المساعد الشخصي الرقمي

مشاهدة النسخة كاملة : كيف أشبك القارمن مع الأوزي بوصلت يو إس بي


أبوناصر
07/10/2004, 12:55 PM
عندي قارمن فايف

وطبعا الوصلة حقته سريل بورت


شريت وصله تحول السريل إلى USB لكن المشكلة ما قبل برنامج الأوزي الإتصال بالقارمن عن طريقها

فهل فيه حل لها ؟؟

كلما الجهاز ما فيه سريل بورت

والوصلة الي تحول إلى يو إس بي معرفه تمام

لكن بقي إعدادات الأوزي عشان يقبل القارمن

يا ليت أحد يشرح الطريقة

أو يدلنا على طريقة لتوصيل المحمول بالقارمن عن طريق يو إس بي
العنكبوت
07/10/2004, 08:16 PM
ابو ناصر انت شريت الي تحول اليو اس بي لسيريل بورت

والا العكس !!!

لان المحمول نادر يجي به سيريل وبالعكس من ذا دااايم به يو اس بي

علمن وش الي عندك وان شالله افيدك
أبوناصر
07/10/2004, 08:48 PM
شكراً لك اخي العنكبوت على تفاعلك
معليش انا ما وضحت اني اتكلم عن القارمن
المحمول الي عندي USB وأبي أحوله الى سريل وشريت الوصلة
وما اتصل القارمن بالأوزي ( المحمول تعرف على الوصلة )
ولو يحصل اكلمك على الجوال أو الثابت أو البيجر( قديم انا )
تكفى يا ابو العناكب كلها فزعتك
العنكبوت
08/10/2004, 03:06 AM
ياخلفهم ابو ناصر تامر امر

بس ودنا الشباب يستفيدون بعد

شف طال عمرك لا جبت وصله تحويل اليو اس بي الى سيريل

يجب ان تتعامل معها كمنفذ له رقم بورت جديد وليس كيو اس بي

ويعد التعريف ابي منك تروح سطح المكتب وتضغط بالفاره يمين على

جهاز الكمبيوتر وتختار خصائص كان جهازك اكس بي بتلقا فوق بصفحه

الخصائص شي اسمه الجهاز .. اضغط عليه بتجيد صفحه وبه ايقونه

اسمه اداره الاجهزه .. الا ضغطت عليها بتلقا شي اسمه ( منافذ COM&LPT)

وبجنبه علامه + اضغط عليها .. اذا كنت شابك التحويله بتلقا شي اسمه

؟USB SERIAL PORT COM عاد وش يكون مكان علامه الاستفهام؟؟؟

انا عندي طلع رقم 8 .. الرقم الي يطلع عندك هو رقم السيريل بورت حقك

خذه ورح للاوزي وحطه وحيكون COMورقم انت اختر الكوم والرقم الي طلع لك

وان شالله بيشتغل

ولاتنسى تزبط اعدادات القارمن مع الاوزي

لتناقل الاحداثيات والتراكات اضبط قارمنك على GARMIN/GARMIN

وللملاحه اضبط قارمنك على NMEA/NMEA 0183 2.0

سرعه 9600 وحط نفس السرعه للاوزي مثل الصوره

http://www.mekshat.com/pix/upload/images6/mk4988_3nkbo0ot999.jpg

بس زي ماقلت لك موب شرط البورت 8 حط الي يطلع لك من الطريقه اعلاه

ان شالله اكون افتدك ,, ولاتستحي يابعدي اي شي اسال
أبوناصر
08/10/2004, 01:53 PM
مشكور أخوي على الشرح الواضح

المشكلة عندي في إدارة الأجهزة

المنافذ ما فيها إلا مخرج الطابعة فقط

أما الوصلة إذا شبكتها فيطلع عندي شي اسمه أجهزت واجهات بشرية

شف الصورة في المرفقات

وما لقيت أي شي عن الي قلته

وأحسن من هذا كله إنك تعطينا وتورينا اسم وشكل الوصله الي عندك ونشتري زيها ونريح أنفسنا
العنكبوت
08/10/2004, 04:19 PM
غريب !!

انا يطلع عندي زي كذا

http://www.mekshat.com/pix/upload/images6/mk4988_3nkbo0ot444.gif


وعموما الوصله حقتي مذكوره بالموضوع التالي

http://www.mekshat.com/vb/showthread.php?threadid=22158

ملاحظه يابو ناصر يمكنك ماعّرفتها من السي دي الي جا معها

يمكنك عرفتها عن طريق الوندوز ,,, يمكن
أبوناصر
08/10/2004, 05:22 PM
والله أنا حاولت أعرفها عن طريق السي دي ولا تغير شي

على العموم بزرق لجرير وأشوف الي عندهم عسى لعل


وما قصرت وأنت كفيت ووفيت

ولما أشتريها راح أعلمك وش صار عليّ