عاجل عندي دبل التاهو خربان فزعتكم

[كلمه ولو جبر خاطر]

السلام عليكم

يا اخواني انا عندي تاهو 2001 قصير دبل ازرار وجنني

لما اشغل الدبل الكفرات الاماميه ماتتحرك وكأنه مافيه دبل
انا فكيت حساس او دينمو الكارونه الامامي اللي بالصوره اسفل ووجده شغال يزيد وينقص
http://www.mekshat.com/pix/upload02/images78/mk53291_nldb11.jpg

ورحت لورشة ترستار بتبوك وقالولي انه فيه جوه هلال او ترس خربان


شوفولي حل لمشكلتي يا اهل الخير الله يجزاكم خير

[ذيب صعافيق]

لو ترفع السيارة وتعشق الدبل يمكن يتبين لك شىء :confused:

[كلمه ولو جبر خاطر]

انا لما اكون في تغريز ما فيه امل انها تدور

ورحت ورفعت السيار ولكن نفس الحكايه ماتتحرك

[كلمه ولو جبر خاطر]

وين ردودكم ياشباب انا بانتظار فزعتكم

[أرض الحجاز]

كان معي واحد

وفكني الله منه والحمد لله

يعشق الدبل بس بنظام x

يعني تدور كفرة يمين قدام مع كفرة يسار وراء بالدبل الخفيف
والعكس مع الثقيل

قال لي رجال أن فيه نظام دوف لك أوتوماتيكي وهو الآن خربان

نظام الدوفلوك الأوتوماتيكي يشتغل بحساس

والله أعلم

[وردة النرجس]

اوووووووه اخوي ابو عاااااادل الله يكون بعووونك
رح وده الورشه وهم يعرفووووو المشكله

كان ودي اخدمك بس ماعندي خلفيه والله
اختك وردة النرجس
سي يو

[كلمه ولو جبر خاطر]

شكرا لكم جميعا
ذيب صعافيق

aziz_naser (http://www.mekshat.com/vb/member.php?u=997)

وردة النرجس

واتمنى من اهل الخبره افادتنا

[وردة النرجس]

لاشكر على واجب اخي ابو عادل وكان ودنا والله نفيدك ولكن اعذرنا فليس لدينا اي خبره
بالسيارات حنا مع السواقين بس وهم اللي يتولو التصليح والشغله دي
شكرا لك
اختك وردة النرجس

[عاشق z71]

حبيب قلبي

المشكله هذي يتعلق فيها ثلاث احتمالات

1: حساس الدبل الي انت شفته
2: حساس السويتش
3 حساس العكس وكلها هينه وماهي معقده

[ابوطاقية]

فيه موضوع كامل من الاخ سوبر فتك على ما اضن
الموضوع كامل عن مشاكل الدبل بالتاهو والجمس

[كلمه ولو جبر خاطر]

عاشق z71 (http://www.mekshat.com/vb/member.php?u=74528)
شكرا لك

ولكن وين موقع حساس السويتش وحساس العكس

[كلمه ولو جبر خاطر]

انا رحت لورشه اسمها ترستار وقال انه لازم يفك العكوس وطلب شغل اليد 650
بس ماقال لي حساسات ياليت توضح لي موقع الحساسات عشان أتأكد منها

[عاشق z71]

انا رحت لورشه اسمها ترستار وقال انه لازم يفك العكوس وطلب شغل اليد 650
بس ماقال لي حساسات ياليت توضح لي موقع الحساسات عشان أتأكد منها


شف ترتيستار بياخذ 600 ريال !!

طيب ليش ماتروح تفحص كمبيوتر بــ 100 ريال وتحدد العطل بالظبط ؟؟

[كلمه ولو جبر خاطر]

بس فحص الكمبيوتر بيحدد المشكله حتى لو كان ترس مكسور

[عاشق z71]

اذا ترس مكسور بتسمع قروشه تحت واصوات وبلاوي

لكن بما انك ماتسمع اي صوت ولكن الدبل مايشتغل

فمعناته المكشله كهربائيه بحته

[إبن عوف]

اخي صارت معي في دبل اليوكون ومخليت مكان حتى الوكاله وترى الوكاله نصابين قال الدبل شغال قلت ممكن الفني الي فحس الدبل يوم جا قلت اطلع معي وشوف وديته نفود وماتحرك الموتر قال نعم مايشتغل المهم قالوا خله عندنا وبعدكم يوم امرهم قالوا يبيلك سوشت وحساس ومدري بعد وش غيرها واطلع الموتر وعندي موتر ثاني وافك السوشت والحساس ولابه فائده واوديه ترايستا قال عندك الهلال الي جوا احتمال كبير يكون طايح ويفكونه وطلع كلام مضبوط وركبوه والحمدلله له اكثرمن سنه ارجو اني افتك بهذه التجربه

[كلمه ولو جبر خاطر]

بس اخوي ابن عوف انا رحت ترستار وقال لي احتمال يكون الهلال واحتمال يكون ترس مكسور لكن انا ما اسمع اي صوت


ورحت برضه لورشه ثانيه اليوم وقال المهندس انه بيفك العكوس او التروس ويصلحها وطلب شغل يد 300

[كلمه ولو جبر خاطر]

شكرا لكل من مر على هذا الموضوع واتمنى ممن لديه اضافات افادتنا بارك الله فيكم
اخوكم ابو عادل

[سوبر VTC]

و عليكم السلام و رحمة الله

غالب المشاكل من حساس دينمو الدبل حساس مدور به عيب مصنعي
قيمته ب350ريال


افتح السويتش لكن بدون تشغيل الموتر :no2:
اشبك الدبل الخفيف
راح تسمع اولا صوت اشتغال دينمو الدبل اللي تحت القير => يطلع صوت طقه منه لانه يعشق التروس
بعده
راح تسمع مباشرة صوت دينمو او حساس الكارونة الاماميه
حيث يشبك الكارونة مع العكوس


للفائده


هذه صورة الحساس اللي راكب عليه الفيش 6اسلاك

http://www.mekshat.com/vb/../pix/upload02/images80/mk53291_oijg.jpg

هذا مكان الدينمو بجنب عمود الدبل





http://www.mekshat.com/vb/../pix/upload02/images79/mk53291_ibdbpii44.jpg



http://www.mekshat.com/vb/../pix/upload02/images80/mk53291_jhdbh44.jpg





http://www.mekshat.com/vb/../pix/upload02/images78/mk53291_odjhobn22.jpg

http://www.mekshat.com/vb/../pix/upload02/images78/mk53291_nldb11.jpg





الحساس لوحده
و هذا به عيب مصنعي دايم يخرب
اخبر احد الربع غيره مرتين

http://www.mekshat.com/vb/../pix/upload02/images80/mk32037_4.jpg


فائده
اذا رفعت الموتر من الامام بعفريته
همن شبكت الدبل الخفيف مثلا
راح يوقف الكفر و ماراح يدور بيدك
لان دينمو الكارونة الامامي شابك العكوس و الكارونة

و لو دار الكفر بيدك و الدبل معشق و اللمبه تاشر
فذا دليل على ان فيش الدينمو به مشكله
او انه خربانه
اهم شي اسمع صوته اثناء تحريك الفيش


هنا فيوز الدبل اذا كان مقطوع راح تطلع رسالة افحص الدبل بالاضافة الى انه
راح تطفى لمبات ازرار الدبل
سبق اني فصلت و شبكت فيوز الدبل و اشتغل الدبل
و ذلك عن تجربه شخصيه بالنفود :good:



http://www.mekshat.com/vb/../pix/upload02/images78/mk53291_dfbd33.jpg




عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...
والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب
وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه
وفي عندك صناعية ام الحمام ورشة القحطاني رقم 11 سوداني فلته في الكهرباء
بارك الله فيكم وجزاكم الله خير...







رحت أمس للصناعية القديمة وتم فحصه عند القرعاوي عن طريق الكميوتر.. وقال كل شيء سليم.

طبعاً أمس لم تطلع عندي الكتابة الي هي يجب تصليح الدفع 4 عجلات.

رحت لورشة الموسى لقيت فيها واحد سوري وقال لي المهندس المتخصص في إجازة يأتي بعد العيد ، يقول أسمه أحمد.

طلعت لورشة كبيرة قال: عندك الحساس يحتاج تغيير.


شغل يد400

والقطعة ب350 ريال.


سألته هل عليها ضرر إذا ماصلحتها الحين : قال ايه ممكن ماتقدر تعشق بعدين؟؟


والملاحظ الآن:


1- أنه إذا شغلت الدبل يشتغل معي.

2- لمبات الدبل سليمة ولم تتوقف واحدة منها.

3- أنه بعد ماجربت الدبل أمس ومشيت للصناعية لم تطلع عند الكتابة المذكورة .
وسلامتكم.



وقبل الختام هل في عدم إصلاح هذه إن ظهرت مرة أخرى فيها ضرر على السيارة والقير.



http://www.mekshat.com/vb/images/misc/progress.gif

حساس الدبل خربان وهو موجود داخل دنمو الدبل مثل ما ذكر الأخ سوبرفتك جزاه الله خير

انا غيرته 3 مرات مرة في الوكاله على الضمان ومرتين في البيت بنفسي(في شوية خبرة الحمد لله) ولا يوجد خطر من التأخر في تغييره بس ما يشبك الدبل معك اذا التحذير موجود او اللمبه طافية
والحل اذا احتجت الديل اطفي الموتر واعد تشغيله وبيشتغل الدبل معك لكن هذه المشكلة تتكرر اكثر كلما تأخرت في تصليحه ولا ضرر
هذي تجربتي يا غالي في الجمس 2005

والحساس 360 ريال تقريبا والتركيب اللي يقولو 400 غالي لو في حدود 150-200 معقوله

موفق

http://www.mekshat.com/vb/images/misc/progress.gif

[سوبر VTC]

الحساس عندنا ببريده قيمته تقريبا ب400ريال
كرتون اصلي ازرق جي ام
حساس كارونة امامي يشبك الكارونة مع العكوس
مع العلم ان المواتر مثل م99 و تحت
اذا خرب الحساس يفكونه
و يحطون خشبة صغيرة طول الاصبع
و يركبون عليه الحساس
عشان تشبك الكارونة و العكوس
طبعا الحساس يخرج منه الضاغط على شكل حلزني مثل ريشة الدريل
شاهد الصورة الاولى التي وضعها ابو عادل

http://www.mekshat.com/vb/../pix/upload03/images128/mk53291_bndfo1.jpg


الحساس الابيض هذا شد البلد مع الجمس
الاسود يجي عند قطع الغيار
لونه اسود و الكرتون ازرق جي ام


http://www.mekshat.com/vb/../pix/upload03/images128/mk53291_bjfdojb3.jpg



هذا الدفرنس الامامي و الكارونة مع الحساس


http://www.mekshat.com/vb/../pix/upload03/images128/mk53291_dobj2.jpg




هذا حساس الكارونة الاماميه
اللي يشبك العكوس مع الكارونة
اذا رفعت الموتر من الامام بعفريته
همن شبكت الدبل الخفيف مثلا
راح يوقف الكفر و ماراح يدور بيدك
لان دينمو الكارونة الامامي شابك العكوس و الكارونة
و لو دار الكفر بيدك و الدبل معشق و اللمبه تاشر
فذا دليل على ان فيش الدينمو به مشكله
او انه خربان
سبق اني حركت الفيش و اشتغل الحساس :good:

فتح السويتش لكن بدون تشغيل الموتر :no2:
اشبك الدبل الخفيف
راح تسمع اولا صوت اشتغال دينمو الدبل اللي تحت القير => يطلع صوت طقه منه لانه يعشق التروس
بعده
راح تسمع مباشرة صوت دينمو او حساس الكارونة الاماميه
حيث يشبك الكارونة مع العكوس

مشكلتك باذن الله
ياحساس دينمو القير الصغير 6 اسلاك
او من حساس الكارونة الاماميه
حساس الكارونة الاماميه لو كان خربان
كان اذا شبكت الدبل الخفيف طبعا السويتش مفتوح
كان تاشر اللمبه لكن ما تثبت :no2:







أبشركم انحلت المشكلة بتغيير حساس الدبل

القطعة بـ 400 ريال وشغل اليد بـ 600 بعد الخصم !

http://img9.imageshack.us/img9/6425/bbabiedhsmall.jpg
http://www.mekshat.com/vb/images/misc/progress.gif http://www.mekshat.com/vb/images/buttons/edit.gif



السلام عليكم جميعااا...
بادخل في الموضوع على طول لاني عانيت مثل ما عانا الكثير منكم من مشاكل الدبل...
عندي يوكن 2005 دبل المشكله هي:-
لنبات الدبل تولع على كيفها مره خفبف ومره ثقيل ومره اوتوماتك..احيانا اشغل السياره القااه على الدبل الثقيل واحيان القاها ماتولع خير شر والكلام هذا من يمكن 7شهور وانا مجمد الوضع قلت الى ان يخرب مره وحده وافضاله.
المهم جيت الاسبوع اللي راح واشغل السياره الصباح والقااا طويل العمر(اليوكن) معلق على الدبل الثقيل ومو راضي يفك واللنبات كلهااا طافيه يعني مافيه تحكم..عدل بدل تكفاا ياطويل العمر وراي دوام ابد مو راضي يفك(الظاهر انه شافني مجمده ولا صيانه ولا هم يحزنون)) المهم دبرت عمري ورجعت للموتر العصر والف وادور واطيحلكم على ورشه كلهم فلبينين وكانو اساسا شغالين في الجميح بناء على شهايد شفتها معلقه بمكتبهم..
طبعا قبل ما اروحلهم مريت كذا ورشه كل تفلسف اللي يقول القير انعدم واللي يقول الدبل انتهى واللي يقول باخذ عليك 3 الاف ومن هالخرطي.
والله واجي عن طوال الاعمر ابو فلب....
طلعت المشكله قطعه صغيره بلاستيكيه فيها راسين نحاس وضيفتها توصل بين لوحة التحكم وبين الاجزاء الميكانيكيه فقط ((انكمرسنسر)قيمتها 300 ريال وشغلها ما اخذ نص ساعه غيرتها والحمد لله كل شي تمام.
وانصح اي واحد عنده موتر الجميح جديد وهو بالشرقيه لا تفوته هالورشه والله ماهي دعايه لكن ناس فلبينيين متخصصين بسيارات الجميح وعندهم قطع الغيار.
عموما اي شخص عنده مشكله بسيارته يشرحها هنا وباروح اس\اله لاني باسوي تشييك كامل على السياره .
تحياتي للجميع والورشه بالجبيل الصناعيه
انشاء الله باصور لكم القطعه وانزلها بالمنتدى



و الله كفو يابعدي انك مارحت للوكالة

عموما فيه قطعه تركب على دينمو الدبل

مقاومه الكترونيه او حساس تلقاه راكب على الدينمو اللي تحت القير راكب عليه فيش 6اسلاك

سعره ب300 الى 350ريال على كلام الفني ان به عيب مصنعي و عادي تغير هالحساس اكثر من مره

اذا طفت اللمبات عندك افتح غطاء الفيوزات اللي يسار الدركسون

تلقا فيوز(4WD)
افصله و اشبكه و تولع اللمبات

هذا الحساس به عيب مصنعي دايم يخرب
احد الربع معه يوكون 2005 غيره مرتين سعره ب350
هذا الحساس وظيفته يخبرك فقط ان الدبل على احد الاوضاع التالية
2H مفصول
الخفيف4H
الثقيل4LO
AUTO وضع الاستعداد او التلقائي
لكل علامه لمبة محدده
اذا طفت لمبات الدبل لا قدر الله
تحصل باب صغير حق الفيوزات يسار الدركسون مع الجنب يعني يسار مفتاح الانوار
تحصل فيوز مكتوب عليه (4WD)
هذا حق الدبل افصل الفيوز و اشبكه عدة مرات ستلاحظ ان اللمبات اشتغلت
و بالتالي تقدر تطفي الدبل
دينمو الدبل قليل جدا جدا يخرب
دينمو او حساس الكارونة الامامية اللي تشبك العكوس قليل تخرب
و سعره ب400ريال اصليه نوع جي ام
طبعا اذا شبكت الدبل الخفيف راح تسمع الدينمو يشبك يطلع صوت طبعا يشبك الدبل الخفيف
بعد ما ينتهي صوته
ستسمع مباشرة صوت حساس الكارونة الامامي اللي يشبك العكوس و الكارونة


على كلام الفني يقول حتى لو ولعت اللمبة تقدر تروح و وتجي
و ما فيه مضرة
اذا عاكس معك افصل الفيوز و اشبكه مره ثانية

واحد معه يوكن 2005 اذا حط الدبل على 2H مايمشي الموتر
و اذا حطه على AUTO يمشي
واحد ثاني اذا حط الدبل على AUTO مايمشي الموتر و اذا حطه على 2H
يعني عكس بعض

ادخل هاذين الرابطين
مناقشات حاده بيني و بين المشرف العزيز
طبعا يوجد صور للحساس
صور لدينمو الدبل
صور لحساس او ساعة الكارونة الامامية


http://www.mekshat.com/vb/showthread.php?p=1964564

الرابط الثاني


http://www.mekshat.com/vb/showthread...=155824&page=3 (http://www.mekshat.com/vb/showthread.php?t=155824&page=3)

عاد نبي طال عمرك الصور و نبي خبرتك منك نستفيد :good: :good:
و حياك في منتدانا :)


موفق

[كلمه ولو جبر خاطر]

اهلا بك اخي سوبر VTC (http://www.mekshat.com/vb/member.php?u=53291)
وانا كنت انتظر طلتك الكريمه لكن انا فكيت دينمو الكارونه الامامي اللي بالصورة هذي
http://www.mekshat.com/pix/upload02/images78/mk53291_nldb11.jpg
وطلع شغال ميه في الميه وما عندي اي مشاكل في اللمبات ولا تطلع لي اي رساله بان الدبل خربان والكهرباء واصله
علما ان الدينمو الخلفي شغال ومافيه مشاكل لكن البلا كله قدام ما ادري وش السالفه وانتظر ردك اخوي

[سوبر VTC]

ا اخواني انا عندي تاهو 2001 قصير دبل ازرار وجنني

لما اشغل الدبل الكفرات الاماميه ماتتحرك وكأنه مافيه دبل
انا فكيت حساس او دينمو الكارونه الامامي اللي بالصوره اسفل ووجده شغال يزيد وينقص
جزاك الله خير ابو عادل
بالنسبة للدفرنس الامامي
ما فيه مشكله عندك :no2:
انا رفعت موتري بعفريته من الامام
الكفر يدور بيدي
همن فتحت السويتش بدون تشغيل الموتر
و شبكت الدبل الخفيف => الكفر ما يدور يوقف
لان الحساس يشبك الكارونة مع العكوس :good:







انا لما اكون في تغريز ما فيه امل انها تدور

ورحت ورفعت السيار ولكن نفس الحكايه ماتتحرك

http://www.mekshat.com/vb/images/misc/progress.gif



اذا انت تشبك الدبل الخفيف او الثقيل و لا تدور الكفرات الاماميه
بالرمل
معنى ذلك ان الدبل عندك به مشكله
يا كلتشات او هلال منكسر
افضل حل ارفع الموتر بالكامل
و اشبك الدبل الثقيل او الخفيف و جربهم كلن على حده
و حط القير بالدي و طالع الموتر من تحت
اذا دار عمود الدبل فالمشكلة من الكارونة
اذا مادار عمود الدبل
فالمشكلة من الدبل يادنمو الدبل او هلال او كلتشات

[كلمه ولو جبر خاطر]

الله يوفقك اخوي باجرب الحركه ذي واشوف وأوافيكم بالخبار

[سوبر VTC]

اذا دار عمود الدبل بعد رفع الموتر
فعندك مشكلة ببنز الكارونة اللي يشبكه مع العكوس

بالنسبة لتركيب حساس الكارونة
انتبه لاتشده قوة الحساس سنته بلاستيك عشان ما ينكسر
شده بيدك همن شده بمفتاح او جلمبو او كماشة لفه ربع لفه فقط

[كلمه ولو جبر خاطر]

طيب اخوي سوبر VTC (http://www.mekshat.com/vb/member.php?u=53291)
وش رايك في كشف الكمبيوتر هل يستطيعون يطلعون المشكله بكل دقه ولا مجرد كلام

[كلمه ولو جبر خاطر]

عمود الدبل يدوراللي راكب في الدفرنس الامامي وموصل في الدينمو اللي تحت القير .

وانا جربت قبل كذا ورفعت السياره وحطيته في الثقيل ولفيت الكفرات وماتحركت ويوم حطيت السياره في الدي تحركت الكفرات الاماميه مع الخلفيه لكن حركة الاماميه مو نفس الخلفيه كانت خفيفه جدا جدا ويوم ادخل الرمل ماتلف الكفرات الاماميه ابدا وكأنه بدون دبل

[سوبر VTC]

الكمبيوتر ما يبين
لكن
لو شبكت الدبل الخفيف او الثقيل
و ظلت اللمبه تاشر فهناك مشكلة بحساس الدبل او حساس الكارونة
لانه المفروض
ذا شبكت الدبل الخفيف او الثقيل تاشر اللمبه
ثانيتين ثم تثبت


http://www.mekshat.com/vb/../pix/upload02/images78/mk53291_ndlng77.jpg




http://www.mekshat.com/vb/../pix/upload02/images78/mk53291_bdfn8.jpg





احتمال ان ثقل الموتر بالرمل يخلي بنز الكارونة
ما يشبك العكوس (يفلت)
عموما لك رسالة على الخاص

[كلمه ولو جبر خاطر]

الله يعطيك العافيه اخوي انا رحت لترستار واعطاني احتما انه يكون من الهلال بس ما اكد لي يقول برضه يمكن ترس وهذا اللي خلاني اتردد بالنسبه للمبات لما افتح السويتش تأشر زي ماقلت يمكن ثانيتين وبعدها تثبت

[سوبر VTC]

الله يعطيك العافيه اخوي انا رحت لترستار واعطاني احتما انه يكون من الهلال بس ما اكد لي يقول برضه يمكن ترس وهذا اللي خلاني اتردد بالنسبه للمبات لما افتح السويتش تأشر زي ماقلت يمكن ثانيتين وبعدها تثبت


جزاك الله خير
خلاص دام ان اللمبات تثبت فحساسات الدبل سليمه :good:
حساس الدبل + حساس الكارونة
لكن
اذا شبكت الدبل هل تاشر اللمبه همن تثبت ؟؟؟
اذا ثبتت اللمبه على الدبل الخفيف مثلا فالحساسات تمام
اذا استمرت تاشر بعد شبك الدبل فعندك خراب باحد الحساسات

[كلمه ولو جبر خاطر]

بعد ما اشبك الدبل سواء الخفيف او الثقيل تأشر همن تثبت طبعا دينمو القيريشبك وبعدها صوت الدينمو اللي على الكارونه الاماميه يمين الدفرنس

[ابوعمر الهذلي]

االله العالم انه حساس الدبل
روح سوي فحص كمبيوتر
وانصحك بورش الرياض الصناعيه القديمه تراهم متخصصين
بس اعتقد انها مشكله بسيطه

[سوبر VTC]

بعد ما اشبك الدبل سواء الخفيف او الثقيل تأشر همن تثبت طبعا دينمو القيريشبك وبعدها صوت الدينمو اللي على الكارونه الاماميه يمين الدفرنس


اذن في هذه الحالة
امورك تمام من ناحيه الكهرب باذن الله
لكن تبقى المشكلة يا بالكارونة الاماميه
او من كلتشات الدبل
لانه احتمال من ثقل الموتر بالرمل
تدور كلتشات الدبل بوش

[كلمه ولو جبر خاطر]

اهااااا


انا لما ارفع السياره كامل واشبك الدبل الثقيل او خفيف تدور الاربع كفرات لكن الاماميه دورانها اقللا من الخلفيه
لكن لما اكون بالرمل ماتدور
الا الخلفيه فقط

وعندي سؤال وهو وين موقع كلتشات الدبل

[سوبر VTC]

كلتشات الدبل
موجودة بجرم الدبل اللي راكب عليه عمود الدبل
كلتشات + جنزير دبل
طيب جرب الموتر بالرمل و اشبك الدبل
لكن بمنطقه مهب غراز ثقيل
خل شخص يدوس بنزين خفيف
و انت طالع عمود الدبل من الاسفل
اثناء تحرك الكفرات الخلفيه
اذا كان العمود يدور فالمشكله من الكارونة
اذا ما دار عمود الدبل فالمشكلة من كلتشات او جنزير الدبل

[كلمه ولو جبر خاطر]

شاكر لك اخي سوبر VTC (http://www.mekshat.com/vb/member.php?u=53291) تجاوبك معي
العمود قد جربته قبل كذا وهو يدور مع الثقيل والخفيف

[صدام]

ارفع السيارة وعشق الدبل

انت تقول الكفرات الامامية تدور لكن بحركة اقل من الخلفية

وانا اقول لك حط يدك على الكفرات الامامية وحاول توقفها

وشف الصوت الي بيطلع معك؟

عندها بيبين معك..

ممكن يكون الجنزير مرتخي!


الله يسهل أمرك

[بدران9]

ابو عادل وش صار معك :D

حرام تهمل هالموضوع الحماسي :D <<< خرب دبله http://www.adslgate.com/dsl/images/smilies/vora.gif

وش صار منه من الحساس ولا من التروس؟؟

سوبر فتك http://www.adslgate.com/dsl/images/smilies/love.gif

البارحة عزمت لي اثنين وحلفت اني طعس بهم في الثمامه .. مع ان اخر مرتين راجع منها بسطحة :D

الموهم اني اسولف لهم عن التسييف وقصات السيوف... لين وصلنا الثمامه وشبكت الدبل الخفيف وغرزت على طول جنب المزفلت :D

قسم بالله اني فشلت فيهم http://www.mekshat.com/vb/images/smilies/139.gif...

ثمن نزلوا يدفون<<< لا بوها من عزيمه :D

جا راعي فتك وسحبني وطلعني من الغراز ..

تشكرنا منه ومشا..

شبكت الثقيل((اضمن)) وغرزت في مكاني ثانية... جنب المزفلت..

والله ان ننزل ندف والله ماتنزلون ..

عود راعي الفتك الله يبيض وجه وسحبني لين المزفلت :D

اللي معي ذكروا اشغال لهم في الرياض وقالو ودنا نرجع الحين... ورجعنا :D

اكتشفت من بكرة ان الدبل مايشتغل خصوصا اني الاسبوع الماضي نسيته على الخفيف وماشي عليه يجي اربعين كيلو بسرعة ميه وثلاثين....

الحين اشبكة واسمع صوتين ورا بعض عند الكفر الامامي الايمن واحد من الاصوات رسمي شوي والثاني سياحي.. ويصير كن الدبل مشبوك تتغير التعشيقه يصير فيه نتله شوي.. لاكن الكفرات الامامية ماتدور..لايوجد اي اصوات قرشي نهائيا..
طبعا اول لما اشبك الدبل وامشي على المزفلت والف يثقل الدركسون ويفحط الكفر الامامي.. االان الدركسون عادي ولا يفحط ...

مشكلتي مشابهه لمشكلة ابو عادل تماما...ونفس اجوبته اجوبتي
ايضا يوجد تهاريب زيت وشحم حول العكوس مع ان الجلب حقت العكوس مافيه شي .. يمكن لاني مشيت به فتره طويله على المزفلت... بالمارية الزيت لونه مهوب واضح لاكن طعمه مالح شوي..

السيارة تريل بليزر 2006 مجدد ومفحوص وموظب...<<< وده يبيع :D :D

[بدران9]

::::up ياقماعة up:::::

[white heart]

اخي ابا عادل انا عندي لاندكروزر ونفس مشكلتك تماما والمشكلة ليست في الدبل وانما في الكارونة فقد يكون بها بخارة مكسورة وهي التي يركب فيها العكس ولايسمع لها اي صوت ولاتبين الا اذا فتحت الكارونة وعندما تعشق وانت واقف تشعر كأنه شغال ولكن في التغريزه او اذا رفعت السيارة يبين معك وسبب من اسباب انكسارهذه القطعة قد يكون العكس عندك مطعوج هذا والله اعلم ءءءءءءءء واخبرني لو رحت للمهندس؟
اخوك

[سوبر VTC]

حرام تهمل هالموضوع الحماسي :D <<< خرب دبله http://www.adslgate.com/dsl/images/smilies/vora.gif


ههههههههههه الله يرجك :D



سوبر فتك http://www.adslgate.com/dsl/images/smilies/love.gif




حب مهب لله ما يدوم :D
ههههه

بالنسبة لموترك اللي يفيدك بشكل اكبر
اخوي ماجلان خبرة و يفيدك و ما يقصر :good:
موتره مثل موترك
هذا معرفه

Magellan (http://www.mekshat.com/vb/member.php?u=11979)


بالتوفيق

[زيزوم الاكحل]

يا أخوان انا قدر الله علي وشريت جمس موديل 2000 دبل كهرب المهم ان الدبل فيه مشكله يطلع صوت وغيرنا الجنزير ومشت اموره وراح الصوت ولكن بقيت هناك مشكله ان الدبل الخفيف يشتغل بس دورة الدفرنس الي قدام اقل من الدفرنس الي وراء قلنا مابه مشكله نتحمل ولكن ان الدبل الثقيل يشبك ولكن ما يدور الدفرنس الي قدام هذي مشكله يعني يثقل الموتر بس بدفرنس واحد
المهم اني شيكت وغيرت كلتشات الدبل وضبط معي الخفيف وصارت دورة الدفرنسين سواء ولكن رقينا في مشكلة الثقيل ما يدور الدفرنس الي قدام ..طبعاا المهندس الي اصلح عنده من افضل المهندسين في القيور والدبلات والظاهر انه مستلج:eek: لانه فك الدبل ثلالث مرات كل مره يشيك المهم اخر مره ركب دبل ثاني بيشوف وش المشكله ولا دار العمود ابد :mad: .وهالحين بحلنا بهاليهودي لا حنا الي سلمنا ولا سلمت غنمنا.:D
يالله ياهل مكشات كان هنا مهندسين يعطونا رايهم...
علما ان الحساسات سليمه والانوار تشتغل زين على الثقيل والخفيف ويشبك الدبل والدينمو شغال.

[كلمه ولو جبر خاطر]

الله يعطيكم العافيه ياشباب
واعتذر على الانقطاع انا رحت لورشه اسمها والله اعلم ترستار حققيور ودبلات وقال ان المشكله من الكارونه طبعا فيه ترس او هلال مكسور طبعا بعد مافريت على كل الورش وعرفت ان ماعندهم سالفة رجعت لترستار
طبعا طلع من الهلال اللي جوة الكارونه وصلحها بـ 650 شغل يد اما القطعه فأخذتها تشليح من سيارة واحد من الشباب صادم بسيارته وبايعها تشليح



اخوكم ابو عادل

[RiyadhBoy]

لدينا فني بئمكانه اصلاح فقل الباب الخلفي لجميع أنواع الجموس مع ضمان الموقع في صناعية
؟؟؟؟؟؟؟؟؟؟؟؟؟
المشرف سوبر فتك

[ابويارا1001]

اقتباس:
السلام عليكم جميعااا...
بادخل في الموضوع على طول لاني عانيت مثل ما عانا الكثير منكم من مشاكل الدبل...
عندي يوكن 2005 دبل المشكله هي:-
لنبات الدبل تولع على كيفها مره خفبف ومره ثقيل ومره اوتوماتك..احيانا اشغل السياره القااه على الدبل الثقيل واحيان القاها ماتولع خير شر والكلام هذا من يمكن 7شهور وانا مجمد الوضع قلت الى ان يخرب مره وحده وافضاله.
المهم جيت الاسبوع اللي راح واشغل السياره الصباح والقااا طويل العمر(اليوكن) معلق على الدبل الثقيل ومو راضي يفك واللنبات كلهااا طافيه يعني مافيه تحكم..عدل بدل تكفاا ياطويل العمر وراي دوام ابد مو راضي يفك(الظاهر انه شافني مجمده ولا صيانه ولا هم يحزنون)) المهم دبرت عمري ورجعت للموتر العصر والف وادور واطيحلكم على ورشه كلهم فلبينين وكانو اساسا شغالين في الجميح بناء على شهايد شفتها معلقه بمكتبهم..
طبعا قبل ما اروحلهم مريت كذا ورشه كل تفلسف اللي يقول القير انعدم واللي يقول الدبل انتهى واللي يقول باخذ عليك 3 الاف ومن هالخرطي.
والله واجي عن طوال الاعمر ابو فلب....
طلعت المشكله قطعه صغيره بلاستيكيه فيها راسين نحاس وضيفتها توصل بين لوحة التحكم وبين الاجزاء الميكانيكيه فقط ((انكمرسنسر)قيمتها 300 ريال وشغلها ما اخذ نص ساعه غيرتها والحمد لله كل شي تمام.
وانصح اي واحد عنده موتر الجميح جديد وهو بالشرقيه لا تفوته هالورشه والله ماهي دعايه لكن ناس فلبينيين متخصصين بسيارات الجميح وعندهم قطع الغيار.
عموما اي شخص عنده مشكله بسيارته يشرحها هنا وباروح اس\اله لاني باسوي تشييك كامل على السياره .
تحياتي للجميع والورشه بالجبيل الصناعيه
انشاء الله باصور لكم القطعه وانزلها بالمنتدى



يا جماعة الخير

هذا اقتباس مدري من اللي كتبه

ممكن اسم الورشة اللي فيها ابو فلب ووين مكانها


لا هنتوا

[سوبر VTC]

يا جماعة الخير

هذا اقتباس مدري من اللي كتبه

ممكن اسم الورشة اللي فيها ابو فلب ووين مكانها


لا هنتوا



عموما اي شخص عنده مشكله بسيارته يشرحها هنا وباروح اس\اله لاني باسوي تشييك كامل على السياره .
تحياتي للجميع والورشه بالجبيل الصناعيه
ان شاء الله باصور لكم القطعه وانزلها بالمنتدى

موقع الورشة على كلامه الجبيل

[ابويارا1001]

موقع الورشة على كلامه الجبيل



لا هنت بس ما تخبرون ورشة ممتازة بالدمام او الثقبة

[الحمر احمر]

يا خوي ليش يخرب دبل الشفر والجمس دايم وطرمبه البانزين والتكييف الحار وحراره السياره انا عن نفسي غيرت للفورد واررررررررررتحت ولا وش رايكم والسلام ختام