المساعد الشخصي الرقمي

مشاهدة النسخة كاملة : مشكلة في كهرباء الباترول - ارجوا الافادة


ابومحمد8339
01/11/2009, 10:45 AM
السلام عليكم ورحمة الله

لدي باترول ديزل وكالة موديل 2000
غيرت له دينمو اصلي وكالة قبل سنتين

وهاليومين صارت تجيه حالة بس مو مستمرة تحضر وتغيب
1- يضعف الكهرب ويقوى مع الإشارة
2- يقطع كهرب السيارة عموماً ويرجع على طول مع شبكة الكمبرسور اثناء السير << الناس تحسب اني اكبس بالنور:confused:


* كما اشرت الدينمو اصلي ماله سنتين
*الحالة غير مستمرة
* لمبة البطارية ما تولع ابد مع هالحالة
* جربت افصل الأصبع اثناء هالحالة وطفى الموتر
* في حالته الطبيعية ما يطفى

ارجو التكرم بإفادتي عن المشكلة
هل هي من الدينمو؟ << واستخلف الله واغير ثاني
هل هي منظم ولا كتاوت تتغير؟
هل تعرفون ورشه او فني يبخص في الرياض ؟

ولكم مودتي وخالص تحيتي
اتفاق الطائف
01/11/2009, 01:58 PM
اتوقع يا اخي الكريم ان سيارتك بها ماس كهربائي

انصحك بالاتي

شيك على جميع الاسلاك وخاصة اللي عليها لصق

تاكد من سلامة اصبه البطارية انها مشدودة بشكل سليم وعدم وجود رواسب

اسال الله لك التوفيق
سوبر VTC
01/11/2009, 05:08 PM
و عليكم السلام و رحمة الله

تاكد من عصا النور
لا يكون تجاري من الحرارة يقطع
مهب اصلي
عندك مشكلة بالظفيرة
من الدينمو الى الطبلون
ارتخاء اسلاك او سلك مجروح
على فكره
اخبر جيب هدد م2007
على سرعه 140 الموتر يقطع ثواني و تطفى عدادات الطبلون
حصل المشكلة
من اصبع البطارية راخي مهب مشدود

عندك بالرياض ورشة التركي ابو صالح
بالصناعيه القديمه
بجنب مركز ترايستار
عنده كهربائي سعودي ممتاز سليمان الخطيب :good:
موتره باترول اظن م93
و هو خبره ما شاء الله
اذا ماله سنع موترك يدلك على ورشة متخصصة
ما يقصر

موفق
ابومحمد8339
02/11/2009, 08:45 AM
السلام عليكم ورحمة الله
اشكر الأخوة الآفاضل اتفاق الطائف
،سوبر VTC على الرد والإفادة

واود توضيح التالي
الضفيرة والأسلاك بوضع الوكالة وكذلك عصى النور
ويوم اذكر لكم ان النور يقطع المقصد ان جميع الكهرب يقطع حتى المسجل يطفى يرجع يشتغل والإنبيرات تطيح وترجع والعدادت والساعة تصفر ...:confused:

والمشكلة الثانية انها مو في كل وقت تصير يعني اوديه لكهربائي ماتكون الحالة موجوده ويشيك على الدينمو ويشيك على الأصابع تكون ميه ميه
اطلع من عنده بعدها بنص ساعة مثلاً تجيه الحالة :mad:
شايل الظبي
02/11/2009, 01:41 PM
السلام عليكم ورحمة الله وبركاته
يسعد مساكم جميعا

اخوي بالنسبة للطفيه اللي تجي فجأ الله والعالم اذا ماني غلطان تكون من كتاوت الدينمو
جايته حراره ومو مضبوط
التعباه زينه بس اذا جاه جهد عالي فصل ورجع شبك من جديد
لازم تفك الدينمو عند كهربائي ويكون محل شغلته كهربااااء فقط عشان مايتفلسف عليك احد
هذا والله اعلم


اخوكم شايل الظبي
ابومحمد8339
03/11/2009, 03:03 PM
مشكور اخوي شايل الظبي

الله يدبر الصالح ويصلح الدابر :(
سوبر VTC
03/11/2009, 05:25 PM
اللهم امين
ترى فيه ورش ببريده ن حبيت
موفق
ابومحمد8339
06/11/2009, 03:46 PM
السلام عليكم
حياكم الله يا اخوان
و ابشركم ان المشكلة لقيناه وحليناها والفضل لله ثم لكم

وكلفني التصليح 1 ريال فقط
كل السالفة صنفرة وصنفرت اصابع البطارية وشديتها صح
و الحمد لله
لي اربعة ايام وماشي اكثر من 600 كيلو والمشكله اختفت


ولكم التحية
لاتكب البيالة
06/11/2009, 04:20 PM
ما شاء الله شي طيب
وصراحة الاصابع له تأثير مهوب بسيط واذا بغيت تشيل الملح المتراكم بسهولة كب عليه ببسي وخله 10 دقايق ثم اغسله بالماء
سوبر VTC
06/11/2009, 09:14 PM
و عليكم السلام و رحمة الله
الله يبشرك بالخير
و سلمت من التخرص و وجع الراس
اخبر جيب هدد م2006 قبل فترة
راعيه يمشي على سرعه 140
في نفس اللحظة الانبيرات تطفى و تطفى المكينه
تقريبا اجزاء من الثانيه
حصل المشكلة ان اصبع البطارية راخي (الكهرب)
موفق