أيـن ؟؟ ويـن ؟؟ فـين ؟؟ أحصل أكياس الشاهي (( الـفارغـة )) ؟؟ مثل اللي بهـ(الصور) !!

[فايز العامر]

السلام عليكم ورحمة الله وبركاته



.. سبحان الله وبحمد سبحان الله العظيم ..

خاطرة بسيطة قبل أدخل في الموضوع:


أذكر في كذا موضوع أقرأ سؤال في العنوان يعني صاحب الموضوع يسال عن شي، وأدخل لأن السؤال حلو، واكيد في الإجابة الشافية شي نسفتيد منه، ولكن اللي يرفع ضغطي هو ردود بعض الأعضاء ( الشباب يفيدونك ) ( لو كان عندي معلومة كان جابوبتك) وهكذا :mad:
ودي أمسك واحد منهم واسأله ليش رديت؟إذا كنت تبغى تشترك في الموضوع عشان مايفوت عليك بعدين وتحصله في لوحة التحكم حقتك، ترى تقدر بدون ترد على الموضوع، أو تبغى تكثر مشاركاتك؟




علشان مانطلع من الموضوع، ودي اسأل عن أكياس الشاهي الكبيرة اللي يحطونها أصحاب ( الكوفي شوب )، وتجي فاضية ويعبونها.


مثل اللي في الصور:


http://ecx.images-amazon.com/images/I/21lzXRG4dnL._SL500_AA200_.jpg




http://www.crazyfortea.com/images/emptyteabag.jpg



http://afeatheradrift.files.wordpress.com/2009/04/tea-bags.jpg







لها فوائد كثيرة جداً خصوصاً للشاهي التلقيمة مثل الربيع وأبو جبل أو الشاهي البودرة مثل الكبوس ،، ولكن وين نحصلها ..


دورتها في بنده وعند الرفاعي وعند مملكة الشواهي وغيرهم ولاحصلتها وكلهم مايدرون وين أحصلها أو مايعرفونها أصلاً ..




الله يستر من اللي يعاندون بالردود :D

[القنـاص2008]

شوف محلات اللي يبيعون الشاي الاخضر متخصصين فية

[بن معدل]

اتوقع تلقاها في هايبر بندة

[أبو براك]

حياك الله اخي الكريم

يوجد كرة للشاي فقط وانصح باستخدامها لانها عملية اكثر

ومتوفرة بالاسواق المركزيه بانواع مختلفه

وهذه بعض الصور لاحد الانواع

http://www.mekshat.com/pix/upload03/images132/mk23101_1234.jpg

-

http://www.mekshat.com/pix/upload03/images132/mk23101_12345.jpg

[عالي النبره]

هلا اخوي رعاد فيه محل ياباني اسمه (دايسو ) له فرع في العثيم مول الي على طريق خريص اتوقع انك بتلقاه عندهم بس تاكد اول من محلات بيع الشاهي مثل ما قالو الاخوان قبل

[ابوخالد2004]

ادخل قوقل وكتب (( محلات بيع أكياس الشاهي)) وتحصل الي انت تبي

[الرأي الآخر]

سبق لي ان شريت اكياس شاي فارغة من محل الشاي الالماني
وهو موجود في سوق هايبر بندة طريق الملك فهد شمال
هذا قبل اقل من سنة

[نواف نجد]

الشباب يفيدونك
ههههههههههههههههه
دورها عند محلات ابو ريالين وتلقى الكره

اتمنى اني اكون افدتك

[البرفسر]

اول مره اعرف بهذه النوعيه

يعطيك العافيه على هالمعلومه

[فايز العامر]

شوف محلات اللي يبيعون الشاي الاخضر متخصصين فية

للاسف ماحصلت عندهم، يمكن في بعضهم يبيعه ..

[فايز العامر]

ان شاء الله الشباب يفيدونك
هههههههههههه
حبيت ارفع ضغطك

يازينك الصبح بس أنواع التناحة :dance:

[فايز العامر]

اتوقع تلقاها في هايبر بندة

جزاك الله خير ..

وين في هايبربنده؟

[فايز العامر]

الشباب يفيدونك ههههههههه

مشكلتك عندك ناس تحب المشاكل والمعاند :)

وسع صدرك بس

طبيعي ،، ماذكرت هالنوع إلا وأنا متأكد أن اللي بيردون من الشباب معاند بس :) .. عموماً مايمنع المزح والضحك .. :D

الله يوسع صدرك بالطاعة ..

[فايز العامر]

حياك الله اخي الكريم

يوجد كرة للشاي فقط وانصح باستخدامها لانها عملية اكثر
ومتوفرة بالاسواق المركزيه بانواع مختلفه
وهذه بعض الصور لاحد الانواع


http://www.mekshat.com/pix/upload03/images132/mk23101_1234.jpg


-







الله يعطيك العافية أبو براك ،،

أعتقد هذا النوع ممتاز للأباريق، وعندي أبريق ستيل فيه شخال من أفضل الأباريق اللي مرت علي، ولكن ماتصلح للأكواب، ولا لمكينة القهوة بعد تغييرها إلى الشاهي مثل اللي بالصورة هذي ( هنا (http://www.coffeegrinders.info/images/pictures/10cup-cuisinart-grind-and-brew-automatic-coffee-maker-(dgb300).gif) ) ..

شكراً على الفائدة ..

[فايز العامر]

هلا اخوي رعاد فيه محل ياباني اسمه (دايسو ) له فرع في العثيم مول الي على طريق خريص اتوقع انك بتلقاه عندهم بس تاكد اول من محلات بيع الشاهي مثل ما قالو الاخوان قبل


عالي النبره ،، مشكور على الرد المفيد ..

تحيتي ..

[فايز العامر]

ادخل قوقل وكتب (( محلات بيع أكياس الشاهي)) وتحصل الي انت تبي


كتبت نفس الكلام ،، وطلع لي موضوعين

الأول موضوعي هذا ،، والموضوع الثاني بعد في مكشات ،، وفيه فائدة ..


شكراً لك ابوخالد2004 ..

[على همان]

ان شاء الله راح تلقاها عند التميمي (السيفوي)

[الحر الاول]

أخوي رعاد ..
انا اللي ابي افيدك - ان شاء الله -
شف يالحبيب الشغلة ما تستاهل تدور وتروح وتجي وتلقى وما تلقى !!!
عدة بسيطة جدا :
- مر المكتبة وخذ لك دباسة صغيرة ودبابيس صغار مرررره ..
- مر محل اقمشة وشف لك قماش قطني خفيف مشوخل ..
- خيط تدبسه بعد ما تعبي عبواتك ..
قصقصة بسيطة وتدبيس وبتلاقي عندك مطلوبك ..
وشاي منعش يا بعدي ..

[درباس فرناس]

توجد انواع اكبر من الي تقول خاصة للقهوة توضع داخل الكوب ثم تسكب القهوة التركية عليها حتى تصفيها وأنا استعملها بكثرة وتباع لدى محلات بندة والسدحان وتجدها بجوار علب القهوة النسكافية وعلبتها خضراء والاوراق داخلها مقصوصة بشكل مخروطي حتى تناسب الاكواب وفيها انواع صغيرة وانواع كبيرة ...

[فيصل التميمي]

مثل ماقال الشباب يمكن محلات الشاهي الاخضر

[باثفندر]

شوف الشباب يمكن يفيدونك ،،، هههههههههههه ،،، رفعنا ضغطك صح ،،،،، امزح ولاتشيل بخاطرك ،،،

انا منيب قايل يمكن او تلقاها او غيره ،،،، انا اقول انت وين موقعك ،، أتوقع الرياض ،

الزبدة في الشرقية أكيد عند قهوة الطريق ،،، ماادري يمكن له فروع بالرياض ،

[السارحي]

محلات دايسو انا دائما اشتريه منهم ويوجد اشكال عديده



.

[fahad2006]

اخوي رعاد انا اليوم شاريها من دايسو في الكويت

[صمت الاحساس]

اخوي رعاد
انا اخذتها من دايسو قبل شهرين

[البطر1ن]

الظاهر أن أبوبراك جابها لك من الأخر
وإذا أنت من أهل الشرقية شف عندك ركن الشاي الأخضر عند تسجيلات القادسية يمكن عندهم

[درباس فرناس]

محلات دايسو
اول مرة اسمع هذا المحل
هل له فرع في الرياض ...............؟

[Raselny]

محلات دايسو
اول مرة اسمع هذا المحل
هل له فرع في الرياض ...............؟

له فرع في العثيم مول الي على طريق خريص

[كائن حي]

أخوي ما تلاحظ أن الجواب موجود في السؤال!!!:D


((ودي اسأل عن أكياس الشاهي الكبيرة اللي يحطونها أصحاب ( الكوفي شوب )، وتجي فاضية ويعبونها.))


شف لك صاحب كوفي شوب وأسأله عن الأكياس , أو أشترها من عندهم إذا عطوك سعر مناسب لك
للمعلومية أحياناً الواحد يشتري حاجة ماتباع إلا بكمية كبيرة ويستخدم منها شيء بسيط ثم الله يخلف على الباقي (يعني على بزه بس )
والله يوفقك


وعلى فكرة فيه شاي وفي ربيع :good2:

[ERIC7]

والله اول مره ارد على غير سنع بس جازت لي السالفه انشاء الله الشباب يفدونك
انا اقول وش يبون ذولا اليي يرد من هالردود لاكن نلتمس لهم العذر برفع الموضوع
على العموم اتذكر قد لقيتها عند عطار جنب الحياله
متخصص في الشاهي الاخضر بالذات لاكن هالكلام منذ مبطي والله يسهل امرك
بالنسبه للكوره اللي طرحها ابو براك مشرفنا العالي ما عندي خلفيه عنها لاكن من رد احد الاخوان انها عند
ابو ريالين يعني انحش لانها تبي تصدي عليك الا ان كانت من ماده مقاومه والله اعلم .

[فايز العامر]

اشكر الشباب واحد واحد على الردود الجميلة ،،

خصوصاً اللي افادوني بالمحل ..

تحيتي ..

[عاشق النفووود]

هلا اخوي رعاد فيه محل ياباني اسمه (دايسو ) له فرع في العثيم مول الي على طريق خريص اتوقع انك بتلقاه عندهم بس تاكد اول من محلات بيع الشاهي مثل ما قالو الاخوان قبل




نعم صحيح بفرع دايسو لقيتها امس عندهم
وسعر الكيس فيه مجموعه تزيد عن 20 حبه
7 ريال فقط
ويوجد لديهم احجام مختلفه

بالتوفيق

[ebn-aljazerh]

أنا دورت لك وسمحلي على القصور
أدخل هذا الرابط
http://www.englishteastore.com/tsac.html

[دغيم1]

السلام عليكم ورحمة الله وبركاته
حياك الله أخوي
رعاد
دوما مانبحث عن أشياء نرغبها ويغيب عن بالنا مكان بيعها
وعند سؤال من يتعامل معها لانجد الإجابة
وذلك أن العامل لايقوم بإحضار التجهيزات ويتوقف دوره على الإعداد
مثل هذه الأشياء غالبا توجد لدى محلات البلاستك والورقيات
وإذا كنت في الرياض
عليك بالمرور على محلات أدوات البلاستك والورقيات والنظافة تحت كوبري غبيرا اللي قبل الصناعية
وأعتقد انك ستجدها بإذن الله
تمنياتي لك بالتوفيق
تحياتي لك

[فايز العامر]

مشكورين مرة أخرى ،،

تميز المنتديات من تميز أعضائها وتفاعلهم مع المواضيع ،،

ولابقى إلا أطب على دايسكي قصدي دايسو واشوف اللي عنده ..

تحيتي للجميع على التفاعل والنصائح الأخوية ..

[فايز العامر]

مشكورين مرة أخرى ،،
تميز المنتديات من تميز أعضائها وتفاعلهم مع المواضيع ،،
ولابقى إلا أطب على دايسكي قصدي دايسو واشوف اللي عنده ..
تحيتي للجميع على التفاعل والنصائح الأخوية ..

طبيت البارح على دايسو في العثيم مول على طريق خريص بحي النسيم، وحصلت عنده أنواع كثيرة جداً من أكياس الشاهي الفارغة أغلى نوع بـ7ريال، واشتريت 5 أنواع بـ32ريال ،، بعض الأكياس فيها 45 كيس وبعضها 20 كيس وبعضها 80كيس ،، والغريب في هالمحل أنك تحصل منتجات كثيرة جداً بل أغلب منتجاته (صنع في اليابان !! made in japan !!) ..

أسأل الله أن يوفق كل من ساعدني في الحصول عليها ..

وشكراً

[ابومحمد 8445]

الاخ رعاد انت وش اللي مضيق صدرك من الشباب لنفرض انه يرغب ان يكثر مشاركاته فيه مشكله عندك (((( من حسن اسلام المرء تركه مالا يعنيه ))))

[فايز العامر]

الاخ رعاد انت وش اللي مضيق صدرك من الشباب لنفرض انه يرغب ان يكثر مشاركاته فيه مشكله عندك (((( من حسن اسلام المرء تركه مالا يعنيه ))))

حياك الله أخوي ,,

نصيحة طيبة من وجه طيب ..

وفعلاً (((( من حسن إسلام المرء تركه مالا يعنيه )))) :cool: ..

[abufahd]

تصدق عاد انا عكسك تماماً انا اللبتون او شاي ربيع المديليات اشق الكيس حقه واكبه بالكاس واصب عليه ماء حار وسكر واحركه والله ياهو يطلع شاي كشري شي

اذا تبي الاكياس الفارغة اجمعهن لك ترى ما عندي مانع هههه امزح معك

[MR.MESHAL]

طبيت البارح على دايسو في العثيم مول على طريق خريص بحي النسيم، وحصلت عنده أنواع كثيرة جداً من أكياس الشاهي الفارغة أغلى نوع بـ7ريال، واشتريت 5 أنواع بـ32ريال ،، بعض الأكياس فيها 45 كيس وبعضها 20 كيس وبعضها 80كيس ،، والغريب في هالمحل أنك تحصل منتجات كثيرة جداً بل أغلب منتجاته (صنع في اليابان !! made in japan !!) ..

أسأل الله أن يوفق كل من ساعدني في الحصول عليها ..

وشكراً

حبيت اعلق على ردك

انت كاتب اغلبها مكتوب صنع في اليابان

لان المحل ياباني و اغراضه يابانية كلها ،، وهو زي ابو ريالين عندنا ،، لاكن هذا ابو ريالين حق اليابان :D

[ايه احبك]

وتبي تنبسط مره اكثر انا اعرف لك المحل الي يبيع الكوره حقت الشاهي .. رح لساكو الي على طريق خريص واول ماتدخل رح يمين للجهه الي فيها الاكواب تلقاها معلقه بجنب الرفوف

[فايز العامر]

تصدق عاد انا عكسك تماماً انا اللبتون او شاي ربيع المديليات اشق الكيس حقه واكبه بالكاس واصب عليه ماء حار وسكر واحركه والله ياهو يطلع شاي كشري شي
اذا تبي الاكياس الفارغة اجمعهن لك ترى ما عندي مانع هههه امزح معك

لولا اختلاف الأذواق لبارت السلع ،، حياك الله أخوي ..

الأكياس هذي احتاجها في أشياء غير الشاهي ..

مثل إذا بغيت أضيف أي نكهة على الإبريق .. أو الكوب ..

[فايز العامر]

حبيت اعلق على ردك

انت كاتب اغلبها مكتوب صنع في اليابان

لان المحل ياباني و اغراضه يابانية كلها ،، وهو زي ابو ريالين عندنا ،، لاكن هذا ابو ريالين حق اليابان :D


نعم وهذا التميز فيه ..

تحيتي ..

[فايز العامر]

وتبي تنبسط مره اكثر انا اعرف لك المحل الي يبيع الكوره حقت الشاهي .. رح لساكو الي على طريق خريص واول ماتدخل رح يمين للجهه الي فيها الاكواب تلقاها معلقه بجنب الرفوف

الله يبسطك بالعافية على الطاعة ..

حصلت في دايسو أنواع وأحجام منها ..

تحيتي ..

[alannaby]

ماتحصلها الا في محلات متخصصة للشاي

[الكايف 888]

السلام عليكم ورحمة الله وبركاته




.. سبحان الله وبحمد سبحان الله العظيم ..

خاطرة بسيطة قبل أدخل في الموضوع:


أذكر في كذا موضوع أقرأ سؤال في العنوان يعني صاحب الموضوع يسال عن شي، وأدخل لأن السؤال حلو، واكيد في الإجابة الشافية شي نسفتيد منه، ولكن اللي يرفع ضغطي هو ردود بعض الأعضاء ( الشباب يفيدونك ) ( لو كان عندي معلومة كان جابوبتك) وهكذا :mad:
ودي أمسك واحد منهم واسأله ليش رديت؟إذا كنت تبغى تشترك في الموضوع عشان مايفوت عليك بعدين وتحصله في لوحة التحكم حقتك، ترى تقدر بدون ترد على الموضوع، أو تبغى تكثر مشاركاتك؟




علشان مانطلع من الموضوع، ودي اسأل عن أكياس الشاهي الكبيرة اللي يحطونها أصحاب ( الكوفي شوب )، وتجي فاضية ويعبونها.


مثل اللي في الصور:


http://ecx.images-amazon.com/images/I/21lzXRG4dnL._SL500_AA200_.jpg




http://www.crazyfortea.com/images/emptyteabag.jpg



http://afeatheradrift.files.wordpress.com/2009/04/tea-bags.jpg







لها فوائد كثيرة جداً خصوصاً للشاهي التلقيمة مثل الربيع وأبو جبل أو الشاهي البودرة مثل الكبوس ،، ولكن وين نحصلها ..


دورتها في بنده وعند الرفاعي وعند مملكة الشواهي وغيرهم ولاحصلتها وكلهم مايدرون وين أحصلها أو مايعرفونها أصلاً ..





الله يستر من اللي يعاندون بالردود :D

هذا اكيد تحصله في محلات دايسون اذا انت بالدمام ابشر اما الرياض اتوقع انه في الرياض قالري

[جساس5]

يفيدونك الاخوان
هههههههههههههههههههههههههههه
ولله امزح