قدر الله علي وشريت أمنيتي جمس ونيت !!!! لـــــكــــــن ؟؟؟؟؟؟

[fj-2111]

السلام عليكم ورحمة الله وبركاته

أسعد الله أوقاتكم بكل خير إخواني الأعزاء

قدر الله وشريت سياره فيها بعض الملاحظات أتمنى تفيدوني

وجزاكم الله خير مقدمآ


أولآ السياره من نوع جمس ونيت غمارتين موديل 2005

ملاحظاتي :::

1- فيه صوت إحتكاك بعد ما أمشي وقالو لي يمكن قماشات وغيرتها لكن المشكله ما زالت

2- فيه أحيانآ طقه في القير التغييره الثانيه لكن بسيطه .

3- لنبات الدبل أحيانآ تشتغل مع بدايت التشغيل وبعدين تطفي ومهيب مستمره أحيانآ يشتغل طبيعي وحصل معي إني شغلت ولقيته شابك على الثقيل وعيا يفصل لين طفيت وخليته نصف ساعه وشغلت ورجع طبيعي مع العلم فيه رساله في الطبلون تقول شيك على الدبل

4- لنبة الأيرباك شغاله وفيه رساله على المرايه غير رسالة الطبلون تقول أيرباك الراكب هل لها حل أو طريقه لفصلها << مجهرتني

5- هل لما ذكرته علاقه بلنبة المكينه لأني فصلت البطاريه وطفت لها يومين هي ورسالة التشييك على الدبل وبعدين رجعن أشتغلن


أطلت عليكم

أعذروني طالت أعماركم على طاعته

ودي أدخل موتري أشيك عليه مره وحد فحبيت أستشيركم قبل

هل أفحص كمبيوتر أو أصلح على طول كان الكمبيوتر مافيه فايده

وإذا تنصحوني بورشه في الرياض جيده تنجز ولا تنهب


وجزاكم الله خير جميعآ

[ألنشمي]

السلام عليكم

اول شى وانا اخوك لاتتشائم وراح تفرج ان شاء الله والله يهنيك بها.

ثاني شي, اخوي سيارتك استخدام امريكي ولا سعودي

عندك ورشة الجميح بالصناعيه القديمه, صناعية العويضه خلف ترايستار واسئل عن عبدالرحمن الجميح لا يخمونك السوداني.

وافضل شي تنتظر لين يمر الاخ اصيل حجازي على الموضوع

[آل زايد502]

وانا مثلك يالذيب فيه صوت احتكااك اول ماتمشي وبعدين يروح لكني ماعرفت وش فيه الموتر

[سوبر VTC]

و عليكم السلام و رحمة الله

بخصوص الدبل سبق انه شبك الدبل الثقيل و طفت اللمبات
طبعا جمس م2001
فصلت و شبكت الفيوز و اشتغلت اللمبات مباشرة :good:
و فصلت الدبل

للايضاح و لمزيد من الصور
ادخل الرابط التالي

عاجل عندي دبل التاهو خربان فزعتكم (http://www.mekshat.com/vb/showthread.php?t=240442)


موفق

[فارس شمال]

اذا مافيه طقطقه او شي

ان شالله تكون بسيطه

بس احتمال حساس الدبل ..
او في مشكله بالكهرباء عندك

وشيك على زيت الدبل وتأكد من الصره حقته احيان تطيح من حالها

اهم شي يوم كان شغال

يوم تشبك الدبل الثقيل مايطقطق

الباقي امره هين ان شاء الله

لك اجمل تحيه

[بدون لوحات]

الاحتكاك يمكن يكون فى بطانة الرفرف البلاستيك وهذة تكون دائما بالجموس

بالنسبه للمبات الدبل غير الضغطات (السوتش) داخل الغماره اوقم با اصلاحه بالكاويه تلقى بعض التلحيم منفصل

[بدوي جنوبي]

جـ 1 / حاول تحدد مكان الاحتكاك اكثر ولو ترفع السياره
وتمشى السياره وتشوف مصدر الصوت ،، اقصد فى الورشه .

جـ2/ الطقه هذى مجننه العالم اللى يستخدموا الجموس
ما عليك منها .

جـ3/ اللنبات اكيد انت عارف وقت التشغيل
تشتغل الاربعه لمدة ثوانى بعدين تطفأ عدى لنبة ال h2
او الاAUTO حسب اختيارك للقياده .
هذى معروفه للجميع

عندى نفس مشكلتك اذا فتحت السوتش
تشتغل جميع اللنبات بعد ثوانى تطفأ كلها
اضرب الازار بيدى تشتغل لمبه ال H2 وتطفأ
تحتاج لتنظيف الازار .


4جـ/ اذا النوع اللى عندك استخدام امريكي
يجى اسفل المسجل مكان يركب فيه مفتاح السوتش لونه ابيض تقفل ايرباق الراكب ما يطلع
يعنى تتحكم فيه
تأكد منه ،،، لان هذى ميزه اذا كنت تقود لحالك
ولا سمح الله وقع حادث بسيط ما يطلع ايرباق الراكب
يطلع للسائق فقط ،

جـ5/لمبة المكينه حساسه تشتغل على اى ذرة غبار
بالنسبه لمبة الدبل
انت جرب تشغيل جميع الدبلات
خفيف وثقيل والاوتو ،، اذا كل شيى شغال عندك
وتفصل معك بعد التجربه ،،، اعرف ان ما عندك اى مشكله

ما ودى تروح للورش ،، لانهم ما يصدقوا يشوفوك
واخاف يلعبوا في سياتك والشغله حساسات بسيطه

ملاحظه /اذا شغلت الدبل لاحظ ان الكفر الامامى يدور اثناء التغريز
سواء اخترت اوتو
او اتش 4 او أل 4

بالتوفيق

[AL3ASHEG_999]

مر الوكاله وخلهم يفحصونه لك من الصدام للصدام

الدبل يشبك من حاله مثل عندي في دبل الجمس 2004 وغيرت له الحساس اقترح تمر الوكاله اول وتشيك على موترك وبعدها تعرف وش انت عليه

[fj-2111]

السلام عليكم


اول شى وانا اخوك لاتتشائم وراح تفرج ان شاء الله والله يهنيك بها.

ثاني شي, اخوي سيارتك استخدام امريكي ولا سعودي

عندك ورشة الجميح بالصناعيه القديمه, صناعية العويضه خلف ترايستار واسئل عن عبدالرحمن الجميح لا يخمونك السوداني.

وافضل شي تنتظر لين يمر الاخ اصيل حجازي على الموضوع

الله يجزاك خير أخوي وما قصرت

وبالنسبه للسياره إستخدام

يعطيك العافيه

[fj-2111]

وانا مثلك يالذيب فيه صوت احتكااك اول ماتمشي وبعدين يروح لكني ماعرفت وش فيه الموتر

ليته يرووووح

الله يعين وإن شاء الله الأمر سهل

[fj-2111]

و عليكم السلام و رحمة الله

بخصوص الدبل سبق انه شبك الدبل الثقيل و طفت اللمبات
طبعا جمس م2001
فصلت و شبكت الفيوز و اشتغلت اللمبات مباشرة :good:
و فصلت الدبل

للايضاح و لمزيد من الصور
ادخل الرابط التالي

عاجل عندي دبل التاهو خربان فزعتكم (http://www.mekshat.com/vb/showthread.php?t=240442)


موفق







وأنا أخيك جربت وفصلت الفيوز أكثر من مره لكن ما نفع

وحتى الأزرار مهما ضغطتها ما تستجيب

الله يجزاك خير أخوي وماقصرت

[fj-2111]

اذا مافيه طقطقه او شي

ان شالله تكون بسيطه

بس احتمال حساس الدبل ..
او في مشكله بالكهرباء عندك

وشيك على زيت الدبل وتأكد من الصره حقته احيان تطيح من حالها

اهم شي يوم كان شغال

يوم تشبك الدبل الثقيل مايطقطق

الباقي امره هين ان شاء الله

لك اجمل تحيه

ولله الحمد ما فيه طقطقه

اللهم إذا شبكت الدبل يظهر الصوت العادي للشبكيه

تسلم أخيي على مرورك

[fj-2111]

الاحتكاك يمكن يكون فى بطانة الرفرف البلاستيك وهذة تكون دائما بالجموس

بالنسبه للمبات الدبل غير الضغطات (السوتش) داخل الغماره اوقم با اصلاحه بالكاويه تلقى بعض التلحيم منفصل

إذا تقصد إحتكاك البطانه مع الكفر ... ما أعتقد لأنها بعيده عنه

أما اللمبات تشتغل مع بدايت تشغيل السياره بعدين تطفي


أسعدني مرورك وما قصرت

[fj-2111]

جـ 1 / حاول تحدد مكان الاحتكاك اكثر ولو ترفع السياره



وتمشى السياره وتشوف مصدر الصوت ،، اقصد فى الورشه .



شكله كذا بروح لورشه فيها رافعه وأجرب





جـ2/ الطقه هذى مجننه العالم اللى يستخدموا الجموس



ما عليك منها .




الله يطمنك أخيي مع إن كان معي يوكن قبل ومافيه طقه في القير





جـ3/ اللنبات اكيد انت عارف وقت التشغيل



تشتغل الاربعه لمدة ثوانى بعدين تطفأ عدى لنبة ال h2


او الاAUTO حسب اختيارك للقياده .


هذى معروفه للجميع



عندى نفس مشكلتك اذا فتحت السوتش


تشتغل جميع اللنبات بعد ثوانى تطفأ كلها


اضرب الازار بيدى تشتغل لمبه ال H2 وتطفأ


تحتاج لتنظيف الازار .




صدقت أخوي هذا وضعها بالنسبه لأشتغالها جميعآ في بدايت التشغيل لكن عندي تطفي كلها وجربت وضربتها ما نفع


والأزرار ما تستجيب يعني بدون دبل





4جـ/ اذا النوع اللى عندك استخدام امريكي



يجى اسفل المسجل مكان يركب فيه مفتاح السوتش لونه ابيض تقفل ايرباق الراكب ما يطلع


يعنى تتحكم فيه


تأكد منه ،،، لان هذى ميزه اذا كنت تقود لحالك


ولا سمح الله وقع حادث بسيط ما يطلع ايرباق الراكب


يطلع للسائق فقط ،




صحيح إستخدام لكن ما فيه هالميزه





جـ5/لمبة المكينه حساسه تشتغل على اى ذرة غبار



بالنسبه لمبة الدبل


انت جرب تشغيل جميع الدبلات


خفيف وثقيل والاوتو ،، اذا كل شيى شغال عندك


وتفصل معك بعد التجربه ،،، اعرف ان ما عندك اى مشكله




أخيي الدبل لما تكون شغاله لمباته ما عندك أزين منه


لكن لما تكون طافيه ولا بريال


لأن الوضع هذا جديد علي زي الموتر ولا يحصل دائمآ


يعني أحيانآ أشغل الموتر ألاقي الأتش2 شغال والدبل تمام


وأحيانآ ما تشتغل اللمبات ومهما أضغظ في الأزرار ما تستجيب






ما ودى تروح للورش ،، لانهم ما يصدقوا يشوفوك



واخاف يلعبوا في سياتك والشغله حساسات بسيطه




صدقت أخيي يعني تشوف إني أغير الحساسات بس





ملاحظه /اذا شغلت الدبل لاحظ ان الكفر الامامى يدور اثناء التغريز



سواء اخترت اوتو


او اتش 4 او أل 4





بالتوفيق




الله يجزاك خير أخوي شرحك وافي وما قصرت

[fj-2111]

مر الوكاله وخلهم يفحصونه لك من الصدام للصدام

الدبل يشبك من حاله مثل عندي في دبل الجمس 2004 وغيرت له الحساس اقترح تمر الوكاله اول وتشيك على موترك وبعدها تعرف وش انت عليه

محنب قد الوكاله طال عمرك

وعلى قولتك شكلها حساس

أسعدني مرورك يالغالي وما ننحرم

[Magellan]

من يوم قريت كم سطر عرفت إنه إستخدام أمريكي
أنا عندي حل للمبة المكينة بحكم اليوم ليلة خميس وبإمكانك تروح بالصبح إن شاء الله للورش
والسبب من حساس الشكمان بعد دبة التلوث
----------------
حساس الشكمان الموجود بعد دبات التلوث سهل جدا ابعاد الرسالة التحذيرية بالطبلون والحل إنك تبعد الحساس عن قراءة الشكمان ، لأن الإستخدام الأمريكي أول ماتبيعه الصالات تفرغ دبات التلوث في الورش فبالتالي الحساس يقرأ نسبة تلوث عاليه ويعطيك رساله CHECK ENGINE SOON والحل تجيب وصله مثل اللي تحت بحيث تخدع الحساس من القراءة

http://i17.photobucket.com/albums/b91/BMW328is/fouler.jpg

تركبه على الماصورة ثم تركب الحساس وبالتالي مايكون الحساس مباشرة يلتقط المعلومات من ماصورة الشكمان
شف كيف بالأسفل
http://www.mekshat.com/pix/upload03/images123/mk11979_p1010323.jpg

شف بالأعلى ركبنا الشد النقاص اللي اسمه spark plug non fouler ثم ركبنا عليه الحساس والسبب إننا نبعد الحساس من القراءة المباشرة للكربون
طبعا ترى ماتسويها إلا بالحساسات اللي بعد دبة التلوث من جهة الكنداسة
ومحلات الشكامين يسوونها ، وإذا مالقيت القطعه spark plug non fouler خل راعي الشكامين يسوي بالتلحيم وصله طولها 5 سم ثم تركب الحساس أو حتى تلف الحساس بقصدير
وأخبر فيه ورش بشارع الجمعيه بالرياض الصناعيه القديمه ،أخر الشارع وأنت وجهك غرب ، فيه ورش على اليسار مكتوب نشيل علامة CHECK ENGINE وأغلب لوحاتها مكتوب صيانة الفورد فأتوقع إنهم يعرفون لها الحركة

[454HP]

السلام عليكم شف يا اخي انا اعتقد اذا صار في كل تشغيله شي جديد يعين تشتغل المبه وتطفا واذا فصلت البطريه تطفا فجئه وبعدين تشتغل ثانيه معناته انه اذا جا يشتغل يفصل الكهرب ويشتغل مره وحده وهذا من نقص البطاريه وذا فصل وشبك مرات يشغل الدبل ومرات يطيح ضغه ومرات يتفتف ما لك الا تتكد من البطاريه اول شي لنه لو كان فيه خراب بيصير من الكمبيوتر وترا الكمبيوتر يتبرمج كل ما فصلت البطاريه وشبكتها.
بل نسبه لطقه الثاني ترا الونيتات دايم يجي في عمود الكردان فضاوه ويطق مع التعشيق..... ومعليش على الاطاله

[سوبر VTC]

جزاك الله خير


طيب تاكد من الفيش اللي راكب على حساس دينمو الدبل
شاهد الصورة
لانه سبق اني فتحت السويتش يوم فصلت الفيش ===> ((طفت اللمبات)) مباشرة
اعتقد مشكلتك من الفيش ما يوصل مضبوط
تكون اسنان الفيش متوسعه او فيه كربون مسويه طبقة عزل
تمنع التوصيل
مثل اصبع البطارية اذا كان عليه املاح
لو تقدر تركب حساس من موتر احد ربعك و تجرب








http://www.mekshat.com/vb/../pix/upload02/images80/mk53291_jhdbh44.jpg

[fj-2111]

من يوم قريت كم سطر عرفت إنه إستخدام أمريكي
أنا عندي حل للمبة المكينة بحكم اليوم ليلة خميس وبإمكانك تروح بالصبح إن شاء الله للورش
والسبب من حساس الشكمان بعد دبة التلوث
----------------
حساس الشكمان الموجود بعد دبات التلوث سهل جدا ابعاد الرسالة التحذيرية بالطبلون والحل إنك تبعد الحساس عن قراءة الشكمان ، لأن الإستخدام الأمريكي أول ماتبيعه الصالات تفرغ دبات التلوث في الورش فبالتالي الحساس يقرأ نسبة تلوث عاليه ويعطيك رساله CHECK ENGINE SOON والحل تجيب وصله مثل اللي تحت بحيث تخدع الحساس من القراءة

http://i17.photobucket.com/albums/b91/BMW328is/fouler.jpg

تركبه على الماصورة ثم تركب الحساس وبالتالي مايكون الحساس مباشرة يلتقط المعلومات من ماصورة الشكمان
شف كيف بالأسفل
http://www.mekshat.com/pix/upload03/images123/mk11979_p1010323.jpg

شف بالأعلى ركبنا الشد النقاص اللي اسمه spark plug non fouler ثم ركبنا عليه الحساس والسبب إننا نبعد الحساس من القراءة المباشرة للكربون
طبعا ترى ماتسويها إلا بالحساسات اللي بعد دبة التلوث من جهة الكنداسة
ومحلات الشكامين يسوونها ، وإذا مالقيت القطعه spark plug non fouler خل راعي الشكامين يسوي بالتلحيم وصله طولها 5 سم ثم تركب الحساس أو حتى تلف الحساس بقصدير
وأخبر فيه ورش بشارع الجمعيه بالرياض الصناعيه القديمه ،أخر الشارع وأنت وجهك غرب ، فيه ورش على اليسار مكتوب نشيل علامة CHECK ENGINE وأغلب لوحاتها مكتوب صيانة الفورد فأتوقع إنهم يعرفون لها الحركة


الله يعطيك ألف ألف عافيه

شرحك وافي وما قصرت وجاري الإتجاه للصناعيه

[fj-2111]

السلام عليكم شف يا اخي انا اعتقد اذا صار في كل تشغيله شي جديد يعين تشتغل المبه وتطفا واذا فصلت البطريه تطفا فجئه وبعدين تشتغل ثانيه معناته انه اذا جا يشتغل يفصل الكهرب ويشتغل مره وحده وهذا من نقص البطاريه وذا فصل وشبك مرات يشغل الدبل ومرات يطيح ضغه ومرات يتفتف ما لك الا تتكد من البطاريه اول شي لنه لو كان فيه خراب بيصير من الكمبيوتر وترا الكمبيوتر يتبرمج كل ما فصلت البطاريه وشبكتها.
بل نسبه لطقه الثاني ترا الونيتات دايم يجي في عمود الكردان فضاوه ويطق مع التعشيق..... ومعليش على الاطاله


الله ينور دربك أخيي

وراح أشيك على العمود إذا فيه فضاوه

[fj-2111]

جزاك الله خير


طيب تاكد من الفيش اللي راكب على حساس دينمو الدبل
شاهد الصورة
لانه سبق اني فتحت السويتش يوم فصلت الفيش ===> ((طفت اللمبات)) مباشرة
اعتقد مشكلتك من الفيش ما يوصل مضبوط
تكون اسنان الفيش متوسعه او فيه كربون مسويه طبقة عزل
تمنع التوصيل
مثل اصبع البطارية اذا كان عليه املاح
لو تقدر تركب حساس من موتر احد ربعك و تجرب








http://www.mekshat.com/vb/../pix/upload02/images80/mk53291_jhdbh44.jpg




ممكن وراح أشيك على الفيش

لأن المشكله هذي مهيب على طول

البارح شغال طبيعي واليوم الصباح بعد طبيعي

لكن أمس العصر والمغرب ماله طاري لا لنبات ولا دبل


الله يجزاك خير ويرحم والدينا ووالديك

وإن شاء الله ما ننحرم من طلتك يارب

[بدوي جنوبي]

لا تغير كل الحساسات لانها بتكلفك كثير
اتجه للصناعيه وابحث عن كهربائى
يتاكد من الفيوزات
ويتاكد من الدينمو حق الدبل وازرار الدبل
يعنى الشغلات كهربائيه الى الان

والله يعينك تبحق عن كهربائى متمكن

بالتوفيق

[fj-2111]

جزاكم الله خير جميعآ

الحقيقه أستفدت كثير من خبرتكم

حصل بعض التطورات عندي

ألا وهي

1- بالنسبه لرساله التشييك على الدبل أختفت الحمدلله واللمبات تشتغل طبيعي وكذلك الدبل
وحصل هذا بعد ما شغلت السياره ولقيت لنبة أتش 2 شغاله فبديت أعشق الدبل وأفصله أكثر من مره
ولي تقريبآ ثلاث أيام الوضع طبيعي ولله الحمد

2- بالنسبه للنبة المكينه حصل إني فحصت بالكمبيوتر وطلعت المشكله حساس دبات الشكمان مهوب حساس الشكمان لأن دبات ألحراره مشيوله
وقال المهندس ممكن تختفي لو ركبت برنامج سعودي ويبي يكلف فمهووووب لازم

3-بالنسبه للطقه في القير مهيب مستمره وخفيفه ويقولون وضعها عادي مهيب مأثره
4- بالنسبه لصوت الإحتكاك أكثر من ميكانيكي سمع الصوت وهوب راكب معي ويقولون رمان الهوبات الخلفي وغيرتها اليوم لكن المشكله مازالت

5- بالنسبه للنبة الإيرباك قالي كهربائي إشبكها مع لنبة البطاريه وبكذا راح تطفي وتولع معها وما بعد سويتها للآن


حبيت أعطيكم فكره عن اللي صار معي وإذا لكم ملاحظات لا تحرمونا منها

[سوبر VTC]

- بالنسبه لصوت الإحتكاك أكثر من ميكانيكي سمع الصوت وهوب راكب معي ويقولون رمان الهوبات الخلفي وغيرتها اليوم لكن المشكله مازالت

رمان العكس واضح صوته (له صوت جرش)
لو كان خربان كان تسمعه حتى على سرعه 140
اذا كان ما عندك صوت فوق 70 و طالع
فالرمانات سليمه

طيب الصوت هل هو مستمر ؟
هل يختفي على سرعه معينه ؟

موفق

[fj-2111]

رمان العكس واضح صوته (له صوت جرش)

لو كان خربان كان تسمعه حتى على سرعه 140
اذا كان ما عندك صوت فوق 70 و طالع
فالرمانات سليمه

طيب الصوت هل هو مستمر ؟
هل يختفي على سرعه معينه ؟

موفق





صحيح الصوت مستمر ويبدا بعد العشرين ولا يختفي

وأحس بالصوت في رجولي على الوطايات

[ابوسعودالسهلي]

الله يعينك ويوفقك

[سوبر VTC]

صحيح الصوت مستمر ويبدا بعد العشرين ولا يختفي

وأحس بالصوت في رجولي على الوطايات[/center]



اذا كان الدركسون ينتفض يهتز
رصص الجنوط داخلي خصوصا اذا كان الجنط كبير مقاس 17
تاكد من صليبات العمود لانه تسبب حرة و نفظه
الغريب ان الصوت يطلع على سرعه 20 :no:

[نايف الدهيمان]

بالنسبه لصوت للإحتكاك اذا كان من قدام تسمعه شيك على الكليبرات الأماميه
لأنها فعلا تطلع صوت إحتكاك ومع الوقت راح يعض عليك الكفر يبدى مايدور الهوب كامل ثمن يدور يعني الكليبر يبدى يمسك ويفك وخاصة بالريوس والصوت راح يقوى معك مع الوقت وراح يكون فيه طقه قويه وصوت الطقه هذا الكليبر اذا مسك او عض على الهوب وبعدها فك
اتمنى اني افدتك
تحياتي لكم جميعا