مروع القميري
08/10/2004, 02:59 PM
قصة هذه القصيدة ياإخوان إنه فيه راعي شروكي أشغلنا ودبل أكبادنا يقول إن الشاص ماينفع ولا يصلح أبد وإنه أدمر مابالسيارات كلهن ، قلنا له طيب خلنا نشوف شطارتك بهالنفود ، شغّل الشروكي ونحر النفود يبي يرقاه ويوم انتصف طفابه الموتر وعيّا يشتغل أبد وبالنهاية جريناه بواير إلى الورشة،،، وإليكم القصيدة :
كتبت يوم طاوعنّي القوافي ** باللي سحر عيني بخضر الفيافي
معروف وصفه مايبيله سنافي ** حمر السيوف بطولها يهتويله
لامن مسكت بطارته صرت فنان ** كنّك على خيل دركسونه عنان
أشكرك ياربٍ كريمٍ ومنان ** عطيتني مالي لغيرك وسيله
يافاهمٍ قصدي ترا الشاص ميلاح ** ماله شبيه وصانعه بالفلك راح
شاف المعزة واعتلى الفنس مرتاح ** من صنعته للشاص عاف الرذيله
شاصٍ ملك هيبة جميع المواتر ** من فكر بقهره له الله ساتر
موجود تفصيله بدرجه دفاتر ** ملزوم من ساقه يطالع دليله
قيادته متعه مثل سايق الفرد ** مع خنّت الشكمان لا صار يطرد
والا بخاره بالسكن شدّة البرد ** معذور من حبه وتابع مديله
وشلون لا شفته بلوحه على الجنب ** ياكل نضير العين كالذيب يقنب
لا جاك لون البيج غيره تجنب ** ناهيك عن ونشٍ طويلٍ جديله
والا كبينت سايقه تشرح البال ** مرتاح فيها لو طريق السّفر طال
يازين تمثالٍ على الخشم لو قال ** راع الشروكي لا سمعته هبيله
يقول طالع في طريقي غباره ** لا جان طعس قمت أنطّه شطاره
ماخذ حسابي مثلكم هي مهاره ** يترجم افكاري تروسٍ ثقيله
لا لا تبالغ في مديحك ترا العلم ** عند الورش والله لو هي تكلم
ماصك بابه عاقلٍ فيه يعلم ** الا ضعيفٍ واطي الفقر حيله
ودي اطرب كيف ناسٍ تمنى ** وسط النفود وغالي البن معنى
جوٍّ خدر والكل منّا تهنى ** هي منوة اللي كايفٍ طول ليله
وختامها للشـاص مـني سـلامـي ** زين الوصوف ومادحه مايلامـي
من هو وصيف الشاص راع السنامي ** اللي بخفّه واطيٍ بالمليله
شعر : راع الشّاص / البكيرية
كتبت يوم طاوعنّي القوافي ** باللي سحر عيني بخضر الفيافي
معروف وصفه مايبيله سنافي ** حمر السيوف بطولها يهتويله
لامن مسكت بطارته صرت فنان ** كنّك على خيل دركسونه عنان
أشكرك ياربٍ كريمٍ ومنان ** عطيتني مالي لغيرك وسيله
يافاهمٍ قصدي ترا الشاص ميلاح ** ماله شبيه وصانعه بالفلك راح
شاف المعزة واعتلى الفنس مرتاح ** من صنعته للشاص عاف الرذيله
شاصٍ ملك هيبة جميع المواتر ** من فكر بقهره له الله ساتر
موجود تفصيله بدرجه دفاتر ** ملزوم من ساقه يطالع دليله
قيادته متعه مثل سايق الفرد ** مع خنّت الشكمان لا صار يطرد
والا بخاره بالسكن شدّة البرد ** معذور من حبه وتابع مديله
وشلون لا شفته بلوحه على الجنب ** ياكل نضير العين كالذيب يقنب
لا جاك لون البيج غيره تجنب ** ناهيك عن ونشٍ طويلٍ جديله
والا كبينت سايقه تشرح البال ** مرتاح فيها لو طريق السّفر طال
يازين تمثالٍ على الخشم لو قال ** راع الشروكي لا سمعته هبيله
يقول طالع في طريقي غباره ** لا جان طعس قمت أنطّه شطاره
ماخذ حسابي مثلكم هي مهاره ** يترجم افكاري تروسٍ ثقيله
لا لا تبالغ في مديحك ترا العلم ** عند الورش والله لو هي تكلم
ماصك بابه عاقلٍ فيه يعلم ** الا ضعيفٍ واطي الفقر حيله
ودي اطرب كيف ناسٍ تمنى ** وسط النفود وغالي البن معنى
جوٍّ خدر والكل منّا تهنى ** هي منوة اللي كايفٍ طول ليله
وختامها للشـاص مـني سـلامـي ** زين الوصوف ومادحه مايلامـي
من هو وصيف الشاص راع السنامي ** اللي بخفّه واطيٍ بالمليله
شعر : راع الشّاص / البكيرية