الفزززززززعه يا اهل اللاندكروزر

[yazeed999]

عندي جيب لاند كروزر موديل 2003 جي اكس ار والحين مشى350000والمشكله فيه صوت قرقعه في كل مكان حتى القزاز والمراتب (البدي نظييييييف) بس مكانيكين تعبان واقول كثر خيره بس ابي من اهل الفزعات يدلون لي على ورشه صحححح ينفظون الموتر من الصدام الى الصدام ويرجعونه جديد حتى وجهيته نزلت عن اول ولا قدرت ارفعه مره ثانيه وابي ارشه من تحت باللون الاسود علشان يرجع جديد ولا اعرف من الي يسونها


ولكم مني جزيل الشكر......

[AbdulAZiz M]

سمعت عن ورشة الضويان في الرياض بالصناعية القديمة لكن سعرهم أعتقد غالي

لكن مثل ما قلت إن شاء الله ينفضون لك السيارة من الصدام للصدام وكل الجلد تتغير

أتمنى أفدتك ونشوف آراء أهل الخبره والمجربين ...

[جعفر112]

يفيدونك الشباب ان شاء الله

[أرض الحجاز]

المرضاح

الضويان

النويصر = تغير مستواهم نوعاً ما

كلهم في الرياض



وعندك الشامسي في القطيف
أهل القطيف مشهورين بالترميم للسيارات

وتربيطها وأسعارهم رخيصة جدا جدا ً


وننتظر من الإخوان الزيادة في المعلومات

[راعي الهدد..]

في ورشات كثيره لاكن بالنسبه لوجه السياره النويصر ومالك الا هو لان شغله مضمون .

اما بالنسبه للتنظيف ما عندي خلفيه لان الورش المتخصص في تنظيف السيارات كثيره جدا والصناعيه القديمه الي بالرياض على مفرق حق طريق الخرج
احلى لان في ورش يفككون لك اجزاء من السياره ولايرجعونها زي اول فعشان كذا الصناعيه القديمه مضمونه.

وهاذي المعلومات الي انا اعرفها والاخوان افادوك وراح يفيدونك ان شاء الله

[العنابي 616]

ان كنت من اهل الشرقية
عندك ورشة الانصاري لا تتعداهم تربيطهم لا يعلى عليه

[ابوطاقية]

اخوى انصحك نصيحه لوجه الله
انتبه من الي يقولون تربيط من الصدام للصدام ترى المسئله بسيطه وياخذون عليك فلوس على الفاضي وللمعلوميه اللاند من السيارات المتماسكه وكل ماعليك تسويه
تغيير ربلات المقصات ومسامير التوازن (عند المراكز المشهوره بوزن الاذرعه والمقصات)
فحص كراسي المكينه والقير (نفس الاعلى)
فحص شيال الكنداسه (نفس الاعلى)
تربيط المراتب (عند اي محل تنجيد)
تربيط مكاين النوافذ والطبلون (كهربائي ممتاز)

[بدوي جنوبي]

ينقل لقسم
خيمة أعطال السيارات وإصلاحها (http://www.mekshat.com/vb/forumdisplay.php?f=126)

[VXR.2007]

اذا كنت كذا بتجي تنطل السيارة عند الورشة تقول ابي وابي وابشر بسحب الدراهم على غير فايدة
اسمع كلام ابو طاقية كل شي واختصاصة واخر شي تلميع السيارة كاملة

[Nasser-ahah]

كلام أبو طاقية لا يعلى عليه

[سوبر VTC]

طيب
اذكر موقعك عشان يدلونك الاعضاء
على ورشة زينه
الله يطعمك من خيره و يكفيك شره
موفق

[yazeed999]

الله لايهينكم ما قصرتو ولا هي غريبة منكم الفزعه(شقرديه)
وموقعي في الرياض

[yazeed999]

الى الان ما احد وجهني على شى نخيتكم يالربع ابي حل

[شامخ ألهيلا]

اخوى انصحك نصيحه لوجه الله
انتبه من الي يقولون تربيط من الصدام للصدام ترى المسئله بسيطه وياخذون عليك فلوس على الفاضي وللمعلوميه اللاند من السيارات المتماسكه وكل ماعليك تسويه
تغيير ربلات المقصات ومسامير التوازن (عند المراكز المشهوره بوزن الاذرعه والمقصات)
فحص كراسي المكينه والقير (نفس الاعلى)
فحص شيال الكنداسه (نفس الاعلى)
تربيط المراتب (عند اي محل تنجيد)
تربيط مكاين النوافذ والطبلون (كهربائي ممتاز)
السلام عليكم
خذ كلام ابوطاقيه
الورش بيقوولك اخذ منك 800 تربيط اسفل + قطع الغيار وقيمة تركيها من جلد وغيرها
وتلقا الموضوع شد مسامير تسويها في البيت

الابواب لو تسويي مثلي فكيت ديكور الباااب وفكيت باغه الحاميه عن الغبار ومعي مفتاح 10 ولقيت مسامير مرتخيه وشديت عليها ونفس الديكور حق الباب في مسامير شديت عليها بشووويش وسلكت الاموور زي الوكاله

المراتب نزلها عند اقرب منجد وقل ابي تربيط لها بحوالي 200 ريال او اقل

اسفل السيااره جلد فقط عن ميزان معروف مثل العضيب واليرموك وقلهم يربطون من تحت اي مسمار يواجهونه

وامورك تساهيل

الوجه الامامي الانوار وغيره في شارع الجمعيه بالصناعيه يسوون لها تربيط وتضمين زيادة لتربيط

وسلامتك

[yazeed999]

طيب ورفعة الوجه وش حلها

[بونشاك]

اذا تبغى تربط السيارة عندك ورشة الكردي اللي بجنب ورشة العتيبي بالصناعية القديمة تربيط كامل من اسفل السيارة وتدبيل جلد البودي وتضمين الانوار والصدامات ويركبون ليات في الربل اللي على الابواب مع الشدادات والتوازن والمراتب حتى الطبلون يفكونة وينظفونة اويغيرون المقصات اذا الركب تعبانة شغل يديهم تقريبا 650 ريال اذا هم على خبري قبل سنة ارخص من ابن مرحاض

[yazeed999]

وكم تكلف القطع

[yazeed999]

يهمني خبراتكم ياهل المعرفه

[662]

انا عندي جكسار 2003 وماشي اقل من مشي موترك بس القرقعة فيه خفيفة
ربطته بالقطيف في شباب سعوديين من اهل القطيف ممتازين

[yazeed999]

وفيه مشكله صوت ونه بعد سرعة130وما ادري وش حلها
ولكم مني جزيل الشكر
واتمنى احد من الموجودين من اصحاب خبرة الاندكروزر يدلني على احد الورش الممتازين الي ينفظ لي الموتر من الصدام الى الصداااااااااااااااااااااام ويرجعه لي جديد
وله دعوه خاصه له لاني تأذيت من الموتر احس اني راكب ديانا من القرقعه وعدم الراحه

[662]

اخوي الحنه ياما كارونه او عمود الشفت

[عايد الحربي]

عليك بكهربائي
(لامنافس)......................................... .........
هههه شرط ان تلقا الحل

[شامخ ألهيلا]

وفيه مشكله صوت ونه بعد سرعة130وما ادري وش حلها

ولكم مني جزيل الشكر
واتمنى احد من الموجودين من اصحاب خبرة الاندكروزر يدلني على احد الورش الممتازين الي ينفظ لي الموتر من الصدام الى الصداااااااااااااااااااااام ويرجعه لي جديد

وله دعوه خاصه له لاني تأذيت من الموتر احس اني راكب ديانا من القرقعه وعدم الراحه


السلام عليكم
اخوي الونه لاتحكم عليها الا اذا الكفرات جديده
لان الكفر القديم يسبب 40% ونه
سبق وصارت معي بغيت اغير دفرنس خلفي
وطلع السبب من الكفرات قديمه وناشفه

[yazeed999]

الله لا يهينكم ولا يريكم مكروه
بس الي يهمني الحين القرقعه ابي حل لها تكفوووووووووووووووووون ورفع الوجهيه كل ما رفعتها نزل مره ثانيه
وراحة المطب وانا مركب مساعدات استراليه بس مطبه مو مريح
ابي احد يحل لي هالمشاكل
ولكم مني جزيييييييييل الشكر0000

[nono2020]

انا انصحك بورشه الحسون في عنيزة انا مجربهم ضبطو سيارتي من الصدام الى الصدام واحسن شي عندهم البويه

[yazeed999]

طيب وجهيت الموتر كل ما رفعته طاح مره ثانيه وابي ورشه تنفظه لي من الصدام للصدام

[yazeed999]

ابي الورشه تكون في الرياض

[yazeed999]

ما قصرتو بس ابي مكانيكي فنان

[خالد77]

خذ كلام أبو طاقية ...