السلوقي ما تأدب!!!

[خطّاف الأدهم]

السلام عليكم أخواني

انا عندي سلوقي عنده مشكله مهيب سهله ومشكلته أنه تكرمون يبول ويبرز في أي مكان في البيت
حاولت أستخدم معاه القوه والعقاب بحيث أنه إذا بال أو تبرز أضربه وأهوشه
بس للأسف الكلب يزعل من دون فايده تذكر
وش الأساليب إلي تنفع في تدريب السلوقي للتبول في مكان معين في البيت
مشكورين مأجورين

[ابو زنه]

ان شاء الله يفيدونك الشباب

والله لوكان عندي سلوقي يمكن اعلمك؟؟

[إبن عويشز]

وعليك السلام يالغالي


إذا كان السلق صغير ما تجاوز 6 شهور فمشكلته هينه
شيئ من النهر والهواش بصوت عالي(بدون ضرب) طبعاً
ومن المهم انك تهاوشه أثناء قيامه بقضاء الحاجه وليس بعد ان ينتهي
لأن الجرا ذاكرتها قصيره جداً ، فإذا عاقبته بعد ان ينتهي لن يعرف على ماذا تعاقبه
أما اذا عاقبته اثناء قيامه بالعملية فسيتمكن من الربط بين الخطأ والعقاب
وبالنسبة للجرا فبما ان مثانتها صغيره فإنها تحتاج لقضاء الحاجة
بمعدل مره كل ساعه او ساعتين
أما إذا كان السلق قد تعدى 6 شهور وأكثر ، فيبيلك وقت وجهد معاه
أولاً يجب تحديد أوقات الأكل بحيث إنه ما ياكل في كل وقت
وثانياً إذا انتهى من الاكل يجب أن تربطه في المكان المخصص لقضاء حاجته
حتى ينتهي ولا تفكه الين ينتهي مهما عوى أو نبح ، ما عليك منه خله لين يخلص
وإذا إنتهى ضروري جداً إنك تكافأه مكافأه جيده بإعطاءه قطعة أكل من اللي يحبه
ومن المهم ربطه بعد كل وجبه حتى يتعود على المكان وذلك لمدة اسبوع او اكثر قليلا
بعدها حاول انك تصوتله اول ما يخلص الاكل ، وإذا ما طاع لوح له بالمكافأه
إذا طاعك وجا ، فحاول انك تمنعه من مغادرة المكان قبل قضاء حاجته
اما إذا ما طاعك فمالك غير تربطه وتكرر معاه المحاوله من جديد


وعموماً هذي المشكله سببها كما يبدو انه ما تعود على هالشي من صغره
وهذي مشكله لها حل لكن حلها اصعب من لو انه تعود من الصغر .


وعلى الرغم من ذلك ، فهذا ما يمنع من وقوع بعد الأخطاء من وقت لآخر
لكن المهم انها ما تكون عاده ، فالخطأ النادر لابد له سبب إما مرض لا قدر الله
او نوع من انواع العناد أو الإنتقام من شيئ مضايقه .
ومن المهم معرفة الاوقات التي يقضي فيها السلق حاجته وهي
بعد الاكل بحوالي 10 دقائق وبعد التمارين والجري بحوالي 5 الى 10 دقائق
وبعد النوم او القيلوله مباشرة
انتبه له في هذي الاوقات وخلك قريب منه لا يحوس المكان
وفي حالة سلقويك مالك غير انك تحاول الطريقة السابقة
وبالتوفيق

[حر الجوف]

الاخوان ما قصروا

[الأكيدر]

ماقصروا الاخوان ...
بس طبعا اهم شي انك تخانقه لجى يعملها بالمكان الي انت ماتبيه يسويها فيه ...
وفيه طريقه سهله ان شاء الله تنفع معك هي انك تاخذ وصاخته وتحطها بالمكان الي انت تبيه يسويها فيه وخله يشمها ويعرف المكان وكل ماشفته يبي يسويها تخانقه وتوديه للمكان الي ان مخصصه له ويارب يزبط ...
وهذا الي عندي آسف على الاطاله ..

[شهااااااب]

مايقصرون الاخوان بيفيدونك ان شالله

[رفيق الأمل]

مثل ماقالو الاخوان

[ابوعيدالدوسري]

ماقصروا الاخوان ...
بس طبعا اهم شي انك تخانقه لجى يعملها بالمكان الي انت ماتبيه يسويها فيه ...
وفيه طريقه سهله ان شاء الله تنفع معك هي انك تاخذ وصاخته وتحطها بالمكان الي انت تبيه يسويها فيه وخله يشمها ويعرف المكان وكل ماشفته يبي يسويها تخانقه وتوديه للمكان الي ان مخصصه له ويارب يزبط ...
وهذا الي عندي آسف على الاطاله ..

لله درك ولا يهينون الاخوان.

[شاعر الجوف]

والله الاخوان ما قصروا أفادوك وأفادونا

وتقبلوا مروري