خطوره الرمله

[العودالازرق]

ذكر لي احد الاصدقاء انه قبل حوالي عشر سنوات ذهب هو وابنه البالغ من العمر عشر سنوات وصديق الى الرمله (الربع الخالي) راحو يوم الثلاثاء بيقعدون الى الجمعه يوم الثلاثاء في الليل جلسو في نقره وتعشو وعينو خير ونسو لمبه الغماره يوم اصبحو يوم الاربعاء شغل السياره ما تشتغل فضت البطاريه وفي نقره عاد حلها يقول ما حولنا احد يقول جلسنا الاربعاء كله والخميس وخلص الماء وشربنا مويه الاديتر والاكل خلص متوقعين نصيد لكن ما الله كتب .يوم الله فرجها ويجينا جيب شاص عليه رجال متلطم قالوله تكفى نبغى اشتراك يقول ما يرد المهم قام خويه وطلع الرشاش وقاله بتنزل وانت رجال وقام خوينا وعقل خويه وقال ما له داعي تنزل الرشاش راعي الشاص قال نزل رشاشك وانت وخويك والورع اطلعو فوق الطعس يقول وامتثلنا للامر نزل بسيارته وشغل الموتر .يقول قمنا نسولف معه قال والله اني بغيت ارشكم با الكلاش لكن رحمكم ربي خصوصا يقوم وجه الرشاش علي .يقول وعلى الرياض .

[فـ(الجـوف)ـتى]

اولا الحمدلله على سلامتهم

ولكن يجب اخذ الحيطه والحذر وهم في مثل هذا المكان خاصه ،

اما بالنسبه الى من قام بسحب الرشاش ربما تحصل منه ومن غيره لاا قدر انى اعلق

عليه لانه ليس على صواب وليس على خطا فيما فعله خصوصا ((قالوله تكفى نبغى اشتراك يقول ما يرد)) 0

لكن الحمدلله على سلامتهم هذا الى اقدر اقوله 0

ومشكور اخوى العود الازرق على هذه المشاركه التى بها يجب ان الانسان يأخذ الحيطه

والحذر والباقي على رب العالمين 0

[العودالازرق]

اخي فتى الجوف تعليقك (قا لو تكفى نبغى اشتراك يقول ما يرد ) قصدي يقول ما يرد الذي يروي السا لفه يقول ما يرد راعي الشاص فهمت قصدي اتمنى ذلك . وعسى الله يجيب للجوف المطر .