المساعد الشخصي الرقمي

مشاهدة النسخة كاملة : مجموعة اسئلة حول الباث


غضنفر
07/10/2004, 10:17 PM
السلام عليكم
عندي 2003 باثفايندر فل كامل ولي عليه بعض الملاحضات الي ارجو منكم ومن الأخ شبث انكم
تردون علاها
1-السيدي يطمر بعض المقاطع فاذا السيدي مثلا 5 مقاطع يشغل المقطع الأول ثم الثالث ثم الخامس وهكذا
دواليك واحيانا يشغل المقطع الأول فقط
2-صوت الهوا الخارجي عالي جدا و مزعج مع ان الباث مهب مرتفع مرة فهل هذا الصوت طبيعي ؟
3-فيه صوت زي الونة اتوقع انه ياتي من الدفرنس عند حوالي 80 كلم ثم اذا دعست يختفي
4-عندي صوت عندما تقوم السيارة في الثاني او اغير الى الثالث بعد التغيير مباشرة ثواني وعندما ابدأ في السرعة يختفي ما هو السبب ؟؟
الصوت هكذا كرررررررررررررررررررر معليش بس ما اعرف اوصف اللا كذا
5-المكيف مهب بارد مرة لكن دفعه خيالي
6-الموتر ماشي 2000 كيلو بس (توني شاري ماصارله الا شهر)
وسلامتكم
SilverSniper
07/10/2004, 10:58 PM
حياك الله أخوي Black path....
ممكن اني أعرف بعض الأجوبة لكن نبغى توضيح أكثر... وأنا بأجاوب على الهقوة.. لا يمكن أحكم وأجزم وانا ما شفت شي .. يعني يحتمل الخطأ..
1. السيدي مالي فيه.. عندي في اللاند ولا عمري شغلته :)
2. صوت الهوا من أي جهة.؟ الباب والا القزازه والا الوجه؟؟
3. الصوت ماهو من الدفرنس.. الصوت من الكنداسة.. شيك عليها.. خصوصا الدبة
4. الصوت طبيعي.. صوت دزق الكلتش اذا قومت الموتر بنمره خفيفه.. لا تقومه الا بالأول...
5. هل يوجد أصوات اذا شغلت المكيف.. صوت زنه؟؟؟ صوت خنقه؟؟؟ شغل المكيف فترة وافتح الكبوت وشف الماصورة اللي طالعه من دينمو المكيف ( الكمبرسور ) هل عليها ثلج؟؟؟
غضنفر
07/10/2004, 11:22 PM
شكرا على التعقيب يا اخ SilverSniper
الهوا ما ادري من اي جهة لكن اتوقع انه من البيبان مثل الهلي اذا اسرعت عليه
و الصوت الي يطلع بعد التغير يطلع حتى لو قومت الموتر بالأول وحنيت النمر
بعدين ترى الموتر جديد ماشي 2000 كيلو بس ومحافظ عليه
SilverSniper
07/10/2004, 11:35 PM
ان كان الصوت من الباب.. دبل ربلات البيبان.. أو رح للغرابي ان كنت في الرياض.. يبيعون لزاق للباب.. جربه وشف..
..أما صوت التغيير فما يمديني أعلمك إلا اذا سمعته... الموتر جديد على قولتك ... إذا ما يرج القير وأنت تمشي... ولا يعطي صوت طقه إذا قام أو عشق .. ولا يبين ريحه كلتش ... ما عليك الا العافية..
أما المكيف.. اعتقادي... بما ان الموتر جديد.. ان الفريون به قليل.. شف ضغطه عند أي محل فريون.. ان كان الفريون مابين 20-35 فهو سليم... وهذي طبيعته.. وان كان أقل زيده ويبرد انشاء الله... كتبت موضوع عن الفريون .. ارجع له ان بغيت تعرف أكثر عن الفريون..
الله يطعمك من خيره ويكفيك شره انشاء الله... وانتبه عن الوسوسة.. موترك جديد :)
غضنفر
07/10/2004, 11:53 PM
شكرا SilverSniper على النصائح
SilverSniper
08/10/2004, 12:00 AM
الله يحييك واتشرف اني ارد عليك... لكن أتوقع الاخ الكريم شبث أفهم مني في الباث .. أنا ما جربته ولا سقته... ولكن ردودي مجرد معلومات ميكانيكا عامة... يمكن تنطبق عليه ويمكن لا... الله يوفقك انشاء الله.. وفي انتظار خبير الباث نمبر ون ... شبث....
نمر بن حثلين
08/10/2004, 06:08 AM
بالنسبه للسيدي اظغط رقم 2 الي مكتوب عليها PROG ويزين

واما صوت الهوا هذا يجي من المرايات الجانبيه يدخل الهوا في الفتحه الموجوده بين المرايه وبين البودي
جرب تتاكد وتغطي الفتحه بلصاق
واذا راح الصوت فصل للمرايه شراع جلد بحيث يغطي الفتحه

المكيف تاكد انك حاطه على AUTO و درجة الحراره على 18 وقفل الهواء الخارجي




هذا الي عندي اما الباقي لا اعلم
غضنفر
08/10/2004, 01:54 PM
صدق انك نمر يا نمر بن حثلين السيدي وضبط والمكيف انا كنت مزين زي ما قلت بس اظاهر ان هذي برودته
اما الفتحة الموجودة بين المرايه وبين البودي ما فهمت وش قصدك فيها هل هي الفراغ الموجود بين
قزازة المراية وحامل المراية؟ طيب كل السيارات فيها هذا الفراغ ولا فيها صوت هوا واجد
نمر بن حثلين
08/10/2004, 02:58 PM
بالنسبه للمكيف ما دام تقول انه هواه مب بارد انصحك تروح للوكاله لان بعض 2003 كان يجي فيه عيب مصنعي بالتكييف

واما الفتحه الي اقصد شفها داخل المربع الابيض في الصوره
http://www.mekshat.com/pix/upload/images6/mk7373_538894_1_full.jpg

حسب كلام واحد من الشباب سكرها ويقول اختفى الصوت
اما انا ما ضايقني الصوت ولا سويت فيها شي
غضنفر
08/10/2004, 04:06 PM
تعبناك معنا يا نمر بن حثلين صور ودنيا ما املك الا ان اقولك جزاك الله خير وبلغك رمضان يا رب
:good:
غضنفر
12/10/2004, 07:00 AM
فوووووووووووق
أبوسعد
14/10/2004, 04:05 AM
صبحكم الله بالخير ، مساكم الله بالخير
بما أن الموضوع مجموعة أسئلة
عندي سؤال صغير
أبشركم شريت باثفايندر جديد 2004 بس فيه مشكله ان الهوى يدخل من فتحات مكيف الرجلين
واذا شغلت المكيف راح الهوى واول ما تطفيه ترجع المشكلة مع ان الموتر مامشى الا 2800 بس
ابي الرد بسرع وقت الله الا يهينكم لأن الاجازه قربت والروحات والجيات بتكثر
غضنفر
14/10/2004, 02:02 PM
حل المشكلة الي عندك يا أبوسعد بسيط وهو
ان الهواية تكون دائما مفتوحة واذا ركبت لازم تسكرها عن طريق الضغط على زر صغير موجود على
المكيف مرسوم عليه صورة الهوا لبرى واذا رصيته يولع الزر لمبة خضرا