عيوب الشاحن الكهربائي Black&decker الجديد

[خيال النفود]

مساكم الله بالخير والسرور
صراحه شي يضيق الصدر
والسبب هالجهاز رفع ظغطي من جد
جهازه قيمته 589 ريال
واخرتها مايطول اكثر من ست ساعات . ست ساعات بس على لمبه وحده و الواط حقها 23 واط بس
ليتني ماتسرعت ولا شريته
ونصيحه للي يبي يشريه يهون ولا يشريه لأنه مايسوا ابد

http://up4.m5zn.com/9bjndthcm6y53q1w0kvpz47xgs82rf/2009/11/2/06/9eu0tvzk5.jpg (http://www.tobikat.com)

[mazenk15]

شكراً على التنبيه يـــ (خيال النفود)
بس انا اصلاً من حيني ما أقتنعت فيه

[لازم966]

والله غريبه..!
طيب أخوي خيال النفود يمكن عشان الشاحن توه جديد
أو يمكن ما شحنته بشكل كامل
ونصيحة أي جهاز جديد فيه بطارية شحن اشحنه أول مره لمدة تساوي ضعف المدة اللي يحتاجها للشحن
يعني لو كان مكتوب في الكاتلوج انه يحتاج لست ساعات شحن أنت أول مره اشحنه 12 ساعة
وإذا كان الجهاز ينشبك على 220v تراه أفضل وأركد من 110v للشحن، ومن تجربه شخصية

[خيال النفود]

والله غريبه..!
طيب أخوي خيال النفود يمكن عشان الشاحن توه جديد
أو يمكن ما شحنته بشكل كامل
ونصيحة أي جهاز جديد فيه بطارية شحن اشحنه أول مره لمدة تساوي ضعف المدة اللي يحتاجها للشحن
يعني لو كان مكتوب في الكاتلوج انه يحتاج لست ساعات شحن أنت أول مره اشحنه 12 ساعة
وإذا كان الجهاز ينشبك على 220v تراه أفضل وأركد من 110v للشحن، ومن تجربه شخصية



عزيزي بالكتلوج مكتوب مدة الشحن اول مره 40 ساعه انا شحنته 44 ساعه زياده اربع ساعات
وهو يركب على خط 110
كل شي يطري في بالك سويته
الحين صرت اشحنه يوميا واشغل عليه لمبه وحده 23 واط الين يفضي وبعدين علاطول اول . اشحنه الين يصير فل وبعدها اشبك عليه اللمبه
مافيه اي حل

[تيتشر]

انا طلعت البر يوم الخميس

شغلت عليه لاب توب وطفى اللاب توب

[الاجوري]

الله يعوض عليك
يمكن ان البطارية داخل الجهاز خربانه وده المحل الي شريته منه خلية يستبدله

[الاجوري]

الاخ خيال النفود

اقترح عليك تجربة اكثر من جهاز يعني لاب توب +تلفزيون+اكثر من لمبه

اذا اشتغل 6 ساعات خير وبركه اما اذا مااشتغل وده لالمحل واستبدله

[الجفن]

اخوي خيال النفود انا عندي نفس جهازك وكان مثل مشكلتك وديته لصيانه ساكو ونشبت في احلوقهم لئن غير لي البطارية الي جواء وصار معي ممتاز وده لهم ونشب لهم لئن اغلب الاجهزه الي عندهم لها فتره وهي لها عمر افتراضي
اتمنى اني افتك اخوي

[shaheenshah]

الله يعوضك باللي اخير منه
ومن تجربه شخصية يا اخوي شركة Black&decker شركه فاشله بكل ما تحمله الكلمة من معنى
يعني زي الصيني الخسته ولو انها امريكية طبعاً حكمت عليها من خلال عده (دريلات - صواريخ - مناشير) الجهاز ما يكمل عندك شهر الا وهو لاذع والا منكسر فيه شي وما يتحمل ابد

[سعود الحربي]

تنبيه تشكر عليه الله يجزاك خير

[هواوي صيد]

الله يجزاكم خير على التنبيه

[الضاحي]

الله يعوضك باللي اخير منه
ومن تجربه شخصية يا اخوي شركة Black&decker شركه فاشله بكل ما تحمله الكلمة من معنى
يعني زي الصيني الخسته ولو انها امريكية طبعاً حكمت عليها من خلال عده (دريلات - صواريخ - مناشير) الجهاز ما يكمل عندك شهر الا وهو لاذع والا منكسر فيه شي وما يتحمل ابد





اتفق معك 100%

[ابو نايف التميمي]

انا شغلت عليه لابتوب 0 واط 5 ساعات
وطفى

وشغلت عليه لابتوب صغير واشتغل لكني فصلته على طول..
عموما الشاحن مايستاهل القيمه ابدا .. لو اني داري كان شريت لي بطارية سيارة وشاحن لها ابرك

هذا الجهاز يصلح لطلعة خففية مثلا يوم احد فقط في اليل تشغل اللمبات وتشحن الجوال او الابتوب

وينفع بقوه في الروضات المشبوكه مثل خريم والتنهات تاخذ الجها معك داخل الروضة تشغل اللمبه
الي خلاني اشتريه اني ما اقدر اركب بطارية اضافية وكنت اتوقع انه اقوى من كذا.. عموما تقدر تشحنه من السياره وهذا الي ناوي اسوية ان شاء الله في طلعاتي

[مخاوووي الليل]

يعطيك العافيه على التنبيه
والله كنت بشتريه والحين هونت
وحاول تستبدل نفس ماقالوالاخوان

[وثاب]

http://sub3.rofof.com/thumbs/011nbpqd3.jpg
شريته قبل عشر ايام وشحنته اول ما أخذته 40 ساعه استخدمته للتجربه فكيت بطارية اللاب توب وشغلته عليه قعد معي 4 ساعات ونص ( استخدام متواصل للاب توب )وعقبها طفا اللاب توب


شغلت اللمبه اللي بالجهاز ماش ضعيفه
ركبت لمبه على كهرب الشاحن الــ 110 نفس الشي ما قعدت 5 دقايق الا هي طافيه


شحنت الجهاز مره ثانيه ما اشتغل احاول به عجزت


وديته لساكو قالوا الترجيع ما تقدر مر عليك اكثر من يومين


قلت بدلوه قالو سلامتك الاستبدال مر على الجهاز عشر ايام الاستبدال بعد سبعة ايام الحين وده للصيانه قلت لموظف الاستقبال سلامة قلبك اوديه للصيانه الجهاز جديد ماله عشر ايام وتبيني اوديه للصيانه خذه انت الله لا يهينك ووده وهذا جوالي وهذي فاتورتكم واذا خلص دقوي علي يوم شافوني معزم راح الله يجزاه خير وجاب لي واحد جديد وبدله لي


الجهاز فكرته ممتازه جدا


ولكن كجهاز مع الاسف ماهو عملي


ويبدوا والله اعلم ان بطاريات بعض الاجهزه مضروبه


ما عليه طولت عليكم ولكن بغيت انبه اللي ما اخذه وناوي ياخذه يراجع قراره


وفق الله الجميع

[Raselny]

الله يجزاكم خير على التنبيه
فعلا كان لي رغبة بواحد زيه لكن من تجاربكم
هونت وبقوة

[الرحال050]

اخوي الله يجزاك خير على التنبيه

[ضاحى السعيدى]

مساكم الله بالخير والسرور
صراحه شي يضيق الصدر
والسبب هالجهاز رفع ظغطي من جد
جهازه قيمته 589 ريال
واخرتها مايطول اكثر من ست ساعات . ست ساعات بس على لمبه وحده و الواط حقها 23 واط بس
ليتني ماتسرعت ولا شريته
ونصيحه للي يبي يشريه يهون ولا يشريه لأنه مايسوا ابد

http://up4.m5zn.com/9bjndthcm6y53q1w0kvpz47xgs82rf/2009/11/2/06/9eu0tvzk5.jpg (http://www.tobikat.com)
جزاك الله خير على التنبيه
انصحك تدخل الى موضوعى بخصوص الشاحن صناعه محليه
http://www.mekshat.com/vb/showthread.php?t=229002

[خيال النفود]

الاخ خيال النفود

اقترح عليك تجربة اكثر من جهاز يعني لاب توب +تلفزيون+اكثر من لمبه

اذا اشتغل 6 ساعات خير وبركه اما اذا مااشتغل وده لالمحل واستبدله


عزيزي جربت مره حطيت لاب توب مع لمبه 23 واط
جلس تقريبا خمس ساعات وطفى

[من متى]

مشكور اخوي على التنبيه والله يعوض عليك والله كنت حاط الجهاز براسي ومعزم اشتريه لكن بعد كلامك عن الجهاز خلاص كنسلت ..

[أبو سهيل]

مساكم الله بالخير والسرور
صراحه شي يضيق الصدر
والسبب هالجهاز رفع ظغطي من جد
جهازه قيمته 589 ريال
واخرتها مايطول اكثر من ست ساعات . ست ساعات بس على لمبه وحده و الواط حقها 23 واط بس
ليتني ماتسرعت ولا شريته
ونصيحه للي يبي يشريه يهون ولا يشريه لأنه مايسوا ابد

http://up4.m5zn.com/9bjndthcm6y53q1w0kvpz47xgs82rf/2009/11/2/06/9eu0tvzk5.jpg (http://www.tobikat.com)

شرحك سرا
نفس المشكلة !!
البطارية لم تعمر أكثر من خمس ساعات مع لمبتين 28 وات
وحوالي 8 ساعات مع لمبة واحدة !!
من واقع التجربة لا أنصح في الجهاز .. وقرار الشراء لكم

[مهندس/م]

مسسسسساكم الله بالخير
أشوفكم شاننييين هجوم على هالشاحن !!
عندي مداخلة بسيطة !!
ترى اللي في الصورة شااااحن مهو ماطور والا محوّل !!
يعني يستخدم إذا طاحت البطارية علشان تسوي فيه اشتراك وتشغل موترك !!
بطارية السيارة لو شبكت عليها لاب توب ولمبه مدة 5 ساعات أكيد بتطيح إذا ما شغلت السيارة علشان تشحن البطارية !!!
والا كلامي غلط ؟؟؟

[mo7taj]

جزاك الله خير على التوضيح وافادة اخوانك
وفعلا" كما قال الاخوان
منتجات هذه الشركة غير جيدة
حتى الادوات المنزلية جودة متدنية
بارك الله فيك ورعاك

[ابورشيد]

اخوان انا شريت هالجهاز امس من ساكو لكن يوم فكيته مالقيت معاه سلك للتوصبل بالكهرباء من الخلف وفيه فيش ذكر بس هل هذا صحيح او ارجع لهم

[خيال النفود]

http://sub3.rofof.com/thumbs/011nbpqd3.jpg

شريته قبل عشر ايام وشحنته اول ما أخذته 40 ساعه استخدمته للتجربه فكيت بطارية اللاب توب وشغلته عليه قعد معي 4 ساعات ونص ( استخدام متواصل للاب توب )وعقبها طفا اللاب توب


شغلت اللمبه اللي بالجهاز ماش ضعيفه
ركبت لمبه على كهرب الشاحن الــ 110 نفس الشي ما قعدت 5 دقايق الا هي طافيه


شحنت الجهاز مره ثانيه ما اشتغل احاول به عجزت


وديته لساكو قالوا الترجيع ما تقدر مر عليك اكثر من يومين


قلت بدلوه قالو سلامتك الاستبدال مر على الجهاز عشر ايام الاستبدال بعد سبعة ايام الحين وده للصيانه قلت لموظف الاستقبال سلامة قلبك اوديه للصيانه الجهاز جديد ماله عشر ايام وتبيني اوديه للصيانه خذه انت الله لا يهينك ووده وهذا جوالي وهذي فاتورتكم واذا خلص دقوي علي يوم شافوني معزم راح الله يجزاه خير وجاب لي واحد جديد وبدله لي


الجهاز فكرته ممتازه جدا


ولكن كجهاز مع الاسف ماهو عملي


ويبدوا والله اعلم ان بطاريات بعض الاجهزه مضروبه


ما عليه طولت عليكم ولكن بغيت انبه اللي ما اخذه وناوي ياخذه يراجع قراره



وفق الله الجميع


االله يعطيك العافيه اخوي
وبالعكس ليتك معطينا كل شي بالتفصيل ماطولت ولا شي
بس الجهاز الجديد للي اعطوك اياه وشلون وضعه
يطول شغال ولا يخلص بسرعه ؟؟؟

[أبو سهيل]

اخوان انا شريت هالجهاز امس من ساكو لكن يوم فكيته مالقيت معاه سلك للتوصبل بالكهرباء من الخلف وفيه فيش ذكر بس هل هذا صحيح او ارجع لهم

مبروك عليك أخي الكريم
نعم هو يأتي من دون سلك الشحن
لكن يمكن توليف السلك بسهولة من أي محل كهرباء

[bader358]

السلام عليكم ورحمة الله وبركاته

الحقيقة ان الجهاز فكرته للطوارئ والإستخدامات الخفيفة ... وبما انه يعطي من ثلاث الى اربع ساعات متواصل فهذا شيء ايجابي.

بالنسبة للسعر غالي

عندي هذا الجهاز من سنه ونصف تقريبا وكتبت عنه في مداخلة قبل كذا


طبعاً لا يأتي معه سلك شاحن.


انا اشغل عليه لمبتين 23 واط (كل وحده تعطي 100 وات) مباشرة من مخرج 110 فولت.... استمر معي 3 ساعات متواصله.

فيه لمبات 12 فولت اللي تشبك على بطارية السيارة .. وهذي يمكن يستمر الجهاز 5 الى 6 ساعات .. ناتج اللمبتين تقريباً 60 وات

الجهاز فكرته يكون للطوارئ لإعادة شحن السيارة لو فضت بطاريتها. او تشبك كشاف وانت تصلح سيارتك او إنارة لوقت محدد.


استخدمته كثير لطحانة القهوة وشحن الجوال وشحن بعض العاب البلاي ستيشن في احد الرحلات.


الخلاصة: اللي اشتراهـ يقدر يستفيد منه بإذن الله في امور كثيرة. واللي ما اشتراه يحط في باله ان هذا الجهاز للطوارئ.


بالتوفيق للجميع

[خيال النفود]

السلام عليكم ورحمة الله وبركاته

الحقيقة ان الجهاز فكرته للطوارئ والإستخدامات الخفيفة ... وبما انه يعطي من ثلاث الى اربع ساعات متواصل فهذا شيء ايجابي.

بالنسبة للسعر غالي

عندي هذا الجهاز من سنه ونصف تقريبا وكتبت عنه في مداخلة قبل كذا


طبعاً لا يأتي معه سلك شاحن.


انا اشغل عليه لمبتين 23 واط (كل وحده تعطي 100 وات) مباشرة من مخرج 110 فولت.... استمر معي 3 ساعات متواصله.

فيه لمبات 12 فولت اللي تشبك على بطارية السيارة .. وهذي يمكن يستمر الجهاز 5 الى 6 ساعات .. ناتج اللمبتين تقريباً 60 وات

الجهاز فكرته يكون للطوارئ لإعادة شحن السيارة لو فضت بطاريتها. او تشبك كشاف وانت تصلح سيارتك او إنارة لوقت محدد.


استخدمته كثير لطحانة القهوة وشحن الجوال وشحن بعض العاب البلاي ستيشن في احد الرحلات.


الخلاصة: اللي اشتراهـ يقدر يستفيد منه بإذن الله في امور كثيرة. واللي ما اشتراه يحط في باله ان هذا الجهاز للطوارئ.


بالتوفيق للجميع
الله يعطيك العافيه اخوي
وانا هذا اللي افكر فيه وبخليه للطوارئ بس
وبركب بطارية اضافيه
بس اخوي بغيت اسألك انت تقول انك شاريه من قبل سنه ونص
شاريه من ساكو ولا من برا؟؟
انا حسب مافهمت وقريت قبل 3 اسابيع انه هالجهاز توه جديد
وانه فيه واحد من االاعضاء طلبه من امريكيا والسبب يقول انه مو موجود هنا
ياليت تقولي يمكن فيه اصدار قديم ولا جديد
الحين نازل في امريكا نفسه هلجهاز بالظبط بس انه فيه رادو ومدخل يو اس بي

[خيال النفود]

مسسسسساكم الله بالخير
أشوفكم شاننييين هجوم على هالشاحن !!
عندي مداخلة بسيطة !!
ترى اللي في الصورة شااااحن مهو ماطور والا محوّل !!
يعني يستخدم إذا طاحت البطارية علشان تسوي فيه اشتراك وتشغل موترك !!
بطارية السيارة لو شبكت عليها لاب توب ولمبه مدة 5 ساعات أكيد بتطيح إذا ما شغلت السيارة علشان تشحن البطارية !!!
والا كلامي غلط ؟؟؟
عزيزي تصدق لو انا مركب بطاريه كبيره اضافيه وترنس بقيمته كان احسن لي

[bader358]

خيال النفود

طال عمرك اشتريته من ساكو (الجبيل الصناعية) من تقريبا سنه ونص ( ما اقدر اجزم بالضبط بس في هالحدود)

شريته بـ 540 ريال وبعد اسبوعين بالضبط نزلوا عرض على آخر جهازين بسعر 470 ريال

[وثاب]

جهازي جديد بكرتونه على التجربه للبيع بــــ 500 ريال

اللي يبيه يرسلي على الخاص

مع ضمان 6 اشهر

الموقع بالدمام

[المهندس خالد1]

والله كنت ناوي اشتري واحد منه
بس بعد هالكلام

صرفت النظر وبقوه
بدور غيره

شكرا على الاراء

[ابوطاقية]

الشركه فاشله بكل ماتعنيها الكلمه
عندي دريل على بطاريه من نفس الشركه مره نسيته يشحن يوم كامل وتنتفخ البطاريه صار الدريل تقل حامل بالشهر التاسع
قمت ورميته بالمستودع خفت ينفجر الماخوذ

[عمي ياجمال]

<?xml version="1.0" encoding="windows-1256"?>
<message>يا شباب تراكم مستعجلين في الحكم لأنه هو يا دوب يشتغل خمسة ساعات وهذه فترة جيدة لبطارية مشحونة هي ليست مولد كهرباء كما قال أحد الإخوان جزاه الله خير هي للطواريء فقط وانتم تريدون بطارية تولد كهرباء هذا مستحيل وعلى قد قوة البطارية أعطتك فترة تشغيل أرجوا مناقشة الموضوع بطريقة علمية لا عاطفية.
دمتم في عناية الله.</message>
]]>

[عمي ياجمال]

يا شباب تراكم مستعجلين في الحكم لأنه هو يا دوب يشتغل خمسة ساعات وهذه فترة جيدة لبطارية مشحونة هي ليست مولد كهرباء كما قال أحد الإخوان جزاه الله خير هي للطواريء فقط وانتم تريدون بطارية تولد كهرباء هذا مستحيل وعلى قد قوة البطارية أعطتك فترة تشغيل أرجوا مناقشة الموضوع بطريقة علمية لا عاطفية.

[طعس14]

السلام عليكم

أنا شريت الجهاز من ساكو وتم شحن الجهاز لمدة 40 ساعة وفي الرحلة تم أستخدام الجهاز لطحن القهوة ثم شبكت الجهاز على الثلااجة نوع ويكو حجم 40 لتر لمدة ساعة فتر الظهر ثم عند المغرب شبكت الثلاجة الى الفجر وكانت تعمل بشكل جيد الى الصباح عند العودة للمنزل تم شبك لمبة 12v من الساعة 8 مساء يوم الجمعة الى فجر السبت وعند الساعة السادسة ونصف صباحا فرغت البطارية والجهاز يعتبر ممتاز

[عبدالرحمن305]

هلا بالاخ الكريم خيال النفوذ

الله يجزاك خير ويرحم والديك

على التجربه وعلى التوضيخ للاخوان

وذكر عيوب ومميزات االجهاز

بحفظ الله

[جلوبلستار]

الشركة كانت في بريطانيا والآن مقرها في الصين ... يعني أقل جوده الآن .

[خيال النفود]

هلا بالاخ الكريم خيال النفوذ



الله يجزاك خير ويرحم والديك


على التجربه وعلى التوضيخ للاخوان


وذكر عيوب ومميزات االجهاز



بحفظ الله


ياااااااهلا وغلااااااااااااااااااااااااا بعبدالرحمن
وربي اني انبسطت حيل بمروك على موضوعي
ومرورك اعتبره لي شهادة شكر
انت شخص مشهور مشاءلله عليك
ومواضيعك قويه ومعروفه
الف مليون شكر لك
وببنسبه للموضوعي
صراحه انا يهمني انه الكل يعرف عيوب ومميزات اي جهاز يبغى يشريه
ومنتدى مكشات . صراحه صرح كبير يبين لكل شخص وش الشي الزين والشي اللي مايصلح
وأستفدت منكم اشياء كثيره
عشان كذا حبيت اشاركم بكل شي اجربه
ونعلم باقي الاخوان
عشان الواحدتكون عنده خلفيه ولايتخسر

[بدر الجديد]

الحمد لله اني شريته قبل لا اقراء موضوعك
لان الجهاز خدمني خدمه لاانساها في شحن البطاريه والجهاز يعتبر اقوى من الاشتراك العادي من السياره واسرع
وبالفعل جهاز طواري من الدرجه الاولى

[خيال النفود]

الحمد لله اني شريته قبل لا اقراء موضوعك
لان الجهاز خدمني خدمه لاانساها في شحن البطاريه والجهاز يعتبر اقوى من الاشتراك العادي من السياره واسرع
وبالفعل جهاز طواري من الدرجه الاولى

عزيزي اتمنى انك تقرا موضوعي زين وتفهم وش اللي اقصده بالظبط