الصمم الإختياري عند السلق

[إبن عويشز]

السلام عليكم ورحمة الله وبركاته


تحية طيبة لجميع الأخوة الأعضاء الكرام


كنت في رحلة عمل الى سلوفاكيا قبل اسبوعين
وصادف اثناء وجودي اقامة مسابقة جمال الكلاب (اعزكم الله) على مستوى العالم
وشاهدت عدد كبير من المشاركين عندهم سلقان اشكال والوان وانواع
منها ماهو مشابه للسلقان اللي نعرفها ومنها اشكال غريبه ما سبق شفتها
عموماً ، كنت في نقاش مع راعي سلق شارك في سباقات وفاز بعدة جوائز
سولفت معاه عن طبايع السلق واساليب التربية
لكن لفت نظري كلامه عن شيئ غريب
وهو ان السلق إذا انطلق بأقصى سرعة خلف الطريدة
فإنه يركز جميع حواسه في إقتفاء طريدته
وتركيزه يكون بشكل أساسي في النظر فقط
الأمر الذي يصيبه بحالة تسمى عندهم بحالة (الصمم الإختياري)
أي أن السلق يقوم بإغفال حاسة السمع بإختياره وذلك حتى
لا يقلل اي شيئ من تركيزه على الطريدة التي يلحق بها ، حتى لو صوتله راعيه


فهل سمع أي منكم عن هذا الشيئ أو جربه من قبل؟


مجرد موضوع للنقاش لتعم الفائدة


وللجميع إحترامي وتقديري

[قرناس شماالي]

مشكور اخوي ومقصرت لاكن فيه سلق لو يناديهن راعيهن تركن الشئ وجن
على حسب المعلومه وعلى العموم السلق فيه منه الطيب وفيه السيئ والله
يجزاك خير ومقصرت وبيض الله وجهك
على الموضوع

[قناص الخبر]

مشكور وماقصرت وتسلم يمينك على المعلومه الرائعه
وانا مع كلام اخوي صياد سكاكا فيه بعضها يصيح عليها راعيها وتجيه
تقبل مروري

[الرعد99]

مشكور على الموضوع يا ابن عويشز ومثل ما قالو العيال في بعض السلق لو تناديها جاتك وانا اقول هذا الكلام من واقع تجربه لانه مره كنا نقنص جنب محميه ويوم شفنا جيوب المحميه صحنا على سلقانا وجات على طول
والسلق حتى انه اذا صحت ونحيت عليه وهو يطرد يزيد في سرعته(يشد) واعذروني على الاطاله
وتقبل مروري

[ابو تمام]

مشكور على الموضوع يا ابن عويشز ومثل ما قالو العيال في بعض السلق لو تناديها جاتك وانا اقول هذا الكلام من واقع تجربه لانه مره كنا نقنص جنب محميه ويوم شفنا جيوب المحميه صحنا على سلقانا وجات على طول
والسلق حتى انه اذا صحت ونحيت عليه وهو يطرد يزيد في سرعته(يشد) واعذروني على الاطاله
وتقبل مروري


نفس كلام اخوي الرعد ...


ماصورت لنا كم صوره من هالمسابقه اخوي بن عويشز ؟؟؟


دمت بكل الود

[باثفندر]

أتوقع والعلم عند الله أن السلوقي ،،، على ماتعود عليه يعني يمكن متعود على الصياح للتحفيز ، فأنت تناديه مايميز ويستمر على الطرد ،، وإذا أنت معوده على التركيز على الصوت ومناداتك له حتى لو كان مشغول يبي يخلي الطرد ويبي يجيك .

---------------

[الأكيدر]

الي اقدر اقوله ان السلقان طبوع ... و فيه بعضهن لو تصارخ وتناديه باعلى صوتك ماعطاك خبر وهو يطرد... وفيه من يوم تصوتله يجيك والتدريب له دور ...
وهذا الي عندي ويعطيك العافيه ...

[الفهد الصبيحي]

والله ما عندي علم لاكن لو المعلوم صحيه كاااااااااااان ما نقوللهن يااااااح
وشكراااااااااان

[حر الجوف]

الاخوان ما قصروا

[ابوعبدالله خا]

من واقع تجربه السلوقي المدرب تدريب صحيح وتدريب جيد وهو اصيل اذا صاحله صاحبه يقف ويرجع عن طريدته وبعض السلق المدربه مايطرد لا مع صاحبه وهذا اشي مجرب لو الصيد امامه واحينن يقف واسلق تطرد امامه وينتظر الامر من صاحبه وهذ فرق التدريب
ومشكور على الموضوع تقبل مروري

[محمد الشلاحي]

فعلاً سبحان الله حصلت عندي

[ابوعيدالدوسري]

الي اقدر اقوله ان السلقان طبوع ... و فيه بعضهن لو تصارخ وتناديه باعلى صوتك ماعطاك خبر وهو يطرد... وفيه من يوم تصوتله يجيك والتدريب له دور ...
وهذا الي عندي ويعطيك العافيه ...

:good: :good: :good: :good:

[صياد تكريت]

شي مو صحيح لان انا عند ما اصيح بسلقاني بعد ما تطرد مسافه وتكون السلق تعبانه اصيح كلمن بسمه وهي وره الصيده تطرد كل واحد انخاه يزود بسرعته وهذا دليل على انه يسمعني وستجيب للاوامر

[طلو]

اخي الغالي
استناده على هذه المعلومه عن طريق القصص والروايات والبحوث
لانهم يتكلمون عن هذه الطريق ويستندون عليها انها واقعه في السابق في العهد القديم
عندما لم يكن هناك سيارات ويعتمدون العرب على الابل والسلق عليها عمليه المطارده وحدها
فيجب عليها التركيز حتى لا تضيع فريستها
اما الان كل شي سهل بالصيد السلق في عمليه الصيد تستند على سبقها وتدريبها ومهارتها بالصيد
اما سابقا الفقر وقله الحيله والحاضر نزل السلق من المواتر وهد واختصر على السلق نصف المسافه
هذا بعد اذا ما حصل كم رد للفريسه عشان السلق تمسكها
واتمنا ان لا اكون خرجت عن صلب الموضوع
ولاكن مجرد استنتاج لهذه النضريه كيف بناها الغربيون
الغربيون يهتمون بالسلاله العربيه ومسابقات الجمال ولاكنهم ليس لديهم الامكانيه في عمليه الصيد نضر لحترامهم لقوانين بلادهم
واي شي يخص الطرد والصيد يرجعون للعرب وما ينطبق بميدانهم في العصور القديمه
وتقبل مرور اخوك طلو ابو نايف

[بوخليفه77]

هلابك اخوي
والله انا اعرف السلق يسمع راااعيه واي صوت ثاني بس الواحد يتأكد وماقصرت
تحياتي