المساعد الشخصي الرقمي

مشاهدة النسخة كاملة : عليقة الصيد ....... وما ادراك ما عليقة الصيد ؟؟؟؟؟


الطبيب
09/10/2004, 02:34 AM
السلام عليكم ورحمة الله وبركاته

كيف حال كلو اخوان << قالب بنقالي اليوم

تخبروني ما احب المقدمات الطويله والديباجات المحبوكه قبل الموضوع

لذلك

بغيت اشارككم بهذه الحاجه اللي ما استغني عنها وقت الصيد

وهي عليقة الصيد

اشيل فيها صيدي والفشق وبعض اغراضي اللي احتاجه مثل قارورة ماء صغيره او السكين الصغير لذكاة المصاويب ...الخ من الحاجات اللي يحتاجها اي صياد

وهذي صورها

الصوره الاولى شكل العليقه ( الامامي ويظهر فيه جيبين )

العلوي يحتوي على خروم كبار وهذه خاصه لاستخدام اهل الطيور لما يبي يشبك او يجذب طيره يكون فيها حمامه حيه

والخروم هذي تساعد الحمامه على انه ما تختنق >> لا يا شيخ :)


الجيب العلوي على العموم نفعني في ان صيدي يتخلله الهواء يعني ما ينغمت ويخيس بسرعه


http://www.mekshat.com/pix/upload/images6/mk810_3aleegah.JPG


والجيب الثاني السفلي بسحاب علشان الاغراض اللي تخاف عليها انها تطيح مثل لما تركض ورا صويب او تناقز من حفره الى شجره ....... الخ :)


الصوره الثانيه تظهر ( سفره صغيره ) مخيطه مع العليقه لاغراض الذكاة علشان ما تدمر اسيات السياره بالدم

وتحمي الموتر من ( ذروق ) - اعزكم الله - الطير << خاص لاهل الصقور

http://www.mekshat.com/pix/upload/images6/mk810_PICT0002.JPG


الصوره الثالثه والاخيره

تظهر ( اخوكم الطبيب ) وهو لابس العليقه لاظهار حجمه اولا وللرد على اللي اتهموني باني دب وزن 500 كيلو فما فوق :)

http://www.mekshat.com/pix/upload/images6/mk810_PICT0003.JPG

هذا والله اعلم

والسلام ختام
أيمن
09/10/2004, 07:30 AM
وعليكم السلام ورحمة الله وبركاته

هلا وسهلا بالطبيب ..
الحقيقة صور عن أداة مهمة وعملية وحافظة لأغراض القناص ..
ولو كانت بقماش لونه رملي وكان الثوب مشابه لها في اللون كان أفضل ..

لكن عندي استشكال .. ما لقيت تصور إلا بين هالكراتين والله ما عرفت وش القصة إلا في الصورة الأخيرة :D ..

تحيتي
عروان
09/10/2004, 10:52 AM
تعلقة ان شاء الله و هي مليانة من الصيد اللي تحبة و تهواه......أمين


أبو حمد (أيمن) الظاهر هذي غرفة المنفى اللي بالبيت.

خبر كل واحدن منا له ملاذ ينحاش له لامن حمرت العين المعزبة.

هههههههههه
الطبيب
09/10/2004, 02:22 PM
الاستشكال حقك يا ابو حمد جاوبك عليه ابو نايف

فعلا هذا مكتبي وورشتي وحوستي وصومعتي ومساحتي الخاصه بالبيت

ازبنها اذا خربت الاخلاق ( طبعا من الطرف الآخر ) :)

وترا الكراتين اللي تشوف فيها كل ما لذ وطاب من الكتب

مثل الرحيق المختوم واغلب كتب ابن قيم الجوزيه وكتب ابن الجوزي

والكتب الخاصه بالاداره وفن التعامل مع الآخرين ............. الخ

وعسى الله انكم تخربونها مره وتسيرون

واوريكم هذه الصومعه
عاشق الصفاري
09/10/2004, 02:35 PM
موضوع حلو اخوي الطبيب تشكر عليه ..
بارك الله فيك ..
قشاع الرمث
09/10/2004, 07:08 PM
الأصل كُتب بواسطة عاشق الصفاري
موضوع حلو اخوي الطبيب تشكر عليه ..
بارك الله فيك ..
الهلالي
09/10/2004, 08:11 PM
وعليكم السلام ورحمة الله وبركاته

الله ...... يالطبيب ما شاء الله..... عليقة حلوة جعلك تملاها دايم . بس لو اللون مثل ما قال أيمن كان تمام .
ريف النشاما
09/10/2004, 08:43 PM
السلام عليكم ورحمة الله وبركاته

أخي الحبيب

أقول الضاهر هاذي غرفة العمليات

والله ياخوك على راي أيمن ضاقت الله لايحدنا على الضيق

إلا وش رايك نسير عليك ونضم لك الكتب :)

بس والله ياهي حوسه :D

انا اعتقد بأن الطرف الآخر كان في إجازه أو انه صدق هذا منفى لحالات الطواري

على كلا مالك إلا مايرضيك يابو .........؟

أما الفكره والمعدات فهي ممتازه ومشكور



الضاهر أنك تصور وأنت منسدح على السرير :D


تحياتي يالغالي
((( الحر)))
09/10/2004, 11:15 PM
جهد رائع اخي الطبيب وبارك الله فيك ...!!!

العليقه مهمه جدا ويجب على اي شخص ان يختار مايناسبه ويفضله وحسب نوع الصيد الي يطرده...!!!

مشكور يالغالي وموضوع ممتاز..... مثل راعيه:D
الطبيب
10/10/2004, 03:32 PM
عاشق الصفاري

حياك الله والعفو يا الغالي

========

قشاع الرمث

لا شكر على واجب

وهذا القليل من ما اعطانا اياه اعضاء مكشات المخضرمين

ولعله يكون ردا لقليل من جمائلهم

=======

الاخ الكبير قدرا وعمرا

الهلالي

حياك الله

وهذه العليقه تتكون من عدة الوان واشكال

والتطرق هنا لهذه الاداه المريحه في وقت الصيد

شكرا لمرورك

=======

ريف النشاما

حيا الله الشاعر المستشعر اللي كله شعر :) :D

يا اخي

الغرفه هذي هي ملاذي عن ازعاج الورعان

وقولة (( جب طماط ....... جب بصل ...... نبي اغراض ..........الخ من الامور اللي نسمعها يوميا ))

وقت خاص لي فقط

بمعدل ساعه الى نصف ساعه يوميا

ولولا الحوسه اللي تشوف ما عرفت اجلس فيها

لاني اعرف وين حطيت الحاجه الفلانيه او الجهاز الفلاني

بالنسبه للتصوير منسدح:D :D :D

والله اني ظحكت على الكلمه هذي بالذات

لاني من كثر حوست الكراتين ما قدرت اصور الصوره الثانيه الا عوجاء :D :D

حياك الله

وشاكر لمرورك

وسع الله صدرك وافرحك

واسعد والله من يوم اللي تبون تسيرون علي فيه

وعين فراش وعين غطا

انت او اي مكشاتي

او من يعز على المكشاتيين

=========

الاخ العزيز ((( الحر )))

اما موضوع ممتاز مثل راعيه !!!!!!!

والله يا اخي اتمنى لو آصل ربع مجهودك ومواضيعك الرائعه

وهذا تشجيع افتخر فيه

افرحني مرورك



هذا والله اعلم

والسلام ختام
بركان
10/10/2004, 09:54 PM
اخوي الطبيب

اقول وش عليقة هالصيد؟؟
احسبها محمية للصيد توهم فاتحينها
واثاريك تقصد ( ال(س)مته) او ( الخِرج ) بكسر الخاء.

باين عليك تحب صيد الدخل.
وهي عملية ورائعة
لا تنشغل ولا تبحل وين تحط الصيد فيه , تدسه دس وفشكك وسكينك قريبه منك.
وا نا لو ا نساها ارجع لها والا اشتري بدالها.


لي ملاحظه على اللون لو يكون صحراوي كا ن افضل على شا ن ما يهابه الطير.

مشكور يالطبيب على هذا الموضوع والصور الحلوه ....وحتى الدخل ماسلم منك..
الطبيب
17/10/2004, 02:28 AM
بركاني العزيز

فعلا اللون الرمي افظل بكثير من اللون الابيض او المخطط

ولكن الطير لما يموت ما هي فارقه معه وش لون العليقه :)

حياك الله يا الغالي

هذا والله اعلم

والسلام ختام
ابو فاطنة
17/10/2004, 05:15 AM
الأصل كُتب بواسطة ((( الحر)))
جهد رائع اخي الطبيب وبارك الله فيك ...!!!

العليقه مهمه جدا ويجب على اي شخص ان يختار مايناسبه ويفضله وحسب نوع الصيد الي يطرده...!!!

مشكور يالغالي وموضوع ممتاز..... مثل راعيه:D
نقا هشال
17/10/2004, 07:07 AM
يعطيك الف عافيه يالغالي
ابو درع
18/10/2004, 01:25 PM
الطبيب ........ انت غير


عرض جميل وفكره وتعليق .. غير

سوال مافيها مكان للماء

يعني قاروره صحه