زيت القير؟؟؟؟؟؟؟؟؟؟؟؟؟؟؟؟؟؟؟؟؟

[أبوضيف الله]

السلام عليكم ورحمة الله وبركاته
صبحكم الله بالخير يالنشاما
حبيت اسأل عن زيت القير ما ادري من وين اغيره
مع العلم ان ناس كثيرين قالوا لي في الوكالة وناس قالوا لي انحش من الوكاله وما ادري وش الحل يالنشاما؟؟؟
طبعا لا انسى الموتر باترول فتك 2007 تماتيك والمكان الرياض
يالنشاما الي عنده خبره لا يبخل علينا
ولكـــــــــــم منــــــــــــــــــــي الشكـــــــــــــر

[بدون لوحات]

اذا كان ماشى فوق 70000 كم غيره واحرص على الزيت الاصلى (اس ديلكو) او(زيت قير فورد)واذاردت الاطئمنان راجع كتلوج السياره وانا افضل تغير الزيت خارج الوكاله فى الصناعيه عند تشالنجر وغيرها

[هواوي صيد]

اخوي ابو ضيف الله يسعد صباحك

فيه موضوع قريته امس بس والله ناسي

وش عنوانه بالضبط لكن هنا في مكشات

المهم ان واحد نصحوه مهندسين

انه ما يغير زيت القير غير عند

الوكالة خصوصا للباترول والباثفندر

لأن زيت القير الخاص فيهم يجي

له مواصفات خاصة .

ارجو اني أفدتك

وتقبل مروري

[ابوسعد931]

عليك بالوكاله وريح راسك

[برق كميت]

السلام عليكم ورحمة الله وبركاتة :
زيت قير الفتك خاص وعادة يكون الماني وموجود في الوكالة وبعض الورش وسعر التر تقريباً من 65الى 75 ريال ومنها ورشة الشنيفي مخرج 17

[قرم العيال]

زيت القير للفتك خاص ولا يوجد إلا عند الوكاله .

ويجي برميل كبر برميل البويه الكبير ..

واحذر تغيره عند احد غير الوكاله

ومكتوب بالكبوت نوع واسم الزيت .. شفه استكر اصفر ..

اولا خلهم يشفون كم ناقص .. ويزيدونه ..

[الطيار2000]

زيت قير الفتك لا تغيره ولا تزيده الا عند الوكالة وخلك على روسهم