تحذيـــــــــــــــــــــــر من إستخدام شريحة موبايلي على هاتف الثريا

[عاشق الصحراء1]

أقسم بالله العظيـــــــــــــــــــــــــــــــــــــــــــــ ـــــــــــــــــم على كتابه الكريم
غير مجبر ولكن حتى تصدقوني أنني إتصلت بشريحة الثريا خط مفوتريوم 22 أكتوبر 2009

والمدة 33 ثانية فقط
توقعوا بكم أقسم بالله مرة أخرى ب00
ثلاثــــــــــــــــــــــــــــــــــــــــــــــ ــــــــــــــــــــون ريال ليست ثلاثة ريالات
و156ثانية ب 45 ريالا قسم بالله العظيم ولهطوني بزيادة فوق مائتين ريال لمجرد خمس أو ست دقائق
الغريـــــــــــــــــــــــــــب والعجيب أنه عند دخولي لموقع موبايلي وجدتها في المكالمات الغير مفوترة
قبل نزول الفاتورة وعندما إشتكيت الشركة رسميا قاموا بحركة وقحة جدا وهي عند دخولي لتفاصيل
الفاتورة لا أستطيع الدخول وحجب ومماطلة وذهبت للفرع عدة مرات ويا عزيزي ويا عزيزي

خدمة 1100 يقولون الدقيقة باربع ريالات وعشرين هلله لكن الصدمة عندما أبلغني أحدهم أن أجر
الأقمار حوالي 25 ريالا للدقيقة مناصفة بين موبايلي وشركة أخرى

يا إخــــــــــــــــــــــــــــــــــــــــــــــــ ـــــــــــــــوان والله حراااااااااااااااااام لكن أسألكم بالله إيصال
معاناتي وفضحهم وعلى ذمتي والله ماكذبت ولدي إثباتات كثيرة ضد هذه الشركة ؟؟؟؟
أرجوووووووووووكم يار جال مكشات إفضحوا العابثين وأقسم بالله إن نشركم لهذا الموضوع سيكون
بمثابة نصرة لأخيكم الذي أقسم بالله العلي العظيم بأن هذا ما حصــــــــــــــــــــــــــــــــــــــــــــــــ ــــــــــــل

اللهم إنتصر لي منهم حتى خدمة 1100 يعطوني رد الي غير مفهووووووووووووووووووم ولا أستطيع
الوصول للموظف هذي حركاتهم معي
اللهم إن كنت زودت ريالا أو خصمت ثانية مبالغة أوفلا تسامحني هل إقتنعتم الان ؟؟؟؟!!!!!

إنشروها يا إخوان حتى لا يقع أحد من المواطنين في فخ هذه الشركة وتذكروا أننا مواطنون سعوديون
وإخوان وأنا أخوكم فهل من منتصر وين رجال مكشــــــــــــــــــــــــــــــــات تكفوون أبيها بكل المواقع
حتى تتأدب هذه الشركة وأنا أعدكم أنني سأحاول إيصال هذا التلاعب لخادم الحرمين الشريفين ولا هيئة
الإتصالات ما ظنيت وينهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تصوروا 33 ثانية بثلاثين ريال حسبنا الله ونعم الوكيل

[ولد وايل]

فيه موقع اخووووي يجتمع فيه جميع موظفي شركات الاتصالات بالسعوديه
برسله لك عالخاص
واشتك افضل لك

[هواوي صيد]

اخوي عاشق انا معك بنفس المعاناة

للحين انتظر تفاصيل الفاتورة

طلعت علي مكالمة ما يقارب 182ريال

كلها بسبب الثريا سألت الموظف ماخذت منه

علم أكيد وسجلت المكالمة وانتظر الفاتوره

عشان اتأكد بس

وانا اضم يدي بيدك وانااخوك اذا ودك نقدم

شكوى جماعية

بس خلني اتأكد من الفاتورة


تقبل مروري

[هواوي صيد]

تنويه:

ارجوا من الأخوة المشرفين

نقل الموضوع إلى القسم المختص

لما له من أهمية بالغة وتنبيها

لأخواننا لعدم التعرض لما تعرضنا له

[سلطان الدوحه]

طيب وش فيكم زعلانين ممكن تسون مغارنه بين امممممممم اي دوله وشركات الاتصال والي عندنا مو بالرخص لأ لأ اقصد بالنهب ....

تجيني فاتورة جوال 2000 والقريب ان حدي الائتماني انا حاطه الف ... وفعلآ تجي فاتوره مكونه من 25 صفحه بأرقام وكذا شلون وكيف ما ادري ..

[tarazan2005]

موبايلي عالم من احتيالي

[عاشق الصحراء1]

أنا بإنتظار أي شخص يبي يشتكي ومعه عونا وسندا على هذه الإحتيالات
وصدقوني لازم يتأدبون لأنهم إذا سكتنا بقوا ياكلووووووون
شلون نؤدبهم هذي عندي بس وين اليدين اللي تعضد

[المميـز]

الله يستر ..

انا استخدم شريحة الاتصالات السعوديه وأول ما اركب الشريحه تجيني رساله من الاتصالات
تفيد بأن سعر استقبال المكالمات 8 ريال وكسور
وسعر إرسال المكالمات 13 ريال وكسوور

ولاعمري شفته بالفاتروة هل هي صحيحة والا نصبه !!!

لكن انا مره ركبت شريحة موبايلي ( شحن ) وليست فاتورة والكلام هذا بشهر اكتوبر وقت الصيد

وكان الشحن اللي موجود 42 ريال
واستقبلت مكالمة وجلست دقيقتين ونص وانقطع الخط بعدها وقلت اكيد الرصيد راااح
وفعلا استعلمت عن الرصيد المتبقي لقيته رياااااال وكسوووور

يعني دقيقتين ونص بـ 41 ريااااال <<< لاحظ انها استقباااااال بس

يعني اتوقع دقيقة استقبال المكالمة من موبايلي شحن = 20 ريال وكسوور بعد

أجل دقيقة الاتصال من موبايلي شحن اتوقع توصل 26 ريال <<< توقع شخصي :)

عاد تصدق اني اليوم رايح ابغير شريحتي الموبايلي من شحن إلى فاتروة :(

بس ما انتبهت إلى تحذيرك الا تو ...

لكن الموضوع مهم جدا ونتمنى ان يكون له اهتمام أكبر

ومشكور وماقصرررت على الموضوووع

والله يعيننا على هالشركات :(

[الصقلاوي]

الله يعينا على اتصالاتنا

[aseer_3uank]

والله انك صادق

انا صار لي مثلك بس بشكل ثاني

شفت زيادة في الفاتورة 360 ريال ودخلت الموقع ومثلك بالظبط ما فية تفاصيل عنها وكلمت 1100 وقالو مش واضحة معنا

وجلست اسبوع ابيهم يرسلون الفاتورة على ايميلي وهم يقولون رسلنا وهي ماتوصل وكلمتهم ممكن 10 مرات ابيهم يرسولنها وهم يكذبون ويقولن رسلناها

المهم رحت الفرع حقهم لاني ادري انهم مايبون اشوفها واغلب ربعنا يتكيسل يروح الفرع

وطبعو لي الفاتورة

واشوفها اني دخلت على الانترنت وانا في الامارات واستهلكت ربع ميجا 250 كيلو بايت والله العضيم يا جماعة اني ماكذب وهذا جد

360 تقريبا علشان ربع ميجا وانا ماذكر فتحتة

بس حتى لو فتحتة ماتوصل كذاااااا قلتلهم طيب ممكن اكون فتحتة بكم الميجا عندكم في الامرات قالو 80 ريال قلتلهم طيب يعني ربع ميجا 20 ريال قالو صح قلت لية 360 قالو ماندري ادفع وانت ساكت

وسويت مطالبة ورفضو قالو المبلغ صحيح

قلت لهم ابي مسؤل المطالبات اكلمة علشان يفهمني قالو خلاص بيكلم خلال 24 ساعة

والله العضيم لي 10 ايام ماحد كلمني

ومستعد اصور الفاتورة واحط رقمي للي مو مصدق

موبايلي عالم من الاحتيال من جد

[راعي القمراء]

الله لايلوم البنقاله بسرقة التلفونات

[هواوي صيد]

إلى هذا اليوم لم احصل على الفاتورة

للتأكد من عملية نصبهم علي

[ماجد 9]

ياناس استخدموا شريحة سوا عن لعب الشركات

انا لي سنتين استخدم سوا ولا شفت شي

[الهمر]

انا استخدم شريحة الاتصالات المفوترة

سعر الدقيقة 12 ريال
ولو قفلت قبل الدقيقة مثلا 45 ثانية
تحسب 6 ريالات

والاستقبال تقريبا 9 ريالات الدقيقة

وماشيء معهم سلام سلام

[قميري المنتدئ]

يارجال كلها تلاعب بتلاعب اجل قد شفتوا واحد فاتورته 16 الف ب4 شهور تقريبا مع ان حدي الاتماني الف ريال

[حسين السبيعي]

شركة نصب وحتيال وانا احد ضحايها اشتركة فيها اول مطلعة وبعد مده الغيت اشتراكي بعمل تصفيه وبعد سنه جاني على البريد فواتير كلمة 1100 قالو راجع الفرع رجعة فرع طريق الملك عبدالله الرياض قالو يوجدعليك مبلغ 1300 بعد اخذ ورد وهواش في الصاله وطبعاً قدام الجمهور قالو تعال نتفاهم في المكتب رفضة وقلت خل الناس تشوف نصبكم قالو قدم شكوى ونرفعها لمجلس الشركه رفعة الشكوى وبعد شهر تم خصم 700 وقالو الباقي تدفعه ويتم فصل الخدمه نهائي دفعة المبلغ واخذت مخلصه من حوالي 6 اشهر حولة خطي سواء الى موبايلي مفوتر عشان النت ولكن بعد شهرين من الشتراك تخرت في السداد يومين وتم فصل الخدمه عني وبعد يومين من فصل الخدمه سدادة الفاتوره وكان المبلغ 500 ريال ولم تعاد الخدمه وعند مكالمتي 1100 قالو يوجدعليك مبلغ اخر تخيلو تم اضافة مبلغ على الرقم الفصول من 3 سنوات ذهبت الى مكتب موبايلي وبعد صياح وهواش قلت انا عندي المخلصه القديمه وبشتكيكم اعادو الخدمه المشكله ياشباب ان المخالصه ضيعتها وهم قالو جب المخالصه نشوفه وش السوات بريكم

[مزون المدينه]

الله يعينك ... والله أنا عندي موبايلي سنتين ماشيه معي صح ..

[مطنوخ مطانيخ]

الله يعين بس أخوي
والله من وين ماتوجه نصب في نصب
لارقابة ولاهم يحزنون..
أنا بس أبي أعرف وين هيئة الإتصالات عنهم؟

تقبل مروري ومؤازرتي:)

[هواوي صيد]

بعد ان ظهرت تفاصيل الفاتوره
أولا:
طلع عندي مكالمتين استقبال من شريحة موبايلي مدتها 2.06 دقيقه بقيمة 90 ريال
ومكالمة استقبال من موبايلي ايضا مدتها 16 ثانية بقيمة 30 ريال

ثانيا :

مكالمه صادرة لجوال الاتصالات مدتها 11 ثانية بقيمة 15 ريال
ومكالمه صادره لموبايلي مدتها 1:03 دقيقه بقيمة 30 ريال

إجمالي المبلغ 165 ريال

ذهبت إلى مكتب موبايلي وقدمت شكوى
قالوا راح يتصلون عليك 1100
جاتني منهم رساله ودقيت عليهم افادوني ان انتظر الفاتوره لين تصدر

قلت الفاتوره صادره قالوا نسوي لك طلب جديد قلت طيب

سووا لي طلب وبعد يومين جاتني رساله نصها : عزيز العميل تم التأكد من صحة القيمة المستحقة

دقيت عليهم قالوا انك مستخدم شبكة الثريا حقت الامارات

قلت يا اخواني انا بالسعوديه ما سافرت

قال الموظف والله هذا اللي طلع عندي

المفروض انك مختار الشبكة يدوي

وتختار السعوديه ( احد سمع بهالكلام )؟؟ !!

قلت طيب انا معترض على كلامكم

لأن ماهو منطقي قال عندك الموقع قدم شكوى

اليوم بسوي شكوى لهم على الموقع واشوف وش يطلع معي

وافيدكم ان شاء الله

إضاءة :

كل ما اكلم موظف من موبايلي يقول لي الدقيقه 4.40 ريال وقت الذروة و 3.70 خارج اوقات الذروة

[هواوي صيد]

بحثت كثيرا في موقع الشركة لتقديم شكوى
ولم أجد أية أيقونه تدل على ذلك

ماهو الحل؟؟

[TheHunter]

اليوم لقيت فاتورتي 14 الف ريال في اربع شهور ةدي الأتماني الف ريال

[هواوي صيد]

:eek: 14000

انا اشكي من مشكلتي ولا زلت اتابعها بدون نتيجه واضحة

والهدف ليس المبلغ بس الكذب والاستغلال


صدق من شف مصيبة غيره هانت عليه مصيبته

الله يعينك اخوي الصياد واكيد تبي تواجه من النصب والاعذار

اللي مالها داعي


آخر عذر قالوه لي :: قالوا انت مستخدم شبكة الإمارات وانا ما تعديت السعودي شبر

ربك ما يضيع احد

حسبنا الله ونعم الوكيل

[escape_man]

الفواتير الدولية واجور الاقمار الصناعية تاخذ وقت للانها ترسل الى جهة دولية معنية بتنظيم حقوق شركات الاتصالات بالعالم واتوقع انها بهولندا .. ناسي حاليا ..

اي فاتور بين مشغل ومشغل اجبي ترسل لهم ..

فطبيعي انك ماتلاقيها بفاتورتك حالياً او انها تتأخر

[صافي المشرب]

هههههههه

لا تنصدمون من الكذبات والنصبات اللي بتجيكم

لا بعد منتب ماخذين منهم لا حق ولا باطل

أنا شفطوا مني 100 ريال ولا حولوها الى ا جيجا وبعدين قال

انت دخلت على النت من غير ما تحولها وانا ما اتصلت بها اصلا

[السياطي]

يعطيك العافيه اخوي على الموضوع

انا اخذت شريحة موبايلي من احد المكاتب وفهمت الموظف اني ابيها لجهاز الثريا

وقال شغاله 100% بمبلغ 75 ريال وخذيت جهاز ثريا جديد ومشخص ابي اتصل وانا بالبر

ولم استطيع الأتصال وبعد اسبوع عندما رجعت رجعت لنفس المكتب وشرحت له الموضوع وقال مستحيل

قلت هذا اللي حصل معي ودخل على الجهاز وقال رصيدك ما يسمح ان تتصل قلت كم الرصيد قال 7 ريالات

قلت وين راح الباقي قال ما اعرف شي قال ما معي صلحيه بالدخول بس جرب انك تشحنها ثاني مره وحاول

قلت على حساب من قال على حسابك قلت كل الشريحه ما ابيها انتم تضحكون علينا

وسلامتكم

ورحت اشتريت شريحة الثريا وريحت راسي

[BTROLY]

الله يكون بعون جميع الأخوان أنا العام لهطوني الاتصالات لهطه يحبها قلبك وخلها على الله

بس ابي اوضح نقطه فاهمها البعض خطأ ولاتفهمون أني ادافع عن الشركتين

قول الأخ هواوي صيد
كل ما اكلم موظف من موبايلي يقول لي الدقيقه 4.40 ريال وقت الذروة و 3.70 خارج اوقات الذروة

هذا السعر لما تكون بجوالك الموبايلي وشابك على ابراج موبايلي تتصل على شريحة رقم ثريا وهذا كلام موظف موبايلي لي لكن يمكن الوظف اللي رد عليك مبروك حال

أما قولتك """قلت يا اخواني انا بالسعوديه ما سافرت """ فهذي تطلع بالنظام أنك بالامارات لانك شابك على القمر فما يدرون وين أنت بأي مكان بالارض لما تكون شابك على القمر يبي يبين لهم انك بالامارات سواء موبايلي أو الاتصالات أو أي شركه بينها وبين الثريا اتفاقية

أخيرا أتمنى تكون وضحت الصورة والله يعوض الصابرين خير

[شقاوي بر]

انا قبلك انلسعت لين قلت امين
الزبدة اناحاليا استخدم الرسائل فقط ولا اتصل ولا اردعلى احد بس رسائل بس نفسي اعرف كم سعر الرسالة