عضو جديد يسأل

[الجيب عز]

تحية طيبة لجميع الأخوان ...
أخيرا انضميت لهذا الجمع المبارك ،، بعد سنتين من الإطلاع والإستمتاع بما يسطرونه الأخوان من إبداعات ،،،
اعزائي / سؤالي في نظركم ماهي العدد الواجب توفرها حين ما تقرر القيام برحلة برية لمدة يوم ! برفقة أولادك الصغار ؟من عمر ستة سنوات إلى 13 سنة ؟؟

[عاشق السيل]

حيا الله أخونا في مكشات بين ربعك وأهلك ،،

أما الرحلة فتحتاج أغراض كثيرة منها مهم جدا ومنها يكون احتياط لكن أهميته وقت حاجته !!

فأولا لازم تجهز الجيب بأغراض تكون ثابتة ومستمرة بالجيب مثل تانكي الماء وأسلاك الاشتراك ومنفاخ هواء وواير سحب ولمبات على البطارية وشنطة عدة وفاس صغير ومسحات أو كريك وشاكوش ومعيار هواء للكفرات وبساط كبير وكم قطعة سجادة ومركى أو أكثر وذراية وغيرها ،،،،

أما أغراض الرحلة نفسها فحسب احتياجك مثلا رواق إذا كان فيه هواء ومظلة إذا كنت طالع وقت الشمس أو وقت مطر وخيمة إذا كنت ناوي المبيت وطبعا أغراض القهوة والشاهي والطبخ والدافور ومقاضي الأكل والشرب ،،،

هذا اللي تذكرته وباقي الشباب ماراح يقصرون إن شاء الله وبالتوفيق يالغالي ....

[ابولولو]

اخوي الله يحياك بين اخوانك
ادخل على قوقول مكشات وحط الى تبي يرد عليك بسرعه
والعم عاشق ماقصر هو المرجع لنا حنا ياالصغار هههههه
اضافه بسيطه على كذا ياعاشق لازم تسلفه الدولاب الى باالحوش عندك يسحبه قلص هههههههه

[القنـاص2008]

اخوي الله يحياك بين اخوانك
ادخل على قوقول مكشات وحط الى تبي يرد عليك بسرعه
والعم عاشق ماقصر هو المرجع لنا حنا ياالصغار هههههه
اضافه بسيطه على كذا ياعاشق لازم تسلفه الدولاب الى باالحوش عندك يسحبه قلص هههههههه


حياك الله اخوي مابين اخوانك والاخوان ماراح يقصرون معك

تحياتي

[سطام vip]

بسم الله الرحمن الرحيم

السلام عليكم ورحمة الله وبركاته

اخوي الغالي عاشق السيل ما قصرجعله يسلم

وحبيت اضيف بما انه معاك اولاد صغار اخوي احرص احرص احرص على توفر

الماء بكميات كبيره واذا توفرة معك خيمه افضل علشان هالايام الجو متقلب

او احرص على توفر ملابس ثقيله معك وبعض الاسعافات الاوليه والادويه خصوصا

خافض للحراره ولا تنسى اول ما توصل للمكان التعوذ وتعويذ اطفالك وان شاء الله

تكون طلعه سعيده وموفقه لكم والله يحفظكم جميعاً

دمتم بحفظ المولى

[باوزير]

تعتمد الطلعة اذا بترجع نفس اليوم او بتبات
قريب و لا بعيد
و دام انك اول مرة بتطلع الافضل انك ترجع في نفس اليوم عشان العيال ما يملون

دعاء نزول المنزل


عن خولة بنت حكيم ـ رضي الله عنها ـ قالت: سمعت رسول الله ـ صلى الله عليه وسلم ـ يقول: (( من نزل منزلاً ثم قال: أعوذ بكلمات الله التامات من شر ما خلق ، لم يضره شيء ، حتى يرتحل من منزله ذلك )) [ رواه مسلم: 6878 ] .

الاشياء الاساسية خيمة و يفضل 4 في 4
جراكل ماء لانه طلعتك يوم ولا يومين بالكثير
فرشات نوم
عدة الطبخ من و الى خذ من البيت
حافضة للطعام تحفض اللحم من الفساد
عدة شوي للكباب
حطب
عدة الشاي و القهوة من و الى
مولد كهربة
جلسات و مساند

السيارة يفضل دفع رباعي الا اذا مكان ما فيه طعوس او صعوبة للوصول
منفاخ هواء
حبل سحب
عدة تغير البنشر و تاكد من الاستبنة
عدة اسعافات اولية مع ماص لسم العقارب

و رحلة سعيدة و بالله التوفيق