ذبيحة بدون سلخ

[رها]

السلام عليكم ورحمة الله وبركاته

منذ سنوات ذهبت إلى العلا وهناك عزمنا أحد الأخوان على ذبيحة مطبوخة بدون سلخ والجلد محروق ويابس وعند إزالته تجد اللحم طري ومستوي تحته
آمل من من يعرف طريقة عمل هذه الأكلة نشرها بالمنتدى فقد كانت ممتازة:cool:

[مكشاتي غير]

اول مره اسمع بهذي الطريقه من الطبخ :confused:

[ياعين ابوي]

وشلون ؟؟ مايصير لـ اللحم ريحه ؟؟

[همي رضى ربي]

عساه منظف البطن طيب :)

والله وأنا أخوك ماقد سمعت فيها .. صح حمام يمكن ولا عصافير بس ذبيحة :) ماقد خبرت !!

[مقدام النت]

أول مرة اسمع فيها بس انت متأكد لايكون جاي من سفر وتعبان وماتدري وش اكلت هع هع

الشيء الثاني ممكن وانا أخوك ان الذبيحه عاديه بس محمرة بالفرن وصحيح يجي الجلد الخفيف اللي يسماء الصفاق اللي فوق اللحم مقرمش وتحسبه جلد الذبيحه

لأن كلمة بجلدها ماتنبلع بس السهر والتعب له دووررر هع هع

تقبل مرور اخوك ولاتزعل

[رها]

الموضوع أكيد والطعم لذيذ وعندنا يحرقون شعر راس الذبيحة ويطبخونها في حفرة المندي ويسمونه مشروط حتى المسالخ في المدينة يسألون عن الراس هل تريده مشروط بحرق الشعر أم مسلوخ لكن كانت أول مرة ذبيحة كاملة بالطبع البطن مشقوق ومنظف وكأنهم دفنوها في جمر بعد خياطة البطن

[محتزم]

يخوي انا من اهل العلا ولا عندنا اكله بهالمواصفات
لكن يمكن انه حمر لكم الذبيحه بالمله لأن فيه اكله بهالطريقه وكثير من الناس يسوونها
بحيث يلفون الذبيحه بالجلد بعد الصلخ والتنضيف بشرط يكون الجلد خالي من الشقوق
يعني يبيلها صلاخ محترف وتلف الذبيحه بالجلد وتدفن بالمله
طبعا لازم تكون المله وافيه على قد الذبيحه وتاخذ وقت لا يقل عن سبع ساعات
ودمتم

[mazenk15]

اول مره اسمع فيها لا أخونا :محتزم
ماقصر بس والله أنه مشوار طريقتة يبيلك وقت

[هاوي3333]

اول مره اسمع في ذا
عموما بالعافيه عليك

[تساهيل1]

اما بالجلد..؟
والشعر وين موديه ألحلاق او وش مسوي فيه..!!

[commador]

اوووووول مرة اسمع بالطريقة

[س.س.التميمي]

الله يعطيك العافيه تعب الطريق