة زاده جمالٍ اعروقه
الرمث والارطاء مظلل او مكبر
...............................تلقى غراميله عليها اشلوقه
ما طبه الطرقي ولا طبه اغبر
...............................الوحش فيها مرجهن(ن) خفوقه
لا نسنس الشرقي كما ريح عنبر
...............................والضو شبيتها ولارطا علوقه
وحمست ما يطرب بريحه ومخبر
...............................بن ن يجيلك بالوناسه نشوقه
يامحلات البر والبر به بر
..............................ينسيك همك والمنازل وضوقه
مزن ن تزبر هالين يوم زبر
...............................جاوب حنينه يوم توضي ابروقه
جلست أخليه بالخلا واتعبر
...............................سبحان ربٍ كونه ثم يسوقه
يشبه اجبالٍ فوقه الثلج غبر
.................................إطبوقٍهٍ تخالف موضيات ٍ افتوقه
ولف السكون الكون والله اكبر
................................تشبه هماليله أحبال (ن) تعوقه
ونجد ن عليه اليوم شوقه تصبر
................................من حر شمس الققيض نشفت اعروقه
وراع الحلال اللي حلاله مع البر
................................خمط (ن) مراعيها إيباس (ن) إحلوقه
او بأمر الكريم المعطي الراحم البر
...............................ساق السحاب اللي صدوق(ن) حقوقه
ورويت افياض(ن) للمكاشيت تخبر
...............................وفي سدرها بانت براعم اورقه
والارض باذرها على الارض نوبر
...............................تطدرد خضاره بالعيون او تروقه
وزانت مداهيل الخلا آه يالبر
...............................القلب يمك زايد اليوم شوقه
يازينها مع كل جو او معبر
...............................كم خبة زاده جمالٍ اعروقه
الرمث والارطاء مظلل او مكبر
...............................تلقى غراميله عليها اشلوقه
ما طبه الطرقي ولا طبه اغبر
...............................الوحش فيها مرجهن(ن) خفوقه
لا نسنس الشرقي كما ريح عنبر
...............................والضو شبيتها ولارطا علوقه
وحمست ما يطرب بريحه ومخبر
...............................بن ن يجيلك بالوناسه نشوقه
يامحلات البر والبر به بر
..............................ينسيك همك والمنازل وضوقه