السلوقي ما يفترس الصيد

[خطّاف الأدهم]

السلام عليكم ورحمة الله وبركاته

أخواني وأعزائي حمدلله السلوقي إلي عندي موالفه وتماااام معي
لكن مشكلته إذا أطلقت له حمامه حيه مكسور جناحها أو مصابه يقعد يشم فيها ويتركها
أنا أبيه يفترسها وبذبحها وش السواة يالربع
أبي حل غير أنه يروح مع سلق ثانيات ويصيد معاهن

[ابوسعودالسهلي]

كم عمره علشان يفيدونك الشباب مراح يقصرون معك في شي

[الضرغامي]

انت وشوله تصيد به حمام

خلك على الارانب والضباء

الحمام فيه الطيور والبنادق

لاتتعب عمرك بالسلوقي

[خطّاف الأدهم]

كم عمره علشان يفيدونك الشباب مراح يقصرون معك في شي

عمره طال عمرك 6شهور

[خطّاف الأدهم]

انت وشوله تصيد به حمام

خلك على الارانب والضباء

الحمام فيه الطيور والبنادق

لاتتعب عمرك بالسلوقي

يا حبيبي انا أجرب له
يعني مجرد تدريب لا أقل ولا أكثر
والمفروض لو كان السلوقي مدرب علطول يذبح الحمامه وياكلها
انا الآن أبي طريقه تخلي السلوقي يعشق الدم
يذبح كل شي قدامه

[راعي وذف]

خله يذوق دم الحمامه اذبحها قدامه وبعد يومين سو نفس الطريقه
وانشاءالله تشوف نتيجه زينه وبعدين تراه يفسد طبعه يبدا ياكل الصيد...

[قناص الخبر]

انا مع كلام اخوي راعي وذف لكن كذا بيخرب طبعه وبيصير ياكل الصيده
تقبل مروري

[ابوعيدالدوسري]

معليش اخوي شكلك فاهم التدريب غلط. وليش تخلي السلوقي يعشق الدم وليش تخليه يذبح صيده ؟
معليش خلني اقولك ان السلق لابغيت تدربها تدربها تطرد وتمسك .
كانك تبي تدرب السلق يطرد ويمسك من غير ماتفكه مع سلق صايد فيه الف طريقه وطريقه.
شيك على المواضيع في المنتدى وبتلقى شرح كيف تخلي السلق يطرد ويصيد.

[الفهد الصبيحي]

انا فاهم قصدك ياخوي انت تبيه عقور في طرد الصيد
ونا كان عمره 6 اشهور فا جيب جرو صغير <ضيخ> وفكه عليه اتشوافه اول شي يخاف منه لا كن انت جسره عليه حاول انك اتطش عليه وتخليه يدق فيه ونت ساعده بها الشي لما يطلع دمه وتشوفه بعدها مايهاب
وشكرااااااااان تقبل مروري

[الأكيدر]

يعطيهم العافيه الاخوان ماقصرو ...
والي ازيده على كلامهم ان عمره الحين ست شهور يعني مدربه على الجرابيع واذا ماكنت مدربه عليهن اول شي تفك له جربوع لين مايتعود يمسكه هذا اول شي ... وعوده على عض الاشياء مثل الالعاب القطن يعني جب لك دب كبر الارنب وجره له بحبل لين ماتشوفه يلحقه ويحاول يمسكه واذا مسكه اسحبه منه خفيف عشان يعضه زياده ويشد عله ... وبعدين ابدا فكله ارانب بلديه احسن لك من الحمام لانه اذا تعود على الحمام والطيور راح يبلشك اذا طلعتبه كل مايشوف طير يلحقه ...وكلن وهواه ...
وتراها تزبط مع بعض السلقان وبعضها لا واصبر عليه وهذا الي عندي وانشاء الله ماكون طولت السالفه موفق ان شاء الله ...

[الصياد بالسلق]

ياخي جوع السلوقي لمدة ثلاث ايام وهدة وشف فعله

[قرناس شماالي]

فادوك الاخوان وبيض الله وجيهم

[ناصر96]

ماقصرو معك النشاما
الله يعطيهم العافيه

[حر الجوف]

الاخوان ما قصروا

[قناص الرمله99]

لاتعوده على الدم بعدين اي شي يصيده يااااااااكله ...
انا اقترح انك تجيبله سلقان مدربه
عشان يشوفها وهي تمسك الحمامه وبيسوي زيها ...
وتقبل مروري.

[صلهآم]

وعليكم السلام ورحمة الله وبركاته

اخوي هذي ميزة السلق انه مايكل الصيد

وان كله فهذا اكبر عذاريبه السلوقي يصيد لك مايصيد لنفسه

المفروض لا كل الصيد تضربه وانت تبيه ياكل الصيد !!؟؟

المهم كانك تبيه يفترسه اذبح له حمامه ونتف ريشهااا ورمها له جايه بياكلها ويتعود على اللحم الني ويصير يفترس الطرايد ولا عاد يفيدك بعدين بالصيد

[رفيق الأمل]

اخوي لا تعلمه اكل الصيد موب زين والافضل ان يمسك الفريسة لا يأكلها واحسن خله يقنص مع سلقان عشان يتعلم معاها وثاني شي قبل القنص خله جوعان بيوم واحد

[@قرناص@]

اذا اكلته حمامه او ارنب او جربوع بعدها بيفترس الصيده ولا انت مستفيد !

السلق لطرد ومسك الصيده فقط

طريقة تعليمه لابد سلق معلمه وطلعه معها وبتتعلم