المساعد الشخصي الرقمي

مشاهدة النسخة كاملة : قربة الهواء ،،، وبعضكم يسميها كيس الهواء


الكحلي
06/10/2004, 02:40 PM
ياشباب مساكم الله بالخير

جربت قربة الهواء اللي تحط تحت السيارة اذا تعلقت وما نفعت معي على طول انفجرت مع العلم اننا كنا في رمل ولا فيه شوك ولا حصى وما دريت الا الموتر يخفس بعد ما ارتفع

سؤال ياشباب هل يوجد انواع مختلفة منها ،،،، بحكم التجربة وش احسن نوع و وين يباع

وهل يوجد نوع خاص للاندكروزر والسيارات الكبيرة ام هي خاصة للسيارة الصغيرة اذا نسم الكفر .

واذا كانت نوع واحد وش الحل مع تعليق الموتر
عبد الله الفايز
07/10/2004, 01:07 AM
أخوي الكحلي حياك الله
أولا فيه أنواع من حيث الصناعة فيه صيني وألماني

ثانيا مكتوب عليها أوزان بالطن خذ أكبر الأوزان

ثالثا انتبه لمكان وضع الوسادة تحت السيارة لاتكون قد لامست شيئا حادا مثل أطراف الحديد والزوايا
أو شيئا حارا مثل الكنداسة أو الشكمان

رابعا خل معك قطعة بلاستيك قوي قطعة من لستك تريلة مثلا لوقاية الوسادة سواء من السيارة أو الآرض

بالنسبة لي عندي وحده صينية من ثلاث سنوات زي الحلاوة ترفع السيارة بكل قوة
الكحلي
08/10/2004, 10:13 PM
مشكور يا خلفهم على هذه المعلومات .

طيب الالماني وين يباع ،،، وما هي الاوزان الخاصة بالسيارات الكبيرة،،،
لاني اخاف اذهب الى المحلات ويقولون هذا اكبر وزن ،،، وما ادري هل هو الاكبر او فيه اكبر منه .

والصيني اللي انت مجرب وين القاه ،،، وكم وزنه ،،،، وكم قيمته

ومشكور على الرد
ابوراكان
09/10/2004, 09:45 PM
السلام عليكم وين تباع في مدينة الدمام ارجو التكرم بالرد السريع
عبد الله الفايز
10/10/2004, 10:28 PM
السلام عليكم

والله ما أدري عن أكبر وزن الوكاد اللي معي 5 طن

من محلات الزينة في بريدة يافيص ياوحد من اللي جنبه نسيت

بالتسبة للدمام مافيه معلوم
الكحلي
11/10/2004, 12:38 PM
اخجلتنا اخوي عبدالله

ومكثور الخير

واذا كان احد الشباب عنده خلفيه او اضافة او سابق تجربه فلا يحرمنا من مشاركته ،،،،
مريقب العيفار
12/10/2004, 12:28 AM
اخوي الكحلي

حياك الله

انا اعلمك الله يسلمك وش اللي صار

قبل فترة كنت بالغرابي

وكان لي فترة افكر اشتري البالونة

قلت يا ولد ورى ما انشد عنها

واسأل واحد أجودي من اصحاب المحلات عنها

قال عندي ثلاثة طن واربعة طن

قلت : كم الأربعة طن

قال اول وش سيارتك

قلت جيب صالون تويوتا

قال ما تصلح لك مما تتحمل الصالون

قلت والحل

قال لي فيه نوع وطني يفصل هو اللي يصلح لك

اخوي الكحلي اعتقد انك من خلال هالحوار ادركت السبب

لقد كان حمل الموتر يفوق حمل البالونة

ابحث عن النوع الوطني واذا لقيته تكفى علمنا

اخوك مريقب العيفار
الكحلي
12/10/2004, 11:30 AM
مشكور اخوي مريقب العيفار على الايضاح .

وتصدق عاد اول مرة اسمع انه فيه شى وطني ...

الحين انت فتحت لنا باب جديد ،،،،

وين نلقاهن ،،،، ومنهو المصنع اللي يمكن يزينهن ...

لكن هين ان شاء الله نلقى خبر قريب
القماري
13/10/2004, 08:30 AM
بخصوص الكيس (البالون - المنفاخ الهوائي)
عندي نوع أعتقد أنه صيني ومعي من مدة سنة ونص تقريبا وأستخدمته مرتين فقط (أحداهما مع سيارتي باترول ستاندر - سلقه - بنشر عالسريع) والمرة الثانية في رفع صالون (سوبرمان) مغرز على بطنه، وللحقيقة أقول في رفع سيارتي لم تكن هناك أي مشكلة ، لكن في رفع الصالون أحتجت لوقت وعمل أطول حتى أني خفت على الكيس من التمزق والإنفجار لكنه في النهاية رفع الصالون وحل المشكلة ، بقى أن أذكر أن الوزن المسجل علية 3 طن وقد أشتريته من الدمام شارع تويوتا (شارع الملك سعود) ونسيت المبلغ وهو موجود في معظم المحلات الكبيرة .
كما تفضل الأخوان يجب الحذر في وضع الكيس وأين تضعه هو الأهم.
ترتر
13/10/2004, 11:06 AM
عندي اقتراح يمكن يناسب

ممكن اننا نشتري بالونتين كل بالونه 3 طن يعني المجموع 6طن تشيل الموتر والعفش اللي فيه ممكن تنجح هالطريقه بالنسبه للجيوب الكبيره (الصالون)
مريقب العيفار
16/10/2004, 12:11 AM
اخوي ترتر

ممكن تقولي كيف تستطيع نفخ بالونتين بسيارة واحدة!!

لما تنفخ الأولى فلن تتحمل البالونة الى ان تنفخ الثانية

ولو جبت سيارة ثانية قد لا تتوافق قوة نفخ السيارتين

اعتقد ان حلك صعب التطبيق
ABU-AL-3eeS
16/10/2004, 03:50 PM
اناعندي نوع صيني معروف اسمه air jack
وهذه صوره للي عندي 3طن
http://www.commerce.com.tw/pic/043122107/p01-f.jpg
وهذه نفس الصورة اللي على الكرتون


عاطل مع التحية
:good: