هل تنصحون اركب دربيل على فايروخ 90 ؟

[PATHFINDER 4]

بسم الله الرحمن الرحيم



حيالله اعضاء منتدى مكشات كلن بسمه :)


الموضوع باين من عنوانه



اناشخص ارغب في تركيب دربيل على بندقي نوعيتها فيروخ المانية ماركة 90


واحد من الربع يقول لوتركب عليه بيطلع (خجمه) طيب ليش؟؟ :eek:


قال لوها خرازه :good: يالله من فضلك ركب عليها دربيل أما بندقك مهيب زينه عليها واصلا شكلها يضحك !!!




حاولت افهم راسه اليابس انها مقاس 90 ((تذبح)) الله يكفينا وياكم الشر مهيب مقاس 27 ولا 35




بغيت شوركم ونصيحتكم يالربع

وكذلك وش افضل نوع بحدود 300 ريال

[القنـاص2008]

شوف الدرابيل تصلح على الهوائية ولكن لابد انك تكون عندك خبرة عن نوعيات الدرابيل وثاني شئ ركب عليها دربيل طيب مو اي كلام لان في بعض الدرابيل قيمتها 300 ريال بس ايش تهتز عند الطلقة , لازم كل مرة توزنها وزن الدربيل من اول مرة متعب بعدين مع التجربة تكون سهلة , لابد تاخذ لك دربيل ضد الاهتزاز علشان تكون دائما جاهزة مايحتاج لوزنية مرة ثانية , شوف المواقع : Swfa.com , Leupold.com , Simmonsoptics.com , Bushnill.com وان شالله اني افدتك.

[PATHFINDER 4]

ماقصرت يالغالي

كفيت ووفيت

شاكر لك افادتك لكن سمعت ان اللي يتعود على الدربيل فترة طويلة صعب انه يرمي بدونه هل كلامي صحيح ؟؟

[القنـاص2008]

ترى طال عمرك تقدر تتدرب نفسك على النيشان والدربيل مافي عوق

[همي رضى ربي]

والله شف وأنا أخوك تدرب عليها بدون دربيل أفضل لك .. ولكن ميامنع تركيب الدربيل عليها .والفايروخ 90 مهوب شينه قوية !!

والله يوفقك ويدلك لما فيه الخير ..

[تركي الرماي]

ماااقصرو الاخوان

[القنـاص2008]

ماقصرت يالغالي



كفيت ووفيت



شاكر لك افادتك لكن سمعت ان اللي يتعود على الدربيل فترة طويلة صعب انه يرمي بدونه هل كلامي صحيح ؟؟




شوف الرابط هذا

http://www.mekshat.com/vb/showthread.php?t=240572

[صملة البندق]

ماقصروا الأخوان ولكن أن عندي أقتراح ممكن توافقني ممكن لا ولك الرأي
أن مجرب دربيل أسمه نيكو ستيرلنج nikko stirling 4×40 طبع بدون زووام تقريب الأشياء البعيده فيها نسبه عدم الأهتزاز يكون التركيز فيها أحسن من العادي ومن ناحية الوزنية كل وزنية عليها غطاء وهي مهب من السهل تغير وزنيتها وسعرها عند الوكيل 210 ريال في محلات صاب
http://www.up-00.com/h1files/3p616437.jpg

http://www.up-00.com/h1files/y0416437.jpg

ركبتها على بندق هوائيه أسمها
نوريكا NORICA فشق 5.5 موديل 90
http://www.up-00.com/h1files/TFc16437.jpg
مشاء الله على كيف كيفك ولك الخيار وسعرها مناسب

[صقرحايل]

مرحبا اخوى
انا مركب دربيل على 85مثل الى فوق والله انى بلشت فيه
كل شوى وزن اخر شى فكيته وشكر لك

[القنـاص2008]

مرحبا اخوى
انا مركب دربيل على 85مثل الى فوق والله انى بلشت فيه
كل شوى وزن اخر شى فكيته وشكر لك


لانه طال عمرك ليس مانع من الاهتزاز وراح تتعب معه للمعلومية

تحياتي

[صملة البندق]

طيب أنا مركبه ولا شفت منه شي
وإذا كان فيه شي وش تنصحوني به في أسم معين لماركة وين موجود

ارجوا الإفادة لكي تعم الفائدة للجميع وشكراً

[البوابه]

بسم الله الرحمن الرحيم

الهوائيه لايصلح لها الدربيل لانها كما قالو الاخوان تتكسر وسبق ان جربت على ديانا 85 ماظبط . البنادق الهوائيه تصلح للصيد الصغير ومن مسافات قصيره اما المسافات البعيده فالرصاصه تميل بسبب الرياح ومن الصعب الاصابه للمسافات البعيده وبعدين الدربيل بتتبهذل فيه اذا كنت تصيد في الشجر اذا تبي مسافات وصيد جزل عليك بالناريه

[jma]

انا مركب على الفايروخ 85 ولا شكيت منه ابد

[PATHFINDER 4]

ماقصرتو يالربع


كفيتو ووفيتو :good:


لا من نصايح ولا آراء الله يعطيكم الف عافية وقررت انشالله اني اركب دربيل مع الاهتمام بمانع الاهتزاز



شاكر لكم مرة اخرى في اثراء الموضوع (كلن بأسمه) :)

[ميراكل]

انا مركب على الفايروخ 85 ولا شكيت منه ابد


تسلم اخوي

ممكن تقول اسم ونوع الدربيل لاني ابي اركي واحد على فايروخ 80



تحياتي لك

[قناص عسير]

خجمه اعجبتني هههههههههه /// في نوع دربيل زي حجم الماوس العادي هذا شكله انيق وسهل الفك كان عندي من فتره وسعره 170 ريال دقه على كيفك شريته من الحجاج وشفت مثله في الخميس

[mazenk15]

يالربع من اللى جرب دربيل الرماية (يقول لي السوداني على الشرط ماتغير الوزنية ولا شي)
وش رايكم

[القنـاص2008]

بسم الله الرحمن الرحيم

الهوائيه لايصلح لها الدربيل لانها كما قالو الاخوان تتكسر وسبق ان جربت على ديانا 85 ماظبط . البنادق الهوائيه تصلح للصيد الصغير ومن مسافات قصيره اما المسافات البعيده فالرصاصه تميل بسبب الرياح ومن الصعب الاصابه للمسافات البعيده وبعدين الدربيل بتتبهذل فيه اذا كنت تصيد في الشجر اذا تبي مسافات وصيد جزل عليك بالناريه


ياطويل العمر وزنية الدربيل يبغالها خفة يد واستواء الارض وخبرة في تركيب الدرابيل :) :) :)

[ذابح السعلي]

والله انا اخوك عن تجربة انا ركبت الدربيل على اسباني مقاس 90 والله ماضبط مع اني مركب كوري ب835 ريال اولا البندقيه ثقيله واقل حركة ماتقدر تثبتها على الهدف الشئ الثاني بما انها قويه ماشاء الله عندما تطلق الرصاصة تنتفض ويتحرك الدربيل عن الهدف وماتصيب عشان كذا فكيته ولا منظره كشخه وتشوف الصيده في خشم البندق ،، واللي ب300صيني وفيه فلبيني ب700 وفيه كوري ب835 وفيه ياباني ب1800 وفيه اغلى. والله يوفقك للي فيه خير،،،،،

[صديق الشوزن]

السلام عليكم يابوسعود انصحك لاتركب لي اني مجرب
تتغير الوزنيه غلى طول ياطويل العمر :d :d

[قانوص قديم]

السلام عليكم في درابيل خاصه للهوائيات وقواعد خاصه تتحمل الارتجاج القوي هي الي تصلح للهوائيه ولا اعلم اذا كانت هل الانواع موجوده في المملكه او لا

[راعي الشقراء]

ياخوي خلك من الدربيل والله وعود نفسك على البندق من دونه.. انا ركبته وشليته والله واني ارمي بنيشان البندق احن من رميي بلدربيل

[rolex_911]

عندي نوريكا 91 اسباني
لو ضربت بها خروف سدحتة ههههه(ماشاء الله).
وتجيب البعيد.وصراحة تعودت على الدربيل الان مااقدر اصيب الى بالدربيل.
لكن المشكلة انك ماتقدر تصيد القريب
يعني البعيد لة وزنية
والقريب لة وزنية واللي على الشجر لة وزنية
وكل يوم لازم توزن
والدربيل يتخلخل مع الزمن خاصة بالنادق القوية لاتها ارتجاجها قوي
وانصحك بعدم تركيب الدربيل الى اذا كان عندك سكتون صغيرة 27 مثلا تخليها للدخل والطيور الصغيرة القريبة
وخل الثقيلة للبعيد والكبير بالدربيل طبعا:good2:
عن تجربة.اكثر من 20 سنة

[عقيد حرب]

اخوي مااااااااانصحك لانة يبيلة قااعدة تقلهاا عن الرمماية والرميح عشان يثبت وايضاا الدخل يبي يتعبك عندما يكون بين الاغصااان هذي وجهت نظري

[@قرناص@]

السلآم عليكم ورحمة الله وبركاته ,,

بشرنا يآصآحب الموضوع اخذتلك دربيل ولآ ..

عموما اطرح لك تجربتي مع الدربـيل ,,

معي هوآئيه 27 فآيروخ فيها مشكله واضطريت اركب لها دربيل ,,

رحت لرميح والرماايه ادور دربيل لها ولقيت لي واحد فآلرميح وتوكلت على الله واخذته ..

من بكره جربته لاكن مشكلته اكبر من البندق واثقل هههههههه واذا زومت مداه بعيد ولا يصلح لـ 27 .. رجعت للمحل وبدلته بواحد اصغر منه واخف وفيه زوم ممتاز

اخذته والحمدلله الا الان معي .. و لا لاحظته عليه شي البته

واستخدامي لك عليه ما احرص واااجد والان عايش معي زي الحلآآوه ..

مشكلته الوحيده في الدخله لاجتك في وسط الطلحه .. العآآلم يتقدمون وانا ارجع للخلف هههه عشان اشوفها بس رميه ماتخيب ان شاء الله ..

وارتحت له لاكني ارمي بدربيل او بدونه ماتفرق ..

خويي معه تقريبآ 90 اسبانيه ركب دربيل لاكن ماهو مثل الي معي ولاضبط معه الوزنيه تتغير ..

سعر الدربيـل في حدود الـ 250 ريآل ..

واذا اردت صور له آبـشر .. طريقه وزنه سهله ولاتحتاج وقت .. والوزنيه نادرىا ماتتغير في الموسم تضبطه مره وحده ولاتتغير ان شاء الله ..:good2:

[بشيتان]

انا لا انصح بالدربيل للهوائيات لان مداها قريب تدرب على النيشان احسن لك
انا لي تجربة مع الدربيل بالديانا كانت فاشلة .
والله اعلم

[الهنتر]

الدربيل اهم شي القواعد اشتر قواعد اصليه وثبته غير كذا راح يتحرك مع الرمي

[AL_ZAEEEM]

الدربيل زينن شين

احيانا يرتخي معك وماتثبت الوزنه

وبعض الدرابيل لو تازه على 6 امتار مايجيب غيرها

لكن انت اوزن الدربيل وجرب على كل متر من 6 الى 15 متره واحفظ قرارها

انا جربت هالطريقه

معاي نوريكا 85 قويه والله وجربت بها على دخل اول الوقت ماشكيت بس عقبه زعلت وشلت الدربيل اختلت الوزنه

شف دربيل الليزر ممتاز والكل يمدحه ثابت ومايزل

[quinton]

تأكيد لكلام اخونا الزعيم فعلا كنت اعاني من الدربيل الخجمه ابو صليب الي يجي فيه زوم جربت عدة انواع مانفع كوري علي استرالي علي ياباني كل 10 طلقات تتغير وزنيته علما ان سلاحي هو ديانا ماجنوم 350 وهذي معروفه بقوة ارتدادها الين الله وفقني واخذت دربيل الليزر ابو نقطه حمرا معن ماحد قالي عنه يوم اني اركبه كذا من نفسي الي عرفته تالي ان الدرابيل الي يجي فيها صليب ويجي فيه زوم تقريب المسافات الصليبات الداخليه حساسه تتخلخل من رجفة البندق لاكن ابونقطه هذا عادي مايجي فيه زوم ولاتقريب بس ليزر ماتتغير وزنيته اذا ثبته صح والله أعلم .....

[malbashri]

اخواني انا مجرب المنظار للهوائيه ماينفع ولا بريال لكن للخرازه عسل مشكله الهوائيه مع كسرها يتغير

اسم المنظار وبلي كوري سعره 500 حلوووووو مره

[مهاجر الحزيره]

انا معك اعاني نفس المعاناة اركب علي الفايروخ 90 وكل شوي يخرب معي وارجع اورنه صح واذا رميت بالساكتون ما اصيد

[مهاجر الحزيره]

انا ركبتها علي فايروخ 90 ولا ظبطت معاي مع ان الدربيل من صاب ومكلفني حوالي 600 ولكن العوض علي الله