عندي كم سؤال ماعليكم امر

[المغتر2]

السلام عليكم
في كم سؤال ابالي وابي اعرف شنو المعنه
1شنو يعني نحر الطير
2 شنو يعني ثنادي الطير
3 وشنو يعني هجر
4و شنو تلاب او بتال
5 شنو طير السعد
6و شنو طير قطامي
7وشنو طير حوران
و اجناس الحرار بس
1 فارسي
2الصافي
3الشامي
4 الجرودي فقط مافي بعد ولا بس ذول
ادري اني طولتها بس السموحه
وانشاء الله انكم اتفيدوني
ومشكووووووووووووووووووووورين

[فتى الوداي]

يفدونك الخوان ولله اني عجاز من العد

[مشبر البران]

وعليكم السلام اخوي
أقدرأجاوب على أثنين
الأول والأخير
نحر الطير هو صدرة وانا غير متاكد
طير حوران نوع من الطيور أسمة حوران
والأخوان ما راح يقصرون

[المغتر2]

فتى الوادي مشكوور على المروور
مشبر البران
مشكوور ولاكن طير حوران الي اعرفه انه الطير الي قياس عرضه اكثر من طوله
فن كذي سألت
و انا مووو متاكد
و انشاء الله الاخوان مايقصروون

[333]

[quote=المغتر2;3363881]السلام عليكم
في كم سؤال ابالي وابي اعرف شنو المعنه
1شنو يعني نحر الطير
صدر الطير
2 شنو يعني ثنادي الطير
اللحم اللي بصدر
3 وشنو يعني هجر
يفيدونك الأعضاء
4و شنو تلاب او بتال
جسور على الصيده
5 شنو طير السعد
الطير اللي ينومسك بلهدد
6و شنو طير قطامي
يعني منسر الطير قصير
7وشنو طير حوران
حوران جبل تجي منه طيور تسمى بهذا الأسم
و اجناس الحرار بس
1 فارسي
من بلاد فارس
2الصافي
اللي ريش ضهره صافي
3الشامي
اللي يجي من الشام
4 الجرودي فقط مافي بعد ولا بس ذول
اللي يجي دق ضهره على شكل خطوط


ونشا الله اني افتك

[قرناس شماالي]

عطاكك العلم اخوي333

[نواف نجد]

افادوك الاخوان

[حر الجوف]

الاخوان ما قصروا واذا عندك اسئله
زياده راجع المواضيع المثبته

[المغتر2]

مشكووووووووووووووووووور 333
ومشكورين على المروور بس شنو يعني هجر
و اسف عل ازعاج

[راعي شيشان]

الاخوان ماقصرو
وجابو على كل الاسئله بس بقى هجر


الهجر : هو الى ايدى الطير تكون فيها لحم وتكون فيها كل شي كبير يعني اي الطير كبيره وفخه كبير وصغر الساق وعضام اليد تكون متينه يعني سميكه من الناحيه هذا يقولون على الطير هجر انشاء الله اني افدك

يمكن التعبير شوي صعب بس اعذرني على الى اقدره

[المغتر2]

مشكوور راعي شيشان
وبيض الله وجهك

[راعي طلاع]

الطير الهجر ببساطه هو الطير قصير الكراع او الساق ماهوب على كلام اخونا راعي شيشان فيها لحم اوما فيها كل طير قصير كراع يسمى هجر
من ناحية اجوبة الاخ 333 عندي تعليق على معنى تلاب
يقول اخونا جسور على الصيده وهذا الكلام غير صحيح
تلاب يعني ان الطير ما يعلق صيدته اويسبقها ويشكها
بل يكون ورى طريدته ما يعرف يتعلى فوقها ويورد
عليها يقعد وراها وهذا عذروب كبير في الطير والطير التلاب الصقار مايرغبه يطرد ولا ياصلها
الا بعد العنا يعني الزبده الطير التلاب اللي يلحق صيدته ببطئ ودايم يفلس لانه فيه فرق كبير بين الطير الجسور الشجيع والطير التلاب
واتمنى من اللي مايكون عنده عرف انه ما يجاوب على الشي اللي ما يعرفه
لان هالمنتدى موضوع للفائده يستفسر قبل والمشكله شباب المشاركات اسميهم
مااقصروا الاخوان وعطوك العلم يصلحون على الخطا مع الخيل يا شقرا مايدرون وينهي هابه ويتفلسفون
امثال صياد سكاكا وفتى الوادي اذكر في موضوع واحد منزله قريب الفرق بين الفرخ والقرناس واخطى وشبو فيه وقالو رح تعلم
واللحين واحد يقول عجزان اعدد لانه يبي النحشه لا يتوهق والثاني يقول عطاك العلم 333يعني موافق اللي ما يعرف الهجر والتلاب ما فيه شي
رجال يبي يستفيد لكن المصيبه من يدعي العرف وهو من جنبها هذي كارثه نصيحه للجميع خص صياد سكاكا وفتى الوادي الدعوى ماهوب تكثير مشاركات اللي ما يعرف يمتنع عن الرد

[الرجل الطموح]

[quote=المغتر2;3363881]السلام عليكم
في كم سؤال ابالي وابي اعرف شنو المعنه
1شنو يعني نحر الطير
صدر الطير
2 شنو يعني ثنادي الطير
اللحم اللي بصدر
3 وشنو يعني هجر
يفيدونك الأعضاء
4و شنو تلاب او بتال
جسور على الصيده
5 شنو طير السعد
الطير اللي ينومسك بلهدد
6و شنو طير قطامي
يعني منسر الطير قصير
7وشنو طير حوران
حوران جبل تجي منه طيور تسمى بهذا الأسم
و اجناس الحرار بس
1 فارسي
من بلاد فارس
2الصافي
اللي ريش ضهره صافي
3الشامي
اللي يجي من الشام
4 الجرودي فقط مافي بعد ولا بس ذول
اللي يجي دق ضهره على شكل خطوط


ونشا الله اني افتك
عطاك العلم

[ALNDOIE]

ماقصرو الاخوان
وهم معتادين

[عروق الدهنا]

الطير الهجر ببساطه هو الطير قصير الكراع او الساق ماهوب على كلام اخونا راعي شيشان فيها لحم اوما فيها كل طير قصير كراع يسمى هجر
من ناحية اجوبة الاخ 333 عندي تعليق على معنى تلاب
يقول اخونا جسور على الصيده وهذا الكلام غير صحيح
تلاب يعني ان الطير ما يعلق صيدته اويسبقها ويشكها
بل يكون ورى طريدته ما يعرف يتعلى فوقها ويورد
عليها يقعد وراها وهذا عذروب كبير في الطير والطير التلاب الصقار مايرغبه يطرد ولا ياصلها
الا بعد العنا يعني الزبده الطير التلاب اللي يلحق صيدته ببطئ ودايم يفلس لانه فيه فرق كبير بين الطير الجسور الشجيع والطير التلاب
واتمنى من اللي مايكون عنده عرف انه ما يجاوب على الشي اللي ما يعرفه
لان هالمنتدى موضوع للفائده يستفسر قبل والمشكله شباب المشاركات اسميهم
مااقصروا الاخوان وعطوك العلم يصلحون على الخطا مع الخيل يا شقرا مايدرون وينهي هابه ويتفلسفون
امثال صياد سكاكا وفتى الوادي اذكر في موضوع واحد منزله قريب الفرق بين الفرخ والقرناس واخطى وشبو فيه وقالو رح تعلم
واللحين واحد يقول عجزان اعدد لانه يبي النحشه لا يتوهق والثاني يقول عطاك العلم 333يعني موافق اللي ما يعرف الهجر والتلاب ما فيه شي
رجال يبي يستفيد لكن المصيبه من يدعي العرف وهو من جنبها هذي كارثه نصيحه للجميع خص صياد سكاكا وفتى الوادي الدعوى ماهوب تكثير مشاركات اللي ما يعرف يمتنع عن الرد


اخوي راعي طلاع

اولاً : بيض الله وجهك على المعلومات الوافية
ثانياً : ياخي العزيز المنتدى ماهو محكور لا احد
كلن يدلو بدلوه
والاخوان يجابون باللي يعرفونه واذا اخطاو بـ شئ فيه صقارين كبار ولا يخفاهم شي انشاء الله , يذكرون الاخطاء ((( باسلوب )))

((اللهم اذا اعطيتني علماً فلا تجعلني متغطرسا))

ارجو انك تتقبل ردي بصدر رحب

انت عقبت على الاخوان وانا عقبت عليك

تحياتي

[@السيف@]

انا اتفق مع الاخ راعي طلاع انه لا احد يفتي اللي ما يعرف او مشكك لا يوهق الرجال وكذلك الله ردها فيهم عندما يضحكون على الرجال اللي غلط بين الشيهانه والحر والجزاء من جنس العمل اتمني انه ما احد يرفع خشمه على احد ولا يشوف نفسه الله عز وجل يقول (وما اوتيتم من العلم الا قليل)او كما قال الله عز وجل

[العبقري 1]

الطير الهجر ببساطه هو الطير قصير الكراع او الساق ماهوب على كلام اخونا راعي شيشان فيها لحم اوما فيها كل طير قصير كراع يسمى هجر
من ناحية اجوبة الاخ 333 عندي تعليق على معنى تلاب
يقول اخونا جسور على الصيده وهذا الكلام غير صحيح
تلاب يعني ان الطير ما يعلق صيدته اويسبقها ويشكها
بل يكون ورى طريدته ما يعرف يتعلى فوقها ويورد
عليها يقعد وراها وهذا عذروب كبير في الطير والطير التلاب الصقار مايرغبه يطرد ولا ياصلها
الا بعد العنا يعني الزبده الطير التلاب اللي يلحق صيدته ببطئ ودايم يفلس لانه فيه فرق كبير بين الطير الجسور الشجيع والطير التلاب
واتمنى من اللي مايكون عنده عرف انه ما يجاوب على الشي اللي ما يعرفه
لان هالمنتدى موضوع للفائده يستفسر قبل والمشكله شباب المشاركات اسميهم
مااقصروا الاخوان وعطوك العلم يصلحون على الخطا مع الخيل يا شقرا مايدرون وينهي هابه ويتفلسفون
امثال صياد سكاكا وفتى الوادي اذكر في موضوع واحد منزله قريب الفرق بين الفرخ والقرناس واخطى وشبو فيه وقالو رح تعلم
واللحين واحد يقول عجزان اعدد لانه يبي النحشه لا يتوهق والثاني يقول عطاك العلم 333يعني موافق اللي ما يعرف الهجر والتلاب ما فيه شي
رجال يبي يستفيد لكن المصيبه من يدعي العرف وهو من جنبها هذي كارثه نصيحه للجميع خص صياد سكاكا وفتى الوادي الدعوى ماهوب تكثير مشاركات اللي ما يعرف يمتنع عن الرد

كلامك فيه صواب بس قسيت على الشباب الله يهديك .

[راعي طلاع]

اخوي عروق الدهنا عقب على راحتك يا عزيزي لكن انا اوضحت سبب
ردي عليهم بهذه الطريقه لان هناك اخ كان يستفسر في موضوع سابق وكان
ردهم جارح عليه وكأن مافيه احد مثلهم ويوم جت اشياء بسيطه انا ما ادعي العلم
فيها ولكن الكل يعرفها توهقو ما اقول الا انا الله ما يطق بعصا وكما تدين تدان ومن\
ناحية الادلاء بالدلو فمن وجهة نظري اللي ما يعرف لا والله لا يدلي لانه بادلائه يضلل ولا
يفيد عالعموم شاكر لك تعقيبك وتعقيبك يشرفنا

[راعي طلاع]

السيف 99
بيض الله وجهك ولا هنت

[راعي طلاع]

العبقري 1
لا هنت والقسوه بعض الاحيان طيبه

[ابوقصاص]

ما قصر اخوي 333

عطاك العلم

وارجوا انه افادك

تقبل مرووري

تحياتي...

[استيعاب]

يا اخوان انا اجدد الموضوع من جديد صبر شوي عشان الموضوع يتكامل وننهي الخلاف :

1 - شنو يعني نحر الطير ؟

اي مكان المذبح في الرقبة ( من اسفل الذقن الى آخر الرقبة وبعض الناس يدخل معها الصدر ) لكن الصدر صدر والنحر نحر ( والكلمة من المنحر ) .

2 شنو يعني ثنادي الطير :

الثنادي يا اخوان موجوده في الحصان والطير و غيرها وهي العضلات اللي على جانبي الصدر وهي مصدر قوة عضلات الطيران وكل ما كانت جبرة كان الطير قوي في الطيران والشيبان يحبون البارز منها وان كانت رخوة فيه معناها ان الطير حول العضلات هذي الى لحم بسبب قلة الطيران . او إلى شحم بسبب الاكل الكثير وهذا يثقل الطير احيانا ويجعله يتعفف في العلف في اكثر الاحيان وما يجي على الملواح .
3 وشنو يعني هجر
في هذا السؤال ما ازيد عن اخوي راعي طلاع الا نقاط ( الطير الهجر ببساطه هو الطير قصير الكراع او الساق ماهوب على كلام اخونا راعي شيشان فيها لحم اوما فيها كل طير قصير كراع يسمى هجر ) وان الطير إذا كانت اصابع رجله كبار رتقاطيع جلد الرجل بارزه تسمى رجوله ( حرش ) مثل حراشف الداب وغالبا تكون متروسه لحم إلا الشياهين تكون مافيها لحم والشيبان يحبون الهجل لامور منها يقولون قبل ان اللي اكراعه حجر تكون رئتينه كبار تخليه يطير كثير ويقطع مسافات كبيرة بدون تعب ، وان الهجر ما تنكسر رجله بسرعة مثل الاكرع والهيأه الخارجية له احلى من الاكرع ويدل على الاصالة لكن طلعت طيور كرعان في الايام الاخيرة سم في الطيران تفوق الاكرع
وإذا كانت في مسافه بين الرجلين واليدين مايلات للداخل يسمى الطير في هذه الحالة ( افجح ) وفي ميزه في انه اذا كان وحش وشلته كأن ماله ساق نهائيا و تكاد هذه الفصيلة تنقرض حتى التفاريخ التالية قليل فيها الافجح الهجر أبو ايدين حرش واجلال
4 - وشنو تلاب او بتال ؟

ما ازيد على اخوي راعي طلاع ( تلاب يعني ان الطير ما يعلق صيدته اويسبقها ويشكها
بل يكون ورى طريدته ما يعرف يتعلى فوقها ويورد
عليها يقعد وراها وهذا عذروب كبير في الطير والطير التلاب الصقار مايرغبه يطرد ولا ياصلها
الا بعد العنا يعني الزبده الطير التلاب اللي يلحق صيدته ببطئ ودايم يفلس لانه فيه فرق كبير بين الطير الجسور الشجيع والطير التلاب ) .
إلا ان هذي العادة تكثر في الطيور الخلويه وهي عادة وسخه تضيع فيها الطير وربما يحول بينك وبينه زبر أو شبك ( سلم على الطير ) . أ و يهدون عليك ناس وهذا الطير مصدر مشاكل في غالب الاحيان .

5 شنو طير السعد
لانه يسعد صاحبه في الصيد وتراها تطلق على الحمام اكثر من الطيور أو البلابل اللي تغني .

6و شنو طير قطامي ؟
في السابق يقال للحر القطامي على انه كثير اللحم وتطلق على الشياهين بعد وكانوا يطلقون على مقطم الطير ( مخالب رجله ) ، أما الوضع حاليا فإن الطير القطامي متعارف عليه على انه اقطم أي ان منسره صغير والاقطم عضتله اقوى من المنسر الكبير واحسن في المنظر والشكل واهو منشد في الاشعار حاليا ( قطم الشيء أي قرضه أو اكله بقدم الفك ) و فيه فوائد اكثر ما نعرفها الله يعلم سبحانه .
7وشنو طير حوران ؟

اللي اعرفه يا اخوان حوران وحارث جبلين في الشام ، ويقال انها بساتين اي حوران بساتين في دمشق ، و يقال انها بئر في نجد والصواب انه جبل في الشام كان الناس يقنصون حوله : طير حوران شاقتني مضاريبه .
و اجناس الحرار بس
1 فارسي
2الصافي يقال عنه في الكويت عندنا اطلس وهي من المسميات اللي اكرهها الله يديم النعمة
3الشامي
4 الجرودي
فقط مافي بعد ولا بس ذول
هذي مسميات لمواطن الطيور اكثر من انها اجناس للطيور لان الفارسي ينطرح في منغوليا والجير ينطرح في منغوليا و في طيور في فارسية وما هي مشدده ولا يقال عنها على حسب التسمية الحالية انها فارسية لكن يقال عنها ايرانية وموقها حبال فارس والشياهين منها الفارسية بعد والموضوع اكبر من كذا وقابل للإطالة والمط .
وفيه الارقط اللي ما هو اجرودي رقاطه ما يصل للجرودي وفيه الجير في الترقيبات الجديد اللي يقال عنها هايبيرد او التهاجين وفي الشمالي ( يقال عنه في الامارات وكري حرار ) وفي الجرودي فارسي وفيه وفيه .....
وانصح كل من يبحث عن هذي المسميات انه يستعين بالتصوير للشي اللي ما يعرفه و يحاول يميز بالتوثيق .

وترى الحرار التفاريخ حاليا تلقى الوان متشبكة تجمع الفارسي مع الشامي أو مع الصافي المودع توديع الفارسي ........
ادري اني طولتها بس السموحه
وانشاء الله انكم اتفيدوني

[صقرالخطارة]

مشكور على الاجابه الخاطئة لانى عرفتها ومشكور على الاجابة إللى انشاء الله تكون صحيحة لانى عرفتها وما قصرتو ياشباب

[شامان 28]

يفيدونك الربع

[راعي طلاع]

بيض الله وجهك يا استيعاب وفيت وكفيت
وعز الله انك وافي

[ابو امنه]

مشكورين ياخوان جميعا

[استيعاب]

الله يبارك فيك اخوي راعي طلاع

من الفايدة اول

[عاشق المقناص3]

عطوووووووووووووووووووووووووك العلم الصحيح ((تقبل مرووري))

[هواي داورد]

حوران جبل في إيران وليس بالشام وطيوره إنقطعت

راعي طلاع ,,, خشمك يالذيب

عينة الرجال اللي ردوا عليه عاف المنتدى وتركه

[راعي طلاع]

هواي داورد
وخشمك يالذيب لاهنت يا كحيلان

[المغتر2]

مشكوورين وماقصرتو
والله يعطيكم العافيه