فزعتك يالذيب (عااااجل)

[بوخليفه77]

السلام عليكم ورحمة الله وبركاته

السموحه يا شباب ودي استفيد من الي عنده خبره

عندي سلقه والله اريد اليقها ( ادربها على الجري ) تجري معي وتركب السياره وووووووو عمرها 11شهرالحمدلله جاهزه بس اريد اعرف بعض المعلومات

1ـ ماهو فايدت الحناء للسلق ؟
2ـ كم كيلو اخليها تربع ـ تركض ـ عشان تكون جاهزه ولياقتها تكون فوووول ؟
(( والاهم اريد احصل على ارانب بريه من يقدر يدبرلي وانا في الامارات ))

والي يقدر يفيدني ممكن يتركلي رقمه برساله خاصه وانا بتصل فيه

((( معرفه الرجااال ماتنسام بمال )))

والله يجزيكم الخير ويعطيكم العافيه

تحياتي :confused:

[بن نقا]

هلا بو خليفه أبي أجاوبك من أرشيفي لأن لي سنين وأنا تارك المقناص بالسلق ....
1- فائدة الحناء الظاهر إنه بعد مركاض الوعر تحفا السلقه فيكون الحناء علاج للحفا .....
2- بالنسبة للتركيض أحيان السلوقي ما يعطي كل ماعنده وراء السيارة ... كانت لي طريقه يمكن صحيحة ويمكن لا المهم طريقتي أنا وخويي نطلع للبر بالليل وإذا نزلنا من الأزفلت نزلنا السلق وقعدنا نتمشى بالبر ونسولف إذا لقينا جربوع حصني نخلي السلق تهد عليه وإذا صادته ما تركب نواصل ممشانا والسلق تلحقنا يعني يكون ممشانا من الأربعين وفيها .....
أتمنى إني أكزن أفدتك ......

[قرناس شماالي]

اخوي هاذا المنتدى يمنع بيع الحيونات المهدده بلنقراض
واسلق متركضهن بلكيلو مشهن تمشيه بعد صلاه العصر ورجع
والله يوفقك

[حر الجوف]

الاخوان ما قصروا

[بوخليفه77]

تسلمون ياجماعه على الامعلومات والله يعطيكم الف عااافيه وماقصر اخوي بن نقا بياض وجه
اما بخصوص البيع ممنوع بس كثير نشوف واعتقد انك تشوق ياخوي صيادسكاكا العروض يمكن مش في هذا المنتدى بس في منتديات اخرى
والسموحه من الجميع :)

[رفيق الأمل]

تسلم ياخوي الاخوان في مكشات مايقصرون عليك
وتقبل مروري

[راعي عدلى]

افادوك الرجال لكن الله الله بالجرابيع ان كان قريب منكم اسمكها باليل و فكها الفجر ولا العصر

[الفهد الصبيحي]

ياخواااي جزاك الله خير ممنوع في هاذا المنتدى بيع الحيونااااات المهدده بالانقراااااااض
وما عن تركيضهن يعني مشيهن تمشيه اذا كانت في البدايه وبعدين اشوي اشوي لين ما تاصل خمس الى ستة كيلو <من وجهت نضري>
تقبل مروروي

[راقي وكلي ذوق]

اقول صلو علا النبي اللهم صلي على محمد

[ابو تمام]

لك رساله على الخاص أبوخليفه

[قناص الخبر]

ماقصروا الشباب
تقبل مروري

[بوخليفه77]

هلابكم اخواني
كل من ردعلى بافاده او بمرور الله يعطيكم الف عاااافيه

تحياتي للجميع

[ابوسعودالسهلي]

سلام عليكم : اخوي بو خليفه
الله لايهينك حرض عنك قريبه فيها ارانب وانا بنفسي قانصها رح وراح تحصل
صدقني الاخوان مراح يقصرون معك وشكرآ.

[بوخليفه77]

سلام عليكم : اخوي بو خليفه
الله لايهينك حرض عنك قريبه فيها ارانب وانا بنفسي قانصها رح وراح تحصل
صدقني الاخوان مراح يقصرون معك وشكرآ.


وعليكم السلام ورحمة الله وبركاته
هلابك اخوي وماقصرت بالافاده واكيد الاخوان ما راح يقصرون

تسلم
تحياتـــي

[خطّاف الأدهم]

بالنسبه للتركيض
ركضه كل يوم ثلاث كيلوات وبعدها مباشره جهز له سطل ماء ورش عليه وخله يشرب
والحناء مثل ما قالوا الأخوان إذا تقرحت أقدام السلوقي وصارت تنزف أفضل طريقة لبرء القرح هو الحناء
وسلامتكم

[القناص 19]

انشاء الله يفيدونك اهل الخبره

وانا والله م اعرف عنه

تقبل مروري

[ابوعبدالله خا]

ماقصرو الاخوان ولاخ صاهود جاب الحل الامثل وصحيح مائه في مائه
تقبل مروري

[بوخليفه77]

تسلمون ياجمعه على المشاركه والردود بدون تحديد احد
ويشكر من افادني

تحياتي للجميع

[النشاش]

بيض الله وجيهكم ياهل الشوزل الاستراليه

[بوسيف 22]

يا بو خليفه الحنا مثل ما قالوولك الربع علاج وثانين تبرد على السلق يعني تبرد عضمه وقت الطرد وعلى التركييض ركضهم على راحتهم وحته لو تمشي معاهم مشي بعد زيين وتخلييهم يلعبوون مرتيين فلسبووع بعد شي جييد المهم انهم ما يربضوون وكله جالسين خلهم يتحركوون علشان العضل يتم مثل ماهو

[بوسيف 22]

يا بو خليفه الحنا مثل ما قالوولك الربع علاج وثانين تبرد على السلق يعني تبرد عضمه وقت الطرد وعلى التركييض ركضهم على راحتهم وحته لو تمشي معاهم مشي بعد زيين وتخلييهم يلعبوون مرتيين فلسبووع بعد شي جييد المهم انهم ما يربضوون وكله جالسين خلهم يتحركوون علشان العضل يتم مثل ماهو